近年幾次炒車 ._.

第1次︰寶琳北路近翠琳（冇乜人行既行人路）
落緊斜，唔算太快，我係踩緊行人路，不過前面突然有途人，又驚剎唔切制，最後閃避，閃左去左邊草地，由於草地，所以失平衡，仆低，但仆番去石屎路，導致受傷都幾嚴重

第2次︰尚德（單車徑）
準備入隧道，不過因為有個角位，而隧道單車徑又有死行人，我又要閃佢地，閃完之後冇事，但可能因為條路太新，閃完之後左右搖擺，失平衡跳低左，受傷唔算嚴重

第3次︰寶琳北路近景林邨（單車徑）
原來直路，好快樂，好快，由於入夜，而條路冇啦啦凸起左，我又睇唔到，結果冇剎車咁衝過果個凸位，最後成架車訓低左，果次應該係歷嚟受傷最嚴重，全個人訓左喺條路上超過40分鐘

第4次︰將軍澳工業邨近康城站（行人路）
正當快樂地衝緊落嚟，正想剎車，點知剎車冇啦啦失靈，導致超高速咁落斜，去到巴士站附近，懷疑有石頭kick到架車，成架車又訓低左，應該成為人生受傷最嚴重既一次。事後舊相機報銷

值得一提既，係呢幾次受傷，都係傷喺左邊，右邊幾乎無恙，所以除左食飯、刷牙，對其他生活影響唔大