落左咁多日雨,今日終於都雨過天晴喇~

尋日訓得好好,今蕉成11點半先起身...

換左套衫,落街買早餐...←早餐?already12點lu....當lunch  la^^

諗住去大家樂,又鬼咁多人..唔想等,去酒樓買左一盒叉燒飯...

好好味呀~maybe係太耐無食lu....

then無乜好做....去逛逛書局....

買左一本"我的鄰座是愛人",$55咋...勁爆好睇喎....

返黎果陣,見到兩個小學同學嘅daddy&mammy...

佢地好好傾咁喎~唔通嗰件事係真嘅...

算啦,都唔關我事...

呢排好悶呀~bye~

雖然尋日好夜自訓,但今蕉6:30就起身,仲早過平時返學...唔知點解?硬係訓唔到...

喺床到睇左一陣書就開機,on左msn發現佢仲喺到。←原來佢整晚都無訓.....勁呀~

傾左一陣,都無罵交,奇蹟~then佢問我做緊乜....叫我同佢一齊去保良局喎~

心諗自己又未去過,又無野做,就應承左佢lu...←其實以前有諗過想去保良局住下架....好白痴~

約左佢喺MTR STATION到等,然後搭TAXI去。←BE LATE  要成$146,好彩唔洗我俾咋...

去到嗰陣,唔知點解有種好不安嘅感覺...好想走...但唔得...

入面好臭呀~MAYBE係我嘅錯覺....THEN去王MISS間房,聽佢講廢話...無聊得很..

then去3號房同d細佬一齊玩,玩玩下,我唔小心整喊一個小男生,幾驚會俾人罵。

然後佢俾左一粒糖個男仔,就唔喊,乜d人咁貪食架....不過都好,好驚佢會喊到唔收聲....

唔同佢地玩lu,去睇bb。原來佢地全部都係俾人拋棄,個個都好q,都唔知d人做咩唔要佢地...突然想喊tim...

我謂左一個bb飲奶,見到佢飲晒d奶,好有滿足感...唔知點幫"掃風",俾番d人。

去睇佢地讀書,佢地讀得好開心架...唔似得我,提起讀書就想死...

之後做埋小老師,教佢地數學,係兩位數加兩位數,好easy。但講左好耐佢地都唔識,終於知道做老師係唔易...

差唔多兜晒成間野,就走lu...唔係好想走tim,唔捨得d bb呀,臨走都要睇下個bb,佢飲完奶訓左....失望...

跟住同偉一齊走,當然又係佢俾$啦...

開返部電話,佢sd左個短訊黎,算啦,其實我都無嬲過你.....

anyway,我今日好開心呀,希望以後仲可以黎啦.....

today對晒卷lu...

總結今次嘅成績係:一個字:差

差到呀媽都唔認得....

派咩科就肥咩科,好恐怖....有d科都幾好嘅.....不過拉埋test就.....

對緊卷嗰陣,老鼠同我地講有紅雨but唔俾我地走,

因為學校係最安全嘅地方..最安全嘅地方係最危險嘅地方?

第一次喺出面lunch,又係去明記....食左碗麵,好飽呀.....

then對埋putonghau&chinese....搞掂晒....

到朗誦比賽,我班bobo出賽,勁呀...拎到第二,都好好架喇..bobo讀得好好架...無人能及,1B大晒~好野~

放學嗰陣,又見到佢喇~好想問佢,但叫我點開口...

唔同佢搭同架車,寧願等耐D...

食完飯,玩MSN,又同偉罵交,不過都好開心。由細玩到大,唔通唔知你諗乜咩?呵呵~

唉~終於都對卷喇~

I.S,........要肥嘅始終都係要肥.....

我已經對呢科徹底放棄LU.....

ENG,唔好提喇....

好悶呀~

日日都落雨,想出街又唔得...

搞到人地咩心情都無晒喇...

唉~再係咁留喺屋企,我唔悶死都肥死啦...

尋日食左成大杯雪糕,今日又狂食朱古力...唉~

都唔知邊個咁衰整咁多呢d害人嘅野,又要整到咁鬼好食喎...

本來而家嘅我應該喺學校練緊歌,但係唔見左份譜,驚會俾隻青蛙罵,唔返lu...

聽日先返啦...至多一封家長信,我病左囉..你吹得我脹咩?

聽日對卷喇~好驚呀~