星期日同hoho, auntie, 同hoho細妹一齊北上~~
先去左藝展中心...上綱見到d人話果到好多好靚既絲花~~
但去到, 有d被騙既感覺~~果到都無乜絲花...家具就多~~
行左陣, 我地就返去筍崗果邊~(即係上次果邊)
總算買到d花咁啦~~^^
白色玫瑰, hoho話用黎做兄弟襟花~~
紫白色果d~ho妹話用黎做姊妹手花都幾好~




返到屋企即刻試下整~~兄弟既襟花都整得幾好~幾滿意~^^
不過姊妹手花就硬係唔知點咁...紫色花都唔知用咩色絲帶黎襯~~
最後用左金色絲帶先襯到~但出黎既效果就好老~好似唔多襯d姊妹咁....
都唔知用咩花黎整姊妹手花好~~~><
我仲未買到自己個花球既花呀~~
我想要一個中間係紅色玫瑰再有d白色玫瑰圍住既花球~~我見過好grand架~!!^^襯裙掛一流~
黎緊既日子我要做絲花女工~~haha~~>w<

是次行程仲買左上頭用品, 上頭拖鞋, 利是封, 佈置囍字, 23寸長既羽毛筆^^, 同埋4支賓客用既簽名筆~
對上頭拖鞋勁攪笑, 我對繡左老婆2個字, hoho果對繡左老公~~haha~~
但呢對拖鞋其實係咪一定要既呢....我見好多新人都無買既~~
呢對鞋係我揀緊絲花既時候, auntie畀個sales摧眠之下買左的~

由於我地3點幾4點先上到去...都唔夠時間行, 之後要去同佢舅父食飯~
絲帶都買唔切....莫講話婚紗鞋啦~~唉........
敬茶用茶壺原本買架啦, 但果個有d花左~要新既就要去倉拎, 但果時6點幾, 人地個倉已經close左~
睇中左件回禮小禮物, 對我地2個黎講好有代表性架!!haha~~係咩就賣個關字先~~嘻嘻~^^
價錢都其實傾得7788....想話再行下格下價先~~又係因為唔夠時間囉~~最後又返唔到去買~~>"<

食完飯, 佢地話想按腳....點知最後變左揼骨...仲要過埋夜, 星期一先返到黎~~=.=
無帶con盒o係身既我, 又要臨急臨忙去搵黎買~~
最衰hoho星期一要返黎做物理治療~~唔係我實會捉佢再去行下~
誓要買到婚紗鞋為止~!!! ha~

呢日又去左金都行~haha~呢個場都行左3-4次了~
今次主要係想買婚紗鞋~為下星期去睇婚紗作好準備~
同埋hoho話要上去拎人地d過大禮要準備既野張list~
睇下我打果張list有冇野漏喎.....=.="
原本o係地下入口果間睇中左對鞋...見到2百幾蚊都ok~
我平時d鞋都3百幾蚊對~覺得婚紗鞋咁既價算係ok架啦~~
當我入到去, 再睇睇入面仲有冇其他款靚...
點知畀我見到我對掛鞋....佢賣$199....
即刻攪到我唔想幫襯佢~~因為覺得佢d鞋其實都係上面拎落黎賣~
咁即係, 我睇中既呢對婚紗鞋都應該唔例外啦~~=v=

既然我星期日又會上去買小禮物同絲花~~
決定上去睇買唔買到先~~hee~~
真係搵唔到心水先再返黎幫襯佢啦~

今日既interview順利通過了~~^^
但係...25號果班已經full左...要等到8月先再有第2班~
仲要去元朗上堂~~如果要黃大仙就要等到12月~
因為想快d投身呢行, 所以就算返學遠小小都唔介意~
同埋最好係可以3朵金花一齊返學~~^^
最多到時叫karen收留我地渡宿一宵~~haha
返學時間係9:00-18:00.....同返工無咩分別~~ha~希望到時唔會恰眼訓啦~~
但依家最頭痛既係...黎緊呢2個月, 我可以做d咩呢??

