今日無出街...幾發毛~
karrie同浩文去左佢嘛嘛到...大埔林村...幾日後先返黎~
我要悶幾日lu~~
下午同honey落街食tea...跟住去百佳掃貨...
買左7大包薯片~~haha~~好興奮~~
跟住再買左好幾包叮叮點心同4包湯圓~~
幾日唔出街都唔會餓死我~~hahaha~~
今日發現我個msn唔同左...開得返個msn呀~!!!
原來係阿妹男友download左另一個版本~~^^
但部腦係未整好架~~=__="
快d上黎整埋佢啦~~
上綱上得4-5個鐘又要重新開機...好煩的~!!!

今日同honey去左淘大碌齡~~^^
每次玩完我隻手指公既指甲都會整爛~~
今日我貼住膠布黎玩~~
總算保護到我隻指甲~~無花到~~yeah~!!!
之後去仙跡岩食tea...
跟住返去買餸煮飯...嘛嘛去左姑姐到...今晚我下廚~~hahaha~~

我o係街市同百佳買左呢堆野~


整左個叉燒炒蛋...
叉燒落得太多...攪到d蛋都唔知去左邊...仲有少少燶燶地添~haha~

 <---焗前/焗後--->
芝士焗西蘭花+煙肉+鮮冬菇
好似唔係好夠芝士味...唔記得落芝士粉...落左應該會好d~


仲有個鮮冬菇忌廉雞湯~~
好味好味~~
再加埋爺爺既蒸排骨同一碟菜芯就成為今晚既晚餐啦~~
碟西蘭花咁大碟仲以為會食唔晒~~但最後竟然同叉燒炒蛋一齊賣晒~~^^

好彩琴晚訓覺既時候用暖水袋敷住隻腳黎訓...
今日隻腳無咩痛...總算劍步如飛~hahaha~~^^
2點幾同媽咪去左玄圓學院拜太歲~~
今日唔算好多人...唔洗同人迫~~good~~^^
之後媽咪返屋企~我同honey去行街~~
食完個tea之後又去左打機...荃灣城市廣場個機鋪無法拉利既~><
跟住6點幾去honey屋企~~aunite琴日叫我地返黎食飯~~
aunite煮既野真係好好味~~^^
等巴士返屋企既時候見到7-11有蜜汁燒雞翼味薯片~~
上次食左阿妹果包...諗住買返畀佢點知搵極都搵唔返~~
今日畀我見到更係唔放過佢啦~~haha~~^^
仲買左支好靚既hello kitty野飲~~

<士多啤梨藍莓味既水>     我至愛既2種水果~~^^

今日10點幾起身...要去拜太歲...
點知阿妹唔肯起身...媽咪話不如聽日先去啦...=___="
跟住即刻call karrie佢地起身...我地去踩單車~~^^
11點半叫醒佢地...1點都仲未出得門口~~=0="
跟住佢地要去smartone整d野...浩文手多多整到個3G無左佢自己個樣...
佢download左個卡通圖...$30幾蚊...要用一個月...
即係呢個月同佢3G會睇唔到佢個樣...只會睇到呢個死人公仔樣~~
2點幾我地先去到沙田市中心果到租單車...
karrie話唔係好記得點踩...驚驚地...所以踩得好慢....
我地5點幾先入到大埔...無入回歸記念塔~~
跟住就踩返去還車lu~~
7點幾...時間尚早...一齊落左新基地打機~~
玩完之後大家都有個comment...就係...
新基地d機無一部係正常既~~差不多玩既每部機都short short地...
法拉利我有咩可能衝唔到線架???激死~
跟住諗食咩...浩文話要出旺角搵佢個frd...
之後佢2個出旺角...我同honey去左tomato買士多啤梨蛋糕再返佢屋企食飯~
夜晚...隻腳好痛...就黎行唔到咁款...><

今日路過既每一達地方都令我諗起一個人.........
原來忘記真係好難架....

訓到2點先起身...=___="
跟住4點幾同honey落去椰林閣食左個tea~豬扒沙律~^^
杯凍檸茶既檸檬畀我唔覺意攪到咁......
 <---變身前/變身後--->
成隻怪獸咁...好得意~~hahaha~~~~>w<
跟住出apm行...諗住叫埋karrie佢地睇戲...但佢地要返浩文屋今食飯~話唔睇~
咁我地就行左陣...又打左陣機~~
之後去左italian tomato食dinner~~
試左個綠茶朱古力蛋糕啦~~無想像中咁好食~~><
都係個士多啤梨蛋糕係最好食既~~^^
跟住佢2個食完飯都落左黎...我地又一齊上左去打機~~^^
玩到11點幾去食宵夜~~
之後搭尾班車返屋企~

