今日daddy生日~齊晒人返屋企食飯~
醒目既我已經預左買個半磅既蛋糕~
(因為次次買一磅都會食淨半個...放左o係雪櫃之後又會無人食架啦)
點知今日媽咪餐飯勁豐富~食到個個好飽~~
最後個蛋糕只小貓3, 4隻幫襯~~無奈~=.="
特登切大舊d畀佢地~ha~^^..v
因為係士多啤梨鮮忌廉蛋糕既關係~(我既至愛~ha~^^..v)
我都食左好大舊..跟住佢地又添d...最後成功消滅左個蛋糕~~
咁我都安慰d~
唔係我會患上買蛋糕恐懼症~ha~^^

8號aaron隻碟出特別版~~要買呀要買呀~>w<

今日發生既野...其實諗返都有小小驚~唔知佢會做出d咩變態事嘛...
佢自己同個同事講話之前o係公司想跳樓, 後黎有同事阻止, 佢先無事~
今日一早...佢真係返左黎~老細走去佢到, 畀左張票佢, 叫佢走~
但佢依然賴死唔走~話仲未執完d野~
又話要送份記念品畀我~老細叫佢唔好癲, 快d走~
佢就同老細講話我恐嚇佢, 話我會搵d黑社會既人殺佢~
(死火星人~屈我...我幾時有講過呢句野呀??)
老細叫佢唔好再o係到嘈啦, 叫佢快d走~
佢係都唔走, 話要報警...跟住真係報左~~
(可能見我琴日篇日記話佢無鬼用唔敢報, 所以今日就要報畀我睇~)
跟住佢就好大聲咁同我講~~
你慈雲山大架嘛~快d call d人黎啦~仲唔打電話~
我都費事同d無聊既外星怪物嘈~嘥gas...我一直唔理佢~~
跟住差人上到黎~有2個...一個同隻火星人行左出去傾, 另一個就同我傾~
阿sir問我咩事~我話:我只不過o係我個私人日記到抒發左d對佢不滿既野姐~
阿sir以為真係一本日記簿, 問我係咪特登"羊"畀佢睇~
我話唔係, 係綱上日記, 我都唔知點解佢會走上去睇~
之後阿sir話: ok啦, 無野啦...同公司做野, 是非一定有架啦~佢都嘥鬼氣~告咩姐~
跟住話無事啦~叫我返去做野~
跟住一陣...隻火星人好火咁行返入黎~走去carol個位話要print返篇日記出黎畀阿sir睇~
(哼...咁好肯定carol就係內奸啦~衰人~)
但佢開唔返我個日記出黎~(因為我一早封鎖左佢~ha)
佢同阿sir講: 你叫佢開返啦~開返黎睇啦~
跟住又話佢屋企都有...可以返去print返出黎~~
之後發神經咁走埋黎我個位搶我部note book~~
攪到我都開始嬲~~好大聲同佢講: 想點呀你?
老細喝停佢, 但佢都唔理, 攞左我部note book又搵唔到野~跟住老細行埋黎搶返畀我~
佢仍然堅持同阿sir講叫我開返畀佢睇~
我畀面阿sir諗住開啦~~(我光明正大, 無野唔見得光)
但佢又企o係我個位望住我, 我同佢講: 唔該你行開d~
佢話: 你咪開囉, 開完再改過個password咪得囉~
我話: 唔鍾意呀~跟住停晒手唔打野~~
之後阿sir可能都覺得佢煩, 叫佢一齊過隔離房傾~
另一個阿sir又同我去另一邊傾...佢問我個日記寫左d咩~
我照直同佢講~仲問佢洗唔洗開畀佢睇~但佢話唔洗~~
跟住再三問我係咪肯定無提過"黑社會"之類既敏感字眼~~
我話: 好肯定絕對無!!!
佢話: 咁得啦~咁告唔入恐嚇罪~~無得告, 根本唔成立~唔洗返差館~
後黎唔知隻火星人去左邊, 2個阿sir走返過黎~火星人應該同三和老細傾緊, 因為後黎見到佢出現~
阿sir原本叫我寫返篇日記出黎畀佢交差~(咁長篇點寫呀?都唔係好記得)
當我苦惱緊由邊到開始寫既時候~~阿sir趁佢唔o係到就叫我開黎畀佢睇~
我開左畀佢睇~佢睇完話:ok, 無野呀~一定告唔入~無得告~
跟住就走啦~臨走仲同我地講: 唔好再同隻火星人嘈, 有咩盡量滿足佢, 佢咁既年紀係咩d架啦~
(心諗阿sir係咪想話佢更年期呀~)
其間火星人又走埋自己位唔知做咩, 老細叫佢執埋d野走~
佢又唔知做咩唔攞, 話佢仲未執晒~佢話佢要整個summary出黎~
老細叫佢依家執, 望住佢執, 但佢話依家執唔晒~
老細問佢咁要整幾耐~佢話要半日, 老細好大反應好大聲問佢~執一執呢到要半日咁耐?
後黎又唔知點解走左lu~~
佢既2個侄女唔知做咩, 都唔幫個姑姐既~
成朝好似好忙咁走黎走去~唔理佢~
或者佢地已經脫離左關係啦~~

