honey又話要出街買衫~但o係到發脾氣(我攪成佢咁無錯又係我)
跟住佢無我咁好氣, 訓著左覺, 我就o係到打機...
見到已經4點整醒佢問佢仲出唔出街, 佢話去~咁就起身行啦~~
路過花街, 見到好多yoshi毛公仔呀~~>w<
honey想買畀我架, 但我間房經已無乜位啦~~(依家後悔無買添~><)
行行下畀我發現有間野有蛋糕模賣...行去睇下~~~
嘩~~~佢d野勁平呀~~信和賣30-40蚊既模, 佢只係賣20幾蚊~~
跟住畀我發現佢有正常蛋撻size既模, 只售$10/4個~~
有d後悔前日買左4個雞批模添~~不過算啦~正如karrie所講"大個d抵食d"
雖然佢呢到d野唔夠信和齊全~(人家只係家庭用品鋪)~
但勝在佢d野平~~下次有咩需要就落黎呢到買先~~^^

之後帶左honey去吉之島$10店搗亂~~haha~~~
今日好多人呀~~推埋架車車好迫~~>"<
今日我成功影到相~~haha~~~不過為免畀人發現, 我只係用電話黎影~~

 
我地先行蛋糕甜品area~~~呢d就係整朱古力既模具同包裝用品啦~~


大家估下呢個係乜東東???


開估~~佢係用黎將d飯固定成一個形狀~~有好多唔同款式架~~
即係大家去d較高級既餐廳食飯時, 你碟飯好靚咁圓形企o係到, 就係用呢d野整架啦~


仲有好多cookies模~~不過我嫌佢太大個啦~~塊餅整出黎會唔會大塊過頭呢~^^"
左下角果個野係用黎煎太陽蛋架~~用左佢, 你隻蛋就會煎得好圓架啦~~
仲有心形, 星形. 花花形.....好得意呀~~>w<

 
呢個野用黎洗米架~~有左佢, 你隻手唔洗掂到d水同米就可以洗到米~~
有左佢, 倒水既時候就唔怕倒瀉埋d米啦~~
今日我已經帶左佢返屋企~~hahaha~~~好岩我呢個懶人用~~
我地仲買左1包香蕉松餅預伴粉同埋3樣零食~~
honey話想整香蕉松餅~~但係佢個食譜係日文黎架~~=__="
雖然我大約都知道點樣整, 但有個問題囉....
究竟佢指既牛乳30cc, 係牛奶定牛油呢~~
但我上次整既松餅係用牛油既...會唔會都係一樣呢~~


之後去左買衫....我都有份呀~~多謝baby~~>w<
路過見到有mario既玩具扭蛋, 係入水落去"禁"d粒粒上去既玩具~~
上次karrie o係出面買要$25蚊, 呢到$15扭一個~~~^^honey二話不說就扭左個~~
 
後黎行行下佢見到有hello kitty...佢叫我過去睇~~
我一睇就話想要隻蝴蝶橡筋~~佢即係拎個$5畀我, 一扭就中左我想要既蝴蝶橡筋啦~~
扭完先知原來仲有幾隻色~~好彩無扭中綠色姐~~^^

晚餐原本諗住食板前...但勁多人...我地張飛357號, 佢叫緊290幾~~
等左一陣, 腳仔都軟了...之後決定唔等~~走左去對面梨和園食韓燒~~^^

佢有金菇肥牛燒架~~~勁好味~~>w<
肥牛溶出d牛油落o係金菇上, 食落口就好牛油金菇咁~~^^

 
由於食得太多肉類, 要食返d菜balance返~~
但我食開既熟白菜仔已經畀人拎晒, 佢又唔拎返d出黎~~
見到有生既菜, (佢係for打邊爐用), 我拎左3條油麥菜去燒~~
燒完之後條菜縮左水, 好似無晒d葉咁~~不過都幾好味架喎~~~haha~~^^

