痴線架~~又一次過生4粒飛滋o係口~~痛死人咩~~?????
痛到我lunch都無食...練仙呀我可以~!!!
救命呀~~~要痛幾多日呀???

惠康有大頭貓公仔換呀~~~!!!!好想要隻波斯貓呀~!!!
各位如果去開惠康買野記住拎印花呀~~
唔要既畀我啦~~我好樂意收留佢地架~~haha~~

post返上星期mandy farewell既相出黎先~~^^

 
呢日我又整左我拿手既tiramisu~~用左個好靚靚既蛋糕盒拎返去~~蛋糕仲用埋透明帶圍邊~~
拎到返去...d同事仲以為我買返黎架~~haha~~^^"


mandy好興奮咁同"佢"影左好耐相....佢好開心~~~^^
結果攪到食果時淋淋地~~=.=
今次既tiramisu個底幾特別...原本應該用手指餅~~
由於屋企有存貨所以無買到~~點知返到去先發現d餅發左毛~~咁化學架~
之後落去百佳諗住買消化餅做消化餅底~~百佳係無整蛋糕用既手指餅賣架~
但諗諗下好又怪怪地咁...之後靈機一觸諗到用莎莉蛋糕做底~~^^
整出黎個樣唔錯架~~^^仲好好味添~~^^
我覺得莎莉蛋糕底仲好食過手指餅底呀~~!!!下次都用莎莉蛋糕整~~^^
d同事不停讚我~~仲話分得太細件唔夠喉~~
sorry...我最大既蛋糕模只得6寸~~

  
睇下各同事狼吞虎嚥咁既食相~haha~~^^
有pizza hut同kfc...入公司數~~good~~^^

mandy今日飛lu~今朝同佢傾左陣計...佢10點9機~~
無左佢o係公司真係覺得好唔慣~~
以前會有佢同我一齊去toilet.....
lunch既時候我地一定會一齊坐~~分享大家既野食~~
仲試過唔同大隊坐~~2個自己坐出面~
依家...只得返我一個孤身作戰~~

琴晚去左姨婆個喪禮...咁大個女都係第一次去呢d場合~
6點幾就去到...拜左姨婆...見到嘛嘛喊...我既眼淚亦不受控地流了出黎~
睇睇佢既遺容...嘛嘛喊得更加激動...我又忍唔住~
之後我地坐埋一邊為姨婆摺元寶...
或者可能係無用...但呢個係我唯一可以為佢做既野~~
仲以為呢d咁既場合會好憂愁好嚴肅.....但估唔到d人會o係到講笑囉~~
心目中嚴肅既喪禮變成左個大家相聚既聯誼會...
都好既...相信姨婆都唔想見到我地為佢傷心~~
聽講...我地既眼淚會變成雨水...我地既呼叫會變成強風...
呢d水同埋風會攪到佢既魂魄好辛苦...會整濕佢, 會佢吹走佢~~
所以...即使我地有幾傷心都好...都唔好喊咁多~~
我同媽咪, 細妹留到11點就同嘛嘛返屋企~而daddy同姑姐就守夜...
臨走既時候...我見到d工作人員拎麻雀入黎囉...
跟住有d人就開始打麻雀啦~~有d就玩啤牌~~咁都得架咩??

今日6點鐘就起左身...畢業之後都未試過咁早起身~除左去旅行~
阿妹琴晚應承左我會去...點知佢唔肯起身...=.="
大殮儀式原定8點半舉行...點知等到9點幾先開始~~
之後再送埋佢去富山火化場~~
果一刻...相信大家都留左一公升既眼淚........
就係咁...我地就同姨婆永別了...以後都唔會再見到佢...只可以o係相到見到佢~~
相信我會一定會有一日o係天國相聚架~~!!!
我永遠都會記得你~永遠都會咁掛住你~~><

