好開心呀！
雖然依家係放假，我本來覺得今個假都好呆下。
但過左今日同尋晚先知，呢個假期我唔會悶。

尋晚，做了某人"男友"，唔好誤會。
其實同2I某幾位女仔玩人,那人叫.....還是不說了。
佢想溝那位女仔。
點知成班人就係度玩佢,
其實我地諗佢知唔知我地玩佢，
俾左某人既電話佢，就係佢想溝既人。
白癡,當然係玩佢...........
之後，我地幾個通電，
傾左n咁多野。
有班事，尋日事，放假事，老師事.......好多好多，多到數唔晒！

跟著今晚，又有另一位人兄話識某位女仔。
仲話咩分手十年。
結果尋晚個幾位同我又玩佢。
哈哈哈.......今次大玩特玩，我變左"女性"....(死變態，連"我"都想溝？)
但係我地後黎傾番，都覺得佢玩反我地。
話咩住美國，美國人呀！(土生土長呀)
(我唔信！因為我地係hk.yahoo.com度玩佢。)
又想要電話，又話有咩國際卡呀！
不過玩玩下，發覺佢越黎越變態，白癡，好色(呢個係個人認為)，煩！
所以齊齊走人。
總知玩得好激啦！

講真個句，有陣時都好服佢地幾位女仔。
既然可以玩到咁瘋,仲要我覺得係勁開心個種。

終.....終............終..........終.......終..........終............終
於都考晒喇..........太正喇！放假喇！

今日考最後一科.........宗教。
唔知話易定難.......算了，
反正都考完。

考完就去圖書館幫手，
有四個超：
超多人借書！
超忙！
超少人借書！
超happy！

今日考地理同中文卷。

當我考地理時好後悔呀！
點解？點解會發發生咁既事？
點解呀？唉.......早知唔借晒成"盒"顏色俾班長用。
要用灰色...........真係好灰呀！

中文卷，好似唔係好掂...........
感覺上錯晒，好多唔識。
算了算了！已成定局了。

聽日係最後一日，
宗教！呢個更加掂掂掂掂掂掂掂掂掂掂掂掂掂掂..........
但........放學之後，做咩好？
算.......過左聽日考試先，
反正無人約我.......(係醒目既識點做啦？)
nono,我約左圖書館呀！

今日考電腦同PTH，
本來都無咩野。
點知係電腦時，遇上一個大混蛋老師！
點解大混蛋？
那就是因為我地呢"級"特別吵........所以要落地下。
話咩中一同中三投訴我地好吵囉。
混蛋真是混蛋！！！！中一同中三唔係二樓就一樓。
我地係四樓，四樓最尾都係中五！
中五又唔使考，咁關我地咩事呀？
三樓同五樓根本就真空！
跟著最混蛋既係：
成級得我地呢"班"白癡仔女，"被強逼"落去，
仲要今日天寒地冬，得一件校褸，兩件背心毛衣。
我話唔好俾我知佢住邊！如果唔係，我要佢無覺好訓！

PTH，好開心呀！都係MIss Law最好人。
話我地袋有拉鍵既就唔使拿出去呀！
考完試又同我地講一講野。
真係好好好好好好好好好好好.............人呀！

唉........我個頭型同娘親既遇上同一種問題：
令人笑...........>.<""""
咁我係得呢個頭型適合我呀！

聽日Chin @ 1&地理

今日係星期六.........如我所料無去童軍。
不管了，星期一Comp & PTH，
一科憎個老師，一科完全溫唔入腦，
太任性了。

另外，剪左頭髮。都係剪到勁短囉。
反正我就是這種頭型的。

據聞，本區有大部份的中小學，都已經全部考晒試。
包括：宣小、景嶺......
唉.........宣中呀宣中........做咩要咁咁咁遲先開考呀！
仲有成三日要博殺。