karrie今日過左黎學整蛋糕~~
話就話黎學整, 點知掛住玩msn, 只係打左幾打cream~~haha~~
原本諗住整木槺蛋糕架~~點知d cream唔知發咩脾氣, 打極都唔起~打到我火都黎埋
跟住仲變返水, 由於整木槺蛋糕d cream要打至9成, 變返水再打就會打至10成~
最後放棄左整木槺蛋糕, 改整cheese cake~~
呢個時候honey都過左黎...而karrie就入左房玩msn...我就同honey一齊整~~
蛋白加糖打起好好玩架~~打完反轉佢真係唔會滴落黎架~~
好似個甜品<火焰雪山>咁...想信拎去焗就會成為<火焰雪山>~~haha~~^^下次試下先~
焗左1個鐘終於完成啦~~由於唔知佢焗完之後唔會走樣~~我地倒左佢落個模之後無整返平佢~
結果焗出黎個樣變成咁~~~=___="有d似麵包~~hahaha~~



切開裡面畀我既第一個感覺係~佢好似玉子~~hahaha~~~
味道方面...都ok既...佢地就話好好味...我就覺得只值70分~~
可能d cream多左少少(因為我無量過)...好似腍得滯~~佢震騰騰的~
不過阿妹又話應該係咁既~~
總括黎講我都係覺得有得再好d~~
但第一次整都算好好架啦~~^^

今日同karrie出左旺角唱k-lunch...12點半唱到4點~~^^
出黎旺角唱既原因其實係想去創興3樓新開既吉之島$10店行~~
karrie話見到有好多整蛋糕既器具~~
呢個$10店我真係要推介畀大家無野做既時候落去行下~~
因為呢到真係有好多野睇~~有好多係從未見過架~~
真係一次過滿足晒3個願望~~新奇, 刺激又好玩~~^^
佢大到可以畀你推車仔黎行~~我地o係到逗留左個幾鐘先肯走~~
有好多新奇既煮食用具你無諗過可以咁樣架~睇完佢既說明你就會好佩服佢~
點解日本人可以咁叻發明咁多咁懶既用具出黎~~
真係有好多野想買返黎玩下~~由於資金有限最後打消左呢個念頭~~
佢仲有好多整朱古力既包裝物料~仲多過&靚過信和14樓果d~~
好想買返d返去整...不過...都係等情人節先啦~~haha~~~^^
今日買左4個批模...我將會嘗試整蛋撻& apple pie~~haha~
不過我呢4個批模係雞批咁大個~因為佢得one size~~
想買個6寸大既都無~~再加上佢$10有2個好抵~~
而karrie又話~"大個d抵食d呀~"(haha~~畀佢笑死~)
最後o係咁多有利既因素之下我就買左佢啦~~
真係好想影底果d新奇好玩既野post上黎~~
不過果到有d食蕉行黎行去~驚佢會話呢到唔畀影相~~><
下次再去既話, 我會搵機會影下佢~~
返屋企同karrie搭巴士果陣遇上好多怪物~~
首先...o係我地後面有2女1男, 應該係f.1-f.2既人~~
佢地由上車開始係咁嘈...又係咁打黎打去...都幾響下~應該都幾痛=﹏=
跟住我地前面有一小學3-4年級既女仔...
佢上左車就講電話...佢仲要用d好bb既聲線黎講野~聽得我毛骨悚然~
過左一陣佢無啦啦開左部電話拍vedio, 但對住出面~~
跟住仲要扮鬼叫聲...又扮喊~嚇到坐佢前面既男人都望望佢~~
但佢依然keep住發出呢d怪叫~~男人望又一次又一次佢都唔停~~
直到karrie好大聱咁話~"好驚呀~有鬼叫"
佢先轉個頭黎望一望我地, 跟住就收聲啦~~
karrie話: 咩事呀~今日架車咁多怪人~我地有冇搭錯車呀?呢架其實係咪唔係去你屋企架?
我: 可能係呀~我地見到個山字就上車, 可能係去青山架~
跟住笑到我同karrie差d落唔切車~~~

**dear karen & winnie, 好掛住你地呀~>w< karrie都好掛住你地~
今日唱k果時諗起我地以前4個一齊唱k既日子~~好開心, 好懷念~~v.v
我地幾時又可以4個一齊出黎狂歡呀???
不如擇個吉日出黎食飯丫~~heehee~~

