| «‹ July 2025 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | 31 | |
|
2008 年 9 月 12 日 星期五  |
| 2008 年 8 月 27 日 星期三 |
最搶手男女星座  |
分類: 生活中的點滴 |
★NO.1 巨蟹座 ∼∼∼搶手貨喔
男－不但賺到錢，更會煮飯做家務，照顧家庭，是好男人的典範。
女－對情人細心體貼，無微不至的照顧對方，對方話點就點。
★NO.2 雙魚座
男－永遠將妳放在第一位，事事遷就妳，令妳覺得自己像公主一樣。
女－會為對方無條件的付出，千依百順，絕對能滿足所有大男人心態。
★NO.3 獅子座
男－他會給妳最好的物質享受和照顧，不會讓妳憂柴憂米。
女－雖然她有點霸道，但她為你安排的一切，一定是最好的。
★NO.4 天蠍座
男－愛妳就愛得專一轟烈，並會盡他一切所能保護妳免受傷害。
女－一旦愛上你就堅貞不移，為你作甚麼犧牲也可以。
★NO.5 金牛座
男－懂得賺錢又懂得花錢，他會帶給妳不少生活情趣。
女－不但不易變心，而且又很懂得照顧你，常令你感到窩心。
★NO.6 摩羯座
男－雖然有點木獨，但勝在有責任心，他會讓你感到很有安全感。
女－她不懂甜言蜜語，但會務實地幫你打點一切，讓你的生活變得妥妥當當。
★NO.7 處女座
男－對將來很有計劃，跟他一起，妳絕對不用為未來擔憂。
女－她細密的心思，總是懂得你的心意，她為你做的一定合你心水。
★NO.8 天秤座
男－他的浪漫溫柔雖然會叫妳心甜，但他的花心倒叫妳很沒安全感。
女－有時未免太斤斤計較，計算下的愛情又怎會幸福？
★NO.9 牡羊座
男－凡事都以自己為先，不太懂得顧及情人的感受。
女－通常都要求對方付出的比自己多，心態也很自私。
★NO.10 射手座
男－粗心大意兼不解溫柔，和他做兄弟比做情人還好。
女－太著重自己的自由，很多時候不理會對方，自己跑了去玩。
★NO.11 雙子座
男－跟他一起樂趣的確多，不過有事的話他就會掉下妳一走了之。
女－她一時一樣，很難捉到她的心意，常常要猜度也很疲累。
★NO.12 水瓶座
男－不懂顧及對方感受之餘，有時更會很無情，令妳覺得毫無幸福感。
女－非常自我中心，最好各顧各，想她照顧你，為你設想也很難。
巨蟹座既hoho係搶手貨~~
都幾中既...係一點唔match~~就係...佢唔識煮飯做家務~~
獅子座既我...講得好中呀~!!!我的確有點霸道, 不過我會為對方安排一切~
大家又係點呢~~~ |
| 2008 年 8 月 20 日 星期三 |
公司birthday party  |
分類: Sakuraの
工作 / 公司趣... |
3位8月之星~~ada, tommy & me~~^^
 
今日公司birthday party既蛋糕...tomato既士多啤梨蛋糕(我至愛 )同A1既野莓黑森林...各2磅
個士多啤梨蛋糕係我地做馬訂架~ 原本有另一個蛋糕既票數係多過佢, 好似2票~
咁阿肥早走無投票, 而上個月既生日蛋糕投票佢又撐我揀呢個, 咁今次我就幫佢揀返呢個~~haha
而另一票既來由就係...因為有2個生日既同事揀呢個cake(包括我), 另外高票數果個就無生日既同事揀,
所以我地就順應生日既同事訂呢個...大生大晒嘛~~
原來tomato個士多啤梨蛋糕可以將d生日既名寫上圍邊既cream到架(我估應該係上面果層)~~
但我地因為3個名, 佢唔夠位寫, 所以畀左個朱古力牌我地~~
如果將d字寫o係圍邊既cream到...一定好靚姐~~~
A1既野莓黑森林...又話黑森林既...點解切開裡面係普通既雜果蛋糕架??
