連續幾日都整蛋糕~~haha傻左
星期日, 我又整左呢倨久違了的啫哩面藍莓芝士蛋糕~
上次母親節auntie話想食我整既藍莓芝士蛋糕~佢話好好味~^^
呢日, 我就趁婆婆生日, 整左呢個蛋糕拎過去大家食~^^
原本買左藍莓醬, 諗住整最basic果隻樣~~
但因為出左d意外~~我用左個大模, 攪到個蛋糕好矮身~~好唔得體~~
所以臨急臨忙走去買啫哩粉同鮮藍莓~~^^
哈~~又好好彩~畀我買到d又靚又甜既藍莓~^^
最後就完成左呢個咁靚靚既藍莓芝士蛋糕啦~

6月5日係好姊妹karen既生日~~
6月6日呢日我地4朵金花陪佢同家人去左銅鑼灣柏寧酒店食buffet慶祝~^^
原本壽星女想約我地去行陣街街先...
但因為我同karrie想畀個suprise佢, 所以拒絕左佢既要求~hee^^"
karrie12點幾黎左我屋企~~我地去買材料~~準備karen既生日"禮物"~^^
有糯米粉, 芒果, 砂糖~~~
我地要整既就係~~芒果糯米滋!!!
karrie個傻婆最近成日去許留山食芒果糯米滋~~
佢話廿幾蚊得6粒~好唔抵, 如果自己識整既話就好啦~~
佢第一個就諗起我, 諗住我會識整~~haha^^真係睇得起我啦~
我強於西式甜品~中式甜點我無研究過~~
見佢咁有興趣~同埋又想整樣野畀karen做生日禮物~
唔想整蛋糕~因為去食buffet, 唔會再食得落蛋糕~~
所以決定攪攪新意思~整呢個芒果糯米滋畀佢~

我地2個一心以為好易整...(上綱睇好似好易咁)
初初整頭幾粒幾ok既~~但越整越無心機~~
因為糯米好痴手~越整越多粉團痴上手~~跟住越黎越難包到~
一路包就一路裂開~~我地2個就係咁食食食.....
食到好飽~~好在我無食過早餐同lunch~~唔係夜晚餐buffet都唔知點食~~

 
呢6粒就係我地嘔心瀝血既成品~~
叫做"雙梁芒果糯米滋"~~haha~^^因為我地2個都姓梁~


大家會唔會以為呢個係我切開show出黎呢~??
其實佢係自己裂開緊....



首先要開好d糯米粉, 之後叮熟佢~等佢凍左就可以包D芒果入去架啦~~
講就易, 但整就煩囉....
我地整左一半就放棄左啦....但都有成廿幾粒呀!!!

壽星女~~喜歡這禮物嗎?好食嗎?^^

今日9點幾起身...好多野做呀~
先整蛋糕~再落街買水果(蛋糕用)~~仲要買結婚禮物畀我阿姐~
跟住用一個鐘既時間將個蛋糕合體同裝飾~~有進步呀~haha^^
又係黑森林~不過今次係芒果涵~~係畀阿肥既生日禮物~~
我無得食呀~唔知好唔好食呢~~@.@
因為我地去左飲茶~食到好飽~同埋唔夠時間食蛋糕~~就叫佢地拎返公司做下午茶~^^
阿肥一見到個蛋糕好suprise又感動, 話如果唔係有佢地在場, 佢一定會感動流淚~傻瓜
因為果件事...大家並肩而行時有種怪怪的感覺....=____="
有種說不出的尷尬...2人再不是以前咁多野講~



同事們好愛鍚我~~臨走時大家依依不捨~~
之後我獨自去深水埗買絲帶~~
要去南昌街, 我早一晚一早睇定地圖, 諗住自己唔會行錯啦~
點知...我係個百分百既路痴...行行下發現自己身處桂林街...
無記錯的話...我應該行過左4-5條街~~唉....
天氣又熱喎~~行到自己都開始溶~~
不過最後我都搵到間野, 買到我想要既紫藍色絲帶~^^

呢個故事教訓我....唔識路既就唔好懶醒自己一個去~~
應該要搵信任既朋友們陪我一齊去~~

今日又玩下支曲奇槍~^^
整左呢個綠茶曲奇~^^
有d焗得耐左d~個面金黃左~攪到無乜綠茶味~
點解我見人地整果d好翠綠既, 但我果d都唔夠綠既~好沉色呀~>< 但總算有綠茶味~
係咪我d綠茶粉既問題呢....下次買過另一隻~~

 

聽日約左sonic班舊同事食lunch~
呢包就係畀佢地既手信~~^^

今日下午口痕痕想食d野~~
由於喉嚨有d痛~唔敢食薯片~~
見屋企有幾條點點蕉~~係整蛋糕既當造蕉~~haha^^
即刻偷左2條黎整蕉蕉蛋糕~~^^ yummy!!
我個死懶鬼又用左慕絲模+石紙底整呢個cake~hee
呢個蛋糕口感超鬆軟~~好似食緊嘉頓雪芳蛋糕咁~^^



  
hee~~放件上呢隻櫻花碟到影張寫真先~~
果日見到呢隻碟時對佢愛不釋手~雖然唔知有咩用~因為佢好細隻~得15cm左右~
但都照買左佢返屋企~~依家佢有用啦~~
就係...畀我用黎食蛋糕~~



經過我一日既努力~~10個姊手花已經完成啦~~^^
勁呀!!!

