無返工4日半姐~~31號返到去一開電腦就有四百七十幾封mail等緊我~~
淨係食mail都食左我成個朝早, 仲要有好多係飛左架啦~~
跟住仲恐怖....Throttleman黎開完會, 開一堆新辦要做~
Onara又入單, 又有新development, Quebramar黎開會又入單, 好彩未畀d新野我做住~
呢幾日都勁忙...lunch食完野都唔休息, 不停做做做!!! 晚晚OT已經不在話下~~
就連放假我都帶埋D野返屋企打~~@.@
攪到原本諗住打我既雲南遊記都無時間~~~
今日終於都攪掂左Onara d單~計晒貨毛, 訂晒, 仲一口氣出晒14款大貨辦單~
訂左成6千幾磅毛...成30幾萬銀...好驚....對住呢d咁大既數...真係有d懷疑自己有無訂多左~~
但double再double check過係無錯架~~真係要6千幾磅毛!!!@.@

今日無帶野返黎屋企做~要抖下~
聽日再繼續努力!!!

今日就等我打下我既遊記啦~同埋upload d相~^^

9日既旅程, 轉眼間就完左啦~~
好開心, 好好玩, 好唔捨得~~>w<
應承左姨媽佢地可能下年既新年再返去同佢地一齊過年~~^^
hoho都話玩得好開心~~問佢仲想唔想去, 佢話想~haha~^^
今次既旅程除左拜山, 探親之外, 仲去埋大理啦, 浸溫泉啦, 最開心就係可以睇到櫻花~~
我地玩到樂而忘返...琴日仲攪到搭唔到原本11:45班機返黎~飛機真係唔等人~~
要補錢改搭17:30班機返黎~~total加多2千幾銀....可以買多張來回機票畀多個人去玩啦~

呢9日既詳細過程等我慢慢打落EXCEL再COPY過黎啦~~
依家就同大家分享幾張相先~~~
 
 
 
 
 
 
 

哈哈哈~~~過2日我又要飛啦~~
呢句野hoho呢期成日扮”龍咁威”講~~笑死我地~~

好耐無update啦…最近忙左好多野~~
又去整指甲啦, 陪karrie買衫轉look啦, 佢個死野, 買完都係無著~=.=”
又忙住買野…book機票…準備禮物…..好忙好忙~~~~

 
呢隻紫色既櫻花指甲係新年時整黎過年既~~^^
仲有hoho送既情人節禮物~~鑽介^^


上星期去整既呢隻款...整完過2日就黑晒~好唔掂~之後再去換過~~

 
換左呢隻彩藍色可雕花~~好滿意~~^^

剛過去既星期日就同左hoho, ivy, 阿肥+佢女友tracy去左踩單車~~
tracy原來唔識踩….跟住中途攪到阿肥都無得玩~~
之後再join返我地一齊食dinner, 去食pizza hut~~^^

平時又唔做運動既我, 第2日隻腳好痛~~

星期一, 全世界過晒黎同爺爺食飯~~
佢下星期生日, 但我地下星期唔o係香港陪唔到佢~~
所以book左酒樓同佢攪個79歲既壽宴~~點解裕滿人家無龍蝦食既~~
不過, d野食都幾ok, 唔錯唔錯~~~80大壽可以再黎~~

我即將會展開我既10天大假~~死魚魚仲想唔畀我放咁多日, 最後都係敵不過我~ha^^
呢10日既大假我將會離開香港, 去雲南走一趟~~我的家鄉~~^^
數數手指, 我已經有6年無返過去啦~~今次同daddy, 媽咪, hoho一齊返去~~
星期五, 21號!!聽日就出發啦~~~好開心~~好興奮~~^^
好掛住果到d美食, 好掛住果到d姨媽~~~唔知今次睇唔睇到櫻花呢~~^^
好緊張呀~~>w<
我仲未執好行李...=.=

