今日，二靈班好黑，早上交功課，本以為得三個人欠，
點知，科長cheak到好多個都沒做C小題，
我都中招，唉........幸好，我不是常欠。
李老師話我地欠交既分數有成9.幾分，
但有好消息.......不能說。

中文Test，最後十二分鐘，我先做度文章一既第三題，
之後那些題目，係十二分鐘內盡做，
今日，我終於知道咩叫唔到最後一刻，唔放棄。
唉..........想合格都難。

music，雖說有兩位人兄，無帶書，
但Miss NG係最好既！俾了5分呀！
好可惜，係I.S大家都唔爭氣。

Lunch，只能說掂掂掂呀！
肥冼分了一半粥給我。
皮蛋瘦肉粥！？
食完，就飄去圖書館，
借書，然後突然想起黎君既心田未交。
然後上課室，寫手冊，先落番去。
不過，我唔明點解咁多2I既女仔係度？
好似話借電費單，唔好意思，家姐，我自己都無帶！
然後去完圖書館，又作文，作完交。
又同文大人用前梯飄去地下，用後梯飄上黎。
係差唔到去到課室時，見到阿媽(阿桐木)。

英文堂，嘔文，ok la。
Mr.A話佢係老師，我就話I don't think so(文法有錯，請指出)
通常佢講佢係老師，我都用這句來回敬他。(算是壞嗎？)

地網，唉.......又訓話，李老師又傷心了。
還不是那個人囉，王君囉。
其實，講真個句，我覺得唔變班好D，
因為今天黎既，都係成日犯事既人。
得閒無事，又整喊老師，
蝦蝦霸霸，對同學無禮貌，尤其是女生。
講真個句.....我好似唔係好理女生，
(但我覺得咁樣最好，你唔搞人，佢就唔憎你啦)
佢地又無搞我，大家相處得好地地，
佢又要搞班女仔，人人都憎佢啦，
好心就改下啦，連陳老師都話佢。

放學，同文大人走，希哥練司儀，加油呀！
回到家，睇書，睇到4點幾，同阿妹(真生)玩陣icq，
然後出門口，返學校，帶定《射》5同6。(袖珍本)
去到，見到阿媽(阿桐木)，佢個樣好無奈，
因不單見到我，仲要係我面前打鼓。加油呀！
到我地玩非洲鼓，隻手差點斷，不停地搖搖搖。
不過，我覺得有進步，因入到拍子同跟到，
雖然符sir叫我唔好打個段，話我個沙鎚太大聲，
這個我承認，又有時間睇書，掂掂掂呀！
走既時候，見到家姐(善)同阿媽(阿桐木)。

好消息，尋晚我多了位家姐(我諗係咪壞家姐.......^^""just for play！)

簡稱：善

希哥，你快說謝謝吧！我已經睇完袖珍本了，用了3個上課天。^^
算快啦，我諗我睇書速度有進步呀！加油！
另外，我發覺我愛上了...........跟宗呀！
今早，見到某人，就一直跟到佢去學校，
佢都唔知，好開心呀！
而且我同佢差唔夠十步，就掂到佢。

好了好了，我承認我是壞，晚上總要看過書，才睡。早上又無精神。

聽日，測中文，今日兩個測驗，我預電腦科必"肥"，C&H都話ok啦。
電腦堂，又派網站既分，好開心呀！有70幾呀！文大人41分=.=佢竟然係電腦天才(考試佢有70)
希哥，80分，但據聞某林同學有80幾。

中文堂發呆，突然眼濕濕。

宗教好可怕，今日突然講"邪靈"，各位真係唔好玩咩仙，咩仙呀！

Lunch，先到地下，陪人買水，回到課室，同班女既角力，
希哥手指中招。然後去圖書館。
何同學出iq題，第二題超搞笑.............
咩鴨有四隻腳，有個陳同學諗唔到，
何同學話開估，隻隻鴨都有四隻腳，
我地大笑(爆笑)，佢話咩唔係隻隻鴨都有四隻腳咩？
哈哈哈哈...........在班上狂傳。

太開心了，英文堂我竟然沒有睡呀！

班主任時段=訓話，
包括：缺點信
玩橡巾
PS3事件
咩仙咩仙
訓了很長時間。但無一件關我事。^^

晚上，同阿媽(阿桐木)，妹(嘉)，副組長(善)msn過。多謝你地聽我訴苦呀！

尋晚，很晚才睡，原因還不是希哥和閱讀報告所累，算了。
英文堂就累得不行，在八分鐘內，個頭點下點下，
頭七分鐘，還不睡，最後一分鐘，睡了，
MR.A突然大叫：「Kenneth，wake up」然後全班望住我，係度笑。

今日兩個口試，PTH & Music，歌詞唔記得晒。
PTH還是..........差。唉..........