今日聽新聞...房屋處會o係8月推出第2期既居屋呀~~
做咩上次cancel左張票喎~~><依家有用啦~~><"
之前honey話今年應該唔會再有居屋賣架啦~~
由於我開左張本票係一年有效期...
早排去銀行整野...順便就拎埋張票落去cancel左...
嗚嗚...估唔到2個月後就有第2期推出....我既嘉峰臺呀~~>"<

後日扣保險...懶到出汁既我今日先肯"lan"去銀行入$$~~
動用左花貓基金...我要快d搵野做<還債>先得啦~~
順便過埋去拎2支regene洗面...
呢2支野買左就黎一個月...由於果陣無貨, 佢叫我過2日再去拎~
結果我今日先捨得去拎~~~

仲諗住同細妹一齊整木槺蛋糕...點知佢話要出去視察下d學校~~
佢會考啦~~想當年我考會考果陣日日係咁溫書...
但係佢就日日打機, 出街...=.="
之前成日拎我部nds玩cooking mama~~
就畀我話佢~"你聽日又考家政呀??" 佢就係咁傻笑~
最後...今日我就自己整左d餅碎...預備聽日整cake~~^^


**今個晚上同karrie傾電話...傾左個半鐘~~
佢問左我一個都幾serious既問題.....
好一個如果....我真係無諗過萬一發生呢件事我會點~~
你講得好岩...人o係最得意忘形既時候就會有意外發生~~
i think i should thinking about this....
thank you for remind me~^^but can you also help me to consider it??

呢幾日都好似好忙咁...(好似...=.=")攪到無時間上黎寫blog~
星期日同honey+auntie北上...佢舅父生日要去食飯~~
3點幾先起行~~haha~~^^"上到去4點半~~
honey去左揼骨...我就同auntie去整指甲~~
今次仲整埋腳甲~~~haha~~整完之後隻腳好似d闊太咁~~好好笑~~
不過我覺得呢間野整得唔係好好~~
d人好唔pro...仲整痛我~油得又唔靚~~畫花又無得畀我自己揀~
而且畫得唔靚~~好似homemade咁樣.....>﹏<
不過算啦~~$10..豪畀佢~~
其實我想整水晶甲架~~但聽聞要整4個鐘...我會發毛的~~
不過好在無整...因為呢間野油甲畫花都攪成咁~水晶甲唔知會整成點...


星期一爺爺既好朋友由加拿大過黎探佢~~
佢地係由小朋友果時玩到老架~~咁耐都仲咁好朋友真係好難得~~
雖然分隔兩地...但佢地都有keep contact...不時會見到爺爺同佢傾IDD~~
佢地亦會o係d大時大節寄卡祝賀~~^^(我負責幫佢買~haha~)
lunch同佢地一齊去左飲茶~~之後同honey行街~~
honey偷懶左一日~佢話返一日又放囉, 不如放埋佢啦~而且佢要去銀行攪d野~~
haha~~我話佢~"你懶就懶啦~"
原本佢要過cwb搵阿倫傾保險d野, 但阿倫會出左黎旺角, 咁我地就去旺角搵佢~~
時間尚早~~honey話去勝利道睇貓貓~~
點知睇左一間...佢就拉我去睇鐵做既大貓----->電單車~~=___="
佢依然密謀緊買電單車~~但我同auntie都唔讚成佢~~auntie成日叫佢買7人車~
佢仲問埋個sale架車既價錢, 牌費, insurance.....
佢問我: 你話買白色定黑色好呀?
我差d想答佢黑色, 但我清醒地同佢講: 邊個畀你買呀?下~~
佢就即刻成個小朋友咁扁晒咀~~
跟住去搵阿倫high tea...傾到6點半就散啦~~
我地要返黎同爺爺d frd食飯~~^^

琴日honey放假~問我想去邊到玩...唔知點解唔多想郁~~
佢話不如去睇戲...但我無咩戲想睇~~
佢話去碌齡...但我岩岩整左d咁靚靚既指甲...整花左就唔好啦~~
最後...只係同佢落去食左個tea...之後佢就返沙田同佢阿哥+frd打波~

