前日我又o係屋企攪攪震啦~~
留o係屋企太悶...跟住又開始整野食~~
今次整左馬仔...^^(咁大粒, 係咪唔應該再叫馬仔呢~或者叫大馬)
馬仔既做法比蛋糕更加易整, 亦唔洗動用焗爐~~大家都可以試下整~~^^
味道唔錯架~~當佢仲暖暖地既時候係最好食架~~我覺得~
而放到凍左佢又會硬左...=.="但隔左夜又腍返~~haha~~~^^
等我講下點整先~~^^
麵條材料有: 高筋麵粉130g, 蛋85g
糖膠材料有: 麥芽糖80g, 砂糖150g, 水65g, 白醋2-3滴, 發粉2g

先將高筋麵粉同蛋搓左麵糰, 碌成2mm高薄塊, 再將佢切成2cm長, 5mm闊既幼條
煮滾油, 將麵條炸至金黃色, 隔乾油待涼  (炸出黎個樣勁似迷你油炸鬼)
(由於個食譜話麵條大小可自行決定, 諗住大少少都唔怕啦~~點知炸左出黎咁鬼大)


跟住將所有糖膠既材料以大火煮滾, 煮到杰身就轉細火, 倒入麵條攪勻


之後趁熱將佢倒入模具壓實固定, 凍左之後崶可以拎出黎切件食~~


好好玩架~~得閒不妨試下整啦~~~



呢d hello kitty蛋糕好靚靚呀~~如果有人送畀我一定開心死~
不過都無乜可能...因為個蛋糕只係o係日本發售~~
早2日honey send左個綱畀我~~我就o係入面發現的............

**今日打去駕駛學院諗住book聽日上金牌路路通...
點知已經full晒~~如果要星期6就要去到6月2號先有位~~洗唔洗咁full呀??
我要再度度d期...或者平日去上啦~~