琴日終於都唔洗OT啦~~2點閃人, 同ivy &大夫行街街~~^^
同大夫相處耐左, 覺得其實佢都無乜野呀~係煩左小小囉~~整體都ok架~~
依家o係公司...我地3個成日都三位一體, 放工都會約埋一齊行出去~~^^

琴日我地去左旺角行街~~我同大夫都諗住買converse~~
我想買佢另一條line(即係鞋頭有條白間果隻)既黑色皮質地~~之前睇過賣緊$499~~
一直都留意緊會唔會有d咩卡有折~~
結果....今日我地係得個行字囉....2個都無買到鞋~~haha~~^^運橙
不過我地各人都買到d野架~~我買左蛋糕材料~~haha~~

今日hoho要返工, 我就唯有o係屋企攪攪震啦~~^^
今日整cookies~!!!!有朱古力粒粒cookies同埋杏仁粒粒cookies~~~

 
先將低筋麵粉+泡打粉篩好......牛油、蛋放室溫回暖........跟住將已軟化既牛油加砂糖攪勻~

 
杏仁粒焗一焗佢, 咁會香口d.....將蛋分兩次加入牛油&砂糖中~~

 
加入雲呢拿香油數滴......再分幾次加入已篩好既粉類~~~留返小小粉~

 
跟住加d杏仁粒粒&朱古力粒粒落去~~最後落埋淨底既粉攪勻~~

 
用匙將佢整成一粒粒放入已預熱既焗爐焗15-20分鐘~~~

 
咁就完成美味既cookies啦~~~~~
聽日拎d返公司同大家分享~~~^^


由於姑姐琴日入左醫院...我地既米飯班主嘛嘛就要入去姑姐到幫佢照顧表妹佢地~~
所以今晚餐飯係我煮~~~haha~~~
我去買菜架!!!

 
有茄汁雞翼啦~~~仲有川味肉粒炒豆仔~~~


仲有番茄豆腐湯~~加左青豆~~放左2粒家樂牌濃湯寶落去~~
好好味呀~~>w< daddy飲左2碗~~~haha~~