今日...我個人仲好似遊魂咁...好hea...
"要收拾心情"呢句說話都同自己講左over 3 times...
但就一直都未行動~~=___="
今日原本諗住hea o係屋企唔出門口~~
點知畀媽咪叫左我落街幫佢執中藥~~
去到間藥材鋪...畀左張藥方個老細...佢就畀佢枱面d貓貓相我睇~~
問我d貓靚唔靚~~得唔得意~~跟住就發現左一隻o係我後面~~
都聽聞過媽咪話間野有貓貓玩~(因為咁我先落去~haha~)
估唔到個老細會咁熱情...隻貓貓又好乖咁畀我摸佢~~^^
行返黎既時候見到有龍鬚糖賣...排左10分鐘先輪到我買~~
好好味呀~~~等咁耐都總算值得~~^^

自發表上一篇日記之後就無再上黎...
係因為部腦無啦啦跪低左...=.="
今日細妹男友先上黎幫我地整返好佢...但就依然係無sound...
開唔到sound card...要問問honey既哥哥拎隻碟攪攪佢~~

24號果日落大雨...仲有紅雨添...我卻要如常去駕駛學院考mock~>"<
未出到慈雲山我隻鞋, 我隻腳已經濕晒啦~~只係行落樓下巴士站, 3分鐘既路程咋~~=__="
隻鞋應該可以扭到水出黎~=__=" 一早預左會濕晒...所以著左隻遮仔鞋...
一黎濕晒都唔會好似converse咁唔舒服, 二黎我都想洗下呢對鞋~
所以就算整dirty都唔緊要...返到黎就洗~~
橫風橫雨, 正擔心一陣揸車會唔會因天雨路滑影響成績~~
但上天總是眷顧著我...每次落雨, 我返到學校就會無雨...
今次就由大雨變成細雨~~~^^聽說今早沙田區錄得好大雨量~~
考mock其實應該去模擬駕駛等候處等架...但我怕阿sir唔記得幫我book...
所以就路過平日既編車表睇下有冇自己個名...果然係榜上有名...=.="
跟住等到阿sir黎...同佢講我今堂book左做mock, 但唔知點解又編左我黎呢到~
佢話唔緊要啦~佢照同我做mock...mock考銀城線~~有小小出錯~><"
做完mock再畀我練埋河畔線~~~變相我多左半個鐘bones學車~~haha~~^^...v
返到屋企同細妹一齊整蛋糕~~~
佢話想整木槺蛋糕, 但我想焗鬆餅~~最後搓包剪揼我贏左, 整鬆餅~~^^

高根麵粉啦, 低根麵粉啦, 奶粉啦, 糖啦...................
細妹話驚本書既份量只係整到4-5個, 唔夠屋企人食...
佢提議d材料double上~~咁就double上啦~~


點知攪左出黎兜野勁多囉~~~早知唔聽佢講...=___="


我地整左杧果味啦, 奇異果味啦, 同埋香蕉味~~
10個杯裝蛋糕, 同埋用左3個蛋糕模先焗得晒我地d粉~~=.="

 
唔知點解人地本書整出黎果個咁靚...我地果d就整到好似火山流溶岩咁~~好嚇人

 
而且我地果d都唔多似鬆餅....似蛋糕多d~~
不過d味道真係唔錯~~大可放心食用~~~hahaha~~~^^

26號晚..我最後一日去駕駛學院上堂~~
最後一日練習...聽日就正式考試啦~~
好彩既話...聽日之後我就唔再係香港駕駛學院既學生啦~~
o係到出沒左半年有多...唔多唔少都對呢到產生左一份感情~~
能夠成為香港駕駛學院既學生都有少少驕傲~~
呢到既設備完善...d阿sir又好nice...好耐心教導你~~(haha~幫佢賣廣告添~)
一諗到聽日之後可能唔會再踏足呢到...真係有d唔捨得架~~
所以忍唔住拎左部電話出黎影低呢個地方~~^^(可惜唔記得帶dc>"<)
今日學2個鐘...2架唔同既車, 唔同既阿sir(平時我2個鐘係用同一架車同一個阿sir)
阿sir將所有既要訣教晒我, 我亦問晒我既疑問~~最後祝我考試成功~~~^^
 