係佢畀錯呀定係真係係咁呢......
影左d相...upload左入去"08生日"既相簿到~~
當中有d Brian攪鬼加左d對話落去既攪笑相~~
今日馬雞大嬸無返工~~佢打黎公司請病假~~
一定係病啦~~琴日鬼咁精神~咁有火熱喝teresa~~
佢有心病姐~~知道自己瘀, 樣衰, 無面面對我地, 所以扮病逃避呢日~~
當我知道佢唔返果陣...心諗如果個蛋糕可以唔拎住, 留返聽日先去拎黎食就好啦~
係要佢面對d蛋糕呀~~~ 好衰...
轉個頭, 估唔到...原來ivy既諗法同我一樣...佢又係諗個蛋糕點解唔留返聽日食~haha
果然夾呀~我地~~
|
| 2008 年 8 月 19 日 星期二 |
我的低能同事 - 馬雞大嬸 (下)  |
分類: Sakuraの
工作 / 公司趣... |
我的低能同事 - 馬雞大嬸之下集黎啦~~
咁我地公司既同事每個月都會夾$買2個蛋糕為該月生日既同事慶祝~~
8月份既生日會就定左o係聽日(20號)攪~~
咁琴日teresa就傳蛋糕menu畀大家揀啦~~
我地好公正, 投票決定食咩蛋糕~~haha~~^^
當張menu傳返去teresa到, 咁佢見到最多人揀既2個蛋糕就計數收大家$啦~
最後收到馬雞...佢竟然同teresa講話無$喎~話唔夾喎~~
跟住轉過頭拉左teresa去toliet傾心事...(馬雞成日叫teresa去toliet傾密計)
teresa出返黎msn我話我知, 馬雞話因為無人畀過張蛋糕menu佢睇, 所以佢唔夾$~
我見到teresa同佢由toliet出黎之後teresa都拎返張menu畀佢睇~
(我仲以為馬雞問佢最後揀左邊個蛋糕添, 原來係有人發爛咋)
跟住, 佢睇完張menu同teresa講..."太遲啦, 我唔會夾架!"
咁teresa即刻打內線畀我同我講...我咪好大聲咁講:
"邊個唔畀$咁衰呀?叫佢唔好咁cheap啦, 之前阿yen唔食都照畀$啦, d人都唔合群既"
我擺明唔妥佢, 特登畀說話佢聽~~鬼叫佢lunch唔叫我叫飯~得罪我無好結果~~haha
跟住佢依然企硬唔肯畀$, 咁無計啦, 我地唯有重新計過數啦~~
呢個時候已經係放工時間啦~~馬雞走左~~
佢係咁打teresa手機, 但teresa唔聽佢電話~點知佢無啦啦打黎公司搵我~
仲以為佢想同我講我d配料既野...點知第一句:
馬雞: 我想問你呢...其實你係咪嬲左我呀?
sakura: um...你想我點答呀? (心諗: 我擺明係嬲啦, 知就算啦, 仲要問~呢d咪叫丟架囉!!)
馬雞: 其實我唔係唔想夾$架, 而係你地無人畀過張menu我睇, 好似無專重過我囉~
sakura: 咁你無睇過張野, teresa出電郵話要收$果陣你唔問佢攞黎睇?
(早知答佢~你lunch叫飯唔叫埋我, 你又有冇專重過我呀? 唉~蠢左!!!)
馬雞: 咁但係係咪應該有人拎過黎畀我睇呀? 我唔係話針對你地邊個...
sakura: 我唔知喎~張野係咁傳開去, 我唔知邊個唔傳畀你架喎~
跟住唔記得佢講咩啦, 但都係同以上內容差唔多...
最後唔知佢咩事, 話佢會夾返$~話聽日(即今日)返黎畀$ teresa~~
我同teresa講返...但佢就話唔收佢$呀, 唔預佢呀, 最多我出多份$...佢話架嘛, 太遲啦~~
到左今日....過左半日, lunch時候teresa就出左個mail畀全世界話(當然包括馬雞)...