好啦~~等我同大家介紹下我地sonic既大夫, 亦即係我既御醫~~
如果有睇周星馳套<國產凌凌漆>,
都應該記得有幕劉以達o係入面扮到成隻鬼咁飄過去周星馳到鬼聲鬼氣地叫~”大~~夫~~~”
而teresa成日失驚無神咁o係我身邊出現, 有次仲嚇親我~~~
就係咁我地就叫佢做大夫啦~~!!!
而每次大夫走埋黎我到, 阿肥就會話 ”大夫又黎幫你睇病啦”
我每日都會睇不下5次大夫~~阿肥又話 ”大夫出黎義診都幾密架喎”
由於大夫只係會走過黎我個位煩我, 所以佢就成為左我既御醫啦~~
佢真係好鬼煩!!!>”<
我返到黎食咩早餐佢又要問, 又要過黎睇, 飲緊咩, 做緊咩, 睇緊咩, 佢一一都要知~~
我日日返到黎凳都未坐暖, 佢就會乘乘機機走埋黎同我講早晨, 跟住就開始發表佢既論文~
我已經係唔望佢, 唔理佢, 背住佢~~佢都係要o係我後面係咁講講講~~~!!!
有時仲要郁手郁腳借d依拍我膊頭~又掂下我~~(同你好熟呀依家??=_____=”)
我男朋友都無好似佢咁煩, 咩都要問, 咩都要知~~唉………
咩構造架佢???
有時同阿肥暗串佢, 佢竟然唔知我地講緊既係佢~~
都唔知佢係真唔知定假唔知~~~唉~~~
再咁落去…我真係要去搵個心理醫生睇~~~
有次我咁同阿肥講, 佢話介紹個心理醫生畀我~就畀左個電話號碼我, 再叫我按內線29搵咀神~
我睇清楚d, 先發現原來係公司電話, 個內線就係阿肥自己既~~haha~~笑死我~
**(咀神=Jason)

星期一…阿yen宣佈左佢做多2個星期就唔做~~
跟住大夫又走黎同我講yen d野…又話佢掉底tommy唔理由得佢自己死, 又咩咩咩……..
跟住又問我, 阿yen走左有咩感覺, 我唔望佢, 唔理佢, 佢又不停係咁問~
我只好好冷淡咁答佢: 無咩感覺喎~
佢又話: 盼盼話yen走左就會靜好多啦, 無人再大聲講野~
我真想同佢講: 無左yen, 仲有你大聲講野喎~~你把聲仲大過yen喎~~
大夫既煩音已經令到我地後面d人個個都唔鍾意佢~甚至討厭佢~
唉~~~我地幾時先脫離到呢個苦海呀???

仲有仲有…以下呢樣經典野不得不講!!!
咁話說大夫不嬲都唔入去大辦房同我地一齊食lunch架嘛~~
有日, 佢唔知發咩癲, 無啦啦走入黎食, 咁佢拎野鋪枱啦~~
阿肥就問, 你做咩幫手入黎鋪枱呀?你都唔入黎食既~~
跟住佢就走返埋自己位食啦, 咁阿肥知自己衰多口, 就同佢講: 你咪入黎食囉~
好啦~~咁所有人都入晒黎坐~~brian就問佢點解入左黎食既~~
佢既答案足以令我同阿肥噴飯~~~令在場人士嘩聲四起~~
佢講: jason叫我入黎食既~~
事實上根本無人叫佢入黎食, 係佢自己無啦啦想入黎同我地食~~
真係畀佢笑死~~
發覺佢都幾鍾意屈人…阿肥既被屈指數係比其他人高好多架!!!haha~~
可憐的阿肥.....可憐的自己............
癲架~條友!!!!!!!!!!!

今日係de show reel既尾場...好唔捨得!!!
1點放工之後去左DR做spa+facial~~佢打黎話有個試做價畀我試~都幾舒服~
唔知點解我個file會去左tst...我明明無o係tst做過facial, 之前o係旺角同黃大仙做過~
跟住叫我join佢個plan...6千幾銀...小妹呢期好窮呀~加上為左"花貓基金", 最後忍到手無join~
4點半先走...返屋企沖涼, 食野, 拎埋d裝備6點幾搭e22入機場~~
今日annie又畀左3張$480既飛我...詳情唔講啦~~
跟住就叫左皇兄, hoho, 同佢地個frd去睇~~我就同grace坐另一邊~
以為隔好遠啦, 點知只係畀個水花舞台隔住左~我地o係右邊, 佢地o係左邊~我仲幫佢地影相~
以為今日無得玩水...因為無得坐super vip位, 估唔到我同grace個位有雨褸架~好開心~^^
我地坐佢個水花舞台既側邊, 條水道就o係我地隔離~可以好輕易行過去~~^^
握手位同玩水位都企到頭位~~但可惜握手位握到我地呢到就停左, 要走啦~~
個concert有幾好睇, 我唔多再講啦~~
講下玩水丫~~因為我feel到呢個位係會比之前super vip位濕好多~
所以我決定收起相機, 同aaron盡情玩~~^^可憐既燈牌又成為左我個擋雨盾牌~
都幾勁架喎佢~係咁畀我整濕, 但都無壞~~good!!!
我係有2種尖叫聲叫出黎囉~~第一種係畀aaron性感既舞步同身段吸引而發出既興奮尖叫聲~
第2種係玩玩下甲後面情緒高漲既人唔小心整甩左我雨褸頂帽, 再兜口兜面畀前面既aaron同dancer潑左d水落黎~而發出既驚叫聲~
今次既濕身程序比上次坐super vip位仲要濕~~有雨褸都無用, 個頭濕晒不特止~
入面件衫都係濕左~~隻鞋又濕到裝滿水可以養魚~~
完show後, fans們果然好齊心, 個個都唔走, 一齊叫encore~~~
最後...aaron著住件浴袍出黎~~連件浴袍都鑲有水晶架~~*w*型爆!!!
跟住佢就唱左2首歌, <臨行> & <強>
之後...de show reel就真真正正咁o係歡呼聲之中畫上句號~~
跟住我地又把握最後機會, 四處影相, 相餐飽, 我地係最尾離開場館既人~


