我部nds已經變左身...有aaron wallpaper~~^^
係honey既哥哥幫我整架~~^^
之前諗住download...但發現係無既...
原來係哥哥自己整架~~佢之前幫我整左stephy...好勁呀~點整架~


今日大昏迷...訓到4點幾先起身~~@.@
跟住落街買野炒烏冬...
椰菜啦, 紅蘿蔔, 雞肉, 蟹柳, 魷魚
炒埋一碟加d xo醬....勁好味~
d紅蘿蔔絲切左九世先成絲...都唔明d人點切野既~
轉眼間就會成堆~~唔會切埋隻手指架咩???

今日學車...一個鐘出街~第一日出街, 心情好緊張~~
先o係學校兜左2個圈...跟住就正式出街啦~~^^
一出左學校門口架車好似快過平時咁~我只係踩到20之嘛~
先去學校左邊既村屋果到練轉線...
跟住揸左入第一城...再入埋石門...
d街既車真係蝦我地駕駛學院既學生架~~
係咁cut我線, 爬我頭...攪到我好驚~~
不過出街好好玩...可以比平時o係學校揸得快d~~正~!!!^^
已經book晒所有堂同book埋考試死期啦~~4月27號~
放學honey提議叫埋karrie佢地去唱k...就入左觀塘~
9點幾入到去...我地食埋個dinner佢地都仲未落到黎~~karrie又咆哮緊~=__="
因為浩文話好倦唔想唱k, 想打機...但karrie想唱~~
之後我地行左陣apm,,,上左11樓打機...佢地11點幾先蒲頭...=__="
一齊打左陣機...點幾入左green box唱k...
唱通頂...5點9好準時就cut我地...其他野又唔見你咁準時~~

琴晚上完理論堂...太耐無上過~感覺好似以前返學~
好似過左好耐都未夠鐘放學~haha~^^"(揸車堂就好快上完~)
今堂講左d出街時要留意, 遵守既野...好多野要留意...
出街好似好難咁既~~好驚呀~~
阿sir話運輸處將會規定10月之後考到車牌既人架車要掛上P牌~
我要爭氣d o係10月之前考到個牌~

今日約左karrie一行4人去左AIA環球嘉年華~~
 
d公仔好靚靚呀~~有d好慘, 畀人倒掛~~@.@
 
隻長頸鹿勁得意~好想要隻大呀~~我只係囉到隻細~~>w<
 
跑跑卡丁車公仔都有~~浩文囉左隻藍色~
karrie話要紅or綠, 佢卻拎左隻藍色, 激死karrie~~跟住又唔畀換, 個人話揀左無得換~
 


呢個野...除左自轉仲會公轉...仲要係360度轉...
其實有d驚驚地想唔玩, 但karrie係咁話唔驚唔驚要我上去玩~
結果都係上左去玩~~仲以為我會驚到合埋眼, 但我竟然全程張開雙眼~~^^
 
呢個咖啡杯咁既過山車...諗住無咩野啦~~見佢只係轉下轉下咁行~~又唔算太快~
點知玩完先知佢係癲架~!!! 轉到你傻...係咁左撞右撞~@.@
之前好想試下真既飄移...honey話飄移就係咁架啦~~
咁我唔想玩真既飄移啦~~

呢個吊o係到座既生果過山車都幾好玩~~我地坐士多啤梨車呀~~^^

  
呢個極速大風車睇落勁恐怖~佢一邊高速旋轉~一邊將你反轉倒吊再轉~
都諗過唔玩~但既然黎到就豁出去玩埋佢啦~~~
入到去等既時候好似去左學校既聯歡會咁~30幾人圍住坐又有閃燈勁歌~~^^
倒轉時玩到我件衫都甩~~又係全程張開雙眼黎玩~~^^...v
 
呢個G-Force有成50米咁高~極速旋轉又會拋到你自轉...未入去之前已經話明唔玩架啦~~
honey話以前呢個要60個代幣玩一次架~
最後又唔知點解好大膽咁走左去玩~~=.="陫左半個幾鐘先玩到~
玩完又覺得其實一d都唔驚~~亦都無合埋眼~~haha~~^^
仲玩左其他無咁驚險既野~~
有鬼屋啦, 摩天輪, 2款滑浪飛船, 飛天遷秋...............
由3點幾玩到9點幾....諗住好浪漫咁搭船船過尖咀...
點知見到門外有小巴出旺角...幾個人就跳左上小巴...=__="
之後去左打邊爐...
一坐底就頭暈暈...好似仲轉緊咁...@.@
karrie話我地今日去左個轉轉嘉年華....
因為入面既機動遊戲差唔多全部都係轉既~~
 