由於有人唔畀蛋糕$, 我會自己出多份, 唔洗各同事夾, 亦唔會再收$
馬雞見到個mail, 好似醒覺咁即刻攞$過去teresa到畀佢, 但teresa唔收, 同佢講~太遲啦~~好爆笑
跟住下午, 有同事答個mail, 話既然有人唔夾, 咁不如重新計過條數~
等了15分鐘, 無人回應, 免得呢位好同事好似個傻婆咁無人理, 我就答咀話讚成~
跟住另一個同事答咀, 語出驚人...話: 我都讚成重新計過條數, 果個唔夾$既人最初睇到teresa話收$既mail時好應該一早出聲啦~
我同阿肥見到個mail O晒咀...果然勁呀~~haha~~
跟住馬雞走去toliet打teresa手提, teresa唔聽佢電話~~又send左2封sorry letter畀teresa, 但teresa都唔理佢~
又到左放工時間啦~~佢走左, 又打返黎公司搵teresa....
teresa話返畀我聽, 佢第一句就好惡咁問teresa: "咩事呀你?"
teresa答佢: "咩事呀?我唔講啦~唔得閒講呀~" 跟住cut左佢線~
呢個蛋糕問題無左下文.....唔知聽日會點呢~~
諗諗下...我地會唔會過份左d呢.....唔知佢係咪喊緊呢~~
(佢勁鍾意喊, 小小野都喊一餐, 做錯野, 人地話返畀佢知, 已經唔係好火咁同佢講, 佢都可以走入toliet喊~跟住call teresa入去哭訴~)
咪住!!講起lunch....琴日明明張canteen既餐單o係我到, 今朝仲畀我收埋左~
諗住如果佢問起既話就同佢講琴日怒火沖燒之下掉鬼左~~
但點知佢又o係自己位到搵左另一張出黎....咁好明顯3張餐單都畀佢收埋晒啦~~
死野...收埋咁多做咩呀?可以當飯食咩???
因為呢樣野, 我又開始火滾...今日完全無同佢講過野...我有野要佢做, 都係出mail畀佢叫佢做~
阿肥笑我傻瓜, 話坐佢對面都要出mail....咁人地唔想同佢講野嘛!!! |
我的低能同事 - 馬雞大嬸 (上)  |
分類: Sakuraの
工作 / 公司趣... |
原本應該琴日上黎寫以下呢篇blog架~但OT回家已好倦, 不想打野...
今日已經係非打不可!!因為又有另一樣野發生~~
如果有留意我個blog既朋友仔...應該記得有一日我講過公司新黎既配料同事...maggie
呢~~果個話自己做左5年跟單, 但係唔知佢點做野, 出畀客既英文mail又唔知佢想講咩果個呢~~
什麼 "please you reply me" 既主角呀~~
初初以為佢只係英文唔掂啦, 原來連中文都唔掂, 出畀廠既中文mail都唔多知佢想講咩~
d標點附號又亂咁加~~完全唔知佢想講咩~我聽日返去copy其中一封mail過黎畀大家過目~~
我地d跟單每日都要嘥d時間黎消化下佢想講咩~
有時廠既同事會打畀我地跟單問佢究竟想講咩~
佢地都已經唔會直接打畀當時人了, 因為怕聽佢講完都係唔明~~ha
一句講晒, 呢個人完全做唔到野!!所有同事連廠同事都好唔鍾意佢~~
好啦, 入返正題先...
話說琴日中午12點半...teresa提我叫飯...咁我地就o係到搵3樓canteen張餐單啦~
平時3樓拎上黎, 係teresa開門接既, 會有3張, 佢都會畀一張我, 一張maggie, 一張anne~
咁琴日teresa話無見過張餐單, 仲企o係我個位到好大聲咁大叫問有冇人拎左3樓餐單~~
佢係公司既大聲公, 相信佢呢一叫, 坐o係最後既larry都一定聽到~~
但問左3次都無人應, 咁我地以為3樓無拎上黎啦...就打去3樓問有咩食...