放工走果陣其實都幾驚架~點知佢會唔會匿埋跟住襲擊我架?
果時好想call我新請既24小時貼身保鑣過黎陪我走架~
佢話出左黎我附近做野...但見佢手提個msn off左, 應該忙緊, 費事煩佢~
你話好擔心我果刻唔知點解真係有d感動架~ha~^^多謝你呀

原本想封鎖左個日記~但今日又有d好好笑既野發生~
我覺得唔上黎同大家分享簡直係對唔住大家~~
所以我決定開返個日記~~
今日有人恐嚇我囉~~我好驚呀~~唔好唔記得我住慈雲山架!!!
你唔怕死既, 有本事就攪我囉~我會搵人好好對待你架~
唔好以為我講笑呀~我的確識d猛人架~
想check下我係咪講大話既咪試下囉~我唔介意叫佢地同你打招呼架~
你咪好好心想話幫我呢個日記出本書既~
我都未黎得切答你...你就咁快"lan"返出去~走咁快做咩~
都好呀~橫掂你以家無野做咁得閒~不過記得畀返d版權費我喎~~
仲有...要記得記載埋今日呢篇喎~今日既事咁精彩, 一定唔可以錯過呀~~
有呢篇野坐鎮, 一定會大賣架~!!!

今日返到公司...坐左一陣無啦啦見到隻怪獸返黎喎~~
佢仲打埋卡, 跟住坐o係自己個位做野~~
我地個個O晒咀...唔知佢做咩返黎~~
今日老細見客...etam...以為係老細叫佢返黎幫手~(個客佢跟開)
但見到老細帶埋個客返黎...跟住只係叫左新同事同karie入去開會~無叫怪獸~
攪到我地更加唔明佢做咩無啦啦返黎~
老細開完會, 跟住出左黎行去佢個位~唔知同佢講咩~(太細聲, 我太遠聽唔到)
後黎聽返同事講...原來老細叫佢走~佢唔肯走~佢話佢張contract係到1月中~
跟住老細話: 依家我炒你, 唔該你走~
佢話: 我唔認同你咁既做法~
大嬸, 老細話炒人就炒人架啦~要得到你同意架咩?你係乜水呀?
都唔知佢賴死唔走想點~~
lunch佢出左去飯~~老細行過黎問我地, 佢去左邊~
同事話佢出左去食飯, 一陣返~~佢好無奈既樣~(一定係唔想佢返黎啦~)
都唔明點解d人咁厚面皮, 叫極都唔肯走~賴死o係到都唔知想點~
lunch後...佢返黎對住部腦唔知做咩~(可能又欣賞緊我呢個咁精彩既日記~ha)
老細行埋佢到佢唔理佢~(我估老細又係叫佢走果d)
佢仲係黐住o係張凳到唔郁~跟住老細攞走左佢部note book~
佢都係唔肯走~(咩人黎架?變態~攪到咁瘀都仲唔走~仲畀個新人見到晒~)
(嚇親人呀你~你知你幾咁恐怖架啦~)
無左部腦...佢就開始好忙咁摷佢個位d野啦~~
又撕爛d野, 又掉野, 攪到好忙咁~~老細問佢攪乜~
佢話呢d野係佢既~佢要處理左先走~~
老細掂下佢d野咋, 佢就叫老細唔好掂, 唔係報警~
同事話見到佢打左999架, 但最後條友又淆底收左線~~
同事門不知幾想佢報警, 等警察上黎呀~~
同事門send左e-mail問老細洗唔洗叫食蕉上黎~
其實都有考慮過幫老細報警架~~但費事攪到佢咁無面啦~
仲打埋去勞工處問過~睇下有咩野可以幫到老細~~
不過老細無咩反應...我地都無咩行動~~
佢唔知o係到執咩囉~仲入去攞左d box file過黎唔知想點~
最後佢發癲發到6點就走左啦~
跟住老細走埋去佢個位睇下佢攪過d咩~
佢又無啦啦走返轉頭~見老細過左黎佢個位~就同老細講~
你唔好掂我d野呀~我唔見左野會報警架!!
(果刻覺得佢真係好似d精神病患者~好驚=﹏=)
唔知佢做咩~執完d野又唔攞走~放o係到想點??
可能聽日又會見到佢架啦~唉~

