我個日記好似有d問題...
我呢排每次login果陣佢都話<錯誤!找不到用戶>
但我其實入到黎寫日記~~
仲有...個人流統計d數字成個星期都依然係4861...
絕對無可能啦...就算無人入過黎~~我每開一次都計架嘛~
我都入左黎不下十次啦~~個web唔係又想down下嘛~~???
唔好啦~~我唔想又開過個日記呀~~
i love this blog~!!!~~>w<

我決定24號做返個模擬考試~~
雖然會小左半個鐘練車...但我都想試下, 熟習下考試既模式~~^^
星期6學車去"cup"返個印book左先~~hee~~~^^...v

表哥就黎走lu~~有d唔捨得添~~>w<
又話去踩單車...得個講字...=.="
唔係我要學車就係佢有節目....
honey話不如我地跟埋表哥一齊返鄉下玩~~^^
我都想...不過我未考完車喎~~haha~~^^"
而且...機票可能唔會再有媽咪sponsor我~~hahaha~~

上星期病左無去學車, 今日返去補返上一堂~
原本跟住個schedule我今堂應該係模擬考試~~
點知...因為我上次無返, 今日補上, 佢就當我補堂...
即係今日無考mock...只係好似平時咁練車~~=__="
等我仲擔心今日考mock會落大雨, 點知咁好天但又唔洗考~~=__="
阿sir好好人...佢話今堂畀我當考mock...畀我自己揸, 佢唔提我, 跟住再講返我有咩要改~
佢話如果我想考返個mock要入去"教師總部"既物體"cup"個印...下堂先會有阿sir同我做返個mock~
佢話~不過唔做都得架~只要你上足堂就可以去考試啦~~
而且考mock只係得半個鐘時間...照上堂就可以揸足成個鐘~~
攪到我都15, 16...唔知好唔好去考mock~~
講返今堂先...今堂發生左小小意外~~嚇死我~
話說我正在沙田圍路紅綠燈位等轉燈跟住左轉入愉翠園~~
當時我o係最左線...我既右邊有一架長貨櫃車同我一齊左轉...
轉彎果時我見到佢係咁駛埋黎已經揸得勁慢...
但佢那巨大既身型把我嚇壞...我就唔敢扭咁多軑~~
結果...當我就黎轉完個彎既時候...我feel到我個左尾轆摌左上壆~~
我即刻發出<哎呀>一聲~~阿sir話~<啦~咁樣就係接近物體啦~考試咁樣就會衰架啦~>
....=___="
嚇親既我好慶幸今日唔係考試或者考mock~~
好彩阿sir亦明白我點解會摌上壆~~
求神拜佛我考試果日唔好有長車o係我身邊行駛~~亦唔好再發生呢次事件~
仲有仲有~~希望畀我考銀城線啦~~因為我有信心d~
河畔線太多死車啦, 我會緊張到轉線唔記得打燈望盲區架~~
而且回程條路又無啦啦o係到整路~~攪到我要比平時多轉一條線~~
死期越黎越近啦~好緊張呀~~~>w<

電腦啞了...我的生活就像死城一樣~~
無得聽歌...就好似少左d野咁, 好唔慣~~
唉~~幾時先好返呀<你>???
最近幾日好似訓極都唔夠咁~~係咪病果期訓得太多訓到慣左呢~~=__="
好似無咪精神搵野做~~懶蟲又返黎我身邊啦~~>﹏<
唔可以再係咁死蛇爛鱔啦~~我既可動用資金已經用完啦~~
下期保險費點算......=.="

今日陪honey揸返架車入上水畀返阿倫~
坐o係老公身邊感覺好幸福~~^w^
懷念起以前老公成日揸車出去玩~~
亦激發起我想揸車既果團火~~*w*
我要好好努力應付黎緊既考試~~我要考到!!!
媽咪已經accept左我考完試先搵野做~~^^
多謝媽咪~~我唔會令你失望架~!!!

