今日，RSP要考試，好早就起左身。但仍然唔願落床，攤左喺到睇書。本書好感人架，睇到我都眼濕濕。故事係話個男主角甘願為個只係見過一面嘅女仔去同人做一ｄ好ｃｈｅａｐ嘅野，放棄家庭，事業，去幫佢還錢，仲要係個女仔一直都唔知。男主角一心以為可以幫個女仔，但反而係害左佢，令到個女仔死左，佢好後悔，於是．．總之我睇完都流左眼淚出黎。（如果你想睇，可以問我借）睇全書，食完野，沖涼，換ｕ。到１２點幾，媽咪返黎同一齊食完野之後，就開始汁野。

諗住出門口之際，又有人發出一ｄ令人煩厭嘅聲音喇。「個個星期都出街，又唔洗溫書喇，咁樣讀書想合格都好難呀！你枉費我同你俾錢去補習，你自己都唔要字，成日一得閒就去玩，咁樣第時點搵野做．．．」（說話內容太多，恕不能盡錄）為左逃避呢ｄ刺耳嘅聲音，我就慎係行快兩步，乜都聽唔到啦。

獨自搭車，非常可憐，好彩我有ｂｅｓｔ　ｆｄ，歐陽，鄭，黃同學三人喺ＭＴＲ　ｓｔａｔｉｏｎ等我咋。去到嶺南，有好多人，隔左無耐，發生左件事。我嘅一句說話，整到我一位朋友好嬲，對唔住呀，我係無心架。考試嘅題目好幾淺下，但係我唔識答好多好多，驚會唔合格。直至我地走，佢都無同我講任何野，真係好對唔住。

之後去左ｍ記，俾麥當勞叔叔嘅手吉左一下個背，好痛。然後同埋黃同學，歐陽同學去左商場，啱啱上星期先黎過，好悶。我地去左冒險樂園到玩，都幾開心架∼＾＾

返黎嗰陣，見到老師，佢話我塊面有ｄ野，我一睇，喺我右眼下面有達蚊印。討厭，人衰起黎就連隻蚊都要咬我＞＜

其實，今日都無乜特別野，但我最後悔嘅係我講左ｄ唔應該講嘅野，拎到個ｆｄ咁嬲，我真係好後悔，亦好對唔住，希望佢可以原諒我啦！

離考試仲有１７日，唔知點算好。

今日成7點2先起身,好驚會遲到,53分安全到達學校。琴琴聲開locker,因為等陣有HE堂,想做第一。

reading time,溫IＳ，你竟然一定會ｏｒａｌ　ｑｕｉｚ，而我一定會唔識架。好努力咁睇，有ｄ感動。

ＩＳ，佢可唔可以唔好問ｄ咁深嘅問題架，人地一題都唔識，好鬼ｈｕｒｔ架。就係因為唔識答佢ｄ　ｑｕｉｚ，攪到我無晒心情，又一次唔聽書，淨係ｃｏｐｙ左一ｄ　ｎｏｔｅｓ咋。做實驗嗰陣，我地為左嬴，不惜出茅招，拎走左ｄ豆，哈∼

Ｈ.Ｅ，係我期待左好耐嘅一堂，今堂整糯米糍，好好玩呀！本來係包．．，但係我地唔多鐘意，所以林同學就帶左Ｄ黑芝麻返黎，好野，有多左樣選擇ｌｕ。本來係好順利架，但到要包芝麻嗰陣，就衰左喇．．．成個糯米糍都散晒，仲張原本係白色嘅麵粉變成黑色。（係因為ｄ黑芝麻）無辦法之際，我地唯有張痴滿芝麻嘅麵粉再包，後尾，我地錯有錯著，蒸完之後，好令呀！就連ｍｉｓｓ都話我地整得令令，好開心。＾＾但係一返到課室，ｄ人就狂搶，可憐嘅ｔｉｍ同學喺一舊都未食過嘅情況下，就係咁，眼白白睇住ｄ糯米糍落喺人地個肚到喇。哀哉！某某人勁殘，自己食嘅數目係我地成組人整嘅數目，鬼唔望食死佢呀。

ｅｎｇ，去ｍｍｌｃ到聽ｓｔｅｐ＆skill，尋日本野借左俾人，所以有晒答案，，好開心，唔洗做。聽左兩堂，安安全全又到ｌｕｎｃｈ　ｔｉｍｅ。拿拿聲食完飯，好左搵ｍｒ．ｗｏｎｇ，搵左十萬次，都搵唔到。

