hoho琴晚同皇兄北上尋歡, 今朝先返~~
佢上去舅父到拎野畀婆婆喎~~
今朝11點幾返黎, 打畀我話好眼訓, 訓一陣先過黎我到~~叫我4點零打畀佢叫佢起身~~
咁佢唔陪我...我就同lingling去shopping啦~~
lingling收穫好豐富~~我都買到一條返工既裙~~^^
之後我地上左去color rich~~lingling話想睇熊熊~~~
跟住佢又買左我隻毛毛~~同款既熊仔~~^^因為其他真係無毛毛咁靚仔~~haha~~
跟住我又蓄夠14個印花換cushion~~~


就係呢隻熊貓啦~~^^黃色果舊係細妹既長頸鹿~~佢男友送畀佢既生日禮物~
縮埋一舊係隻公仔......攤開佢就係一個cushion啦~~~好攪笑~~


好啦~~到左6點我地行玩街準備返屋企, 打畀hoho叫佢起身啦~
點知佢話腰骨痛唔過黎啦~~
衰人黎架~~應承左人又唔黎~~激死我啦~~~>o<
死人頭~~你最近經常性咁觸怒本宮呀~~~~
之前無陪我, 跟住講好第2日過黎接我放工~~
點知就同皇兄去左打波, 跟住話o係屋企等~~=.="
到我返到屋企, 你竟然訓左覺.....=__________="
最近成日應承左人d野都唔做~~做咩事呀你??作反呀??
激嬲本宮係唔會有好結果架~~!!!!!!!!!
依家有10個嬲呀~~!!!!!!(10個滿份)
哼~~~我就唔聽你電話~~嬲你呀!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
火滾中..............

終於都update返晒之前唔得閒寫既post啦~~v_v
最愛qooza可以畀我返去過左去既日子寫返之前既野~~^^畀10個good你~!!!
呢個星期真係好忙...差唔多日日都要ot...年尾有好多貨要走~~好驚會遲期呀~~>w<
d時間又過得咁鬼快...果頭先埋怨緊又到左星期一...轉眼間今日就已經係星期6啦~~
好唔夠用呀d時間~~!!!每日都處於唔夠訓既狀態......
究竟係我既生活充實左丫~~定係個地球有問題呢...有咩可能d時間會過得咁快架??
琴日ot坐到我腳都痛埋...=.="企到腳痛我就成日會架啦~依家坐都有得痛, 死未...
星期6, 我應該要book返d金牌路路通黎上既~~仲有2堂未上~
但係...做左成個星期野好倦...攪到無乜精力去上堂, 連行街都唔想呀~~>"<
只係想唔洗ot, 快d放工, 跟住一支箭咁衝返屋企叉電~haha~~~^^..v
屋企換左個新既飯煲~Panasonic可以焗蛋糕果個~~^^
一直想搵日試下焗, 但一直都無時間.../_\
一直想整opera cake, 應承左mandy上佢屋企教佢整tofu cheese cake...又係一直無時間....>"<
希望下個星期唔好再係咁忙啦~~因為下星期5開始一連7日我要進入既作戰狀態!!!
aaron個concert終於都殺到黎啦~~^^祈待的!!!
但信用卡訂飛果到, 我仲未收到囉...=.=" 有人今日收到啦~~我幾時先收到呀??好緊張呀~

*今朝返工遇上我有史以黎既第一次巴士死火...=.="
佢去到彩虹開始有d問題...引擎係郁架~但就開唔到車~~
等左大約10幾分鐘, 諗住落車搭另一架啦~~點知呢個時候佢又郁得返啦~~
咁以為佢無事啦~~咪坐返埋位囉...亦打左返公司話我會遲小小返~~
點知佢行到九龍灣真係死左...再行唔到...今次停左o係站與站之間果d位~所以就算落車都無車搭~
最後唯有o係到等佢下一班車黎救我地~~(呢條線d車係15分鐘一班架=.=")
結果我9點40幾分先返到公司~~
我以為今日我係最遲返既一個...但原來仲有2個仲遲過我未返, 佢地又塞車喎~~
唉~~我要去買六合彩呀~~一定中頭獎呀~~haha~~~

