今日好開心呀，因為終於可以見到個妹生日啦，見住佢又大一歲啦，中午同呀婆佢哋飲茶，飲完茶就去聖安娜訂蛋糕，揀咗一個好特別的，係正方形的、中間夾住D生果的，好靚的，揀完跟住就去新天地同呀妹買文具，買咗30蚊，買完就搭車去威尼斯人度坐貢多拉船，個度好貴的，平時就咁賣一個大人都要收108蚊的，我哋因為上次雙慶食飯佢包埋俾我哋，所以我哋先有得搭咋，當我哋上船之後個船夫就唱咗一首意大利民歌「珊他露西亞」，佢以英文形式唱，我聽到都好陶醉，坐之前個職員幫我哋影咗幅相，坐完之後就問我哋要唔要個D用相製成的嘢，成套要390，有一幅年曆、一張大相同埋2個入面有相的鎖匙扣，我心諗勿咁貴的，貴到淒涼，但係呀媽偏偏睇中咗個鎖匙扣，話要送俾我哋做生日禮物，佢話第時佢萬一有咩冬瓜豆腐個時，我哋都可以有張相做留念，睇返佢個樣喎，最斃都要120蚊一對，真係慘囉，跟住搭車返屋企個頭出大陸，買咗好多嘢，因為今晚打邊爐，好多人上嚟食，買完返嚟已經係7點幾啦，跟住又要出去再買D嘢，買完返嚟又要執嘢，忙到飛起，搞到8點幾先有得食，食到9點幾呀媽佢哋就打麻雀，結果敏姨贏咗，我同佢夾份輸贏2份分，我好彩有45蚊收，真係正呀，打又唔駛我打，錢就有份收，爽到爆呀，跟住切生日蛋糕啦，食完生日蛋糕之後個個就走曬啦，送咗好多禮物呀，估唔到連我都有份，我未生日都有得收，真係好呀，諗返起都好興奮呀，Yea!