Lunch，超忙，飛去操場，call黃兄，然後『帶』佢到留堂室。
然後飛上512，SK2，報到，再飛去514，又飛去512。

放學，去圖書館，本來唔諗住咁遲走，但.......
Ivy姐姐叫我幫手，咁好囉。我還書，我叫希哥幫我拿本笑傲江湖~~袖珍本，
睇唔到一半。雖然我本來諗住平靜地過了這天，但我發現了兩個驚人事件，
事件一，不能說
事件二，麥同學竟然有日記，而且最驚人係..........同我用同一個日記(即呢個呀！Diary Xp)
要賀一賀希哥，佢做每日一星。又陪希哥找Mr劉，再一次以掌聲賀佢，佢做司儀呀！(下星期一)
去到地下，佢搞對鞋，我同佢講：「你.....未拉拉鏈，個書包。」佢話你下次講野，講清楚d。

晚上，同金魚談Comp，又向阿妹(嘉)訴苦。多謝你聽我訴苦！

2006年黎到喇！
新年快樂！
Happy New Year！

唔知大家尋晚有冇去倒數呢？
我就留係家中，睇電視，
一到06年，msn & icq響過不停。

我就一直睇.....睇到3點幾先訓，
結果11點九先起身。

今日咁遲先起身，所以無番教會，
唔知有邊個返了？

之後，食飯，做功課，
做到七點幾，去小飛象食飯。

八點半回到家，同妹(真生)icq，
俾了日記網址去。又上小說村，睇小說同試下發表《自》。
好緊張，唔知過唔過度。

2005年12月31日，今年的最後一天，就讓我總結今年的生活吧！

其實，今年我也不懂如何去總結，
上半年，還是中一生，似乎對中學的生活充滿希望，
雖然每一天，還是很瘋瘋癡癡的過渡。

下半年，是中二的上學期，
暑假很努力的學習，在UT中有明顯進步，
以第20名姿態打入全班頭20名中，
功課，比起中一時，更多，更忙，
但我從不失望，還是在努力學習，
每天都會交齊功課。

課外活動上，參加了圖書館服務團，
我在圖書館付上每一滴的心血，
第一，是盡力做到最好
第二，用來清磨自己的心情
在敲擊方面，還是很爛，
但我也會盡力做到最好！

朋友方面，也許人變得大了，
思想也會隨年齡而改變，
有些時候，實在分不清敵我；
但我還是有一班很要好的朋友，
中學：希哥，文大人，肥冼，梓彬，組長(KK).....
小學：妹(嘉)，成哥.....
MSN：阿媽(阿桐木)，善...
童軍：每一位也是
ICQ：妹(真生)，KK的妹妹....
教會：小明，姚，顧sir，在十二月二十四日認識的幾位.....
總知，我每一位朋友也是十分要好的朋友。

愛情方面，似乎人大了，朋友也會有更多，
我也開始留意別人，尤其是她。
其實我也是在今年年尾時，
才發現她在我心目中的地位，
甚至發現她對我來說，
是十分重要。
我沒有想過愛上她的原因，
是為了消磨自己時間？
不，我對這一次是很認真，
而且是清楚知道自己在說甚麼。

童軍方面，榮升為海歐隊副隊長，
很多時候，也要帶領整隊去完成一件事，
雖然今年新人真的是很多，
但我會再努力去帶領他們。
雖然我考得的章是很少很少，
但我還是會努力去考取每一個章。

小說方面，其實一直都不是打了很多，
尢其是上半年，但年尾時，
成功地作了三章(序，一，二)
現在向著第三章進發中。

家人方面，家人關係還是時好時壞，
父母很努力的工作，全是為了我們，
哥哥已經是副學士二年級，
大家也在想他下年會不會繼續讀下去，
妹妹，她也大了，變得頑皮，
我和她經常爆發戰爭。
其實，有不少朋友的家人關係也很差，
希望下年的時候，沒有這種問題出現。