跟住阿倫車返我地出沙田~~
同honey high完tea之後就上左佢屋企發毛~~
等到8點半返駕駛學院上最後一堂既理論堂~~
今堂又係上2堂果個阿sir教~~
亦即係佢連續教左我3堂~~唔知仲以為自己join左至尊(同一個阿sir教)
我同呢個阿sir真係有緣~唔好教埋我揸車丫~~

今日都有小小唔舒服~~不過都行到~~honey車我地入屯門~^^
2點幾去到泊好架車去搵gin佢地, 佢地仲set緊頭~~
set到咁上下, 樹熊家姐走入黎嘈, 話就夠鐘可唔可以快d~~
條友一走入黎嘈, 我仲以為佢係樹熊阿媽嘛~成個C奶咁~=.="
跟住行去註冊處...佢就由細妹手上一手搶左個介指座~~
跟住就執gin裙尾叫佢地快d行~~
搶晒我地d野黎做~~=0="
去到註冊處我個介指座已經有小許變形...佢真暴力~~=.="
仲畀我發現有人綁過隻介指~~而且係死結~~
白痴~~死結一陣佢地點可以快速解開呀??有病~
一定係佢暴力對待完個介指座攪到隻介指就甩, 跟住懶醒咁打返個死結~~

唔知點解我覺得呢場婚禮無上次honey表姨婆個女果場咁有feeling~
可能上次果場一對新人有慢步行入黎~~
而今次呢個係一對新人坐好等証婚人入黎~~
好快就完成左個儀式~~
呀~~!!!當我拍mv果陣樹熊家姐又走出黎遮住我~~><"
佢仲要只係拎住部手機o係到影~~大嬸~我拎緊dc拍緊mv架~
我係咁避佢, 佢就係咁行近我~~火都黎~!!!!><"
之後o係個場到影左陣相~~跟住出去出面再影~~
班大人影完之後佢地返去先~我地繼續影~~但仲有2個揸相機跟住我地影~~
影到咁上下~~我地揸車入黃金海岸~~佢2個就走啦~~
去囉車果陣, honey畀條車匙我上去先, 佢去畀$$~
細妹好大反應~~"你揸呀?"我話係呀~跟住佢好驚咁既樣~~
咩姐~~我手車都不知幾好呀~~d阿sir都讚我架~~
最後當然唔係我揸啦~~我未有牌~唔會做d犯法既野既~~
入到去佢地醫肚.....食m記...我無得食~~><"
跟住影左一陣~媽咪佢地又入左黎~~
都無咩好影既~~佢地又唔落沙灘~怕整dirty件婚紗~~
跟住就返去lu~~o係樓下先發現我未同gin影過相~~o係樓下影返~=v="

夜晚食飯~~有好多野我都無得食~~>﹏<"
可能仲病緊既關係...食左好少野就飽啦食唔落~~
今日既婚禮都總算順順利利, 開開心心咁完成~~
上個星期姑丈仲o係到發表偉論....真係超低能勁攪笑~~
詳情不便公開~
好在最終佢無上演呢場鬧劇~~haha~~~^^

我既身體好似越來越差咁~
由上星期6開始病到今日都無好轉過~~
睇完醫生食過藥, d燒退下又燒下咁...喉嚨痛更加一直無好過~
係咪畀d火星人咀咒呢~~~~~><"
今日再去睇醫生, 佢同我量血壓...結果係偏低~
上壓90幾, 下壓50幾~(正常人應該係上壓120, 下壓80)
佢話我好唔正常...連d老人家都無我咁低喎~~=__="
話時話, 今朝"lan"落去睇醫生果時有個阿伯o係我身邊閃過~行得仲快過我~~=__="