 
我既MTR hello kitty 列車車長...^^thanks阿肥幫我換~^^
不過呢...佢個死野換左又唔幫我check下...佢隻左腳唔郁得架~~
最後我自己放工去地鐵站換過隻~~^^
佢既手腳同個頭都可以360度旋轉架~~件衫衫仲可以除添~~>w<

今日我好早返到公司呀~~8點40分~~haha~^^..v
原來我都可以準時返工架~!!!點解平時我硬係要遲到既呢....呢個係一個迷~~
今日之所以咁早...係因為琴晚<聽聽阿肥心底話>既時候mandy叫阿肥請食早餐~~
因為佢last day...我就聽者有份~~heehee~~~
阿肥好樂意請我地...佢話~"無問題啦~錢對我黎講一d都唔重要, 係你地咁在意之嘛"
死肥肥丫....想打佢添~~各位!!!下次食野叫阿肥找數得啦~~

我個早餐好豐富架~~有煎雞扒+煎豬扒+多士+火腿通粉+鮮奶~
食完飽死左~~=﹏= mandy話呢個餐成個晚餐咁...我都覺~~haha~~^^"
 
我地4個一齊o係細辦房開餐~~^^brian走入黎影我地~
原來o係細辦房食野係親切d架~~果日有客黎開會用左大辦房...
我地10個人入左黎食lunch~~坐得迫迫地...好warm架~~^^
今日朝頭早無野做....悶死左...又眼訓喎~~但又要扮有野做~
幾經辛苦終於放工啦~~同mandy一齊走~~
落左旺角...行左陣潮特...跟住佢陪我上信和買蛋糕材料...之後我走啦~佢就約左frd行街~
今日一別...唔知幾時會再見呢~~>w<
你要多d上黎探我地呀baby~~返黎打畀我呀~~!!!

畀阿肥捉住左我同mandy玩msn 3人會議....
原本講緊anthonny打畀我傾心事架嘛~~
點知講講下又拆開左話題...跟住阿肥自己爆左佢d情史出黎~~
開頭又話唔講...我地叫佢講...佢就好聽話咁講...仲講到唔停口...
攪到mandy開另一邊同我講佢好煩...
我同mandy講..."佢又話唁講既之前, 點知一講就唔停, 其實佢想講好耐啦"
mandy話...係囉...可能之前無人聽佢講呀~~haha~~>w<
攪到我無時間寫返琴日farewell party同我個tiramisu既野添~~><
有好多笑料架嘛~~!!!又要等聽日先講到lu~

聽日公司同MANDY FAREWELL....因為星期5有客上黎, 所以聽日攪~
聽日LUNCH會食PIZZA HUT同KFC....
今日肥肥出左個MAIL畀全世界...話聽日同MANDY FAREWELL食咩..................
跟住有D人話唔想食D咁熱氣既野....
跟住又講講下...肥肥攪屎棍...整喊MANDY.....
佢條友整喊完MANDY即刻走黎我到叫救命~~
其實仲有另一條導火線...死STEPHEN...成日蝦MANDY...唔知佢想點...
今晚我整左個TIRAMISU聽日拎返去同MANDY FAREWELL....
唉...我個TIRAMISU......唔知聽日會點呢....
唔講住啦~~聽日再講咩事~~眼訓的....訓覺啦~

**HOHO話我個BACKGROUND MUSIC好煩喎~~
乜真係咁煩咩??

今朝返工...遲左出門口...落到去見到架15A走左...15A係唯一一架直接往返公司樓下既車~
原本可以落黃大仙搭另一架巴士....但黃大仙小巴條龍又排到九里遠...
如果等下一班15A既話...我諗9點半後先返到公司...(佢好衰, 15分鐘先有一班車)
其實平時我都9點3先返到公司~~~HAHAHA~~~>w<
迫於無奈...我搭左3D...o係油站行入去....即係由apm出面行入碼頭~~
果條路...平時放工行都無乜野...原來朝早行係好辛苦架~~
個太陽伯伯係咁望住我...我一路行一路溶...
我仲要已經淨係著住件吊帶...

