成個星期沒寫日記了，近排發生左好多事，加上又病左，搞到所有約會都取消，要好好地休息，下星期希望可以出街啦，今日放３點３０分，原本２點３０分有得走，但因為要等一d野，搞到３點３０分先有得走，放左工就返屋企啦，就睇日劇啦，因為這個星期我根本上沒上過網，掛住睇電視，今晚要加把勁睇埋d日劇先

Ｐ．Ｓ：當有一方開心時，而另一方傷心，完全不埋會另一方感受，也有一些人利用自己傷感的感情去欺騙別人，即使最信賴的人，會因為有利益而去欺騙你，不要輕易相信所謂(冷)偉大既友誼

 今日放左工就搵我朋友啦，之後去左旺角食日本野啦，都ok平啦，跟住陪朋友睇野，結果佢買左兩件內衣，兩對襪，之後去左朗豪坊再去睇野啦，見到好多野想買，不過要下個月先可以買，現在要忍手，後來我朋友話想搵地方坐，甘我提議不如去機鋪坐，我地去去下之際，有另一個朋友想join埋我地，之後搵埋佢齊齊去機鋪啦，去左M.K88換代幣玩啦，最後有一個朋要接女，佢贏左９０幾個代幣俾我地，其實我輸左４０個代幣，最後我地拿左佢D代幣係甘玩，點知玩玩下愈玩愈多，最後贏左３８０幾個度，但最衰又唔可以對返錢，結果唯有開左個戶口放左D代幣先，等下次有機會再玩，玩完之後，我地就搵返個朋友食野，最後有個女仔太餓既關係，就去左大家樂食啦，我同朋友因為唔餓，所以叫左一個餐兩個人食啦，最後佢地去通頂，我最後冇去，就獨自一個人回家

 今日差不多９點先收工，做到成個人都很疲倦，返到屋企沖左涼先好返d，這個星期又安排好哂節目，希望到時開開心心啦，最緊要唔好好似上次甘搞到第２朝先返屋企，．．．．雖然上一次係我做搞手，但我沒講過要捱夜囉

Ｐ．Ｓ：自從我朋友返黎之後，感覺個人開心左好多，起碼我地一大班朋友玩係特別開心既，唔駛好似以前甘成日係屋企玩自閉

 今日冇咩特別事發生，７點幾就收左工，又係時候要諗下呢個星期點過，想買野又要等下個月，唯有叫班朋友陪我睇住先啦，等下個月有錢先買．．．

 今日冇出到街，都係睇下雜誌睇下劇甘，昨日AC米蘭又輸左波，簡直開心啦，最緊要費輪天拿贏波，只是下一場費輪天拿贏左就得啦，我其實好唔鐘意AC米蘭個教練安察洛堤，主要原因有方面，一就是買錯人，第二係條後防線又老到爆，最希望班主可是炒埋教練之如，又進行大清洗．．．

昨日有個女仔傾我係MSN傾計，原來先知她有一個３０歲既男朋友，其實個女仔只係２１歲，我點她點樣織佢，佢話係買東西果陣識佢，覺得他很得意，我當堂囧了，我當然無權阻止她選擇既自由，希望她真是真心喜歡這個男仔啦