今日本來一齊都幾順利,我仲同佢地講返野。但係中史堂,友誼關係再次破裂。

現在的我已不是過去的我

我已澈底改變,長大

是你們把我改變

是你們使我明白到"花無百日紅"這個道理

是你們使我明白到"世界是殘酷"這個道理

是你們的行為令我變得精明

一切一切,都是你們教我

按道理,我該說聲謝謝

可是,對不起,我不能

要是這樣,我會變得恐怖,變成一個毫無良心的玩偶

從今起,我要做回自己

做一個真真正正有良心的人

尚有12日便考試,望大家努力!

今日,我無同佢講過野,佢嘅行為令到我好嬲好嬲。

ART,整錯左,好彩MS WU無罵,仲教左一個方法,整得仲令。見到佢好孤單,心裹有種不好受的感覺。好想同佢傾計，但係，唔知從何說起！呢種遊戲仲要玩幾耐，我已經好厭倦！∼我頂唔順喇！∼

中文，默書，９０／１００，我對得住自己，我已經盡左力。

英文，做ＥＸＡＭ　ＰＲＡＣＴＩＣＥ　ＰＡＰＥＲ，呢幾日，都係做呢Ｄ野。

ＬＵＮＣＨ　ＴＩＭＥ，同佢地講左今日第一句嘅說話，之間做數，原來我真係乜數都唔識計架！

ＩＳ，講左好多野，無聽到，好悶，好想快Ｄ返屋企。幸好，有黎同學嘅得意說話，令我匆開心左唔少。

終於都放學，好開心，唔想再留喺到，呢到會整到我窒息，好辛苦！

返到學企，見到佢，佢嘅笑聲把我感染，我要忘記唔開心嘅野！

離考試仲有１３日，算數，而家無野比呢件事更重要。

ＢＢ又笑喇，同佢玩，真係可以開心Ｄ，如果我可以做返個咩都唔知，好天真好開心嘅ＢＢ你話幾好。

喺佢地身上，終於知道何謂真正嘅友誼。

友誼是互相利用，需要你的時候，佢想你點都得，不要你的時候，連一句話都覺得太多。

友誼係種負擔，好重好重；想釋下負擔的時候，亦是友誼不再的時候。

友誼是酒肉朋友，講的只是利益，無利益何談之日，便是各散東西之時。

友誼使人變得各懷鬼胎，良心亦隨著時間而逝世。

有福同享，有難誰當？大難臨頭各自飛，這就是人世間可貴的友誼。

友誼是講求心的，一段好的友誼是要可以對自己的心負責任。

好的友誼是長久，是永恆，是不變！

可惜∼我們所擁有的只有破裂，虛假的朋友，之間再無情可談．．．

離考試尚有１４日，但已變得不重要。

人若賺得全世界，卻賠上自己的生命，靈魂，有何益處？

啱啱,睇完學警雄心嘅大結局。好感動。忍唔住流多d眼淚出黎。

睇到PTS入面嘅學警一齊唱''強'',我D眼淚就開始流,仲好想唱埋一份。見到佢地操過桂河橋,好感動呀!

李文昇嘅死無白白犧牲,佢嘅死令A班更團結,朋友之間更互相幫助,友情更真實。

呢套劇係我睇過咁多套劇最好睇嘅一套,佢令到我好有共鳴,感受好深。

友誼,友情,朋友都是得來不易的,要好好珍惜,唔好令自己後悔。

今日爭扎左好耐,返唔返學好!因為塊面多左達野,嗰達蚊印仲未散,好樣衰呀!本來想帶口罩,但又怕焗，所以冇帶。

ＰＥ　ｍｉｓｓ　ｗｏｎｇ冇返，好開心，唔鐘意ＰＥ堂。好嬲，早知唔帶ＰＥ衫鞋，重到死。自修，修佢個頭，悶到死，又唔俾人訓覺，唯有溫ｅｎｇ，等陣要ｑｕｉｚ∼

普話，好刺激，因為要偷做功課，所以話，我最愛就係普通話科。呵呵！

ｈｉｓｔ，點解我唔覺賤ｃｈａｎ個肚有大嘅，唔通佢裝假狗，搏老公嘅憐憫？

ｅｎｇ，ｑｕｉｚ　ｔｉｍｅ，做左兩堂，最後２０分鐘，對答案。６５／９６，好意外，竟然合格，但咁低分，有丁屎咁多失落。唔緊要啦，仲有大把可以做。

ｌｕｎｃｈ　ｔｉｍｅ，俾ＪｏＪｏ打左兩巴，好痛呀。我蔡佩儀講嘅，有仇不報非女子。嗚嗚∼塊面俾佢打到紅晒，不過都幾好喎，可以順便姐下我達蚊印。之後拎左ｊｏｊｏ嘅狗仔黎玩，仲帶左佢去跳樓ｔｉｍ。我吊左佢喺牆到，跟住俾個ｐｒｅｆｅｃｔ見到。（以下係我同佢嘅對話）

「你頭先喺到玩咩呀？！」

「狗仔囉！」（指隻狗仔俾佢睇）

「知唔知學校唔俾帶玩具架？」

「呢個係八達通套黎架！」（反轉隻狗仔俾佢睇）

「哦∼咁小心ｄ，唔好整趺。」

ｐｒｅｆｅｃｔ，你好屎蠢呀！

中文＆週會，同樣悶死人，見到Ｅ夫人，有種想殺左佢嘅感覺。

放學ｌｕ，係最開心架。喺下面，見到ｃ生，ｙｏｙｏ面紅喇！諗住影印，又見到ｃ生，唔知呢ｄ係唔係夫婦同心呢?~太多野，都係唔影喇，閃！

無無聊聊又過一日，離考試仲有１５日，離死期都係仲有１５日。

我頂唔順喇，塊面好癢呀！

尋晚，失眠，成３點幾先訓到。今蕉，１０點半俾老豆叫左起身，佢唔俾我訓到咁晏，話會肥喎！但，大佬呀，唔夠訓仲易肥啦。好唔情願咁起左身，之後媽咪叫我快ｄ刷牙，話約左人去飲茶。

去到茶樓，無位，等左好耐先有位，問媽咪拎左１００蚊去ｓｅｖｅｎ買書睇。（本野緊係３唔洗成舊水啦，有剩自己袋。）買完書返黎，等左陣就有位。

洗杯碟，叫野食，又係要等．．．終於都有野食喇。但係唔想食，食黎食去都係呢幾碟，好悶呀！∼哈哈！俾我見到我嘅ｆａｖｏｕｒｉｔｅ　ｆｏｏｄ──唔該一碗豆腐花。唔知點解，我就係最鍾情於呢碗豆腐花。食完之後，好滿足喇！佢地食佢地嘅野，我睇我嘅書，突然有種感覺，好似大家都無關係咁。

睇唔本書，佢地仲未食完，其實佢地唔係未食完，係根本無食過，掛住吹水。悶到想死，同家姐一齊返學企，因為佢地等陣要去行街。

返到黎，又係上網，又係睇電視，又係唔溫書。

離考試仲有１６日，蔡佩儀，你幾時先肯生性呀！∼我都唔知？

而家嘅我只係覺得好累好累，俾我好好咁訓返覺啦．．．．