**今朝我地遇到幾個天使~~(haha~2位, 我講過我會寫上黎~^^)
我地一早約左一齊食早餐~~跟住食完karrie唔記得拎遮~
隔離枱既男人提佢拎~~第一個天使~~

之後我地行過去面試既地方...我地幾個都係出左名既路痴~
即使拎住張地圖都唔知行去邊~
突然有個黑衣男人從後出現~指畀我地知果個地方o係邊~
但係我想講, 我地無講過我地要去邊, 佢亦同我地隔左4-5個人位~
應該無可能見到我地呢住張咩~無理由知我地要去邊架~!!
就係咁...我地遇到第2位天使~~haha^^

一早就有天使指點迷津~~好既預兆~~
果然...我地3個都pass左個interview~^^
2個月4就可以一齊返學啦~~^^好開心~

in完之後, karrie要趕去返工~我地就陪佢出去~
橫豎無行過荃新天地~~見得閒就去行下啦~
跟住我仲o係karrie間鋪買左2套雙人床單枕袋套裝~^^
原價$399/一套...但我只係用左$6.2就買左2套~~haha 好抵呀!!!
話說佢做緊promote...百幾蚊一套, 仲畀左個vip價我~
跟住原來可以用恆生cash dollar~~
我見我d cash dollar 7月到期, 又唔知用去邊好~就用左佢啦~~
就係咁...我只係需要補返個差額~$6.2就帶左2套咁得意既床單返去啦~^^

呢套動物王國係我既~^^ 

呢套蔬菜寶寶買畀細妹~^^

好耐無行過荃灣啦~~完全唔同晒~走果陣都唔認得d路~~haha~~^^"

今日last day~已經離開左間騎呢公司~^^
終於都脫離苦海啦~~成個人鬆晒~~^^
今早一返到去就叫晒我地d新人入去開會~~
又講埋一埋廢話~好好笑~~聽日先再寫詳情....

聽日要去參加入學試...好緊張呀~>w<希望順利啦!!

今日同媽咪姨媽佢地一行7個人北上辦嫁妝~~haha^^
d人成日話上去買婚紗仲平過香港租~
所以我早前已經心思思想上去買~~hee~~^^
上次同aunite上去, 佢地已經討論話不如買掛~阿舅母又話上面d掛幾百蚊就有交易~
同埋我見d人租掛都係想租頭掛~(頭掛既意思即係件掛係新既, 未租過出去, 你係第一個著)
之但係要租頭掛, 無1000蚊都唔洗指意租到~
所以我決定買件屬於自己既掛~~^^將來又可以留畀d女~~haha^^

原本我想著果d好傳統果d款架~但行左幾間都無件靚~~
媽咪佢地見到d小鳳仙款話好靚~問我點解唔要呢d~~
初初覺得有d怪~但睇睇下又好似幾靚咁~~
於是去試啦~~嘩~~叮一聲~*w*又同我幾match喎~~
可能我細細粒粒~~著起小鳳仙款睇落好cuite~好young~~(雖然我都好後生~haha)
跟住諗諗下...如果著返d傳統款~可能會睇落好老~haha~^^
同埋...好似好少人著小鳳仙款出嫁~~夠特別呀~~^^


試左呢2套~~原本睇中左右邊果套~~但條裙係繡大紅花~
媽咪話繡龍鳳會好d~~所以最後買左左邊果套~

睇下媽咪影到我個樣....想點.....??

 
媽咪仲搵埋呢對鞋畀我襯~~(返到屋企先知原來係hoho揀架~!!!勁喎)
呢對鞋真係好靚, 同套掛好襯~~^^不過原本我係想買對casual d~唔要繡花果d~
諗住結婚用完之後平時都可以著得返~
但佢地堅決話呢對靚~同套掛襯d~~
同埋, 最吸引既係.....佢只係$68咋!!! 著爛都抵呀~~
原本媽咪想買埋件婚紗畀我~~佢地話好靚~~
但我好想搵我條dream dress~~hee^^
跟住個老闆娘就話可以訂做.....但最後都無造~
因為hoho話好嘥喎.....=____=
同埋我無帶圖o係身...淨講驚佢做左出黎唔知變左咩樣~因為佢都唔多get到我想要咩~
而媽咪都買左條晚裝裙~~好高貴~好襯佢~~^^