身體方面，還是在150cm多的，
十分矮；還是那樣的瘦。
生病情況好像還是甚麼多，
而且生病時間開始長了。

總結今年來說，我也不知如何去表達一年的感受，
但2006年已經來臨了，就讓2005年成為過去。
在未來，願大家會繼續努力！向著目標進發。

祝大家

新年愉快！

在2006年繼續努力！

舊事已過，

一切也成新的了！

今日起身，食早餐，然後去睇醫生，仲未病好。
一路行，個天就不停地落雨，我就不停地中招.........醫生話開種更勁既消炎藥，
早晚都要食，每次一半.......唉。

回到家，做野先啦，然後阿媽返。
之後繼續做自己野，兩點幾出門口，
唔係去玩，返school，補數。
去到學校時，某李，洪君叫我去買鐵絲，
買了一圈，唔夠，買多五圈，
用黎做樹俾MIss.Wong

之後，補數，唔記得三點開始，定兩點半。
算，總知補了很久很久很久。R.C.係到步操(我話一定係新人！)
五點才開始回家，去街市買菜，然後回家。

下午時，和某人談過，其實我對佢既說話無咩感覺，也無期待會像佢所說的話，但是很高興，有人看得出這件事。我也無想過會是佢看得出，所以很奇怪吧？總覺得佢既說話能是真實，也可能是一件很遠很遠的事。

總知

我期待著佢所講既野，

但卻好像感覺到失落的氣味。

也許我真的不明白，點解佢會這樣說，

又也許我考慮我應信佢既說話

However, i don't think i wll give up more once. I believe at this time i can hold on.Or I must hold on.

我決定了，就算你已經有對象，有目標，有將來；今次，我也絕對不會退卻，甚至絲毫的放棄。就算她是對，是錯，是注定，我也絕不放棄，永遠永遠不會退卻。

----------------------分-----------------------界-------------------------線-------------------

今日落冬雨，好鬼死冷呀！呼................尋晚訓訓下覺..........突然"秋根"，成個人係床度彈起，隻右腳完完全全係"秋根"，成個人醒晒..............好明顯係踩單車既結果。=.=""""只能說是痛..........比起以前晚上既"秋根"，這算是很嚴重。

今日無食藥，結果病情惡化了，聽日個聚會唔想去.............但又有補習...........唔去唔得。

嘩！今日一早起身，食早餐後，九點同大佬出門口，去考章(me)。去到大圍，好多人一早到，好彩我都唔係最後個位。係火車站內的片段....................「崔崔」「波斯貓」「崔崔阿邊個搵你呀！」「崔崔話要同你一齊食呀！」變態架，鄰隊隊長真係可憐呀！俾朱隊長狂叫"崔崔"or"波斯貓"，我仲為自己唔係個兩隊高興緊~~~^^。

之後選單車，我頂架單車唔順，尋晚先踏完架超高，今日踏架超低......=.=""""，好彩有兩位仲矮過我~~~^^萬歲呀！於是成班人就開始架車大行動，沿著條城門河，一直踏，我踏，你踏，佢又踏。踩到唔知邊度，我突然停下，點解？好簡單，鬥快既後果(佢話無鬥.......)...............炒車，有個女童軍炒車，成隻腳都流血，褲都穿了，真係唔好意思，隊長無帶急救包，咁岩有隊唔知聖約翰定醫療附助隊既單車急救隊經過，即時急救，其他人上晒橋度等呀等呀等呀，譚sir話又要寫report，仲叫立哥唔好再切車(今次炒車唔關立哥事，只係佢狂過前車，所以阿sir話佢)之後係個度休息接近兩個鐘，其間好多人買野食，我諗係除了我同其他阿sir and miss無買過之外，其他人都有買過，傻軒你係勁，食九係腸，聽聞買夠十條有優專，區蛋sir同蛋后都好勁，食超多魚蛋。食完野，全部人都去玩人地架單車，我都踩過，其他人既車........好踩過我n倍呀！之後踩回去還車，又買野食，我大佬要送個女童軍回家。

聖誕日快樂！一早起身，睇醫生，之後去教會，架單車...............無氣！個份禮物..........它等緊你。每個人都有一個很重要重要，甚至是不能失去的朋友，同樣你對我也是同樣重要重要重要的朋友；已經有13日了，有13日無好好地談過話，就連尋晚的約會.............。

寫好了《自》的第一章同第二章既尾，好開心呀！今個聖誕可能會ko了第二章，第三章就係農曆新年中ko。

祝大家平安夜快樂！晚上，我去了報佳音。
好開心，見到希哥。