好開心,好開心呀!今日係返左咁耐學最開心嘅一日。

係班務堂嗰陣,吳同我地講,話mrs. chan無返,聽左之後,成個人好high。聽日無堂,星期四先見到佢,呵呵~有兩個老師黎代堂,無乜點罵人,好彩。做番晒d功課,好識利用時間。

comp,唔知點解今日好留心聽書,d工作紙全部做晒,(有d唔識做)mr wong話估唔到我咁乖,跟住就幫我對左。錯左一題咋,佢問A.T.M有咩好處,我點知姐,本書都無答案。

maths,有d無聊,講黎講去都係嗰d野,仲話聽日要quiz,乜都唔識,點quiz呀!聽日一定會有好多人血流成河架,鬼叫佢教d數教到咁難咩!一切一切都係佢做成架。上上吓堂,有人烤門,原來係黃綠夫人,嚇屎我地。鍾鍾見到黃綠夫人就好似老鼠見到貓咁,呵呵~佢問鍾鍾點解陳雨喺到訓覺,跟住鍾鍾話佢唔舒服,然後黃綠夫人叫呀sa的陳雨去sick rm.坐,好鬼羨慕呀!mrs.鍾,我都有發燒呀,俾我番屋企啦...

music,考唱歌lu,個個都唱到蚊咁細聲,青蛙仔都話好聽←你痴架?!最好笑嘅係1b30&1b36嘅合唱,成首歌淨係聽到兩個"青"字,笑到爆肚。本來可以聽埋黃怡唱"快樂",點之又打鐘,學校d鐘硬係要同我作對,討厭~

lunch,本來青蛙話要同我地補普通話堂,唔知點解又走左。唔補就早講啦,don't waste my time.

epa,做左個quiz,整係識第一題,fishing&farming,其他全部都唔識...=.="都唔知點考試~

中文堂,吳入到黎就俾左份禮物我,係n年前書法比賽嘅。跟住聽listening,錯左好多呀~一直做到打鐘,一堂又無左喇!喺下面,見到黃怡佢地,mr.wong話唔夠人on duty,叫我同盧同學"客串"。我負責拉繩,見到好多同學,瘀死人喇!

仲有7日咋,好驚驚呀~點算呀!~

好累呀!人地都未休息完,咁快就要返"戰場"。

終於都有PE堂,ms wong個肚好似大左d,成個人都肥左,有d似水桶。今堂玩排球,好正。等左咁耐,終於都有得玩喇!ms wong 教左好多動作,但好廢。自己玩,玩得好興奮之際,中左一個波餅,好痛呀~打左兩堂,隻手紅晒,無陰公囉~!

普通話,佢話聽日要同我地補課,問我地有無人唔得閒,當我地話唔得嘅時候,佢又話已經決定左。咁你決定左又問我地。正一衰人,普通話又唔係主科,洗唔洗咁緊張呀,英文都唔洗補啦....

maths,mrs 鍾今日嘅衣著好....佢再一次唔著襪,頂佢唔順。如果出年都係佢教,我想死。

eng,好開心,phonetic symbols合格,23/40,雖然係好低分,但無fail我已經好開心lu。跟住對埋G.E exam paper,錯左好多,53/84,都叫合格。算啦,我都盡左力,佢唔高分我都無辦法。

lunch time,係最開心架。食完飯之後,同d人一齊玩&睇報紙,開心嘅時候好快就過,一個lunch time又無左。

中文,聽左個listening同睇左個ETV,好無聊。班週會,做左兩份問卷,又話又幫助,但對我一D都無用。文章分享,今次係由Jenny作嘅,作得好好,好長,但有少少累贅。佢話用左40分鐘黎作(成800幾字),俾著我,一定要成個鐘先得。

放左學,好快咁返屋企,跟住去圖書館借書,又book到寧靜嘅書喇,好野,愈黎愈鍾意睇佢寫d書,我仲差一本咋,加油!

離考試仲有8日,仲未開始溫書,唔知由邊到溫起,死緊~

唔知係唔係尋日玩得太勁,又成日吹住冷氣,攪到今日病病地,訓到成11點半先起身,個頭仲好痛。

媽咪攞左d頭痛藥俾我食,又煮左d白粥俾我,忽然覺得好幸福,有少少感動到想喊。食左d野,又繼續訓喇。

離考試仲有9日咋,要黎嘅終於都黎喇!

吉祥三寶
小女兒問:"爸爸,太陽 月亮和星星是什麼?"
爸爸回答:"吉祥三寶".
小女兒問:"媽媽,绿葉 花朵和果實是什麼?"
媽媽回答:"吉祥三寶".
小女兒問:"爸爸 媽媽和我是什麼?"
爸爸:"吉祥三寶".
爸爸 媽媽 女兒:吉祥三寶,永遠吉祥.

其實,我仲未知佢地係到唱d乜,聽唔明,不過d音幾好feel

今日好早起身喇,好期待。約左表哥同佢d fd一齊去溜冰。

勁好玩,(雖然我成日都趺)有好多人,都幾逼吓。見到有d得兩三歲嘅細路喺到學溜冰,好攪笑。攞住個雪糕筒滑黎滑去,好cute呀!佢地真係幸福呀!

溜完冰之後,去食左d野。唔知係唔係啱啱做完運動,硬係覺得d野超好食,但都係普通嘅sushi黎架咋,又或者係今日唔洗諗讀書d野啦。所以話,讀書真係有好多壓力架,如果唔去relax下,真係人都會short呀!

12點幾番到屋企,即刻開機,開晒d icq,msn,好似無乜人喺到,唔遹走晒去溫書咁乖?

算啦,我都係無佢地咁乖架喇,要去圖書館喇,bye~

離考試仲有10日,死期到喇,準備受死。

基本上,今日的確係幾順利架,但係都無同佢講野。

IS,做左個"汽水罐爆炸"嘅實驗,勁好玩。睇住佢爆果刻,好舒服,就好似D煩惱一齊炸走埋。

HE,今日我地整pudding,好香呀,我覺得一定會好好食架。今次又係我地組最快,又可以攞多個,好野!

中史,我地組present,我地一路pre,肥lo就一路搭爹,你好煩姐,要講你講晒佢,唔洗我地咁多野做。最後,佢話我地組做得幾好,但都唔關我事,我都無做過個powerpoint。^^我只不過係負責問題,哈哈~佢地好醒呀,5題都識答。緊係啦,我地d禮物咁吸引,而且d問題咁淺。←其實係我地本身俾左d答案人咋,肥lo竟然咁都唔知。

中文,對返尋日做嘅查字典比賽,33/65,嘻~緊緊合格。

lunch　ｔｉｍｅ，狂溫phonetic symbols，因為等陣要ｑｕｉｚ，上次嘅ｐｒｅ　ｑｕｉｚ，死得好轟烈。但係即使我溫左，都係唔識，我諗超過一半，又炒，唉∼！

ｍａｔｈｓ，好開心，今次終於都可以ｏｎ　ｄｕｔｙ，又可以提早落去ｌｕ。落到去，好左一陣，個ｌｅａｄｅｒ話太少人，又取消，失望。我死都唔會上返去，去左ＨＥ房諗住拎ｐｕｄｄｉｎｇ，點知未開。返番課室，見到ｍｒｓ．鍾喺到罵人，唔知咩事，根住又話要罰全班留堂。大佬，我啱啱先返，又關我事，你去死啦！

放學，去ＨＥ房拎ｐｕｄｄｉｎｇ，好香呀！好快咁返屋企，食左佢。

距離考試仲有好１1日咋，仲未開始溫書ｔｉｍ！