27號....我既死期!!!
一早我就醒左啦~~跟住上香求順利~~8:45出門口~~
一踏入學校就開始心跳加速啦~~考10:15...9點半要返去報到...跟住試車...再返去間房等叫名~~
跟住叫名上車standby等考試主任黎~~
佢黎到...say左hi, 對好証件就開始啦...佢話考銀城線~~
yeah baby~~聽到銀城勁開心...跟住開始無咁緊張啦~~^^
一切都總算順利...安全返到學校~~不過都見到佢o係張紙到"take"左野~~
跟住就返去間房等結果~~
落車既時候發生左少少野...
考試主任落左車, 但無畀返張身份証我~
黎接返架車既阿sir問我囉返d野未(身份証同考試登車証)
我望一望車頭, 唔見晒~(因為上車果時阿sir幫我放果到畀考試主任對)
我同阿sir講我無囉到, 但唔見左, 會唔會考試主任拎埋~~~
佢話唔緊要, 叫我入返去先, 佢幫我check check~~
入到去d職員問我拎返張考試登車証, 我話我落車果陣已經無左, 可能考試主任拎左~
跟住佢行入去check...返黎話考試主任無拎到~~
跟住等左好耐...我既成績都出埋黎啦~~結果係PASS呀~~
之後要跟一個阿sir入房同我講解跟住要做d咩~~但我同佢地講我唔見左身份証~~
之後佢地就call左個阿sir幫我去架車到搵~~
阿sir搵到返黎...佢話原來放左入前座個櫃入面...=___="
後黎跟左個阿sir入房...佢畀左張買corolla既coupon我...只有駕駛學院既畢業生先有...
都幾吸引架~~免首年牌費, 仲有$6000既免費油券~~
不過我呢d傻頭傻腦既新牌仔最好唔好揸新車住~~
我唔想好似阿倫咁...佢好慘....
表妹婚禮honey借左佢架jazz黎揸~~早2日佢又借左畀另一個frd揸~~
點知果個人撞爛左佢架車...跟住仲整唔返~要放棄佢~~
佢呢架係新車, 應該買左年幾咋, 仲要未供完的...咁就無左啦~~可憐~
跟住阿sir遊說我報金牌路路通既課程~~
所謂既金牌路路通係for一d持有正式駕駛執照人士既進修課程~~
佢地會依合法既駕駛者身份, 揸住一架唔會再掛有學牌既車衝出沙田~~
會行屯門公路, 吐路港公路, 油尖旺區, 機場線.........................
課程分3 part....第一part, 8個鐘係揸學校呢架1500cc既車~~
第2 part, 4個鐘揸2000cc既車 + 4個2000cc既7人車~~
第3 part, 8個鐘揸 Benz.....好吸引~~
全部加埋既學費total 5千幾~~~
阿sir話我應該要報...因為我岩岩既成績顯示出驚覺性及判斷力弱................
我都覺得我咁樣出去揸車係好危險的~~加上我係路痴~~
但真係好貴....我無$$畀...
但阿sir話今日報先係有呢個discount...聽日之後就要7千幾~~
最後阿sir話可以淨係報一part...之後覺得好先再報...到時都會有小小discount~~
由於我覺得自己既技術唔得, 同埋唔捨得離開呢間學校~~
咁我就報左第一part, 8個鐘~~大新卡仲可以做分期18個月~~^^
另外, 拎正式駕駛執照要進貢$900畀運輸處~~
7個工作天後就可以去運輸處整~~學校亦可以幫我代辦~
以我呢個懶人...當然係叫學校幫我代辦啦~~haha~~^^..v
有樣仲吸引~~學校代辦的話, $900我仲可以放埋o係學費到一齊做分期~~haha~~


呢本就係金牌路路通既學員手冊~~
好似本特區護照咁~~好攪笑~~~
原來學校有得學飄移架~~
不過阿sir話我依家既技術未學得~~haha~~^^"
但佢話有d同學學完之後話轉到好暈~~haha~~~
夜晚畀karrie捉左去唱k~~佢媽咪生日...
一行6個人...浩文攪屎棍...臨cut先黎...嘥$$$~~=__="

今日28號...honey同我去左italian tomato食dinner~~^^
獎勵我食蛋糕~~hee~~~^^但係無我至愛既士多啤梨蛋糕~~><"
apm呢間成日都無士多啤梨蛋糕既~~可惡~~>"<

