今日晏晝我開始準備set頭、化妝、換衫，準備今晚去威記食雙慶個D聚餐，到咗晏晝5點半我哋就搭威記發財巴同呀媽、呀妹一齊去威記，去到啱啱5點9(指定集合時間，因為今次係我呀媽個邊個工會搞的)，跟住就係度排隊，排到6點就入去渢竹自助餐度食飯，有好多嘢食，有長腳蟹、凍蝦、三文魚等等，好多嘢，又有印度菜式令我大開眼界，總之勿都有得食，最衰無羊扒有羊片，甜品多到數唔曬，又雪糕，湯都有幾款，包括南瓜忌廉湯、印度風味的蕃茄湯等等，真係多到數唔曬，問過平時如果就咁去食的話同新葡京的自助山一樣要238蚊再加一，認真狼死呀，不過論好食都係威記的好D，食完之後就去睇太陽劇團，D演出超正，真係真功夫無花無假，無特技，完全係搵命搏，總共有10幕，票價更加係估你唔到，平時去1個大人普通飛都要近4夠水，VIP更加係嚇死人，大小都要近千3蚊一個，今次直頭係賺曬，再加埋未坐的貢多拉船要先百2蚊1個，真係賺到爆添呀，今次真係值曬回票價呀，我同呀媽話屋企咁多個食雙慶個D之中最識揀、最執到寶的就係我哋，因為我老豆係馬會員工互助會主席，食雙慶個D要同立法會議員食(因為佢哋個會有人去參選，要打關係)、呀婆、敏姨同峰姨就報咗街坊會，個D勁唔抵，1個去黃金、2個去新葡京的自助山，3個都唔好(新葡京個個係搵笨的，只限任食2個鐘)，唯獨是我哋個個就最好，我哋成家其實當初係報街坊會先的，後尾因為我呀媽個邊同我老豆個邊都有嘢搞所以取消咗，變咗我同呀妹都變成咗受惠者，變相賺曬，所以我覺得今次真係好彩揀啱咗咋，真幸運呀，好運到飛起呀，Yea!