帶住呢條手帶出去...d人以為我地o係醫院偷走出黎~~haha~~
浩文唔知自己個袋仲有5個金幣...打完邊爐先發現...=__="
畀左2個我~~^^
我地留返下次再玩啦~~^^

今日開返msn同soso, sukie傾計...
原來公司無請人...依然係得果幾粒人...
終於都有單啦佢地~~^^
佢地問我搵左野做未...我係未架~~hahaha~
soso問係咪諗住考埋車先搵...
其實都有d想咁做架~~但依家d考期排到4月尾...我又未去book...
2個月唔做野會悶死的...雖然可以打機, 但都會厭架嘛~~
過埋呢2個星期就去搵野做...
點解要過埋呢2個星期??
因為我book左堂學車...d時間係星期六, 1點半, 平日6點半...
正常呢d時間如果返緊工係未放工架~~(我都唔知點解我會book成咁=__=)
不過只係4-5堂姐~~^^
今晚要返去上理論堂啦~~係考試後既第一堂~~^^好興奮~
今晚要book埋其餘果d堂同埋book考期~!!!

自從nds入侵我既生活之後...
我無一日係無玩過佢~~^^
今日仲打爆左孖寶賽車50cc既所有賽程~haha~~勁~!!!
亦download左好多game黎玩~~有動物管理員呀~~^^
發現表弟原來都有玩nds...太好啦~可以一齊玩孖寶賽車~^^
不如星期日出去踩單車囉~~

今日出左去搵karrie...幾日無見...好掛住佢呀~^^
4個又去左apm打機...
原本今晚諗住返黎食飯架~因為表哥過左黎~
後黎玩到唔知時間...最後無返去~~haha~~真係衰~
跟住去左kfc食dinner...九世無食過...間中食下都幾滋味~~
今日發覺其實我都幾"論盡"...整到d野跌晒~~
karrie話點解以前返學我唔係咁既~~
呢個都係一個迷...可能識左honey之後就攪成咁~~hahaha~~~
有諗過去唱通宵k架~~但今日大家都不在狀態...
最後就各自返歸lu~

琴日參加完個婚禮之後...aunite提議過澳門玩~
原本都唔係幾想去架~~但佢好熱情咁不停叫我地去~~
最後我就著住對3寸高跟鞋陪左佢過去啦~~~
先過去honey屋企拎d護膚品, con盒之類...
跟住就展開左我地既2日1夜澳門之旅~^^
第一次去澳門...心情都幾興奮~~今次行程既食宿仲要全部由aunite包辦~~
6點幾過到澳門...夜晚既澳門真係五光十色~
 
入左去金沙娛樂場~~咁大個女第一次入賭場~真係大開眼界~
賭枱果d職員既手勢好得意~
玩左小小~不過就無贏到錢~~但aunite就有~~^^
之後去左一間<佛笑樓>既餐廳食葡國菜~~
aunite話之前黎食過覺得唔錯~~
但今日再食...已經唔同晒~~d野貴左之餘又難食~~
一隻乳鴒承為$88...d野食既份量又少左~aunite話
我覺得大排檔d野食仲好食過佢~~
好掛住大圍既乳鴒同栗米魚肚羹呀~~
之後去左義順食甜品~~~^^終於食返d人食既野啦~~

呢座咁宏偉既建築物其實係郵政局~~好靚呀~~
跟住就搭車過氹仔返酒店啦~~~
發現澳門既每一間酒店都會有個賭場~~
我地間酒店叫希臘神話~~都幾大幾靚~~應該有4-5星級~

如果我屋企張牀都係6尺X6尺咁大就好啦~~

 

aunite又落左去玩~~我地無興趣所以唔去~~佢今朝5點幾先返上黎訓~~=0="
10點幾起身...之後出返去葡京食lunch~~
今日都係食葡國菜...去左一間叫<新帆船餐廳>...
呢到d野食雖然係貴, 價錢同<佛笑樓>差唔多...但呢d先係人食既野丫嘛~~
之後aunite去賭場...我同honey自己行...去左大三巴影相...

跟住去鉅記買手信...美味既杏仁餅~~>w<
4點幾就搭船返黎lu~~~

因為時間有限...都無去到呢個觀光塔睇...