上個星期6入左屯門陪表妹試婚紗~~
跟住夜晚開始發病啦~~返到黎都啪左2粒panadol先訓~~

星期日好似好dd, 就同daddy, honey去左睇mr. bean's holiday~
跟住都有keep住食藥~~

到左星期一個頭勁痛囉~~><
仲book左同honey一齊去學車~~我仲係要考mock~~
但係...咁既狀態揸車唔得掂架~~就算我返左去~畀阿sir見到我咁既樣一定唔畀我揸~~
最後打左電話返去請病假~~跟住去睇醫生~~得返honey自己一個去學~~><"
人地好難得先book到同一日一齊學架嘛~~好衰架~~病乜Q呢~~><"

星期2依然係死貓咁既樣~~燒下退下咁~~
我懷疑個醫生無畀退燒藥我~~
因為佢用佢個電子體溫放落我耳仔既時候我feel到佢未放晒入去囉~~
跟住就話我無燒~~但當時我feel到自己個頭好熱好痛~~=__=

星期3好似好d咁啦~~就叫媽咪幫我去買三冬茶飲~~
記得對上一次喉嚨痛我都係飲左佢好返~~~
今次我仲早午晚三餐後都飲一次~~~
今日honey考電單車~~佢pass左啦~~
唉...亦即係我既惡夢既開始~~皮包鐵嘛~~點講我都係覺得危險架啦~
佢話遲d考埋巴士牌...=__="考咁多牌黎做咩???佢話有用.....=.= ok~
舊公司既henry打黎搵我...問我d客既野~~
佢話佢就黎做死啦~~可能做多一陫就走~~
都唔知係咪~除左老細, 無左火星人佢就最大粒啦喎~~佢會捨得走~??haha~~
同soso傾左陣...原來sukie已經走左lu~~account carol亦做到下星期~~
老細依然keep住佢既作風~~自從我走左之後都無請過人~~
account走埋, 公司就會得返4粒人~~計埋萍姐都有5粒既~~
跟住soso10月結婚之後又走lu~~到時唔知間公司仲存唔存在呢~~
佢地依然係接緊d雞仔單~~仲要好多d廠都唔想做~~haha~~

今日...諗住應該無事啦~~點知都係咁...好似原全無好過咁~~又燒~~
媽咪就啲左我去睇中醫...
飲完一次, 出左一身汗終於都覺得好d啦~
依家先有命上黎話畀大家聽我未死得~~hahaha~~~^^

聽日係表妹既婚禮...希望我可以無事去參加啦~

我又出現啦~~~haha~~~^^
部腦…阿妹男友係整過…但就無左聲…
d綱頁碌落去既時候浮下浮下咁…好唔順暢咁~~
同埋d甼睇落大左好多...研究過都係唔識較返正常~~><
今日發現原來d病毒應該仲o係到...因為仲有d野狂彈出黎~~
仲發現原來我個燒碟機係一直都無事架~~
之前燒唔到碟~(只燒到歌)我以為佢壞左~~
今日發現只係個dvd rom唔知幾時畀唔知邊個lock左所以燒唔到~=__="
因為部腦未完全整好...攪到我都唔敢裝返d程式落去~~~
希望阿妹男友快d再上黎整整佢啦~~^^

前日陪左一對準新人去買野....
阿妹搶左我條low cut著...
(原本由我做伴娘, 但好似話大過佢既係唔可以做, 所以最後由阿妹做~
但佢d grand裙all in black color~~so, 佢搶左我條裙著~=.="
再加上honey唔畀我著low cut...所以我又買過另一條裙lu~)
dinner去左板前食sushi...d魚生真係勁新鮮呀~~~
呢日我地講左好多次"超低能, 勁攪笑"呢六字真言~~

honey每次放假得閒就會陪我去學車~~
就算我學2個鐘佢都會o係駕駛學院等我放~~
琴日我唔洗學, 但就陪左honey返去學電單車~~^^
有nds陪我, 時間過得好快~~~haha~~^^
之後去左diamond hill諗住睇Mr. Bean...
點知勁爆場~~要到夜晚11點幾先有位, 仲要無晒靚位~~
最後無睇~~約左daddy星期日一齊去睇~~~haha~~
跟住去左strawberry forever high tea~~~^^
去百佳買左材料諗住整木槺蛋糕~~
但返到屋企已經6點幾...無整~~