佢地3個傻瓜~~haha~~


咁多場concert...我今日終於都影到閃粉滿天飛既效果啦~~^^
但奈何部相機既quality唔夠好~~影得唔係好清楚~


型仔浴袍look~~背上亦用水晶砌出"AARON KWON DE SHOW REEL"字樣~~好靚呀!!!


我身上呢件衫就係之前話買唔到果件~~
22號果日返左小小貨~~好彩靜兒同grace去睇~~跟住叫佢地幫我買~~^^
今日同grace一齊著住佢黎睇~~
我發現...今日身邊既人好high, 個個都著住呢d tee~個個都玩得好high, 好放~
呢d先係fans黎架嘛~~~第一場果d, 好似死魚咁, 唔多點郁架~~^^

接住落黎....期待aaron個浪漫愛情故事既舞台劇快d上演~~
一定支持!!!!

*已經o係相簿果邊開左個aaron file...暫時upload左尾場d相上去~
會繼續update返之前果d上去~~^^

aaron著住既呢件cardigan好靚呀~~
好可惜係非賣品........
點解唔拎出黎賣喎~~??成本貴?我諗賣$400-500件都應該有人會買, 至少我會~!!

聽日尾場啦...心情好矛盾, 好想快d睇, 但又唔想咁快過~~
因為聽日一別, 呢類型既concert就要等4-6年後先再有~
因為aaron要專注做舞台劇~~
聽晚, fans們都起義了!!話聽晚完show後賴死唔走, 要好似上年既part 1咁叫返佢出黎~
(係喎~我都未寫返上年part 1尾場既情況出黎添^^")
話說aaron做咁多次concert, 未有一個concert完左之後再有得encore~
上年果個...各位fans都好齊心, 即使紅館開晒燈都合力一齊叫返aaron出黎再唱多3首歌~~
好難忘~~
希望聽晚大家再一齊合力叫返aaron出黎encore啦~~~^^

**最近我地sonic多左個御醫~
呢位大夫日日都走黎同我義診~~
大夫~~我無病呀!!!你唔好再過黎騷擾我啦~~我受夠啦~~
再咁落去, 原本無病遲早都會有病~~
咩事?誰是大夫?容後再話畀大家知~

2月17日 …de show reel – day 4 (原本既尾場)

今日勁開心…有一大班人陪我一齊去睇AARON~~^^
karrie啦, hoho啦, 皇兄, 皇嫂, 當然唔少得grace同靜兒啦~~^^
原本我地買左今日睇$150, 我同grace+後黎補上既壽星女karrie~
生日快樂呀~~!!!又大一歲啦, 祝你事事順利, 早日脫離苦海~!!!仲有仲有, 修身成功!!!
因為grace訂多左張飛, 咁岩karrie生日又放假就捉埋佢陪我睇^^
後黎annie有d飛畀我地坐上台~所以就畀左3張$150皇兄佢地同hoho坐~
我同karrie, grace, 仲有靜兒同佢個frd就坐上台~~^^
4點幾同hoho&皇兄一齊搭E42入機場, karrie搭E21, 原來佢架車o係我地前面~haha^^
5點9入到去, 原本同gin一齊食飯架, 食板前, 但佢5點半放食飯, 我就叫佢就自己去食野先~因為我唔知幾時先入到去~
後黎, 佢食左小小再過返黎join我地, 要多謝gin幫我囉飛~去到一陣就有位畀我地~唔係就要等好耐架啦~~
跟住gin只係食左個軟殼蟹手卷就開工啦~~佢其實飽未呢…
攪到佢飯都食唔到, 真係有d唔好意思添~~>”<
跟住8點返左過去博覽館買野, 人地諗住買<舞林正傳>果件黑色tee架嘛~~
點知賣晒~~嗚嗚……早知第一場果日買啦~~當時太多人, 同諗住應該唔會咁快賣晒~
不過今次d衫都平左, 之前賣$250, 今次賣$150~~
結果買左件銀色剪影既黑tee畀自己同埋黃色雞既白色tee畀hoho~仲有一條粉紅色電話繩~(可以換左相機果條啦^^)
同埋皇兄買左我頂帽既白色版~~我上年買$250, 今次賣$100….無奈…..=o=”
仲有上年$400既box set, 今次賣$200…=.=” 又話限量版…..=______=”
 