3樓d姐姐又忙啦喎~~又話已經拎左餐單上黎畀我地, 跟住話一係我地落去睇有咩食~~
咁teresa見我忙緊, 就好好人咁幫我落去睇有咩食兼且拎返張餐單上黎~~
佢落到去打電話上黎畀我話我知有咩食, 咁公司唔只我要叫飯架嘛...我諗住其他叫返既同事都未知有咩食, 未叫啦~~
就好大聲咁跟住teresa讀出今日有咩食...當我讀到第3樣野食既時候...
我阿姐anne突然由後面拎住張餐單行上黎畀我...我呆望住張餐單, 再同teresa講我地有餐單啦, 叫佢返上黎~
同一個時候...我阿姐話佢已經叫左飯...而我見到佢拎過黎既餐單上面寫住maggie個名!!!
佢寫底自己食咩, 跟住就拎左張紙去後面畀我阿姐~~
teresa一面委屈既樣返到上黎話, 佢o係下面畀d阿姐話佢, 話明明有畀餐單我地, 而且有同事叫左飯~
跟住teresa係咁話 "d人做乜咁自私架, 叫飯唔問埋其他同事" 我又拍晒枱咁加把口同佢一齊講~~
因為我知道罪魁禍首係邊個~~佢就係坐我對面既maggie!!!
佢有咩可能自己睇完食咩寫底, 跟住唔問下有冇人要叫就拎去後面畀我阿姐丫???
最重要係...我坐o係佢對面咁近佢都唔問我呀!!!!
唔問我都算啦...咁頭先teresa咁大聲問有冇拎左餐單, 佢可以係無反應架囉~~
後面d同事都聽到, 我唔信你真係咁專心做野聽唔到其他野囉~~
(好多時候, d同事叫佢, 佢都好似聽唔到人講野咁, 越叫越走的~
佢係咪咁專心到進入左忘我境界呀??定係遊緊魂呢~~??)
呢個時候, ivy去完toliet返黎見到我同teresa好火咁o係到嘈, 就走埋黎問咩事~
sakura: 我地無飯食啦~~d人叫飯又唔問人洗唔洗叫~~
ivy: 邊個咁衰?
sakura: 我終於明白你當時既心情啦~
ivy: 哦...又係佢~~
呢隻maggie已經唔係第一次架啦~~之前好多次都唔叫ivy叫飯~~
佢初初黎果陣係ivy走埋去佢到問佢食唔食飯架, 跟住ivy會幫佢叫埋~
日字耐左...佢就每日自己睇完食咩寫底就畀張紙ivy叫...
咁有時ivy忙叫佢幫手打落去叫~佢竟然可以畀張紙另一個同事, 叫佢幫手叫~~仲要唔該都無聲!!
之前ivy為左呢件事興左一排~~ivy好唔鍾意maggie~~
今日我終於都體會到ivy當時既心情....
即使maggie點樣做錯我d野, 原本我一直都忍佢, 當然唔多like佢啦, 但經過琴日叫飯既事之後...我更加唔鍾意佢!!!
琴日, 亦係我o係呢間公司第一次發咁大脾氣, 拍晒枱, 掟晒野咁~~
識我既人都知我EQ好高, 唔多見我發脾氣, 公司同事更加係第一次見我發脾氣~~
以為琴日到此為止架啦~~點知, 瑪姬小姐又攪出另一個鬧劇...........
轉頭返黎繼續~~~
PS: 點解佢會變左馬雞? 因為o係公司我同阿肥msn, 講起佢就會叫佢做瑪姬...跟住變左馬基/ 馬機...
再經過呢個叫飯事件...我覺得呢個人好騎呢, 好怪雞...
所以由今日開始我就叫佢做馬雞~~
|
| 2008 年 8 月 17 日 星期日 |
| 我的08生日PARTY |
分類: 休閒娛樂 |
今年既生日有好多birthday party~~^^
首先係10號, 屋企既party~~
跟住正日12號, 同hoho去左金鳳据扒~仲諗住又有 收, 跟住佢成機求婚~~
(睇完"我們的低能婚禮"既後遺症~~haha)
點知無...hoho話因為花店無鬰金香所以無買...花店話鬰金香好渴市...而且貴左好多...