中文，今堂講新一課，係講一個人佢嘅外祖母死左，不斷跑步黎麻醉自己，從而體會到生命係短促同有的。呢堂上得好專心，因為我有好大嘅感受。記得當年我呀婆死左，我試過成個月都唔講野同日日都喊。我係講真架，我都唔知點解會咁，或者我只係想發洩下囉。（現家諗起覺得好傻）上左咁耐堂，無一堂好似今堂咁，但係呢一課係自讀，只係講一堂咋。

ｍａｔｈｓ，原本都好期待架，因為我今日要ｏｎ　ｄｕｔｙ，可以早５分鐘落去。可惜，天公不造美，竟然落雨，討厭。我地一於少理，照同鍾鍾講，第一次，佢話落雨唔俾我地落去。我地一見ｄ雨細左，就再同佢講，點之佢竟然發惡，狂趕我地走，走未走，都驚過喎。你估我地唔知唔洗ｏｎ咩，我地只係唔想見到你咋，三個人里左去廁所扎辮，等到打鐘先返到。即使唔洗ｏｎ，我都唔會聽你講野架，死肥鍾．．．．！！∼

離考試仲有１８日，唉！到唔知到時點死喇。

一心以為落雨就可以唔使聽早會，點之隻老鼠仲要人企喺課室門口聽，ｍｙ　Ｇｏｄ，都未見過ｄ人咁賤架。

中文：唔識默書，錯左９個，異常失落。唔制呀，我未試過默書咁差架。都係怪自己唔溫書啦，但係唔關我事，係吳害我架，有咩可能要我地背默晒成課書喎．．．＞３＜心情好差，玩倒數，唔聽書。溫英文默書，我要喺英文到拎１００分呀！

ｒｅｃｅｓｓ　ｔｉｍｅ，發生左一件大事，嚇到女事主同佢ｄ　ｆｄ都不知所措．．．好彩，最後都攪掂左。＾＾

ｅｎｇ：全部都識晒，理應可以拎到１００分。但係．．．唔記得左隔行，當錯字扣左５分，９５／１００＝，＝

做咩個天要咁玩我喎，你好唔公平呀！！！默完書，派返ｕｎｓｅｅｎ　ｄｉｃｔａｔｉｏｎ，９０／１００，唔記得張ｓｕｇｇｅｓｔ同ｆｉｎｄ轉過去式，咁又扣左１０分。派phonetic symbols，好驚唔合格。好好彩，２１／４０，啱啱合格。如果唔合格，我諗我真係會喊，一日之內唔可以受咁多刺激。

ｍａｔｈｓ：抄中史功課嘅時候，俾鍾鍾叫左出黎做數。一出到去，同佢講，i don't kwon how to do.佢好無奈咁叫我返埋位。好野^^再一次證明我係唔聽書嘅,繼續做中史d野。

中史:肥盧逐個check功課,有好多人都壯烈犧牲。陳同學仲俾佢check到喺本作業到畫野唔做,佢話要scan落部電腦到做反面教材。笑爆^^

lunch time:好遲先食飯,因為女事主又有野發生,要幫手。攪左好耐,最終都攪掂,好開心,希望女事主下次小心d啦。

music&hist:訓著左,好悶加上飯氣攻心,頂唔順。不過music堂都幾攪笑,mr忍終於都忍唔住,要爆喇..not frcg is kwong.佢終於都發現左喇,好好玩。可惜,到上上吓堂,黃同學&麥同學俾佢罵,佢都痴ge,首歌係happy架,唔笑唔通喊咩?!佢都低B架。

放學嗰陣,有位曾同學整喊左另一位曾同學,我地身為曾同學(女)嘅fd,就緊係幫手罵曾同學(男)啦。不過無所謂啦,曾同學(男)都已經道左歉喇,我相信曾同學(女)會原諒佢ge。

離考試仲有19日,日子愈黎愈迫近,心情愈黎愈驚。

今日轉死性，好早返左學校。返到去，先啱啱打鐘，可以上放室。返到課室，拿拿聲開ｌｏｃｋｅｒ，因為等陣會有好多人，隔死。開完ｌｏｃｋｅｒ，睇書，睇完書，聽吳發盧蘇，日日如事，無聊到噁。