今日係元宵佳節~~o係呢個咁特別既日子我去左個好特別既地方~~
陪左honey去佢表姨婆個女既婚禮~~~
佢地叫honey帶埋女朋友出席~aunite係咁叫我去~~
叫我睇下人點攪, 偷下思喎~~
(表姨婆呢個稱呼好似好老咁...但其實佢只係40幾歲...=.=
有時覺得中個人d親戚關係真係好複雜~明明細過你, 但佢既稱呼就大個你~)
12點幾去到麗豪酒店~~個婚禮1點開始~~~
一對新人o係結婚進行曲之下慢慢步入禮堂~~好浪漫~好幸福呀~~>w<
跟住佢地o係婚姻監禮人, 雙方家長同在坐既賓客面前宣講誓詞~~
畀大家一個一生一世既承諾~~
雖然佢地都好緊張~差d讀錯野~~但就睇到我好感動~~
之後交換介指~再簽結婚証書~~經過呢d咁莊嚴既儀式之後佢地就正式成為合法夫婦啦~
跟住佢地準備左d野食招待我地呢d賓客~~~
o係我地食野其間佢地就成為佈景板~~係咁同d賓客影相~~
其實結婚都幾辛苦~~無得食野~~仲要著住d咁重既禮服企足全場~~haha~
之後當然唔少得玩新人時間啦~~仲有幸運大抽獎~~
同埋一對新人既感想...但佢地太感動~喊晒咁~完全講唔到~~
祝佢地白頭偕老~~早生貴子~~hahaha~~~^^

一對新人送畀我地既小小記念品...係迷你相架仔~

唔知我將來既婚禮會係點既呢~~
我check過...請一個婚姻監禮人既價錢由$3000-$5000不等~
而普通o係婚姻註冊處行禮就此2500有找~~
我pefer請一個婚姻監禮人去一個我鍾意既地方行禮~~
雖然係貴d~但一世人一次~~梗係要特別d啦~~
同埋咁樣攪婚禮方便d~唔洗一日走幾場咁辛苦~~hahaha~~
最近成日畀人迫婚~~aunite成日話我地3年又3年~~
但其實我地既3年期限只係過左1年幾之嘛~~
更何況我地都未蓄夠彈藥~~
依家既資金只係可以攪一個好簡單既婚禮~~
可能係大排檔or M記擺幾圍~~hahaha~~
一世人一次, 我更係唔要咁普通啦~~我要攪個世紀婚禮~~hahaha~~
上個月我差d做左個改變我一生既錯誤決定~~
但最後關頭我都清醒返~~唔係我一定會後悔一生~~
一個係我心目中既理想情人~~但佢畀唔到我安全感~~
一個雖然無咁完美~~但只有佢可以畀我感覺到萬千寵愛在一身~
相信只有佢先會畀我自把自為~~要風得風~~
除左佢, 相信無人會畀我將佢架戰車攪到成車hello kitty~
相信只有佢先會隨傳隨到, 接受我各種無理要求~~
只有佢會o係我發脾氣既時候氹返我~即使錯既係我, 佢都會主動氹返我~~
身邊既朋友門都話佢係一個好好先生, 叫我要好好珍惜佢~~
我亦明白呢個世界無野係會十全十美~~
相信我已經搵到我既Mr. Right啦~~

honey買左部NDS畀我~~^^
係我至愛既粉紅色~~多謝baby~~>w<
好開心呀~~可以日日玩孖寶賽車啦~~haha~~
有NDS既朋友門...我可以同你地對打啦~~^^
 
夜晚去左食台灣野...
今日又買左個盒啦~~haha~~係kuromi~
呢個盒係我既糧倉~~用黎存放我d零食~hahahaha~~~
當我放晒d野食落去之後個蓋係"琴"唔埋架~~
 

今日仲拎左我部被打入冷宮快3年既500萬像數碼相機去放...
想當年買既時候要2千幾3千銀...仲諗住有千零蚊袋返~~
點知佢已經唔值錢...問過好多間...有間離譜到話收$250...
最後只係拎返$500...早知一早拎出黎放鬼左佢啦~~>"<

今日極之發毛...點幾起身...跟住整湯圓同叮叮點心黎食~
全日無出過門口~ha~
放左悠長假期咁耐...個人越黎越懶...
夜晚2,3點先訓...跟住朝早又1, 2點先起身~~
以前佢地會12點零嘈醒我叫我起身食lunch~
但依家佢地唔知受左d咩刺激再無咁做lu~
由得我訓...真係死左都無人知呀~~hahaha~~
再咁落去唔係好掂~~
係時候要收拾心情搵野做啦~~
唔係花貓基金會餓死~我地既大計又唔知幾時先可以實行~