今日仲買左套龍鳳被~~放棄左雅芳婷千幾蚊果套kitty~~
選擇左幾百蚊傳統既紅色繡花龍鳳被~~^^
亦買埋出門用既紅遮啦~^^

妹怪~你今日又唔同我地一齊去~~見到好多你話想要既伴娘裙款呀!!
姊妹們~~我密謀緊下星期日再上去辦嫁妝呀~~今次要買小禮物啦~
不如一齊上去睇埋你地d姊妹裙囉~~~
今日我見到好多好靚~質料又好既裙呀~~^^

今日lunch時落左街同舊同事simon傾計~~
一見面...突然覺得我地好似由俾天堂人打落凡間既扑折翼天使咁~
因為大家都好casual wear~~以前o係sonic要著恤衫西褲, 斯斯文文咁~~
依家呢個工作環境無必要著成咁...其實我有d唔慣~~
因為我不嬲都係斯文人黎架嘛~~
原來佢公司o係我公司斜對面~~^^佢琴日見到我~所以約黎傾下計~^^
佢依家做緊跟毛~~佢話無乜野做, 好悶, 想搵過間喎~問我公司請唔請人~
我同佢講我下星期走架啦~畀個e-mail佢send cv過去啦~~
不過我同我同事connie都異口同聲咁同佢講呢到好難頂, d人變態果d~~haha~
但原來佢果到d人都係傻架~~
佢話有日佢6點幾放工, 跟住第2日個head問佢琴日幾點走~
跟住話佢咁早走~~其他人零晨2點幾先走呀~
又一班變態既人...痴線~無乜野做留o係到做咩呀?
咁樣搵命博~有$都無命洗啦~~痴痴地~
乜依家d香港人要咁架???

倒數離開呢間變態公司既時間仲有.....4日半~yeah~^^

一場金融海嘨...令到我地4朵金花有3朵無左份工~~
亦因為咁...軀使我地決定轉行~
好快, 我地幾個又可以重拾返以前返學既日子啦~
我地3個報左同一個course~~25號就可以一齊返學啦~^^
返全日制~~我地會唔會恰眼訓呢~~

呢2日...公司既最高領導人上左大陸~得返阿細佬o係到~
琴日lunch佢出左去唔知去邊~無講底去邊~
接近6點, 就黎放工既時候~佢打返黎公司~同我另一個同事講~
叫我地2個等佢, 1個鐘後返黎開會~~~
放工先黎開會~~你唔洗休息唔代表人地唔洗休息架!!!
sms畀d frd話佢地知, 佢地都叫我走唔好理佢~ha~^^
我黑晒口面, 發晒脾氣, 掟埋野o係到等啦~(d同事應該畀我嚇親~ha 見到佢地呆左咁望下我)
係咁等等等等等.....等左佢就黎2個鐘佢都未返黎~
之後我地決定唔理佢, 走人~~

今日返工, 諗住佢實會鬧啦~~點知又無事喎~
佢提都無提過開會2個字, 更加無開過會~!!!
係咪痴線丫佢???唔係急既就唔好要人放左工留o係到等啦~
我懷疑佢都唔知係咪又見我星期一7點幾走, 所以特登話要開會留難我~但其實佢根本無會要開!!!
火都黎~~~!!!
今日仲聽到佢大大聲同人講電話...話...
"你地一個二個都係咁架~有心情就加班, 無心情就唔加~正一王八蛋"
呢位阿生~你係咪想同我講呢?講電話洗唔洗咁大聲呢~??
呢條友係咪痴線架??心理唔平衡架~~有病就去睇醫生啦~

下午佢叫左我入房傾計~~問我做成點~
又o係到同我講道理~問我有冇負擔, 洗唔洗養家~
又問我係咪覺得好大壓力, 又教我點樣去做野會好d...
叫我畀心機做~~唔好遇到困難就放棄~~
佢係咪見我呢幾日黑晒口面咁對佢, 所以就懶好人咁開解我呀??
同埋lunch果陣....佢無啦啦問我帶住果隻鑽戒係自己買定男朋友送~
(其實好想答佢"關你鬼事呀")
跟住我答完佢係男朋友送之後, 佢就問...
"你男朋友好有錢架?" "你諗住唔做野啦?" "下個月收山?"
...................=______="
死佬....你好聰明呀~~畀你估中左一半...=.="
咁八架呢條友~~成個女人咁~~都唔知佢老婆點頂得佢住架~