係呀~有位舊同事叫我贈你一言~我怕無機會同你講~
同埋我根本唔想同你講野~既然你都睇到我日記~
我不如o係到講埋畀你聽啦~~
佢叫我同你講: 你以後去到其他公司唔好再咁對待你d同事呀
唔係你會無晒d朋友~孤獨終老~~

仲有...你快d返火星啦~地球好危險呀!!!

今日同hoho去左百老匯電影中心睇父子(導演版)~~
睇過既fans都話套戲好感人~d報導又話d明星去睇首影, 個個睇到喊~
一向眼淺既我已經準備好2包紙巾除時變豬頭~
(我連睇para para櫻之花都喊既~可想言之我會喊成點)
但點知...我一張紙巾都唔洗用....=__="
唔係話唔感人...不過就無我想像中d fans講到咁慘囉~
可能係有ok多笑位, 同埋aaron係咁講粗口~
(每聽到佢講一次粗口我都會笑~因為佢o係我心目中既形象同d粗口一d都唔襯~^^)
睇完仲心諗...其實我有冇去錯戲院...呢隻係咪唔係導演版黎架??
唔係好明點解我會唔喊...(只係有點兒雙眼通紅, 可以忍住d眼淚唔流出黎)
睇左差唔多3個鐘~其實套戲都唔錯架~值得去睇~
戲入面既aaron同平時既佢真係好唔同~演得好成功~(抵佢囉金馬獎~)
遲d再去睇埋個普通版~唔知有咩唔同架呢~a_a

導演版只有2間戲院有得睇~1:係百老匯電影中心, 2:係皇室堡
想睇既朋友仔記得唔好去錯呀~

今日終於記得去交學費啦~~唔洗做通緝犯~hee~

救命呀~公司依家好似變成青山病院咁~
隻怪獸狂o係到病發~~今日又癲左呀佢~~
今朝soso陪我搵La Redoute既accessories~
要整黎畀客QC睇貨用~我唔知要整畀redcats dennis批左先~
以為到時睇貨係我自己帶埋落去~~咁咪啦啦聲搵畀dennis囉~
我地入左倉搵舊file果d...跟住隻怪獸又走入黎唔知搵咩~
我同soso o係到講L.R d單唔好做~唔接都罷....佢又走埋黎搭訕~
跟住又問我地搵緊d咩~我好好禮貌, 好聲好氣咁話佢知~
點知換黎既係佢既嘲諷~佢又冷笑~跟住話~
呵呵~有人又做漏啦~跟住走左....
soso畀佢嚇呆左...soso話佢一直都覺得佢唔係d咁既人~
我前幾日同佢訴既苦~佢都覺得係我諗多左~
今日佢見到怪獸真正既一面~終於都醒悟啦~~對怪獸完全改觀~
原來佢對sukie都唔係好得去邊~
sukie搵佢幫手, 問佢d客既野, 但佢唔肯教sukie~
sukie都同老細講左~~ha~做得好~
星期一開例會果陣~老細同佢講, 叫佢餘下既日子要多多support我地~
佢口口聲聲同老細講, 佢一定會盡力support我地~仲話呢d係佢既duty~
跟住再加多句話, 如果我地主動搵佢幫手, 佢一定會幫我地~
但如果我地唔搵佢, 佢就咩都幫唔到我地~~
哼~講就講得好聽啦~~但做就另一套~~
之後佢仲想謀殺我添呀~~但依家好眼訓~聽日再講~

**我批L.R既貨又有阻滯啦~>﹏<
先係訂錯main label既問題, 跟住係Tom做得衰既問題,
依家又到漏左個hangtag既問題...=__="
我之前問過佢個hangtag o係邊到訂架~我搵過晒d舊file都無資料顯示係我地訂~
佢又同我講可能係Tom自己訂~~咁我畀晒d instruction Tom...
佢又無追過我囉hangtag...我以為佢訂左啦~
點知今日問佢, 佢話我無畀過hangtag佢, 佢唔知要掛hangtag...=0="
唉~~畀佢累死....佢d貨dennis睇過都話唔ok~有好多問題~
家下再加埋個hangtag既問題~~唉~都唔知點算~~><"
隻怪獸一定好開心啦~~
我同soso入去搵老細傾批貨...返出黎怪獸問soso老細係咪好嬲~
老細無乜野喎~~無鬧我地~佢都明白我地既苦處~
佢一定好想老細嬲啦~~想老細鬧我~佢就會好心涼~~
正一黑心精~
越黎越覺得佢似小丸子果個野口同學~成日都咁陰濕~

