112句分手最唔想聽到既說話
1. 你爭我果D錢幾時還呀？
2. 其實我忍左你好耐架喇
3. 我仲未玩夠呀
4. 嘿嘿嘿嘿~你實在太天真喇，小妹妹﹗
5. 我同你玩下架咋，你唔好咁認真啦﹗
6. 我唔想再同你講野
7. 我求下你放過我啦﹗
8. 我同過你拍拖，你算執到啦
9. 我以後都唔想再見到你呀
10. 我已經好努力架喇，但係我真係忘記唔到XXX囉
11. 唔該你以後唔好再搵我呀
12. 我地根本連FRIEND都不如囉
13. 幾時上黎執埋D野呀？
14. 你唔使再解釋喇，你而家講乜都無用架喇
15. 究竟你仲想我點呀？
16. 其實…我鍾意左第二個
17. 係我配你唔起，你DESERVE一個仲好D架
18. 而家係我同你講分手架，唔係你同我講分手呀﹗你記住呀﹗
19. 你真係好幼稚呀~成熟D啦
20. 所有野已經唔同晒架喇
21. 我有一個阿媽就夠架喇
22. 我真係唔想第時BB個爸爸係你囉
23. 我前世係咪欠左你呢？
24. 我一路都好俾心機愛你架，係你唔俾機會我愛你咋﹗
25. 我身邊果D人呀，全部都好唔明點解我會同你拍拖架﹗
26. 你返屋企攝高枕頭反省下啦﹗
27. 你再係咁落去，你一世都搵唔到真愛呀﹗
28. 我天生就係咁架啦﹗我係唔會為任何人改變架
29. 唔鍾意咪走囉~無人留你架
30. 你究竟係唔係聽唔明廣東話呀？點解我講極你都唔明架？
31. 你醒下~你醒下呀喂﹗
32. （兜巴星過去對方度）
33. 我都唔明點解我地會搞成咁樣架…
34. 係你逼我架﹗我唔想架﹗
35. 你知唔知自己好煩呀？
36. 由呢一刻開始，我還我，你還你﹗
37. 同你一齊真係好辛苦囉﹗
38. 做乜o者？咩咁大件事喎家下？SO WHAT﹗
39. 你仲想喊到幾時呀？
40. 我既野以後唔使你理呀﹗
41. 我都未見過D人好似你咁衰架﹗
42. 識到你真係冤業呀﹗
43. 你根本就唔明白乜野係愛情
44. 唔出聲即係點o者？
45. 我同你係好開心，不過唔開心既時間仲多呀
46. 你以為你自己係咩呀？
47. 原來響我生命之中，有好多野係比你更加重要架﹗
48. 你由頭到尾都無理到我感受
49. 你咩野新鮮蘿蔔皮呀？你以為我會同你一生一世咩？
50. 我玩你架咋傻仔﹗
51. 你估真係有情飲水飽咩﹗
52. 你唔好再同我黎呢套﹗你唔好再同我響度做戲﹗
53. 你既大話我已經聽夠喇﹗你仲想呃我呃到幾時呀？
54. 我同你一齊咁耐，我黑左咁耐呀﹗你根本就係湯豬鄧﹗
55. 你點對我，我咪點對返你囉﹗
56. 喂，你上次生日果陣呢，咪送左XXX俾你既…你可唔可以俾返我呀？
57. 我為左責任先同你一齊咁耐架咋﹗
58. 你已經再無利用價值喇﹗
59. 我同你一齊，都係貪你蠢咋﹗
60. 你就當我無同你拍過拖啦…
61. 你同我，根本就係一個錯黎架﹗
62. 你錯在太完美喇﹗
63. 上天唔俾我地響埋一齊，一定有佢既原因既﹗
64. 我走左之後，你千祈唔好太掛住我呀
65. 我都有FEELINGS架
66. 愛情呢D遊戲，我玩唔起
67. 我怕我會踩得太深…你根本就唔明白，愛一個人既痛苦﹗
68. 同我一齊，會害左你架﹗
69. 俾返條鎖匙我丫﹗
70. 愛一個人，唔等於擁有架﹗
71. 當我第時玩夠既時候，我就會返黎娶你架喇﹗
72. 你個人咁好，一定有好多人搶住要架﹗
73. 只怪我無呢種福分
74. 我雖然係一個好情人，但係我永遠都唔係一個好老公
75. 其實，我係同性戀架…
76. 對唔住呀~對唔住呀~真係對唔住呀~對唔住呀~
77. 其實，我係一個浪子
78. 你唔好為我，放棄左整個森林丫
79. 我唔值得咁愛我架
80. 原來我，一路都睇錯左你﹗
81. 我屋企，唔俾我同你響埋一齊呀
82. 我都唔想同你分手架…不過一切，都係逼於無奈架~
83. 我就係因為太愛你，所以先要離開你…你明唔明丫？
84. 其實…你同XXX咪仲襯…
85. 我唔忍心睇住你為我付出咁多呀
86. 我地根本係兩個世界既人…算吧啦
87. 唔好咁啦，勉強無幸福架
88. 一切都已經過去架喇，時間一過左，點追都追唔返…
89. 不在乎天長地久，只在乎曾經擁有
90. 你唔好再自己呃自己喇，我地已經再無可能架喇﹗
91. 呢一刻，我都係想以事業為重
92. 我已經好累架喇…
93. 你跟住我，我俾唔到幸福你架﹗
94. 你就等我地呢一段咁美好既回憶，永遠、永遠，埋藏響你內心既深處丫
95. 有緣既話，可能第時我地會再響返埋一齊呢
96. 我終於都遇到真愛喇，我諗你會祝福我地架呵？
97. 我係一隻無腳既雀仔，一秒都停唔到落黎架
98. 其實我同你拍左拖無幾耐就想同你散架啦
99. 嘩~講左出黎呀，真係成身都舒服晒呀﹗
100. 你根本就係一個惡夢黎既
101. 連阿邊個邊個呀，都話我地應該散呀﹗
102. 你估淨係得你一個唔開心呀？我仲唔開心過你十倍呀﹗
103. 其實我咁樣做，完完全全都係為左你架咋﹗
104. 你究竟講完未架？我趕時間架阿姐﹗
105. SHUT UP﹗
106. 就算全世界既女人死晒，我都唔會再同你響返埋一齊呀﹗
107. 拿﹗唔好咁唔開心住先﹗不如我地向好果方面睇下丫﹗
108. XXX，有D野要黎既，始終都要黎既…
109. 唔好掂我呀﹗
110. 我咁樣對你﹗我根本就唔係人﹗我係禽獸﹗
111. 今次係我同你過既最後一個XX節，希望你會記住…XX節快樂﹗
112. 其實我已經有老婆架喇﹗
113. 我根本就從來無鍾意過你﹗
|
