今日同位好朋友出左去唱k~~^^
(原本hoho想join埋我地一齊食sushi, 但畀我拒絕左,
因為人家2個女孩子要傾心事, 佢話佢都可以黎聽心事架, 我話: 你係女仔咩?
佢話佢係, 我係男仔喎...=0="畀佢激死~haha~^^"你真係好可愛~>w<)
其實一開始無諗過去唱k架~~諗住去食飯~靜靜聽下佢既心事~
但後黎佢話想發洩下~所以就去左neway~~
創興既neway房好似靚左好多~~又pasma, 又無線咪...(唔知係我地呢間中房係咁定全部都係)
7點零唱到12點半都無人趕我地走~~(係因為星期一無人唱丫, 定係依家少左人唱k呢)
但其實neway真係貴左~~nuts $55個(以前好似$45架), 人頭費70幾~仲要無左buffet~
係我太耐無唱k定係我脫晒節呢~~算啦~~我太out啦~=__="
你畀我見到你唔開心既一面~當時真係好驚你一發不可收拾...
不善於安慰既我, 當時真係朿手無策, 唔知可以做咩...>﹏<"
最後經過幾分鐘既冷靜...你又回復原狀啦~~^^個心當堂鬆返晒~~
我地盡興到12點半就散啦~~好開心~~
臨走...你同我講多謝, 諗返其實我都無做過d咩~只係做左你既聆聽者~
其實都覺得自己好無用架~~o係你唔開心既時候咩都做唔到~~><"
相返, o係我唔開心既時候, 你會不停安慰我, 關心我~~
有時會諗...你會唔會覺得我好似唔多想理你咁~~
但我想同你講~我絕對唔會唔理你架!!!只係我唔識得去表達.../.\
身為你最好既朋友~~都覺得好慚愧~~

今日o係公司發生左d好令人興奮既事~~
一早全世界又開例會~~老細宣佈公司將會有2個人唔做~~
(當時我以為一個係sukie架~幾驚)
佢話...一個係carol, 做到12月18號
一個係connie, 做到1月中...聽到connie走~個個都由個心都笑出黎~^w^
不過聽到佢要到1 月中先走就覺得辛苦~仲要對住佢個幾月~~too bad~~><"
講開又講~~佢今日又發神經啦~~火滾~~
話說我有張畀廠既debit note(罰款黎既)~咁我9月開左~
當時批貨仲未走晒~~已經要間廠畀左好多飛機費~~
soso同我講~如果依家畀佢~佢一定唔肯畀$$...叫我遲d先出~~
咁我一直hold住~上個月先畀廠~~廠見到要罰$500都有d咋形~~
後黎傾左一排~~同佢講掂數佢肯畀$300~~
咁銀碼唔同, 更係要改過張debit note架~~已經係11月頭revise畀佢啦~
跟住隻死connie上個星期已經寫紙問過我點解過左咁耐先出~
我已經好詳細咁講晒成個故事畀佢聽架啦~~佢硬係唔多信咁~
今日又囉住張debit note走埋黎同我講~又問我做咩咁遲先開~~
我又再講多次畀佢聽...但佢都唔知係咪聽野既~一路係到駁咀~係咁話唔應該咁遲先出..點點點.....
佢仲要又囉返我病既事出黎講~~好串咁話"我以為你病左2個月做唔到野添"
真係想一把星埋去~~
咁羨慕我病~咁我以後都唔病囉~~畀晒你病啦~~
之後佢要再問多次soso...soso又再講返我講既野畀佢聽~~
佢先肯收口唔再吠~~
激死人啦~~世界上點解會有d咁怪異既生物架??
但諗起佢就黎走~~我都算啦~~再忍多佢個零啦~~
我有的是QE...哼~!!!!

病左成個星期~請左3日病假~~
今日終於都返返工~~估唔到一返去就畀人"問候"~
都唔知佢發咩神經~人地病就係返唔到工架啦~~
而且唔係小事喎~~係感冒菌入腸呀~~又痾又嘔~勁辛苦~><"
佢竟然一D都唔識得關心人~仲要埋怨我放咁多日病假~
又話~"得你識得病"~"病就咩都唔洗理啦".........
真係越聽越把鬼火~
幸不得一腳由16樓星佢落去地下~~
不過算~同事門既眼睛係雪亮既~有佢地撐我已經夠啦~^^
今日同sukie講~條八婆個心係咪黑色~~
sukie話~佢講過自己唔係黑心~~
慳d啦~搵鬼信呀~???痾督尿照下自己個樣先啦~


**之前既日記~得閒再打返~^^..v

病左5日...D燒都仲係燒下退下咁~~
個胃依然好唔舒服~~
hoho特登請假過黎陪我~~開心~~^^
今日決定去醫院睇醫生~~經過嘛嘛既討論~最後去左廣華醫院~~
等得勁辛苦~~好想叫佢畀張牀我訓o係到等~~
等左半個幾鐘...終於都到我啦~~
原來我唔係腸胃炎~~而係感冒菌入腸~~=0="
畀左d藥我食~~同埋有2日病假~~
好驚一飲水又會嘔~~但好彩今次無事~~
順利食左d藥~~^^

**今日sukie打畀我話我知隻賤精hold住晒我d野唔理~~
話~"sakura聽日都返黎架啦~等佢聽日做囉~~真係唔洗做咩"
咩人黎架呢d...咁無人性既野都講得出~~
鄙視佢呀~~~