考左eng paper 1,唔知原來係comp,以為係GE,狂串字,搞到無溫ＨＩＳＴＯＲＹ．．．．

返到學校，知道溫錯書之後，已經好努力咁溫返ＨＩＳＴＯＹ，但一切都太遲喇．．．

今次嘅ＨＩＳＴＯＲＹ，加加埋埋都唔知有冇２０分。我死得喇∼天呀！做咩要咁玩我喎，人地溫得咁辛苦嘅　　　　ＯＬＹＭＰＩＣ　ＧＡＭＥＳ一題都唔問，嗰Ｄ　ＥＧＹＰＴＩＡＮＳ就題題都係，唔公平呀∼！！！！

點解Ｄ日子過得咁慢架．．．

今日考左中,英,數三科嘅學科測驗,中英文都算ok,但數學就......死得。

仲有8日就考完,加油~!

點解今日要放假,突然好想今日返去r.m102上堂。

諗返第一日成為中學生,呢段時候真係好似發左埸夢。係好夢定係惡夢,唔知呀~

起初,喺呢班,我真係覺得好慘,只係識黃怡同yoyo,我覺得好孤獨。日日返到屋企都喺到喊,媽咪問,都話無事,嗰時,真係好辛苦架。但係漸漸地,我就識到一班best fd,(唔知佢地當唔當我係呢)我有無事都永遠係我身邊。雖然我地有爭吵過,但係唔吵過嘅都唔可以做到fd啦,何況係best fd tim喎~

我知道我d脾氣好差,成日都亂發脾氣,嬲呢個嬲嗰個,你地就成日就我,其實我係知架,邊個對我好對我差,邊個係真心邊個係假意,我乜都知。我承認,我曾經試過累話過你,但呢d都係悔氣話,唔係真心架。對唔住!!而家要同你地分開,千萬個唔捨得。或者我地已經無可能再同班,但無論點,我都希望我地係好朋友。

吳老師,mrs chan,mrs chung,ms wu ,mr wong,mrs chow,mrs chan,ms law,mr li,mrs lo,mr ding,喺呢一年,多謝你教我地,我地嘅懶散,我地嘅成績.....都令係地好嬲。每次學業上有問題,都會賴你地,從未自我反醒過,對唔住,對唔住,對唔住呀......我知我而家講都無用,但我.....唔知有咩可以做到。

聽日就考試,我唔知我可唔可以應付到,但我一定會俾心機,我唔會令你地失望~我要講俾你地知,我係得架~

最後一日F.1b,102嘅課室上堂,都幾緊張下。今日咩都好積極,好投入。

PE.打volleyball,好開心,又可以玩lu。到最後嘅十幾分鐘,12個人一組,玩對打,超正。第一球由我開心,企喺黃線後面,拋起個玻,雙手打出去,個玻彈到好高,佢地當然係接唔到啦,咁就有1 分,勁呀!ms.wong同我地計分,1:0,2:0....6:0,我地領先,但係ms.wong計計下就無計,幾球之後,ms.wong問我地邊隊贏,點次對面嘅小矮人話"we win already"聽完之後真係好想一野打爆佢個頭呀~

普通話.mmlc,好忙,要做英文功課。history.revision,好似過得好快。

eng.好唔捨得mrs.chan,原來佢真係對我地好好架,雖然佢平時係好惡咁罵我地,但係都係想我地俾心機啫。仲有2分鐘就lunch,但係佢一聽到我地仲有workbook未對,就即刻去拎答案俾我地,好多謝你呀~記得第次默書,我只有65分,我同你講過,今次只係一時大意,以後我嘅成績,分數一定唔可以低過90,我一定要拎到100分,我一定唔會唔合格。你同我講"i'm happy to see that you'll work hard.please keep your promise"當時我好大聲咁講"yes"但係好對唔住mrs.chan,我做唔到,呢一年,我嘅英文都係好差,我唔能夠keep my promise.

