人既一生會遇上4個人
第一個係你自己
第二個係你最愛既人
第三個係最愛你既人
第四個係共渡一生既人
第二, 三, 四係咪同一個人呢
就要睇你地有幾多緣份啦

唔知呢個世界上有幾多個人遇到既2, 3, 4都可以係同一個人呢~
可以遇到同一個人真係好幸福, 好難得...
緣份呢樣野真係好難捉摸.....
既然到最後都會同一個人共渡一生~
點解個天唔一早畀佢地相遇呢??
點解要佢地行一d冤枉路~~甚至留下一d刻骨銘心既痛苦記憶呢??

今日又繼續發毛...
毛左咁耐...其實都幾悶...想返工但又唔多願去搵~~
同埋4月我會需要請好多日假應付考試啦, 表妹結婚啦.....
我唔想一返工無耐就請咁多假, 畀個唔好既印象人地~~
決定睇下樓下有冇d part time做住先~~hee~~~^^..v
gingin打黎叫我陪佢地去pink box睇婚介...因為我有vip 8折~
早排有e-mail send黎話vip買婚介有7折,,,唔知做完個promotion未呢~~
佢仲叫我下星期開始陪佢準備婚禮既野~~
好緊張呀~~~唔知到左果日你會係咩樣既呢~~
好祈待見到你著婚紗個樣添~~我會陪你去試婚紗架~~

最近市面上出現左d假既千元大鈔~~
爺爺同嘛嘛手上有幾張千元大鈔...佢地都好膽心會唔會係假既~~
我就提議幫佢地入落銀行再拎d 500蚊紙畀佢地~~
下午就去左銀行入錢同"禁"錢啦~~

今日我又如常對住部腦發毛...
媽咪路過走埋黎睇下我做緊咩...佢見我個綱頁頂有個廣告寫住...
"包食, 包住, 包學費, 包你留學美國一年, 只需港幣$64950"
跟住佢同我講...做咩呀你想讀書呀??
我笑住口話唔係呀~~
佢又話...你去囉...我畀$$你去留學啦~~
講真, 去外國留學係我小時候既夢想...(點解以前你唔咁問我呢媽咪)
但係依家大個女啦, 亦出左黎做野...
再要媽咪供我讀書好似唔係咁好~~
媽咪其實好錫我地...上年佢將所有時間畀晒細妹...我仲覺得佢偏心~~
我真係大傻瓜竟然會咁諗~~
我已經無返工2個月...佢都無埋怨半句, 亦無鵝我去搵野做~~
媽咪, 有你真好~~

一陣又要返駕駛學院了...上理論六...
埋頭苦惱緊今晚食咩好~~

<分身術>...呢期好岩聽

仲以為今日都會落雨...攪到我唔敢約表弟佢地去踩單車~
但係今日唔熱唔太凍, 好岩郊遊~~嘥晒~~
結果今日無節目...lunch食完pizza之後就睇有線電影台~~
pizza hut既三重芝士果個pizza其實都無咩特別~~~
同普通既芝心批無咩分別~~~=__="
4點幾落左街陪honey去剪頭髮~~~
跟住食左個tea就返黎lu~~~
2條友跟住就一個psp, 一個nds係咁打機...

今日13:30-15:30學2個鐘車~~
阿sir帶我行考試路線~~3條路線行左河畔同埋銀城線~~
呢2條係考試熱門...另一條大涌橋無乜點考...
因為呢條一行錯就會上左高速公路~~到時唔知幾時先返到黎學校lu~~
阿sir叫我要開始認下路...到時個考官可能唔會提你點行~~
我係一個路痴...平時行街都係跟住人行...絕對唔認路~~
要我認住考試路線真係有d難度...
睇黎我要上綱print個地圖出黎日日溫....再唔係就要行多幾次~

夜晚同honey去左廟街食煲仔飯~~
好耐無黎過lu~~對上一次好似係上上年既除夕夜...
果晚差唔多9點先放工...跟住落左去食~~
食完之後honey帶左我去一間機鋪...呢間機鋪有架好特別既法拉利~~
一架車可以坐2個人~有2個軑盤...而每人就要10蚊玩一次~~
雖然有d貴...但想知2個人點一齊玩~~所以我地試左~~
一開機一踩油...個sit位連車尾係會好似架真車咁郁架~~
每個彎位, 每次撞親d野都會郁~~好好feel~~好好玩呀~~難怪要$10一位啦~~
2個一齊玩原來係一齊控制架車...如果我撞車就會輪到honey揸~佢撞又到返我........
之後再玩多次...今次一人坐一架~~~好正呀~~!!!
點解apm唔整返幾架呢~~~


跟住入左apm搵karrie佢地打機...今日好多人呀~~
部部機都迫滿晒人...要企o係到等先有得玩~~
平時係d機等我去玩架嘛~~但今日就要同人爭...勁唔鍾意~

**今日落雨呀~~終於都用得著我把士多啤梨遮啦~~hahaha~~

今日lunch之後同爺爺出左旺腳換回鄉証...2月14日過了期~~
2點幾出到去...點知佢話派晒籌...
跟住有個人企o係出面接生意, 影快相果d~
佢叫我同果d人講下應該會畀老人家做架~~
咁我地就跟左佢去影相先~~
果然...爺爺可以做...我就白行一倘~~
係咪真係有咁多人整呀???900幾個籌都派晒~~有病的...