呢2日訓覺發夢都會見到自己準備去考車~~
不過就只係見到自己去到報到...未見到自己揸車~~
我同honey講我既夢....
佢話..."見唔到考...即係你唔洗考啦~"
我..."作死你呀!!!暗示我未出到學校就fail左...
哼~~~我唔會架~~我一定會定d黎慢慢考好佢~~
不過...真係越黎越緊張呀~~~仲驚過考泊位~~~
因為考泊位果陣我未試過夢見自己去考試~~
死期越黎越近啦~~好驚呀~~~>﹏<
有咩方法可以令自己想像身邊既考官係學校既阿sir, 當平時咁練車呢~~
有咩方法可以令自己唔好咁神經質呢~~

今日同honey行街街~~去左加勒比海high tea~~
haha~~其實佢只係一間位於kowloon bay既一間餐廳~~
之後karrie出黎join我地去打機~~
原來孖寶賽車已經出左第2代啦~~
其實只係多左隻野同埋好嘈咁係咁講排位...好似跑馬咁~~=.="
新果隻野都唔知同mario有咩關係...佢係他媽歌池其中一隻野黎架~~
之後過返去apm...行左陣就去italian tomato食dinner~~^^
A,B,C 3個餐都畀我地叫晒~~hahaha~~~^^
又無我至愛既士多啤梨蛋糕~~~>"<
最後揀左士多啤梨芒果夾心餅~~honey食tiramisu~
karrie揀左blueberry cheese tart~~都ok~好味過上次o係沙田果間食果個~
浩文岩岩放工話過黎搵karrie...咁我地就上左11樓打機等佢~~
一齊玩到11點幾就散lu~~~

好好笑...畀浩文同karrie笑死~~
浩文話第日生個仔叫林傑樂~~karrie問佢點解, 佢就話可以改佢個英文名做keroro~
因為浩文鍾意紅色果隻keroro~~haha~~畀佢激死~~
karrie又同我講, 如果生女就叫林樂美~~因為佢鍾意kurumi~~
佢2個真係....=__=" 畀佢笑死~~

**其實我今日想留o係屋企焗cheese cake架~~
但honey話想買袋就陪左佢出去啦~~

今日姑姐同lingling過黎同表哥餞行~~
表哥好忙…共晉午餐之後佢又要去下一個目的地啦~~
下年既新年佢就會結婚啦~~好想返去參加佢既婚禮呀~~
唔知到時我會做緊一份咩工呢~~到時有冇得放假呢~~a_a
lingling過黎…但我又陪唔到佢啦~~因為我要學車~~
好在留返部nds陪佢…佢亦玩得好開心~~haha~~^^
今日上2個鐘既RF(考線透視)~~15:30-17:30
勁白痴呀我~~今日早到左…就去”cup”返個印下堂做mock test啦~~
跟住走左去編車表睇今日幾號車~~但搵唔到自己個名…
由於仲有7分鐘就要上堂…心急既我就打畀honey問佢RF o係邊到等~~
佢又唔記得左…(都唔怪得佢既, 佢都考完2年幾就3年, 唔記得都情有可原)
跟住同我講可能o係mock test個位…咁我又行過去睇個表有自己個名啦~~
結果又無~~好驚夠鐘…跟住叮一聲諗到睇下本手冊~~
今堂要o係考線透視處等候…再睇下學校既地圖…
原來我已經路過過考線透視處等候~~~=___=”
果到正正就係我岩岩”cup”完印出黎果個位…
真係白痴發雞盲~~竟然睇唔到果個咁大個牌~~haha~~~^^”
今堂要同另外2位同學一齊上~~
頭一個鐘由阿sir揸車, 我地3個做乘客睇&聽佢講邊d位要注意~~
先行銀城線…一位男同學坐前面…我同另一個女仔坐後面, 一陣再調位~~
行完銀城之後返學校, 跟住男同學同我調位~~再行大涌橋線~~
呢條線我地未揸過架~~好開心可以坐前面睇得清楚d呢條線~~因為我係路痴~~
今日先知點解咁耐以黎都無行過呢條路~~
之前以為呢條唔係考試熱門~所以d阿sir唔帶我地行~~
今日先知原來呢條路其中一段路係不准學車進入~~
咁點解仲要將呢條線例為考試路線喎???運輸處有病的…=.=
原來大涌橋唔係我想像中咁難…雖然佢比較長…但就無咩特別易死既位~~
行完大涌橋准準返學校…阿sir問另一個女仔洗唔洗調位~~佢話唔洗~~
跟住阿sir就直踩去河畔線~~我又可以繼續坐車頭啦~~開心~~^^
原來佢地2個係重考生…唔怪得個女仔話唔洗調位啦~~真係好~可以畀我睇得清楚d~^^
之後返學校…跟住呢個鐘就上課室睇帶由阿sir再講解同埋畀我地問問題~~
上到去阿sir問我…”我係咪教過你架?”
我話係呀~~因為我都認得佢~~
跟住佢就好興奮咁話~~”haha~~係呢~~我好有記性架~”
唔怪得岩岩行去上車果陣佢又好興奮咁同我傾計啦~~原來佢認得我~~^^
佢同我一樣都係姓梁架~~難道同姓真係三分親既~~^^