等我再講下呢間新公司既騎呢制度~~~

- 公司除左用一般office用既outlook e-mail溝通之外, 仲用skype~
  原本就好似好方便既~可以即時同廠對話...
  但好多時...用左skype send野畀佢地, 佢地都唔係第一時間覆你~
  最唔好處就係...明明e-mail已經有果樣資料, 但d大野就好鍾意將e-mail既內容copy落黎skype send畀我地~
  係咪多餘呀???一黎嘥人時間去睇, 二黎d野東一忽西一忽, 好鬼亂架~~

- 潮州人認為慳就係美德~所以佢地d坐房既大野平時係唔多開冷氣架~
  佢地會開住個窗, 但又要開埋門, 扯d冷氣入去~~攪到我地出面都唔夠涼~
  最可怕既係...阿細佬有臭孤!!!每次佢行埋黎我到, 都會令我覺得臭到想死~
  都唔知佢老婆點頂得住佢架~~真係臭男人!!!

- 公司食飯時間係1點至2點....講就講得好聽啦~~
  但其實係一食飽就要出返黎繼續做野~
  要出街食飯既話就要打卡~唔記得打卡而又遲返黎既就會扣糧~~痴孖根~
  為左唔好洩畀佢, 我地幾個呢期一食完飯就會落街行下傾計~^^

- "公司無小圈子"...呢句說話, 係我入黎in果陣阿大佬同我講過既~
   唔知係咪呢排我地4個新黎女仔frd左d岩傾d, 食完飯都會一齊落街行~
   其中一個被人感覺係帶領住我地一齊既~
   唔知係咪公司睇唔順眼我地frd, 上星期5, 呢個同事無啦啦畀人炒左~
   阿大佬仲要同佢講..."其實你做野無問題架"
   同事問佢咁做咩要炒佢, 佢就話"呢d野都係唔好講啦"
   haha~~好好笑囉~~炒人原來可以係無原因架~~
   咁我下星期同佢講唔做, 佢問我點解, 我係咪都可以同佢講"呢d野都係唔好講啦"
   大家心照啦~~~

- 某日, 我7點4見做完自己野~原本幫阿細佬整左d PO~(佢個死野成日點我幫佢做野)
  本來諗住畀佢check埋先走架~~但我等左佢成半個鐘, 佢都仲未講完電話~
  都唔知要等到佢幾耐, 我咪唔理佢,  放工囉~
  點知第二日返到去, 一開skype就見到個send畀全世界既msg....
  "溫馨提示: 大家應該今天的事今天做, 不要留到明天, 明年還有明天的事要做"
  心諗, 佢唔係見我琴日7點幾走左, 所以特登整畀我睇嘛~~
  點知轉過頭...佢走黎我個位交帶d野點整, 跟住又講多次果番說話出黎畀我同我同事聽~
  咁佢分明就係針對我啦~~死野!!!!!!!
  同事真係講得岩, 佢所講既今天的事, 係以幾多點之前既事為準先???我地6點放工架!!!
  自此, 我對阿細佬非常之唔友善, 成日黑面對佢~
  佢叫我做野又會等一陣先理佢~~呢幾日更會駁佢咀~~haha
  
sakura你駁炒呀??係呀~我的確係駁佢炒我呀~我都唔想留o係到做野~
我其餘2個同事都係駁緊佢炒架~~haha^^...v 

之前阿大佬力勸我留底做~佢番說話曾經令我好感動~
但係...當我發現公司呢d無理既制度之後, 再加上同同事傾完計後...發現呢個人好假囉!!!
佢之前同我講"connie(我同事)初初黎果陣一舊雲咁, 日日返黎發夢咁, 後黎我點醒左佢, 佢依家做野好左好多"
事後我問返connie係咪有d咁既事, connie話根本無, 完全係2回事~
話說果陣佢打畀connie話請佢, 叫佢聽日返工, connie就同佢講未必得~
跟住佢就懶有道理咁同connie講呢個事世好難搵野做之類既野~
聽到connie覺得煩~所以先會答應佢返工~
呢d就係佢所講既"點醒左某人"!!!
好好笑囉~~好假呀佢!!! 點解我當初會咁天真信佢, 聽左佢講架???
痴線架~~呢間公司, 再做落去都唔知我會變成點~

mother's day正日...我同hoho返左去沙田同aunite食飯~^^
整左個心型既黑森林畀佢~~^^

 