好~講返今日個show~~今日個位勁正~~^^坐上台, 仲要係正面~
仲要超級近~~係額外加既3行, 前後畀條水道圍住~我叫佢做super vip set!!^^我地坐第3行~

睇下我地張飛~~個位係另外貼落去架~~我地個位係僭建架~~haha~~

我地個位就o係舞台上, 我畫既黑色框果到啦, 紅色箭咀果到~~^^原本係無呢個位架~

今日睇得好開心…好清楚…好high, 連唔係aaron fans既karrie都玩得好開心~^^
我地一起唱, 一起嗌, 過左個好開心既晚上~~
karrie話…下次會願意附出金錢陪我再癲過~~^^好開心呀~~多謝你呀~^^
我地玩到pong pong都唔見埋, 因為我地行左出位跳, 出去玩~~
hoho佢地仲勁, pong pong都拍爆, 唔係漏氣, 係”啪”一聲拍爆~~haha~~勁呀!!!
今日aaron自彈自唱果part有幾個音走左…間中失手, 我都會既~可以原諒^^
最開心, 最好玩果part就係<水花舞林>~~睇咁多場, 今次終於有得著雨褸玩~~^^
我地後面就係條水道, 仲以為aaron唔會行過黎, 以為係dancer行~~
點知原來aaron係會行過黎架~!!!^^佢行過黎果陣影左幾張相~~
因為怕整越部相機, 我一隻影, 一隻手就拎住燈牌當盾牌用, 擋水~~haha~^^
當aaron差唔多行到我面前, 就即刻收到部相機, 係咁潑水向aaron~~勁high~^^
如果我有多一對手, 相信我會非禮下aaron隻腳~~haha~~
就係咁…aaron o係我地前面同後面既水道各行左一次~~而我就係咁前後o係d凳上擒黎擒去~~最後仲企上凳睇~~^^
就算著左雨褸都一樣濕晒~~好彩我著裙, 隻腳濕晒都唔會覺得太唔舒服, karrie, grace佢地幾個就慘d, 條褲濕晒~
不過我地個個隻鞋都濕晒~~d凳濕晒, 好在d袋放左o係前面果排凳底~~只係濕左少少~
完場後, 我地留o係個場到係咁影相~~haha~~^^出面d poster都唔放過~~^^
從未睇過一個演唱會係可以玩得咁high咁開心~~
karrie~~今次會唔會難忘+開心+興奮過f.2果次o係大球場幫佢陪舞呀??

這個晚上, 我興奮得失眠了…………..

附上小小相片, 得閒再upload去相簿~~

 
aaron今次有備而戰, 見fans們帶晒水槍, 佢就帶返個好攪笑既泳鏡~

 
 
 
左邊呢個look我最鍾意, 右邊呢個最型, 閃爆既水晶戰衣~

 
 
自己同燈牌都濕晒~~

  
                             