晚飯後honey同我去睇戲~~睇<十分愛>~~
我問honey~”你又知我想睇呢套既?”
honey~”估到你會鍾意睇啦~~上次<獨家試愛>你都睇咯~”
好sweet呀~~^^估唔到你會咁體貼的~~
套戲一般好睇…故事同<獨家試愛>差唔多~~~
又係果d你呃下我, 我呃下你既愛情故事~~=__=
不過當中有首插曲我幾鍾意~~因為用左我最愛既canon d做melody~^^
叫<兩個世界>…係一個未聽過未見過既人唱~~名叫胡清藍~
佢都有份惜演<十分愛>架~~都ok靚仔, 幾cuite~~

**雖然我部腦依家聽唔到歌…但都轉左首background music做<兩個世界>

頂~~辛辛苦苦打好篇日記~一send出去無啦啦斷線~攪到我成篇野無左~
又要重新打過啦~~激死~~~>"<


Yoshi回力車車~~^^
今日同karrie行街街時買架~~
之前見過7-11有得扭...但我次次都扭唔到~~
佢唔係無晒貨, 就係唔知點解貼住張紙唔畀人扭~
但又唔似壞機喎~~因為行過差不多10間...有5間以上都係咁~~
今日行街畀我見到有得賣~~即刻買左隻Yoshi仔~~^^
$15..都ok抵~~7-11扭一隻都要$10, 仲要唔知扭左係咪自己鐘意果隻~~
呢到$15可能揀自己鐘意既黎買~~開心過去扭蛋~~haha~~^^...v
呢期愛上左Yoshi~~佢好可愛呀~~>w<
仲見到Yoshi頭電話坐~~好想買~~但又想買panda-z果個~~
哎呀~~好難取捨呀~~~>w< 都係諗多幾日先~~
佢仲有mario nds筆筆賣~~$35支~~
上星期gingin已經幫我o係機場扭左2支~~所以唔買lu~
聽聞呢支筆出左好耐~~karrie都見過有得扭~但我真係未見過~~
琴日落街晒相~見到間晒相鋪有得扭~~
雖然我已經有~但難得畀我見到~~就好興奮咁同honey扭左一支~~
honey拆開睇覺得有d古怪~~返屋企對下gingin畀我果d~~
果然係唔同d~~筆上面既字印得唔靚~~
筆頂粒公仔唔係3D~仲拆得出黎~~gingin畀我果d拆唔到架~~
今日見到呢間果支...佢粒公仔係3D架~
唉~~畀人呃左$10扭左支反版野~~~>"<
好彩只係扭左一支~~honey原本想扭多支~但畀我阻止左~~

上面果2支係gingin畀我既真野~~
下面橙色果支係畀人呃既假野...用左2日~d字都差唔多甩晒~~=.="

*發覺自己好鬼懶~~
原來我已經有成個月無做mask~~
不過無乜點出街...無做mask~皮膚總算keep得ok~
但今日覺得d皮膚好似差左d咁~接受唔到咁既自己~~
岩岩先乖乖地敷左個櫻之肌面膜~~haha~~^^"