今日karrie過左黎我到玩nds~~haha~~^^
我地去左wong tai sin...我要買lace同絲帶整介指座畀表妹註冊用~~
行左陣跟住返樓下買野返屋企食~~
惠康整八爪魚丸個阿姐已經認得我啦~~
今日佢又畀多粒我呀~~勁好人~~~^^


只係用左半日時候就完成左呢個咁精美既介指座啦~~
haha~~簡直覺得自己係個diy天才~~wahahaha~~(自大)


呢隻銀介指係前日同honey新買架~~^^一人一隻~~^^

   
早幾日又完成左一條腰鍊~~都幾靚架~~^^

原本校左鬧鐘10點半起身(睇電視~~hee~~^w^)
點知8點幾就醒左再訓唔返~~但琴晚係3點幾先訓~~=.="
跟住又唔願落床...可能天氣凍啦~~跟住訓o係到玩nds玩到10點幾~~
karrie send msg黎話想過黎整tofu cheese cake~~
佢想後日拎去畀佢d屋企人食~~
約左12點後出信和買料~~
正當想出門口既時候...心血來潮上佢個綱睇下仲有咩要買~~
想買d高根同埋低根既面粉焗蛋糕~~
點知畀我發現間野由今日開始放假...9點先開返~~=.="
最後同karrie商議過後...決定由我帶d工具去佢到整~~(個電動打蛋器重死我~=__=)
跟住同佢一齊去百佳買材料~~佢呢到間百佳竟然有低脂淡忌廉~~我從未見過囉~
今日打既忌廉打得好靚~~一take過ok...無出過水~~
我諗應該係我個mixing bowl既問題~~
今日同karrie買左個mixing bowl...發覺打左好耐~個bowl底依keep到然好凍~
我屋企果個過左一陣就會變返室溫~~應該係咁樣影響左d cream~~
我要買過個mixing bowl先得~~!!!

最後...成個cake幾乎係我整晒囉~~
karrie只係整左個餅底~~=___="
唔知味道如何呢~~a_a

終於...我又上得返黎啦~~^^...v
不過只係暫時...因為部腦係未整好架~~=.="
失左蹤既呢個星期...我既生活依然係多采多姿~~haha~~
依家逢星期一至五晚既11點我都會追有線娛樂台果套日劇<我要做空姐>
係講述一班女仔點樣由一個訓練生成為一位空姐~
如果我夠高...早就去左考lu~~><"
今朝發現原來早上11點都有播架~~~^0^

有日去左換回鄉証...跟住去左信和14樓買蛋糕材料...
仲買左個心型蛋糕模同埋一d mouse杯~~
有日用左我d mouse杯整左d啫哩~~haha~~
好想叫karrie陪我上去學整tiramisu呀~~

有好多日畀karrie呃左...佢話過黎學整蛋糕...
每次我準備好晒d野既時候佢就話唔黎~~
蛋糕我都整左好幾個lu~~
繼上次既杯裝木槺蛋糕之後...我同honey一齊整左個可以切出黎食既心型木槺蛋糕~~^^
但係因為d瑪莉餅既問題...攪到唔夠完美...
之前我用百佳牌既瑪莉餅黎整...同埋覺得百佳牌好味過嘉頓~
嘉頓果d好乾同埋好似燶燶地味咁...總之唔好食啦~~
但今次因為行晒2間百佳都無百佳牌瑪莉餅~~迫於無奈買左嘉頓~~
點知整左出黎既效果真係我想像中無咁好食~~>"<
但今次既味道好好~~唔太甜~~^^

有日青蛙先生無啦啦打畀我...跟住仲上埋黎做客人...=.="
跟住仲成日打黎...10點幾我都未訓醒又打黎..>"<
攪到我怕左佢...唔聽佢電話....
其實我同佢唔係好frd之嘛~做咩成日打黎扮frd呀??
咩事呢佢...係咪發生左d咩事呢~~失戀???