個蛋糕可以話係我同hoho既結晶品~~
我同hoho一齊整~~其實多數係佢整~~
一開始由佢打蛋, 拌入d面粉~我放入焗爐, 跟住佢打起d忌廉~
之後既合體同裝飾先係我整~~^^
放左2條oreo餅上去~~十足出面買既款咁~~好滿意自已既作品呀~~^^
原來同一個心形蛋糕搽cream係好難既事~~好在有d朱古力碎遮下醜姐~~hee

原來aunite同我屋企人一樣, 係唔鍾意食朱古力架!!!
aunite一向都好識食又食得潮~仲以為佢會鍾意食黑森林添~~
講起aunite...佢恨飲新抱茶恨到口水流到地下~~
話說我仲未搵到野做既時候~~佢向我地提議過...
話既然依家我地2個都咁得閒, 不如將個婚期提前, 5月結婚...(話說我地擇吉日時5月都有好日子)
但後黎我又咁岩搵到野做, 先可避過一劫~~haha
但其實...臨急臨忙先黎話5月攪...邊攪得掂丫~~
首先酒席一定未必有啦~帖又未印又未派, 婚紗禮服果d都未租~~
同埋...我地張提名冊已經印左10月16日, 如果5月擺酒, d賓客見到提名冊上個日期會點呢...

hee~~請返個crossover蛋糕先~~
話說karen話要整個cake返去mother's day食~~
佢本來話整黑森林, 跟住又話daddy好鍾意黑森林, 但媽咪唔多鍾意~
我就話, 依家係為左媽咪整喎~~無理由整個媽咪唔食既cake架~
但佢又話其他人都鍾意黑森林, 之後我就講笑咁話, 不如整一邊黑森林, 一邊另一隻味啦~
跟住講講下...呢個諗法好似真係行得通喎~~
既然我都要為mother's day整cake, 我又想食黑森林~但d老人家都唔食~
所以決定整2個cake, 再一人一半~~haha~~^^

 
由於屋企人唔鍾意食黑森林, 我都無整過朱古力味既蛋糕~~
今次我地買左朱古力味既蛋糕預拌粉~~
初初都驚會焗唔起~不過整出黎好成功~~^^我地又用電飯煲焗蛋糕~^^


先焗左2個蛋糕出黎~~

再放d水果落去~整好個涵~~


跟住切開佢, 一人一半~再併埋一齊~~^^

 
之後就搽cream同埋同佢扮靚靚~~^^
因為我搽cream既技術仲有特改善~所以就o係蛋糕既外身到拉左d花~~
諗住遮下醜~~不過出黎既效果又幾ok喎~~幾靚~~^^


黑森林呢邊我最滿意~~整得好靚~~^^
我地整呢邊果陣, 2個玩到傻左~~我灑d朱古力碎上去果陣, karen話我好似問米果d~
雖然整到成枱, 成地朱古力~但好好玩呀~~^^仲唔會畀人見到我搽d cream搽成咩樣~~haha


為左唔會分唔出邊面打邊面~~我地就將2邊裝飾到唔同樣~~^^ 




因為媽咪食齋~~佢唔食有蛋既蛋糕~~所以今日放工返黎再整左呢個心形既木槺蛋糕~~^^
各位小朋友對佢愛不釋手~~^^





  


阿妹買左d花花畀4位靚太~~^^


是晚...媽咪開心到傻左~~好似飲大左咁~(但佢好似無飲過架喎~)
佢係咁放支花上頭到叫我影相~~haha~~傻媽~

**拎蛋糕出黎食果陣, 阿妹問我今日整左咩蛋糕, 我話crossover蛋糕~
路過既媽咪聽到就話...咩"過梳化"蛋糕呀~~