靜兒今日打畀我~~佢話佢媽咪已經幫我地上左fans club拎左d飛啦~~
一場係第2行, 一場係第5行~~好興奮呀~~~第2行~~好開心~^^
雖然前面會有加行...但第2行真係非常之唔錯架啦~~^^
grace今日就出左去買加場既飛...買$150...第32行...都ok啦~~
仲掙我信用卡訂果d唔知係咩位咋~~緊張的~
靜兒12號返黎啦~~^^佢會買手信畀我地~~heehee~~
我唔要星洲炒米架~~

今日o係屋企同阿妹慶祝生日~~同佢攪個80大壽...唔係, 應該係18大壽先啱~
佢聽日先係正日~~因為今日媽咪放假, 所以今日攪~~
我特登去訂左個opera蛋糕~~~(haha~~生日既係佢, 但蛋糕就我話事~~)
之前搵左好耐, 都搵唔到邊到有opera蛋糕賣...
某日無意中畀我o係綱上發現cake box有呢個蛋糕~~
勁興奮~~^^無問過主角既意見就已經決定訂呢個cake做佢既birthday cake~~
 
但係...最後對呢個蛋糕同埋cake box好失望囉......
一開始都知道呢個唔會係正宗既opera...因為佢用左榛子醬代替左咖啡忌廉~~
但係......估唔到, 佢個蛋糕只係普通蛋糕~~人地係杏仁蛋糕黎架嘛~~>"<
仲有, 人地係9層, 佢得8層...最離譜既係佢面層既朱古力可以成塊片起...
仲有...佢個蛋糕有d硬, 好似我d失敗既作品咁~~~而且佢d cream雪到硬晒~~
hoho都話...好懷疑佢係咪留返星期六我地見到果個畀我地~~
講真...食落真係唔似d新鮮做出黎既蛋糕咁...
佢粒士多啤梨仲好明顯係放左幾日放到就爛既衰樣~~當然掉左無食啦~~
好失望呀~~!!!!以後都唔係再去呢間野買蛋糕~~!!!!!!!!!!!


我自己整既豆腐cheese cake賣相同味道仲好過佢~~haha~~^^
阿妹話想食我呢個tofu cheese cake...所以琴晚整左幾杯~~
上面既熊仔生日牌係hoho堅持要買既...佢話咁樣整出黎既蛋糕會靚d喎~~



上個星期買左呢隻膠曱甴返去嚇阿肥~~~
佢真係畀我地嚇到成個人彈起~~再由自己個位跑左去細辦房咁遠~~
haha~~~個個都畀佢笑死~~
今日...我睇睇下e-mail...(我隻手o係電腦枱個mouse上面)
突然間有隻曱甴仔o係我隻mouse隔離行出黎...我第一個反應係呆左...
過左幾秒我先識大叫同埋彈開~~我前面既阿肥聽到我大叫曱甴當然又係走啦~~
後黎anne同steven合力捉左隻野...好彩捉到佢咋....唔係我坐o係到實有排驚~~
我初初見到隻野走出黎, 仲以為係阿肥買左隻識郁既曱甴返黎嚇返我所以我先會呆左望住佢~
haha~~~^^"呢d係咪叫做嚇人終嚇己呢....

自從年初畀某人影響, 再加上轉左新工...我已經轉左look~
由一個casual少女look轉左做成熟OL look~~
身邊既朋友門都開始轉左look...係咪我地大過左呢~~haha~~^^
最近...連hoho都話要轉look...佢話想轉斯文look...(做咩呀??想襯返我呀?)
今日陪佢去買左d裇衫同對斯文鞋...著返佢件棉質西裝褸~~good呀!!!
佢隻斯文鞋個底成寸厚~~佢已經夠高架啦~~佢著埋呢對鞋~~
我就要出動我隻白色3寸高根鞋先可以拍得住佢啦~~=_____="