陪爺爺整完之後諗住去信和14樓買蛋糕材料...
但媽咪同表哥出左黎...我就過左去搵佢地一齊行街啦~

媽咪話佢包我來回機票叫我返鄉下參加另一個表哥既婚禮~~
都幾吸引架~~唔洗我畀機票可以去玩~~而且都好耐無返過去~
但可惜我既回鄉証過左期...=__="
最大問題係...佢個婚禮個零2個星期後就係lu~
即係就算我今日申請到都無可能o係婚禮之前拎到~~
咪洗指意我申請快証...貴多$200...變態的~食錢怪!!!
200蚊我囉去食蛋糕好過~~hahahaha~~~

心血來潮下午整左木槺蛋糕~~^^
honey幫我整餅碎~~我預備其他野, 打起d忌廉~~
honey又走黎打忌廉...佢唔洗半個鐘就打起左啦~~
點解我上次打成2個鐘都打唔起既呢...一定係d忌廉蝦我~~
整木槺蛋糕仲容易過整豆腐cheese cake~~好快就整好~~^^

睇下佢個賣相幾靚~~^^同我o係出面食果d一樣架~~haha~~^^


飯後甜品~~^^口感同味道直頭係一樣啦~~hahaha~~^^
d餅碎用個野黎"中"碎...跟住再用篩黎篩佢...再"中", 再篩...重複2-3次~
所以食黎好碎好滑~~^^
不過就甜左d...練奶落得太多了....=__="
下次要留意...下次一定更加好~~haha~~~


呢個就係上次o係瀝源食果個啦~~
每層都整得好厚...d餅碎唔夠碎...個面仲要整到好似打風咁~~
仲有仲有...佢d cream應該打得唔夠起...口感好濕~~

孖寶賽車所有cc既賽程都已經打爆晒lu~~
好多唔係囉星星就係囉A...^^..v
已經有36架車啦~~應該齊晒~~hahaha~~~^^
要加油玩到全部囉晒星星先~~hee~~~^^

今日陪嘛嘛入左屯門姑姐到飲茶...
嘛嘛同姑姐一輪咀咁數爺爺d野蠻野, 衰野...
嘛嘛話佢..自己做錯野就唔知, 人地既小小錯就捉住唔放~~
呢幾年爺爺既脾氣真係臭左好多~~
成日郁d就狂鬧人....
係咪人老左d脾氣都會跟住變埋呢~~

大家估下呢個係咩野黎~???咪諗邪野~
其實佢係一個士多啤梨味既朱古力~~hahaha~~
整到成個dom咁樣...超攪笑...都唔知食唔食佢好~~
係士女家姐由台灣帶返黎既手信~~^^

今日又去左學車...13:30-515:30~~2個鐘出街~
今日去左好遠呀~~^^(係咪好遠架~係咪好遠架~)去到接近大圍~~~^^
發現左一樣野...就係原來d路人甲乙丙都蝦我地架~~
今日有個準備o係無紅綠燈既街邊過馬路既行人...
佢明明見到我架車駛緊埋黎...
但佢無意識停底畀我過左先...仲要慢慢咁過...
勁克人憎...好想一野車埋佢到囉~~講笑~
放學去左改堂...想考試前一日揸2個鐘~~
但改完之後細心一睇先發現呢堂之前我會有成個幾星期無得揸車~
原來諗住由下個星期既堂順延落去架~但佢話咁要績堂收手續費~
由於都幾金下...所以我只係轉左一堂落去...
結果咁就出左事...點好呢...去唔去改返呢~
定係畀$$買多幾堂黎揸呢~~
其實我發覺考試前既堂排得好疏下~~
好驚我會應付唔黎呀~~~

今日既lunch由我下廚...阿妹又幫手攪3攪4...
我地整左個xo醬炒公仔麵~~
d麵幼到乜咁...但d配菜就鬼咁大粒...
阿妹切既...佢話咁樣好味d喎...但個賣相就...
有腸仔啦, 蟹柳, 餐肉, 火腿, 椰菜紅~
估唔到都幾好味架喎~~
我煮既野越黎越食得人啦~~



dinner我都有負責整2道菜~~^^
有香煎蒜蓉雞扒同埋洋蔥金菇炒肥牛~~
2樣都整得好好味~~我既廚藝進步左呀~~
早知d肥牛用牛肉汁淹下先啦~~可能會更入味~~
支牛肉汁早前o係city super買的...放到就過期都未用~~haha~^^

 

今日原本整木槺蛋糕架~~但整完公仔麵都無咩時間....
淨係整個瑪利餅碎都需要一段時間...一定整唔切...
過2日先再整啦~~~^^
講起木槺蛋糕...有日學完車上左小瀝源間野食木槺蛋糕~~
點知間野轉左經手人...個木槺蛋糕難食左...無以前果個咁好食...
以前果個好好味架~食2個都唔會覺得溜...d餅碎亦碎到好似粉咁~~
覺得新呢個好溜...佢餅碎唔夠碎...每層又整得好厚...
唔知邊到可以再食返以前咁好味既木槺蛋糕呢~~