中秋節又到啦~~今年真係一場歡喜一場空.........
話說約好阿肥佢地去玩...打算bbq~~玩燈籠~~
(玩兔仔燈籠係我多年黎既夢想~~畀karrie笑我, 多年黎既夢想唔係結婚反而係玩兔仔燈籠~haha)
hoho成日話買畀我, 但我叫佢唔好買...因為怕買左都無得玩~
呢排...可能我又成日講隻兔仔啦...佢竟然二話不說買左隻畀我~~^^
今年諗住實有得玩架啦~~同阿肥日日o係公司msn都傾去邊到玩好~
點知...琴日佢話, 我地都係唔一齊去玩啦~~因為佢女朋友唔想............=.="
原因係佢女朋友呷我醋.........好無奈呀我~~
阿肥又係既....成日o係佢面前提起我....不過諗深一層, 其實唔洗咁嘛???
我話左畀hoho聽之後, 佢話..."你究成日o係我面前提起阿肥啦~~咁又點姐~"
咪就係囉!!!!提下姐~~唔洗死架嘛~~對自己咁無信心??

唉~~~原本諗住無阿肥佢地都仲有karrie啦......
點知轉個頭佢打畀我話陪唔到我玩燈籠~因為臨時要佢返工~~~
karen同winnie又唔知出唔出到黎....皇兄又唔知洗唔洗返工~~
睇黎...我隻兔兔都係可能無得出街架啦~~~~



呢到係公司樓下大堂...每年都有個燈謎陣o係到~~
上年見到simon贏左隻金魚燈籠上黎...我見到隻兔兔燈籠...諗住今年我都要玩, 要帶隻兔兔返屋企~~

今年我同阿肥諗晒策畋~~hee~~就係....
一個落去睇題目, 一個留o係上面即刻上綱check答案~~haha~~
呢個燈謎星期一開始左啦~~估唔到d題目都幾難架喎~~我地上綱check都唔係好check到~~
幾經辛苦先搵到....但轉過頭落去, 已經畀人估左.....
原來星期一至四既獎品係3樓canteen既$10現金卷~~
聽日....最後一日先係答中送燈籠~~
聽日, 我有客黎要開會呀~~千祈唔好咁早黎阻住我贏兔兔呀!!!