係前晚，我屋企成家人一齊去旅行，其實係去之前我都好擔心的，因為我驚呀媽唔守信用又走咗去賭，搞到又無旅行去，所以先咁令我擔心咗成個禮拜，到咗前晚終於有得去啦，好嘢!首先我哋去搭夜車去中山度玩，去到已經係10點幾啦(因為我哋搭9點半的尾班車去)，跟住就去咗食打邊爐，去返以前食開個間「重慶火鍋」，嗌咗好多嘢，例如1條鯇魚、魚丸、魚皮角、餃子、肥羊、鮮牛肉、雜菜、魔芋(係一條條的，不過唔係芋絲，係好似芋頭加麵粉咁，勁難食)，食完之後就返咗酒店Hea，Hea到琴日朝10點幾11點先起身，跟住就去酒店下面個商場度行(因為酒店係3樓，2樓對下係商場)，陪呀媽買衫，佢買咗好多嘢，得佢一個有收穫，我哋無買嘢，然後去咗商場對面個間雲之味食過橋米線，都幾好食，食完就去斜對面的中山百貨度打機，我玩個部機係有積分的，贏咗150分左右，跟住就輸曬，但係中間玩咗好耐，玩成個幾2個鐘，超眼瞓，玩完玩罷就搭返車去珠海個九州水會(又去，佢哋話要去喎，唉!)，我就係個度Hea，Hea到今朝9點幾起身，然後係出面食埋早餐就出發去一直係期待已久、遺憾咗3年的「海泉灣神秘島」啦，當年我求呀媽帶我去埋個度(因為我哋當時去咗海洋溫泉，呀媽話無錢去)，結果一等就等咗3年，今次終於實現到啦，去到之後就係咁玩，玩咗過山車、跳樓機、旋轉飛鳥等等，玩咗好多嘢，最尾仲去埋游水添，不過個度D水就非常污濁，搞到我都唔敢游，係水度玩咗半個鐘就上返嚟啦，佢D水竟然有蜜蜂的死屍係度，好核凸呀，直頭係咩都有呀，跟住就係6點零搭車出返去拱北，然後就去咗靚骨廚房度食飯就返嚟啦!今次的感覺係麻麻地，因為在過程中發生咗D不愉快事件(係同屋企我哋自己有關的)，我都唔想提，提咗盞我更加唔高興，我諗遲早都出事的啦，算啦，唉!