雖然鬰金香係我至愛, 但其實太陽菊我都一樣鍾意架~~kaka
不過...如果求婚...我會buy紅玫瑰~~因為大路d嘛~雖然我唔多鍾意玫瑰~
(又o係到發白日夢......... )
之後13號, 有公司既生日飯局~~一行13人去青葉食buffet慶祝我同tommy生日~~
青葉唔錯架~~我地4朵金花既聚會下次可以考慮下呢到~~^^
食青葉...最開心既實係hoho同阿肥~~因為佢2個可以狂食......
2號果日公司一行8人去唱完k~~跟住就阿肥+tracy+我+hoho去左食青葉~~
佢2個果日已經, d魚生船一艘艘咁畀佢地打沉~~應該有4-5艘...每艘都有起碼30件魚生的!!
跟住d野飲又一杯杯好快唔洗5分鐘就無左~~佢2個都係水怪~~
13號呢日....佢地又黎打沉d船...我地話...下次青葉見到你2個會唔做你地生意呀~因為圍唔到本~haha
跟住佢地話...下次你地訂左位我地先黎~
我地又話...人地見到你2個已經唔畀你入門口啦, 訂位都無用~~
16號琴日...到我地4朵金花既party~^^我地終於約齊人啦~
由6月karen生日開始約...約到我生日終於齊人....好感動呀~~
我地去唱k buffet...因為6人有蛋糕&香檳送, 所以我叫埋ivy同teresa一齊去~~^^
我地去左瓊華neway...上neway個綱睇又話呢間有梳乎厘食既...又話咩酒店級buffet~~
點知, 咪又係果d野食...無黎特別...更加無梳乎厘...超~~~
跟住唱得3個鐘....唔係好夠喉呀~~><" 2號果日已經唔夠喉架啦~~>"<
下次幾時再去唱呢~~
唱k前未齊人, 我幾個去左買化妝品~去maybelline買左支xxl既mascara~~好得!!各位可以考慮下~~
琴日member買野有75折~~平左好多呀~~^^
唱完k再去sasa卓越掃過....買左盒粉紅色閃粉~~整指甲用~~
之前得盒彩藍色...想換下色襯衫~~haha~~^^
其實想買銀色架...但搵左好耐都無~~一係粒子好大, 唔靚~~
唔知整水晶甲既鋪頭o係邊樹買既呢~~~下次去整問下佢先~~^^
 
下面呢個咁cuite既kitty + daniel音樂首飾盒, 係細妹送畀我既生日禮物~~^^
 
好鍾意呀~~  音樂盒係我其中一樣好鍾意既物品~~一直都好渴望有人送畀我~
但我又唔會自己買, 因為我覺得人地送會開心d, 浪漫d~~
阿妹...你終於實現左我既夢想啦~~~haha~~
睇下佢2個幾靚仔靚女~~~^^
2個公仔可以拎出黎架~~~大過我隻手掌~~^^
好開心呀~~~
上個月終於都添置左部新既4合1 printer~~^^
好~~等我print下d相先.......
o係相簿到開左個新folder, upload左各個生日會既相上去呀~~
有興趣去睇下啦~~^^ |
| 新歡VS舊愛 |
分類: 有感而發 |
上回講到我既舊電話~~sharp SX633
想當年, 我都係畀佢既美貌迷惑左~~(我特別鍾情粉紅色~)
果陣部機岩岩出, 出面未有得賣, 只有smartone有, 我又勁鍾意佢~~
所以就算要簽1年半contract同埋無得自己入鈴聲, 我都say左 i do~~
我好清楚咁聽住條友話..."合約其間, 你入落部機既歌唔可以做鈴聲, 只可以聽"
呢1年半內...我就只有好乖咁上smartone download鈴聲~
當然佢唔夠我update~~好多歌我聽左半個月至一個月, 佢先有得download~~
不過總算好快捱過左...今年6月, 我既contract終於完啦~~
果日, 我去左smartone解鎖, 跟住好快咁傳自己一早入定落去既鈴聲啦~~
點知...係入唔到既...即刻走返去smartone問啦...
佢話部機可以入鈴聲架喎~我再問..."用唔到喎~~我簽contract果陣你同事同我講合約其間唔可以自己入鈴聲, 會唔會仲有d野你地未解鎖呀?"
