冬天已經夠凍啦，今日仲要雪上加霜，要上P.E堂。
我計過喇，我穿了三件長衫，四件短衫，
三條褲，兩對褲，搞到成個機甲露寶咁。
肥冼話我有成吋"肥高"！哼！佢仲多啦！
Maths又教新野，都明明地啦！
Oral堂，班人無帶野，黃兄又傾計，
唉.........聽日有Test，我同巴斯，文大人一組。
P.E堂考試，第一堂就俾我地練下練下，
我承認我體操真係得一個字可以講，差！
小息，飛上library。幫手，今日唔使當值，
但都好多人還書，又有人借書(Just F.5&F.7可以借)
十一點二走上課室，喝水，又脫了其中一件衣服。
落到去，見到阿媽(阿桐木)，
然後去考試。要黎既，最終都係會黎，黎左睇你點面對！
講得好！
自己做既都有七分以上(無記錯的話.....)
我就得五分，算OK啦！
肥林加油呀！雖然你.......但下次要繼續努力呀！
考完，踢"燕"。據聞，我地個班某位男同學，爆.....軑，真可憐。>.<
好彩係分男女上，當然以我地這班人既性格，自然會係班上傳出。
中文，派卷，一如我所料，唔合格，但唔合格得黎都好高分，
最搞笑係估邊個男仔最高分，有人叫我個名，
我心諗我最高分，都好恐怖呀！原來係肥冼最高。
午膳，去了圖書館幫手，還下書，借下書，捨下書，計下人。
簡單來說，我做晒^^"(如果我無記錯都差唔到架啦，對嗎？)
生教，希哥做司儀，同2S某林女同學。
好彩我無福份做，就算要我做都唔同女同學一齊做，
因為我個班變態架！當某林女同學叫希哥做"x希"時，
成班哇左出黎。而當希哥叫某林女同學時，都係叫佢個名，
跟著成班人又哇晒出黎，只能說兩字"變態"！
我咁好人，就當然唔會大堂廣眾之下哇出黎啦！
原來Miss Chan都係Scort，只係佢係女童軍
我係海童軍。佢話以前童軍要學繩結，煮食，唱歌
幸好，我唔使唱歌，如果唔係我死左去。
當時佢考銀盾，要成Team去完成以上三個東西。
放學，本來今日我可以唔留，但圖書館唔使當值，
咁我咪留囉。希哥四點九去買食物，做家政野！
我做晒成份中文卷，借了WS的文章給肥冼看，
然後等等下，又幫希哥同華哥執書包。
後黎出去行下，見到家姐(善)同平小姐，同佢地打下呼招。
然後同肥冼一齊去將廣買野，同佢一齊行富康，
我相信我唔使四分鐘就出左富康，跟著去到差唔多到尚德商場既時候，
希哥係對面馬路指手劃腳，簡單來說，唔明你講咩！
然後囥獉_一把長20~30 cm既尺子，衝過黎，
我咪行返轉頭，同佢一齊行。
行過街市時，我見到某人的妹妹。
晚上，先去了睇醫生，由聖誕病到依家
又去買中藥，又同家姐(善)msn。
以下都係癡話連篇(應睇既，唔該去睇睇)
今天，我看見你無數次。
早上，你打著招呼，我心裡想這是對我說嗎？
我不知道，因為前面還有一個人。
午膳，在地下看見你，
整整一個月了，你還是沒有變，還是那麼的矮
還是那樣的呆頭呆腦。
生教，在四樓看見你，
我相信我和你看見對方，都只是微微的嚇了一下
就是這樣繼續前行，擦身而過。
我不知道我應否做一些事？
當擦身而過一秒間，我應否把你留著呢？
當你打著招呼時，我是否要壓下自己的心情呢？
很亂很亂，每當看見你時，總有一股衝動想對你說上千言萬語，
但同時也很害怕面對你，這是否矛盾呢？
其實這樣都是出自同一原因：整整一個月，無和你說過話了。
我們都要好好的想想吧？對嗎？
|