Dear Mr. Favier,

Because these two styles were belong to Connie (Etam),
I ask her to borrow the samples to me this morning, but untill now she still haven't gave me.
When I ask her this morning, she was very unfriendly to me...><
And also, when I give her the revised size chart of Cepovett for checking,
she ask me why I don't give you to check...=O=
I told her that you want her to have a look, then she will check it for me later.
She is very discontented with my sick leave, she always say mocking words to me.
After I come back to work, from 23/11 up to today, she had grumbling about it over 3 times!!
I feel so sad about it, & I feel so disappointed with her.
I am very honor she, beacuse she give me a chances to work in Lucky Style, teaching me so much...
but now I am very scare of she...>︿<
I always try to work happy with her, but she always hostility to me. I want to cry...

Sakura

以上呢段野係我今日send畀老細既~
我終於忍受唔住, 要向老細呻隻怪獸點對我~
今日佢既更年期又發作~~激到我非同老細講不可~
首先我有個新客揀左etam既2件衫~咁老細叫我搵件衫既資料畀佢~
我見bule list同computer 1都無, 唯有走去問隻怪獸借辦啦~
我今朝問佢借~佢黑晒面咁唔多想理咁~
我以為佢會叫我自己入倉搵~咪問佢係咪放左o係入面囉~
(佢最興點人做野架啦~)
點知佢好串加冷笑咁同我講~"你唔係想摷我d野下嘛"
我O咀...跟住放底d 資料等佢搵畀我~
之後我又囉cepovett d revised辨單畀佢對~
佢又勁串咁話, 你唔直接畀老細睇~?
我話~老細叫我畀你睇架~
佢又冷笑, 叫我放底...
呢2樣野我都忍佢, 唔同佢嘈~唔駁佢咀~仍然以好尊敬佢既態度同佢講野~
到下午...佢同我check辦單啦~無啦啦走埋黎問我~果幾個款d繡花係咪我叫廠做~
我"R"晒頭, 唔明點解佢咁問~
我照直答佢係~佢問我幾時畀廠整架, 我話上星期~
佢叫我囉証據畀佢睇~我囉左張野出黎畀佢~
佢睇到個日期係我病完返工既第一日~
佢又好串咁話~"嘩~你咁醒呀, 病完都識得畀野廠做"
跟住佢話, 其實我一早幫你畀左廠做啦~你病果陣幫你做晒d野"(好不滿既態度)
(大佬, 我有用支槍指住你要你做架咩??你可以唔理架~你理La Redoute批貨都唔理啦)
(我根本唔知)我同佢講~趙生無話我聽喎~
跟住佢囉住我張野話~~咁你唔夾埋張野落黎畀我~
心諗呢d野不嬲都係夾o係個主file到架嘛~我畀d辦單你對之嘛~畀埋張野你做乜?
跟住佢搶左我張野走返去check辦單~~=__="
跟住佢check完一張~囉埋黎畀我~好火咁放o係我張枱~
我張辦單打錯左小小野~stk打左skt...
佢就好大件事咁大大隻字咁寫住: Sakura, 小心d, 成日做錯野, 發緊夢呀?
真係仆佢個街~頂佢個肺~~(唔講粗口鬧佢都唔得)
發覺自己衰左畀我, 就要搵返d野黎踩返我~
其實今朝有同soso講過, 如果佢唔搵etam d辦畀我就會同老細講~
soso同我講, 其實佢以前都唔衰架~對我地都唔差架~
諗諗下又真係既~~開始心軟, 諗住算, 唔同老細講佢d衰野~
但就係因為辦單呢樣野~我決定我需要同老細講~~就send左個e-mail畀佢~
唔係等佢以為我唔出聲就係好好蝦~~
我個位係見到老細部電話架~(佢坐zoe個位)
我見到佢睇我呢封e-mail~睇完之後佢個樣好無奈~~
但最後佢都無回覆我個mail...不過o係另一個mail到話don't worry...
唔知佢想叫我don't worry果個mail d野丫~定係叫我don't worry 怪獸呢件事~
今日佢好早就放工~~6點3就走左, 仲係第一個走~
最後佢係未搵etam d辦畀我架!!!=__="