今日呀，我唱k with my family at redbox in 旺角。唔洗問呀貴，我一定唱舊歌，係，我真係首首都係舊歌，我唱徐小鳳都唱左成個鐘！又唔係問呀貴，一定唱風的季節，係，一定，我一定唱我呢首飲歌，仲有深秋立樓頭呀、婚紗背後呀、隨想曲呀、順流逆流呀......其實唔只係唱徐小鳳d歌既，梅姐既歌我好多都有唱到，夕陽之歌呀、似是故人來呀、夢裡共醉呀果d囉！唔好以為我淨係唱女人歌，我都係唱男人歌架，好似呀鄭少秋呀、尹光既《活里活大酒店》呀，張國榮呀，同呀羅文果d囉！下，成日都係唱舊歌，唔係，我都唱d新歌既，好似twins既一時無兩呀，同林憶蓮既本色囉！下，仲唔夠新？係架啦，我邊識得泳兒d歌姐，我都唔知咩係《巴不得》，我連泳兒都唔知係嘜水，我都係今日先知到！我古老？我唔係古老！潮流輕復古丫馬，唔好怪我喎！