依家等阿肥喺公司拎d扣針畀我, 同幫我搵到紫藍色絲帶既supplier, 我就可以整埋兄弟們既襟花啦~^^

琴日HOHO要返工....我就效岩時間去接佢放工~hee~^^
跟住去左花墟間繽紛買絲花~^^
終於都搵到心水既姊妹手花啦~~^^ 
買左呢種粉紅色既小玫瑰~^^



整左出黎個效果都幾靚~~^^好滿意~
姊妹們~~喜歡嗎?

唉~~我個花球仲未搵到合心水既玫瑰囉...>"<
hoho叫我用返影婚紗相果個....但我覺得果個硬係唔夠搶眼嘛~

4月尾收到香港寛頻既信, 話5月將會有d收費電視送畀我地睇一個月~~
當中包括<野生動物頻道>!!!
我家有個老人家非常之愛睇d動物...成日喺屋企都會拎住個remote按黎按去~
佢既目的只有一個...就係搵下有冇動物睇...日日都係咁~
除左動物, 佢唔會完完整整咁去睇一套戲!!! 拎住個remote按黎按去已成為佢生活既一部份~
真係好驚有日個電視會就咁命送喺佢手上~~呢個就係我阿嫲!!
當我收到呢封香港寛頻既信時...第一時間將佢收埋~
本以為可以暪天過海~~點知第2日竟然見到佢喺到睇緊<野生動物頻道>
奇怪啦~~問過唯一知有呢件事既媽咪~佢話無同佢講過~無人話過佢知亦無人按過過去睇~
咁唯一既可能就係佢每日都會按下去呢個台睇下有冇動物睇啦~~
(話說我地初初記記用呢間上綱既時間, 都送左3個月免費畀我地睇~
3個月之後突然無得睇, 嫲嫲就嘈生晒, 話係媽咪整走左佢無得睇...
事後同佢講返, 佢先知自己怪錯人!!!)

就係咁...呢個5月, 我就日日置生於野生動物~
佢真係日日都睇架!!! 唔睇過好似唔安樂咁~
夜晚我地追緊D電視劇...一行開陣咋...就畀佢轉左去睇動物....
佢果種瘋狂度簡直可以嚇親人~~
每日2點幾無人睇電視既時間~佢就會自動波走去轉去睇動~
一睇就睇到6點半...仲要難捨難離咁唔肯轉台~~但呢個時候爺爺要睇新聞, 佢唔轉唔得!!
佢可以同一個節目睇幾廿次都照睇~~仲睇得津津有味~~
(呢個台D節目好似2日更新一次, 即係2日之內都係播同一樣既野~)
日日對住D咩獅子食象BB, 老虎又食咩BB咁既血腥場面~我已經受夠啦

今日...我終於都脫離佢既魔掌啦~~HAHA~
岩岩3點幾...佢按過去既時候就已經再無得睇啦~~^^

**之前有報紙報導過, 睇得電視多會容易有高血壓之類果D病~
話畀佢知既頭幾日真係檢點左, 小睇左電視~~
不過呢個場只係維持左幾日而已.....
但當<野生動物頻道>黎左之後, 佢已經唔記得左呢件事~~一切就打回原形~
日日就睇足9個鐘以上既電視~~~~

琴日下午心血來潮整左個cheese cake做下午茶~
(其實係d cream cheese仲有一個星期就過期~)
 

一口氣整左2個~~8寸心型既係屋企食既~
一出爐唔洗半個鐘就已經畀我地消化左啦~

 


呢個6寸既畀左細妹~~

今次整得唔夠芝士味~~奶味太重~可能我落得太多.....=.="
已經唔記得之前用左幾多份量既cream cheese去整~有次果個真係好好味架~





琴晚清理部腦d相時...發現之前用曲奇槍整既曲奇未post返上黎~^^


呢個係我之前買既新玩物~~^^
好得意架~~只係$59銀就有20個花樣, 可以整20種cookie出黎~仲好好玩添~
不過個餅糰既軟硬度一定要控制得好好~唔係就會喞唔出架啦~


我整左咖啡味同杏仁味~~但係都唔多夠味~好似食緊牛油曲奇咁~~>"<
原本仲有朱古力味架~~但因為個餅糰太硬...喞唔到.....