佢就話: "唔會呀~~其實你一直都可以自己入鈴聲架喎~無話簽contract唔入得鈴聲架"
我開始無奈....再講: "但我依家真係入唔到喎~"
佢就話: "呢部機唔支援mp3格式架喎~~你要入mmf格式or 3gp格式架~"
我好無奈加好火咁走左.....
死人頭丫~~~我明明好清楚記得當時條友話..."合約其間, 你入落部機既歌唔可以做鈴聲, 只可以聽"
依家又話~"其實你一直都可以自己入鈴聲架喎~無話簽contract唔入得鈴聲架"
我就係咁畀smartone呃左1年半, 無得用自己鍾意既鈴聲~~ 激死我!!!!!!!!!!
之後, 我去搵d mmf, 3gp格式既鈴聲入落去~~~但係用唔到~~
我以為係果d鈴聲唔係正版既問題啦~~
跟住仲自己去搵個程式, 自己去整mmf鈴聲...結果都係一樣...用唔到~~
試左好幾次, 都係唔得~~最後決定放棄~~
拋棄左呢個舊愛(SX633), 投入左呢個新歡(KU990)既懷抱~~hahaha~~
|
2008 年 8 月 12 日 星期二  |
| HAPPY BIRTHDAY TO ME!!! |
分類: 有感而發 |
終於都入得返黎qooza啦~~好感動~~
成個星期入唔到黎, 仲以為佢又好似之前個日記咁down左...
好彩最後都絛事...仲可以keep返我之前d野o係到~~
無黎update既呢排...我做左好多野呀~~影左好多相打算up上黎.....
聽日, 唔係, 後日, 唔係, 星期4!!星期4我會上黎update返, (因為聽日同後日都有生日飯局^^唔得閒~ha)
攪攪下其他野....唔經唔覺就已經踏入了8月12日~~my birthday~^^
HAPPY BIRTHDAY TO MYSELF~~~
hoho好準時, 一踏正12點, 就用3G同我講左生日快樂~~^^thx baby~~>w<
上面呢個咁靚靚既cake~~唔洗講大家都估到又係我既傑作啦~~^^
無錯...佢係我整既栗子蛋糕~~星期6整既, 星期日開生日會食左~~
this cake is for myself & 13號生日既ling ling~~
我地星期日開左個別開生面既生日會~~
首先...蛋糕改為下午食.....正常係有薯片氣水果d陪襯架嘛~~
我地卻換上了煎釀三寶, 魚蛋, 炒麵~~haha~~~>w<
跟住夜晚...我地倆"老"去酒樓擺大壽~~d"後生"真畀面~~hahaha~~
hoho送畀我既生日禮物~~^^
我見佢用篤篤機玩得咁開心~~於是我都出返部黎玩~~
同hoho用情侶機~~一黑一粉紅, perfect match~~
下次講下我部舊電話先~~好激氣架!!>"<
|
我呢期好紅  |
分類: Sakuraの
工作 / 公司趣... |
結果...星期6我真係無上到黎寫blog~~haha~~>w<"
我都唔想架~~因為媽咪用左我部腦黎上綱追劇~~所以我無得用部腦, 打唔到....
呢排成日都落雨...好不容易才放晴了一天, 隔天又是落大雨, 最討厭係行雷...
仲要o係人地熟睡既時候行雷...原本正甜睡當中, 都會被一個巨響嚇醒~~之後更以入睡~><
上個月買既藤籃袋, 只係用左幾次...跟住一直落雨都用唔到, (咁陽光feel既袋, 無理由o係雨中用佢架~~)
新買既kitty電風扇亦都係用過幾次而已~~
(講起呢個藤籃袋都有d激氣~~上個月買既時候, o係街無乜幾多款, 於是乎我就上綱搵啦~~
第一眼見到佢, 對佢一見鍾情~可能佢係粉紅色啦~~haha^^
但見佢賣$199...覺得有d賣, 咁就再搵下有冇啦~~
結果畀我搵到個seller賣$89.9...更係諗都唔諗, 即刻買啦~~ivy都同我一齊買左個, 佢係橙色~
而且o係出面無見過呢個款~覺得好特別, 一心諗住應該唔會點同人撞袋啦~
跟住...上個星期, 我地去旺中買襯衫既外套仔, 有同事講果到d外套20幾蚊就有交易, 而且個樣都ok, 咪同ivy去睇下囉~~
點知就畀我地發現到處都有呢個袋賣...=.="
ivy仲走去試探下佢賣幾$$...唔問由事可, 一問激死我地...佢賣69.9...)