ａｒｔ堂，無帶ｃｕｔｔｅｒ同ｍａｒｋｅｒ，無同ｍｓ．ｗｕ講，佢都唔用架啦，做咩要咁蠢自我報案姐。到畫ｄｒａｆｔ嗰陣，問呂同學借左把ｃｕｔｔｅｒ，扮下野。隔左陣，ｍｓ．ｗｕ喺我後面同我講，「你個ｄｒａｆｔ畫得唔錯，但係好複雜，你係好難ｃｕｔ佢架。」一盤冷水向頭淋，好ｈｕｒｔ。之後佢話我枝ｍａｒｋｅｒ太幼，（嗰枝唔係ｍａｒｋｅｒ黎架，只係我枝黑色墨水筆）我唔可以講架個事實，如果唔係就會俾人記名。佢拎起枝筆喺我個ｄｒａｆｔ到畫左幾筆，然後話咁會好ｄ，叫我跟住做．．．

ｇｅｏｇ堂，我唔記得帶ｙｅｌｌｏｗ　ｐａｐｅｒ，好彩佢話唔記名咋，我愛ｍｒｓ．ｃｈｏｗ呀。但係唔愛ｇｅｏｇ，難到死，一ｄ都唔明佢講明，都唔知點考試ｌｕ。見到其他人狂寫ｎｏｔｅｓ，覺得好自悲呀＞＜

ｍａｔｈｓ堂，做數，做數，做數．．．日日都係做數，好悶呀。佢又教左新野，又係唔明。人地都係啱啱先識計前面嗰ｄ，都仲未消化，又塞ｄ野落我個腦到，就黎塞爆喇．．．

中文堂，聽ｌｉｓｔｅｎｉｎｇ，好野，１８／２０，錯左一題唔應該錯嘅，失望．．．又係講''貓捕雀''，好悶，聽日仲要背默，唔知點死。

ｌｕｎｃｈ　ｔｉｍｅ，食完飯就做功課，全部都係ｍａｔｈｓ，討厭∼

ＩＳ堂，做左個冰實驗，為左令舊冰快ｄ溶，張佢擺喺手到，凍到隻手無晒感覺，最後都係輸左，無分加．．．

放學，唔去ＰＴＡ　ｒｅｈｅａｒｓａｌ，偷偷走人。哈∼

離考試仲有２０日，聽完老師嘅教訓，要好好反省。但俾人罵完，更唔想溫書，都係遲ｄ先算啦。＾＾

一返到學校，溫phonetic symbols，要ｐｒｅ　ｑｕｉｚ，成個ｒｅａｄｉｎｇ　ｔｉｍｅ冇左。

ｅｎｇ　ｌｅｓｓｏｎ：個ｑｕｉｚ對溫左嘅人嚟講，唔係好難，但我咁乖，冇溫書，就難過豬頭。ＰａｒｔＡ：

９／２０，我差一題就合格架喇，唔制呀＞３＜成兩堂時間就因為做呢份野，冇左。到落堂嗰陣，ｍｒｓ　ｃｈａｎ話佢幫我地印左ｄ　ｅｘ．，叫我地每人俾番兩蚊佢，好屎檜．．．兩蚊都收＝．＝

ｃｏｍｐｕｔｅｒ：無聽佢講野，自己上網，ｈａｐｐｙ＾＾

ｍａｔｈｓ：唔知點解呢排上堂好好玩，好留心，但都係唔知佢講咩，ｄ數都係唔識做。

ｍｕｓｉｃ：喺到做ＶＢ同冇聽佢講野。ｍｒ．忍今日又係紫色衫，佢唔係綠色就紫色，你唔悶我都悶啦，好心佢就唔好咁咩啦．．．一件衫都買唔起，我見到佢就想噁喇．．．

ｌｕｎｃｈ：食飯，做功課，一切照舊。但係今日幫手包書，唔識包，包到好樣衰。一心以為幫手包書可以優先借書，原來唔係，失望，早知唔同佢包啦，不過又幾好玩喎。

ｅ．ｐ．ａ＆中文：悶到噁，差少少就訓著，好險。喺就黎放學嗰陣，黃同學同ｍｒｓ．ｌｏ講，佢要ｏｎ duty，ｍｒｓ．ｌｏ話佢唔著ｕ，又講廢話。佢又唔係ＲＳＰ嘅老師，關佢鬼事咩，人地ｍｒ　ｗｏｎｇ都未話，幾時輪到你黎駡，正一三八！！！冇心情，唔去ｃｈｏｉｒ。

夜左學，見到黃同學喺留下，因為佢冇著ｕ，唔使ｏｎ　ｄｕｔｙ，一齊走。跟住見到梁同學，三個人一齊去左太安樓影印，原來去太安樓影印係好平架，下次要去多ｄ＾＾

返到屋企，拿拿聲拎ｄ書去還，過左期成個星期，又俾人罰錢，好可憐．．．下次都係唔好去借書喇。

離考試仲有２１日，船到橋頭自然直，唔理得咁多ｌｕ，而家開心就得啦＾＾