今日lingling同姑姐過左黎~~
夜晚阿妹男友都上黎食飯~~
佢上黎幫我地整部腦~~要摌左佢再裝過~~
佢帶左部note book黎過幫我地save返d file~~
用藍芽send...超慢...=___="
前日已經開始send左d架啦~~仲未send完.....=___="
唔知幾時先可以完全整好呢~~
依家部腦少左d野...又可以正常地上綱~~(不過係幾個鐘咁大把)
但msn依然開唔到~~>0<
今日係人日...諗住買個蛋糕返去大家食...
但樓下美心, 聖安娜同東京既蛋糕我都看不上眼....><
懶去tomato買...最後今日係無蛋糕食既~~>"<

嘛嘛個電話壞左...成日南無我問我幾時得閒幫佢買返部~
今日得閒就出去幫佢買~~
佢要求多多...又要摺機, 又要大聲, 又要平, 又話要呢隻色唔要果隻色..........
行左好耐...睇左好多間...終於搵到部岩佢心水啦~
之後同honey去左牛牛食dinner~~
跟住佢陪我去買盒...今次買左個大口仔~~^^
已經將我書枱既野放晒入去...張枱整齊左好多~~^^



執書枱既時候見返我果2本F.5既記念冊...回憶返好多返學時代既野~
想當年我的志願係成為一個音樂家...hahaha~~
但我卻唔畀心機練琴...學到半桶水又唔學~~
音樂家...都係發夢吧啦~~
學生時代永遠係最開心的~~
跟住我地又去左機鋪打機~~^^...V
honey出左張孖寶賽車既game卡畀我玩~~^^

原本今日去踩單車架~~但起身見個天好似想落雨咁...
最後同karrie協議去睇戲--->  <門徒>
3點幾出左apm同honey食野...karrie佢地4點幾先到...
上到戲院...7點幾先有場...仲要得返頭3行~我地要去karrie媽到拜年打邊爐...怕太夜過去...
最後上左11樓打機~~hahaha~~~>w<諗住打完邊爐先睇~

我暫時發覺只有apm呢間先有成架車咁既法拉利揸~~
我眼見出面d機鋪呢隻game個sit位唔係咁靚架~~

玩親呢個game我都一定會揀呢架Enzo~~好鬼型呀~
今日我終於都識點樣飄移啦~~haha~型爆
跟住佢2個男仔jam歌...我同karrie玩孖寶賽車~我第一呀~haha~~^^..v
6點幾搭車入去karrie媽到lu~諗住食完可以行埋過去松記食summer~
但係個個都好飽~食唔落lu~~
10點幾返左apm...12點幾果場<門徒>又係得返頭幾行...
點解我地頭先唔一早買定飛呢~~=___="
結果又放棄左...上左11樓...打左陣機...最後過左隔離唱k~~ha~^^
我地又發癲啦~~又唱左帝女花~今次我仲用部DC拍底埋~hahahaha~~
我地悅耳既歌聲吸引到出面d人偷望我地~~hahaha~~笑死~>w<
唱到05:45am就散lu~
仲諗住去m記食個早餐...但好似唔肚餓...放棄左~~
06:30am返到屋企zzzzzzzzzzzzzzzzzzzzzzzzzzzzzzzz

今日係honey考電單車既大日子...可惜fail左...><
琴晚set好左個msg今朝自動send過去...
點知佢話收到d唔知咩睇唔到...=___="
佢話就係因為睇唔到我個msg所以fail...一定關我事啦~=_="
其實係因為架死人的士攪到佢fail....
有架死人的士從後爬佢頭...跟住貼得佢好埋...
就係咁...就話佢衰"跟物體太貼近"~~
從今日開始...honey好討厭的士...
平時出街佢首選係的士...依家無咩必要都唔會搭咁多的士~~
算吧啦...本宮都進貢左唔少錢畀運輸處啦~
"運豬處"窮丫嘛...就施捨下佢啦~hahahaha~~~
夜晚同佢去左佢嘛嘛果邊食飯拜年...
又有一大堆利是~~^^
飯後諗住約埋karrie佢地去apm打機...
但今日係佢地半週年記念日...去左cwb...
我地2個最後去左鑽石山打機...

呢幾日我有袋住把士多啤梨遮...但佢就唔落雨...
今日換左個袋唔記得袋返佢就落雨畀我睇...=___="
激死~~>"<

初三...早上有姑婆佢地黎拜年...
2年前既可愛小妹妹...今日已經變左個一年級生...
仲要肥肥地...haha~~不過都幾得意~~
lunch媽咪整左頓豐富既美食....
佢地個個食到讚不絕口~叫媽咪開間鋪頭賣野食~~
其實媽咪既廚藝真係無得頂架~~我個人都覺得佢整既野食拍得住出面d食肆~ha
真係好佩服媽咪...短短個幾鐘就可以整出十幾樣餸出黎~
換轉係我...一定會攪到個廚房亂七八糟兼且整出黎唔知食唔食得~haha~~
今日只係幫手泡茶招呼客人咋...都攪到我好亂咁....
真係唔係好明點解我無遺傳媽咪d優良傳統既呢....
夜晚去左姑姐到食飯~~
我同阿妹一齊搭車...經過上次既教訓...今次我識落車啦~ha~^^

**一個月前既今日......
唉...決定忘記...
如果咩都無發生過...維持原狀幾好呢...