唉~~~個袋即刻好唔特別...灰爆~~)
 
個袋用唔著, 但有另一樣野就大派用場啦~~
又係上月初買既水鞋...呢期差唔多一星期最少著3次~~haha~~^^
好彩我買得早咋~~聽聞依家d水鞋升晒價, 而且又斷碼~~
總算有返樣野令我安樂返~~
跟住落黎要介紹既就係呢件芒果蛋糕啦~~
上上個星期6整架~~因為daddy想食就咁既蛋糕, 唔要cream~
所以我就只係切左一半黎整呢個mango cake~~^^
味道ok, 但個賣相有待改善~~
今日...又有個客失驚無神咁話要上黎~~
又係星期5果個肥女人果間agent公司~JB Group既Nitu小姐帶另一個客上黎~
不過今日黎呢個客好好多...想做既貨期係11月~~咁先係正常人丫嘛~~
不過揀左好多款衫呀....我有排OT啦~~>"<
星期3...果個恐怖既肥女人又會上黎~~>"<
星期5有D野未傾完...同埋想睇下有冇野可以畀佢批~~
不過今日廠同我講, 星期3應該趕唔切D野畀佢批~~
佢果日攪到我無得出去食LUNCH~~希望星期3唔會啦~~
好驚呀...星期3得返我自己應付佢...因為阿哥Brian要上廠, 佢同老細要陪有另一個大客上去~
不過...我阿組話睇下佢到時有冇時間...如果我想既, 佢都可以陪我見客既~~^^好感動~~
講起呢個JB Group...其實佢係一間印度公司~~
唔講大家應該唔知, 其實我識聽印度話架, 不過唔係好識講~~
(因為爺爺嘛嘛係印度華僑, 細細個開始就係咁聽佢地講野~~所以都可以同佢地作簡單既溝通架~)
不過公司無人知我識印度語, 我更唔打算畀個客知我識~
因為咁, 我就可以o係開會期間聽下佢地講緊d咩, 咁既話, 佢鬧緊我地定係讚緊我地都可以畀我知道嘛~haha~好奸~
遲d會唔會接左個雲南客返黎架?
雲南話我都掂架~~講得好過印度話架~我覺得~~haha~~
呢期我頻頻開會...25號又有另一個客黎開會啦~~
呀~~救命呀~~~即係我有陫忙啦~~
好想整cookies...好想整opera cake...好想整麵包呀~~
依家又落大雨啦...又行雷又閃電...今晚點訓呀???  
唔好落住啦, 聽朝再繼續啦, 跟住掛黑雨~~~good呀!! |
2008 年 7 月 11 日 星期五  |
| 肥女人 |
分類: Sakuraの
工作 / 公司趣... |
今日同個又肥又黑既恐怖女人開完會~
佢係我個客....但佢真係勁恐怖~~個肚腩大到好似有左8個月咁~
而且又變態~~依家畀辦我做, 叫我8月尾落貨畀佢~~
咩都未做, 未批...毛都訂唔切啦~~到時真係畀條毛佢囉~~
同佢講個貨期無可能做到, 佢就即刻變樣, 幾凶呀~~
佢個樣...依~~>﹏< 諗起今晚都會發惡夢~
我又有好多日無上黎update啦~~無辦法啦~~呢期我又OT啦~
聽日放工, 盡量準時1點閃~返黎寫返N咁多篇之前未寫而又想寫既blog~~
可能有人話, 你終於肯update啦??聽住先啦............... |
« | 11 | 12 | 13 | 14 | 15 | 16 | 17 | 18 | 19 | 20 | ... | 77 | »
|