琴日全世界過左黎同爺爺慶祝78歲生日~~^^
由於上個星期買左蛋糕...加上我既可動用資金越來越少~~
同埋唔知買咩蛋糕好~~食黎食去都係果d~無咩新意~~
無理由買strawberry cake架~~佢地唔係好食strawberry~~
唔係我生日唔好自把自為~~!!!
最後決定親自落手整~~~
前晚11點整左個心型既tofu cheese cake~
原本話唔過黎既姑姐佢地琴朝又話黎lu~~
於是臨急臨忙整多個mango cheese cake~~
整完之後野都未洗...野又未食就趕去學車啦~~學15:30~
今堂既阿sir係我第一堂既阿sir~~(因為手冊有record)
阿sir話大半年無見過我lu~問我點解學咁耐既...
=____=" 我苦笑唔答佢~~
過左一陣佢又問點解大半年都未考到牌~~
我就話佢知因為我fail左泊位~~
好衰架~~~係要人講先心息~~><"
學完車同honey出左旺角...去左元氣食sushi~~係我地既早餐, 午餐加下午茶~
跟住想話搵d靚靚strawberry同blue berry裝飾我個蛋糕~但搵唔到~~
最後返左屋企既惠康買~~只係買左blue berry同奇異果~d strawberry唔靚~><"
食完豐富既晚餐之後就食我整既cheese cake啦~~
tofu cheese cake依然係咁有水準~~hahaha~~
但個mango cheese cake因為第一次整所以.....變左mango pudding~~haha~
我用返tofu cheese cake既formula黎整~~
諗住只係將tofu改為mango就ok~~
可能因為d mango漿太杰...(我用左3個mango~)
同埋d魚膠粉唔夠~所以唔係好夠企身~~不過都可以切開一件件~
姨丈話好好味呀~~讚我整得好~~仲添食添~~好開心~~
如果我有錢既話真係好想開間甜品店~~^^
個餅底好好味呀~~今次我加左d榛子醬落去~good呀~~^^
 
o係個模到整佢出黎既時候出左小小意外...攪到個邊爛左小小~

 
呢個係細妹裝飾既~haha~~^^                        呢個係我裝飾既~~

我部腦經已患上左絕症啦...應該命不久已...
一開機係咁彈d唔知咩出黎...跟住hang機...
re-open幾次先有一次可算正常地可以上下綱...
幾經辛苦...今日先可以再上返黎我個blog發up瘋...

今日學車...15:30-17:30...平時孖鐘係會break一陣先再上另一個鐘~
但今日阿sir畀我連踩2個鐘, 唔洗break~~^^
今日都係行河畔同埋銀城2條線...阿sir畀我由學校考試個位開始揸出去~
開始認得d路點行, 幾時轉線, 幾時轉左轉右lu~~~good~
阿sir仲讚我揸得好好~~
5點3返到學校...阿sir見仲有時間佢問我識唔識L型泊位...
我當然唔識啦~~之前學果個係S型泊位...佢好好人咁教埋我點泊~~~^^
(個課程係唔會教L型架~亦唔洗考~佢私人醒畀我~^^)
之後佢仲畀我自己泊返好架車落堂~~好有成功感呀~~~^^..v
平時d阿sir係唔會叫我地泊架, 學完叫我地停埋一邊跟住調位由佢黎泊~
今日學得好開心~~^^

放學搭車返屋企...o係彩虹等karrie...爺爺擺大壽, 佢過黎食飯~
我5點半放左打畀佢叫佢行...到5點10我到左...
6點佢先打畀我話佢依家先去搭車~~
6點9我地先去到diamond hill買birthday cake~~
7點返到黎...我又炒左金菇肥牛...karrie話好好味~~^^

**發現東海堂個蛋糕既cream同italian tomato既差唔多~~
一樣咁好味~~^^