呢個故事教訓我...唔好再賴床...要早d出門口...

今日lunch原本要叫外賣...睇過今日既餐單...好唔吸引...=.="
跟住肥肥提議一齊出去食...
就係咁...我同肥肥+mandy+tommy就一齊出左藍田食啦~~
如果唔係公司有shuttle bus...我絕對唔會踏出公司半步...
出面咁鬼熱...溶左都有份~~haha~~
以為有咩新奇既野食啦~~點知係食吉野媽...=___="
咁就畀死肥肥拐左出去食...不過我地2點半先返到公司~~haha~~^^..v
因為1點落到去架車full晒, 要等第2架...去到吉野媽都1點半lu~
食到2點...再等下架車...就係咁就到左2點半啦~~
肥肥真係好易溶...等車既幾分鐘佢都可以濕晒~~hahaha~~~

mandy做埋呢個星期就唔做lu....>"<
因為佢屋企有d事...佢要返一返去鄉下海南島...
再加上佢9月就開學...到時都會走架啦~~
有同佢講叫佢請住假先返先再做到9月先走~~
但佢又唔知去左海南島幾時先返黎...
最後...佢都係決定今個星期resign.....
唔....好唔捨得呀~~難得同佢咁frd...佢走左我點算呀???
其實公司既女仔之中...我同佢既年紀最相近...所以比較frd...其他都大過我既~~
唔知會請個咩人返黎呢~~~
最衰karrie無office底啦~~如果唔係叫佢入黎陪我都好~~><


跟左我2年既小瓶子仙人掌...
想當年佢只係得下面既3塊葉架咋...而且有3棵...
但我成日唔記得畀水佢飲...結果整死左一棵~~
今日...佢已經生得同個瓶子一樣高啦~~仲頂頭添...
死啦~~我係咪應該要整爛個瓶子放佢出黎種呢???

今日出左旺角蛋糕材料專門店幫媽咪買蒟蒻粉~~佢要整桂花糕~~
佢買左d桂花...價錢真係嚇死人~~一直覺得桂花同玫瑰花都差唔多係同一類野~~
應該唔會貴得去邊...估唔到桂花竟然賣成$400一斤~~~
見到好多整蛋糕既材料呀~~>w<好想整返個cake食添~~><
之後同hoho去左朗豪坊玩掟彩虹~~^^
我地見到fans club果個"翻版aaron"~~佢應該都發現到我~但我同佢唔熟...所以無say hi~
佢每次出席fans club既function佢都會set得好行...
個頭係"唱這歌"look...白色恤衫搭條tie...再著埋尖頭抅起既皮鞋...
我以為佢只係出席function先會著成咁...估唔到佢平時都係咁~~
佢夾走左我想夾既大bear bear呀~~可惡~~>"<
夾左3次細既夾公仔機~~第一次我夾...仲以為可以一次過夾到好多粒~~
點知果個夾原來係軟腳蟹~~我一隻都夾唔中....=.="
之後hoho夾左2次...幫我夾晒黑色同白色既米形公仔~~
掟彩虹...NDS就掟唔中啦~~只係掟中左以下既野.....
其中一個...hoho掟中左nds隔離果格呀~~呀~~~>"<
NDS既彩虹只係得一條...佢都掟中隔離果格...再過小小咪好囉~~



呢條Dora好好笑...如果有搭巴士應該知係咩~~hoho見到佢叫我拎架~~haha~~^^


我今日帶左部DC去同Mario影相~~haha~~清楚晒~~

下午茶...我地去左kfc食果個黑椒炸雞...阿妹話好好食...聽落又幾吸引既~~
但今日一食......我覺得好難食喎~~~好大陣牛味...
可能佢係用牛油黎炸...但佢d味唔係牛油既香...而係牛既肥膏味囉~~
原本既辣味仲好味過佢~~

*我新增左2個相簿呀...公司相簿多左D相~~haha~~
大家入去參觀啦~~