 
今日公司又有生日會啦~~
好似食左蛋糕無幾耐之嘛~咁快又到左11月有第2個生日會啦~~
tiramisu同mango cake~~
東海堂既水準都幾ok~~^^

痴線架~~aaron個concert又加場~
邊有人加場會加係頭場既前面架??
今次呢個concert好唔掂~~加場加得咁樣衰~~續d續d黎加~~
仲有加得太急...攪到做唔到內容認購~~
今次加既16號...又無啦啦有得內容認購~~不過我地傾過~~
由於已經有4場係$400...好貴呀~~所以呢場買平飛睇算~~
唉.....激死~激死~激死~

毛毛有新衫著啦~~^^係咪好靚仔呢佢...
hoho話毛毛著左黃色呢套成個Edsion咁喎~~haha~~
 
 
今日去左沙田行新城市....因為我知道果到有間rich...諗住過去幫毛毛買衫~
朗豪坊果間無乜衫.....果然...沙田呢間多d款畀我揀~~^^
一口氣就同毛毛買左2套衫啦~~^^
都係無買"ming"...一黎無我想要既色啦,
二黎hoho話毛毛係男仔, 唔著"ming"架~~乸型先會著"ming"喎~~

之後我地去左行而家傢俬~~買左張價值$69.9既雙人冷氣被~
同埋特價$99.9既雙人被袋連枕頭袋4個...(咁多枕袋做乜...又唔連埋牀單)
因為我得張單人冷氣被~有左張雙人既...o係呢d秋天既時候就唔怕hoho唔"琴"被冷親啦~~^^

夜晚同皇兄&佢地d波友去左打邊爐...
今次到hoho打上癮~~病住都要去打~~激死~=.="

今日同阿肥& ivy去左理工大學參觀紡織學系~~
人地2點至4點...我地就好悠閒咁食埋個lunch先過去~~
我地去左apm食味千~^^又可以換埋張新既member card~~
原來已經有成千幾分架啦~~今日用左佢...呢餐lunch係免費架~~haha~~^^..v
我地3黠幾先去到poly...入面又大又唔知我地要去果個hall o係邊喎~~搵都搵左一段時間~~
終於搵到啦~~點知又入唔到去喎~~諗住無架啦~~
點知又畀我地好好彩咁遇到個阿sir走出黎喎~~
跟住佢仲好好人咁帶我地再行多次, 講解多次~~
係只得我地3個架咋~~!!!阿肥話~原來遲黎係有so架~~haha~~^^
poly都幾多機架喎~~有d機之前o係jazzing都見識過~~好似電機呀, 織機咁.....
o係poly讀佢呢個course要成幾萬蚊....@.@
之前d人都係咁問我會唔會搵d呢行既course讀下~~
我既答案永遠都係...都有諗過既...不過無$$~~
其實...諗真d...如果我真係去讀既話, 我都唔會點聽得明, 唔會點畀心機去聽~~
因為...其實我都唔係鍾意做呢行既...我既終極目標依然係cso!!!
就算係搵crouse讀都會搵d有關呢類既野去讀先啦~~haha~~~^^

今日係aaron既生日...亦係加場飛共開發售既第一日~~
琴晚阿德放工就去左沙田大會堂排通霄~~今日我請左半日假去join佢~~^^
好勁呀~~佢排第一個~~^^一心諗住可以買到靚位啦~~
9點過到去等到10點先開始賣...果個人已經好好...知道我碌卡...未到10點就同我碌左先...
一到10點就click入去同我拎位~諗住可以快d啦~~^^
點知...冥冥之中自有安排...就算我地一早prepare好晒d野...ready好晒都好...
都係敵唔過其他人...同一時間係有50幾處地方一齊賣...
就係咁...果人就同我地講..."第18行".........
有冇攪錯呀???排第一點解會係第18行架?????雖然內部block左好多...(又唔係畀我地fans club訂, block黎都唔知做乜)
但都未至於18行咁離譜架~?!!!無可能架~~~~
係咪因為我地一口氣買8張...佢前面d位無晒一行過8個位...所以要去到咁後呢???
鳴.......好唔開心呀~~~>"<

唔知內部訂左果2場會係幾多行呢??唔知信用卡訂果d又會係幾多行呢??
依家只係得返呢2個希望咋~~唔會又希望變失望吓嘛~~=___="
信用卡訂果到我都唔奢望咁多...因為我唔係公開既第一日去訂...所以應該都唔會有靚位~~