lunch,尋日同佢地罵交,唔食飯,最好餓死我,等佢地傷心下。但黃怡話我好白痴,為左淡氣同自己個肚過唔去。

中文,吳老師今日好溫柔,佢好錫我地,日日都叫我地加油,俾心機。就連週會都......我覺得校長今日好唔同,變得"善良"

點解喎?點解你地個個都咁架,平時咁惡,今日又要對我地咁好,點解你地係要整到我唔捨得,點解你地要俾溫柔嗰面我睇,我真係好唔捨得你地呀~

仲有1日咋,你教,我應該點做好~

我好想講一個故事。

有一個bb,喺佢出世嗰時,d屋企人都唔鍾意佢,就係因為係個女。個bb有一個家姐,係佢家姐出世嗰時,個個都當佢係寶貝。但當呢個bb出世,個個都罵佢,就係因為佢唔係個男。出世2日,無人睇過佢,佢呀媽日日都喊,佢呀媽隔離有個大肚婆,佢都係喊,因為佢生左個仔,佢d屋企人想要個女,但生左4個都係仔。佢見到個bb女,就問bb個媽"不如我地交換個bb,你地要仔,我要女,趾唔係好好咩"bb個呀媽唔知點做,打電話問佢老公.佢老公話唔知,佢鍾意點就點。bb呀媽諗左好耐,終於決定交換,大肚婆d屋企人一抱起個bb,佢就喊,喊到無聲,喊到氣促,bb呀媽見到咁又唔忍心,於是反悔,唔換喇~過左幾個星期,bb終於可以返屋企,但家不似家。佢呀爸仲因為個老婆生左個女而唔同佢講野。足足有成21日, 兩公婆無講過野。個bb女無人錫,bb個太嫲唔認佢，話佢呀媽無用，生左個無用女。根住嘅日子,bb都係由佢呀媽一手一腳自己帶大,其他嘅人無當過佢存在。直至bb個細佬出世,佢先可以聽到屋企人嘅笑聲,佢呀爸亦抱起過佢←第一次,bb第一次俾佢呀爸抱起。喺d親戚帶佢細佬去公園玩,幫佢影相時,bb終於有佢第一幅相,呢d都係因為佢細佬。bb終於都長大,佢有佢自己嘅思想,佢知道,如果得到屋企人嗁關心,就要有成績。喺佢讀幼稚園,年年都係考第一,因為咁樣,佢先可以聽到人地嘅稱讚佢,因為咁樣,佢先可以得到父愛得到母愛。有一年,bb患左肺炎,佢留左成個月院,係呢一個月,佢先可以真真正正感受到人地俾佢嘅愛。佢好傻,佢以為佢一直都病,就可以永遠咁得到愛。於是佢唔食藥,直到佢呀爸黎睇佢......好快,個bb就好番。但當佢長大嘅盲相當痛苦,因為每一年嘅3,4月,佢都會有咳,咳得好勁,而且當佢喊嘅時候,佢都會氣促......如今個bb長大左,佢知道以前所發生嘅一切,佢覺得好痛苦....如果當日bb呀媽將佢同個第個bb交換,今日,佢嘅命運會係點?

今日我地去睇戲,以為係好開心,但係點解你地要咁對我。細細個係咁對我,到而家都係咁對我,你地咁係算點呀!?唔好話我對個家無感情,係你地令到我個心變灰,變淡。點解每次我有病,受傷,你地都要咁著緊,令我感到一刻嘅溫暖,點解你地要將我變得矛盾喎?點解你地要咁唔公平,點解次次有咩事都係我錯?點解無人會明白我?點解無人會知道我究竟需要d咩?我要嘅只不過係你地俾d關心我啫.唔通咁都有錯咩?點解我要係個女仔,點解我唔係男仔,點解你地要重男輕女喎!我好努力咁做,希望你地俾d關心我,但你地無咁做,我咁辛苦為左咩喎,點解你地唔要我,仲要生我喎~我討厭,討厭一切一切,討論你地呀~

仲有2日,我有可能面對到咩?