2月14日…aaron既 de show reel part2開show~~!!
5點半放工同ivy一齊行去搭巴士E22…hoho o係2號客運大樓等我~
仲諗住去gin到食板前…但入到去已經7點半…grace同我講個concert係8點開show~
仲以為8點半開, 諗住有時間食…=.=”
再加上今日板前勁多人~~最後我地是但o係food court食左d野~~再啦啦聲走返過去博覽館~~
諗住佢會例遲架啦, 應該8點半後先開始~~~點知8點4就開始~~
我地入到去位都未搵到就已經開始跳緊<舞林正傳>首歌~~~=.=
件藍色型仔衫換左做紅色, 好有新年feel~~不過我就鍾意藍色果件多d~(即係wallpaper呢件^^)
rundown改左d....真係多左快歌, 無左"招魂"果part~~
(haha~~招魂果part其實係d舞衣白色仲住有2個人拎住d燈籠行黎行去, 加上燈光又陰暗, 勁似果d, 所以畀我地話佢似招魂^^)
雖然呢part既舞係怪雞左d, 不過, 我幾鍾意呢part d歌, 有<神經>, <極度哀艷的晚上>...無左有d可惜~
換左d小朋友上黎玩樂器, 跳舞~~都幾得意~~好有新年feel~~
值得一讚既係, 無左件黃色雞衫, 換上閃爆既銀色戰衣~~
細心一睇, 原來就係傳說中果件30磅重既水晶衫~~好正~~
跟住連個鋼琴都痴晒水晶, 勁閃呀~~*w*
情人節走去cut左"愛情"唔唱...有d失色~~
最後玩水果part....又話個場有成30隻水花噴射器, 仲以為真係好勁~~
點知, 我一d都feel唔到濕~~太多人啦~~出唔到去同aaron玩~~
握手果陣又係喎~~好多人未夠鐘就出晒去~~d食蕉又唔趕人走喎~~
算啦~學grace話齋又唔係未握過~~
不過...d食蕉唔趕人走真係唔係好得~~佢地企晒o係到, o係後面既我完全睇唔到囉~~
d人又高喎~~有幾part我企埋起身都只係見到aaron個頭頂~
最尾果part我直情企上左張凳到睇, 但都係睇得個頭, 因為我前面果d高人又企上凳~~>"<
最攪笑係佢玩水唱到支咪都壞埋~名副其實唱爆咪~換左3支先得~~^^
都係鍾意紅館多d~~雖然呢到個場矮d...但坐o係平地位睇, 我覺得唔係好好囉~~
早知唔買咁多場$480啦~~~坐高d應該會好睇好多~~

*得閒再post返d相上黎相簿~~^^"

聽日就係情人節啦~~^^
往年我同hoho都係去食情人節浪漫晚餐, 花係必然會收到~~
但收花真係有d不切實際~~雖然好浪漫, o係街到抱住扎大大既花, 係身份既象徵~
但勁嘥$$~~~平時2, 3百蚊買到既花, o係情人節就要3-4倍價錢先買到~~
不如囉黎食buffet好過~~
聽日...我同hoho將會過一個別開生面既情人節~~
花費千餘元...但無燭光晚餐, 更加無浪漫既2人世界~~
去邊??咪就係去睇aaron個concert囉~~haha~~^^
好緊張呀~~唔知我坐唔坐到富城例車呢~~~

換上一首好浪漫應節既歌曲 - 愛情

今日8點幾先放工~~其實呢2日都係~~><
臨近年遲, 好多d客都趕住走貨~~
而好唔好彩, 我手上既其中2個客要delay shipment~

一個可能救到既~~會try our best to ship out before CNY, maybe not all the order but will have some styles~
另一個原本可以救, 點知間印花廠唔生性~話唔做就唔做~~
攪到我今日又要寫論文同客講期~~
由思考, 組織到完成, 我差唔多用左成2個鐘去攪掂一篇接近400字既e-mail(in English)~~=____=”
仲慘過返學果時既作文~~T.T

唉~~我d英文真係唔係好掂~~咁樣拖長晒我既工作時間…好唔抵呀~~>o<
雖然日日對住既都係英文, 但有時我都唔係完全知道個客講咩~~
好多時都要上yahoo查字典先明個客講咩~~
我諗我真係需要出去進修下d英文啦~~

阿肥話~~做咩你唔叫brian or anne幫你出呢?呢個moment應該係由佢地出馬架嘛~~
我都想, 但見anne又好忙咁~~而且個獲係我攪出黎既~我係有責任攪返掂佢架~~
阿肥又話~~如果佢地肯畀小小時間出黎幫你睇住就唔會發生d咁既事啦~
唉~~如果我係跟阿肥既, 你話幾好呢~~起碼佢會睇住我~
不過算啦~~唔發生都發生左囉~~已成過去~~追究黎都無用~
而家最重要係諗解決方法~~!!!

死啦~~~聽日返到去實見到個客發晒癲咁覆返野~~好驚呀~~=﹏=
我諗新既一年應該會好d~~因為會多左人手~~
加油呀~~捱多半個月就得架啦!!!