出黎個樣算係咁啦~~haha~~~~~

*其實我有諗過我婚禮既回禮小禮物送呢d親手造既曲奇架~
成本又低, 又有心思, 又唔怕人地收到d野之後諗放喺邊, 食左佢幾好~~^^
不過...我地有20-25圍...一人2件...即係要整600件出黎!!!
我個焗爐仔一次只能焗20件....咁就要焗30次~每次焗30分鐘~即係total要連續15個鐘不停焗~~
咁樣焗...人都癲呀~~haha
同埋結婚前2日一定會好多野攪...唔會有時間畀我整~
我又唔想早幾日整定喎~~怕會腍晒嘛~~
如果屋企有個大焗爐你話幾好呢~~~

今日係端午節...屋企有好多粽呀~媽咪包既~我諗有30-40隻~
hoho: 包咁多點食得晒呀?
媽咪: 拎d畀人架嘛~~一個拎d都無晒啦~
我: 拎去掟落河畀屈原食囉~~呀, 唔係, 應該係畀d魚食, 唔洗佢地咬屈原~
hoho: 你一年先掟一次落去~屈原都畀d魚食左啦~
.............................=__________=" 哈哈~我地成日都有呢d無聊對答~

夜晚去左青衣, hoho嫲嫲果邊做節食飯~~
(咦~~點解我呢個傳統既屋企唔洗做節既呢??好似年年都無特別食飯慶祝架喎~)
席上...大家又討論起我地既婚事~~
原來hoho係嫲嫲咁多個孫之中第一個辦囍事~
一定要樣樣野做足~做得好好睇睇~~有d緊張添~
我既姊妹團又多一位成員啦~~^^ho妹都加入左~^^
之前hoho極力推薦佢個妹做埋我姊妹~~
我有個攪笑想法~ho妹會唔會係hoho派黎既間諜黎架~??
果時都想想地叫埋佢一齊玩, 但又驚佢唔想~因為其他姊妹佢都唔識~~所以都無問佢~
今日佢竟然自動請纓話做埋我姊妹~~更係求之不得啦~^^
橫豎gin會做唔到我姊妹......
我地搵日又會上去買姊妹裙啦~auntie都想買晚裝~~^^
各位姊妹們~~~我預計6月7日上去呀~你地得嗎?一齊去嗎?

另外, 今日被我發現左件笑料~一定要同天馬行空既karrie分享下~~我覺得都會諗出呢d野~~haha
hoho堂家姐問我地喺邊到擺酒~我地話明星畫舫~
佢就話~呀係喎~之前同柏森(堂哥)研究過喺邊~~好似喺條河上面架呵?我地諗緊點過去~果到好似係一個獨立既島咁架嘛~~我地諗緊佢咪會飄出海囉~?咁我地點上去呀?飄左出去點返黎呀?
我地一路聽就一路笑~~堂家姐果然想像力豐富呀~~
後黎先知, 原來佢諗緊既係珍寶海鮮舫~~果個就真係一架船黎既~~可以出海~haha
之後我就喺到諗...到時會唔會真係有人會去錯地方呢~??哈哈~~
大家要記住~明星畫舫不等於珍寶海鮮舫!!

呢日我同左karen&karrie行街街~~我地又係4缺1呀!!!
雲妮小姐~你幾時先抽到時間見下我地呢?我地就黎半年無見啦~
佢地陪我去深水埗買絲帶~~好姊妹~你們真好!!^^
之後我地去左西九龍中心行~食左pizza hut做lunch~~
點解個woo常餐無3人餐架???得1人, 2人, 4人~
karrie話不如叫個4人餐啦~(佢之前試過2個人叫左8個人既餐黎食~傻架~)
karen就話..下...邊食得晒呀?唔通真係當winnie喺到, 叫埋佢果份咩? 大家又一齊大笑~
(話說上星期我地3個in完之後諗住叫埋winnie一齊出黎食lunch~
點知佢已經返左工~~佢叫我地當佢喺到~得閒同佢講下野, 食飯叫多份畀佢, 睇戲買多張飛, 要留返中間個位畀佢~佢話雖然佢個人唔喺到, 但佢既精神都會陪住我地~)
哈~~真係畀佢笑死~~
最後我地只係叫左3人份量~~原來都食唔晒~~好彩無陪karrie癲姐~~haha~~

pizza hut唔知係咪改左新制度呢~~
我發覺d waiter既service勁好~~做咩都"唔該"前"唔該"後~~
令我覺得自己好似入左間高級餐廳咁~~
突然覺得我地3個好似d唔洗做既闊太咁~一齊high tea緊~~haha