尋日發生一件大事：
又好自然，真係好自然，係勁自然地，
又多左一個阿妹(yan)。

聽日發生一件大事：
成家人去上水食飯，
賀嬤嬤生日。
我唔去，要溫書書書書。
聽日都會番教會溫書。

廢話講完，溫書！

今日已經去到第五日考試，
阿妹(嘉)今日就考完，恭喜晒~~

今日考C&H,Eng@2，
C&H勁多意見表達，寫到死下死下。
到底係蜀漢定漢？Miss葉話漢，
但有點同學話蜀，有點話蜀漢。
其實我覺得蜀係一個地方名，
等同東吳一樣。吳就吳，東係話吳國係東面。
雖然我都成日打三國誌，但講到國號，好多人都持不同意見。
算~~~暫時不說這事。

另外，問題二:到底隋代係築長城定修長城？
呢個問題更加亂，我都同同學傾過，
佢地都搞到一頭霧水。(2R)
首先，如果係隋代係築長城，就好正常，
無錯無錯，問題出係度，秦代先係築長城。
咁即係隋代係修啦！waitwait，問題都出現。
據本校筆記，Miss葉係話隋代築長城，但試問隋代築，咁秦代又築咩？
咁到底邊個先係築？
希哥話隋代要防突厥，但我就反問：突厥係邊？肥冼話北方。
咁就怪，點解秦代有守北方既長城，但隋代又要築？
如果隋代真係築左，咁條長城又去左邊？
被毀？但如果據史書所說，隋代亡，係中原既人互打。
同突厥無關，而且據筆記所說隋代只係三征高麗。
咁到底係咩事？(講真打到黎呢度，我都有少少亂)
請各位Skss既學生，幫幫手解一解難。
提示：大家可以睇番秦代同隋代既地圖。(除希哥外。)

英文@2，好難呀！(個人認為)

數學超易！

中文衰左

聽日C&H加Eng@2

最倒霉的一天，Is同日文都唔搞。
Is都話ok咁啦！只係難既就超難，易既就超易。
變態。
日文更加變態，五十音圖記得幾多寫幾多。
不過我對最後一頁比較有信心，至少寫晒。
算了算了，日文預了不合格。
聽日數學加中文口試，所以聽日比較多時間溫書。

我發覺好多人依家多左用msn，
相反icq就比較少人用，
就連組長都去用。
其實我覺得各有各好處囉！

又好突然地打文章了。

其實我覺得今次考試，對好多人黎講都有很重大的意義。
例如：有人想今次翻身...
我就想今次盡力，為中三時準備。
中三時，2D,2I,2S,2P,2M就會完全打散了
我實在不想離開這個大家庭，但奈何校長決定了。
我在想.........到時我會同邊其他人一班呢？
是一群好友？一群網友？或是她？
所以為了中三的時候，同樣為了一群好友，網友及一個她，
我知道這一次還不發力就會遲了。
雖然還有下一次的機會，
但我不想失去一次又一次的機會了。

另外，我發覺我對今年轉入黎我地個班既幾位男同學
係十分討厭，尤其是個位阿生。唔知點解，總是覺得他們不太受我班同學歡迎。
但每當有搞笑場面時，黃兄就大受歡迎。
55.....我明啦！其實同學係討厭他們的壞行為。
例如：那位阿生，本來我都唔係話好憎佢。
但點知被我見到佢蝦女仔，我呢世人係好好好好好好憎個D蝦女仔既男性！
我諗佢點都唔明點解佢大隻過我，好樣過我，高過我，威過我，都唔夠我受別人歡迎。
真的很對不起呀！我只能答你，你要以誠待人，特別係我地個班既女仔。
o........更加對不起，我忘了你是看不見的。
講真個句，我永遠都唔敢睇小我個班既女仔，
因為佢地真係好勁架。個個都有才華，唔係交際，就美術，英文，數學，中文，音樂甚至體育。
但那三科Is,comp,C&H還是男生較勁。
所以每次同女仔坐既時候，我就盡可能去接受新知識。
老兄，以你那種狂串人，蝦女仔既性格，你根本無可能係班上受歡迎的。
o..........我明喇！你無諗過受人歡迎！

今日考中文卷二三五
聽日就is同日文
日文又要死背