今晚同敏姨同佢的朋友一齊去咗一間位於新口岸觀音像對面酒吧街的印度滋味度食飯，我竟然遲咗到，唉，又漏氣啦，食咗好少嘢，但係駛咗7百幾蚊(我哋5個人)，有2碟炒飯、辣羊肉、青瓜沙律酸奶、椰汁雜菜、2個湯、2杯拉茶(即印度奶茶)、酸雞、魚，我都唔係好記得囉，唔駛我哋任何人埋單，因為係敏姨個朋友同公司報銷，所以唔客氣，跟住同敏姨返咗呀婆度，同呀妹、海平(我呀婆個契妹個女)一齊去來來買嘢，我又見到小雨同佢女朋友一齊(唔知點解硬係要撞到)，我哋買咗1百20幾蚊嘢(用禮券買)，有樣嘢竟然被佢搵笨，就係雀巢雪梨茶6罐裝，佢貼住買19個9，但係收銀個度收成23蚊，真係正一呃秤的，有句話叫「去過一次無第二次」，我識做的啦，下次唔鬼去，跟住再返呀婆度鋤大D，，結果係我最尾個幾鋪係咁贏，最後我成為大贏家，玩到點幾鐘就返屋企啦，呀林又係度(我呀婆的其中一個契妹)，真係好開心呀，因為我炒咗佢一鋪13隻，佢心心不忿，激到佢係咁窒我，好好笑呀!