本來想再補充一下我公司d騎呢制度~~
不過, 今日我同karen創造左個突破出黎~~想講下呢樣野先~^^太興奮啦~^^
今日我扮病sick leave~因為要去報名讀果個crouse~~^^
我又唔知點同公司講要請假, 所以就今朝先打返去扮病~

今日除左報crouse之外~仲有個任務~就係同karen一齊同蛋糕玩遊戲~^^
無意中畀我地創造左呢個crossover蛋糕~~^^
一個蛋糕2種口味~~^^可以一次過滿足晒2個願望~~^^

左邊係杧果忌廉蛋糕~~右邊係黑森林蛋糕~~^^



呢個係karen既蛋糕~~^^
我覺得好似個人~一個好開心笑緊既媽咪~~haha~~


呢個係我既~~^^切開左粒士多啤梨放上去~無意中又畀我發現好似個心心~~^^

夜啦~要做豬了~~聽日再報告下點解我地會創造左呢個奇蹟出黎~~
同埋再post返多幾張蛋糕寫照&製作過程~~^^

放左3日紅假...初初以為自己已經諗清楚可以堅持落去再接受呢個挑戰~~
結果星期一起身返工果刻又唔知點解突然非常之唔想返~
但最後都係堅持去左返工~因為唔知點開口同公司講唔做~
(等我講解下公司既架構先....
公司係由一個family開設既~~潮州人, 姓雷...公司入面多數都係家庭成員~~
主要既家庭成員包括~年老既大雷生同大雷太, 雷生(請我果個)雷太, 細雷生細雷太~仲有雷太個細佬~
以上只係畀我發現既~~應該仲有其他家庭成員存在~)
我就係跟細雷生既~

星期一返到公司成個人都好down~無晒心機, 好想喊~~
做左咁耐都係第一次有咁既情緒出現~
跟住仲畀雷生叫左我入房, 問我係咪唔舒服, 發生咩事果d~佢話見到我個樣好病~
我當然同佢講無野啦~都唔知點同佢講, 唔通同佢講唔想做咩~
呢日既時間過得特別慢長~~特別辛苦~~
8點幾, 我準備走啦~跟住大雷生無啦啦同我講~
"如果覺得辛苦既就早d返去啦, 唔洗捱到咁夜架~你後生捱唔慣呀"
haha~~好攪笑~~乜唔係應該後生既捱架咩~??

跟住星期二...lunch無食公司飯~同左2個同事出去食~~傾下計~
lunch前, 我都仲諗住做落去, 捱到9月先唔做~
但lunch後~我已經唔多想再留o係到捱~
佢2個又係黎左無耐, 1個早我一星期多d, 1個遲我幾日~
原來大家都唔想再o係到做~~haha~
覺得呢到d制度好騎呢~~什麼all in one system...咩都要放落main server到save~
辦單都係save落去, 又唔分客開floder~~要搵返既時候就要按search去搵~嘥晒d時間~
仲要開咩都要攞number~一款辦就有3個style no.~客款號啦, 廠款號啦同廠批號~~
仲要咩都要入password~開咩file都要入password, 連影印都要入password~
(我地用main server由大影印機print野, 自己個位係printer架~)
一句講晒...每日為左入password同search返d文件就已經無左一部份時間~
唔怪得d人晚晚都要ot啦~

仲要畀我發現...原來我地未過試用期的, 星期日放假係無錢架!!!
放紅日無$我就知, 因為見工時已經見到佢寫明~~但估唔到連星期日都無囉~~!!!
咩公司黎架~~??潮州人係慳家姐~~都唔洗咁樣刻薄d員工嘛~~??
我地計過...當我地每日平均返11個鐘, 將份糧除返做時薪, 其他只係好過M記少少咋~~!!!
仲要人地M記唔洗受人氣~又唔洗用腦~~
呢到除左要用精力同腦之外, 更要受氣~~d大陸廠又惡死~~
我跟既雷生又係~~乜Q野都鬧左先算~但永遠唔理解下有冇鬧錯人架喎~~
我已經畀佢無啦啦咁鬧左2次~~=.=" D野仲要唔係我整錯~~係上手人整既~變態架佢~!!!><
原來真係有潮州怒漢架~~~終於畀我見識到~

我黎返工係做野架~我無必要無啦啦去受氣架!!
再加上d人工咁屎~~去做M記都不如~
終於...我決定轉行!!!! 趁我仲後生, 轉行趁早呀~~
決定去報我想讀既crouse~~~^^

休息左咁耐, 搵返野做原本係件好事~
之但係...唔知點解返左幾日工就已經唔想做~
hoho話係我放假放到個心散晒先至會唔想做野~
其實係咪呢...我都唔係好知~~><

早在2年前入sonic既時候就已經唔多鐘意做呢行~
果時個人非常之無方向~見有工就去做~
本來諗住只做一段短時間~後黎因為同公司一班好同事認識深左~又玩熟左~
怕出到去唔知會唔會再遇到一班咁既人~~所以先會做落去~

呢幾日去到新公司~晚晚都OT到8,9點...一放工就頭痛~
夜晚又訓得唔好~~好似好大壓力咁~~我真係再捱唔住啦~
咁岩前日返工時, 喺屋企樓下接左張傳單, 話5月8號樓下會有個"培訓及就業資訊展"
見到有個crouse...<醫護支援人員(臨床病人服務)>既證書課程~
唔知係咪呢排經常出入醫院, 好想做醫護工作~~
諗緊好唔好去讀呢個crouse呢~~

琴日下定決心辭職~~入房同老細講, 佢既反應係有d無奈, 再同我講ok啦~
點知轉過頭佢又叫我入房~同我講左一大堆道理~~叫我留返底~
佢同我講初初幾個月係會辛苦d架啦~2-3個月後適應左就會好好~
又話我阿head係個好top既人, 如果我留底做, o係佢身上學到既野將會一身受用~
同埋佢又明白點解我會想走~~係因為我阿head "cher"得我太勁~
話我做得幾日就話走~出到去又未必咁快搵到野做, 除非我已經搵到好好路數~|
佢話係咁既話佢一定會放我走~但未搵到另一份之前點解唔做多一段時間先再考慮走唔走呢~~
攪到我好鬼感動~~>﹏<
做咁耐野真係第一次會有老細會留我唔畀我走~~
最後, 應承左佢再試下做多一排~~
今日我請左假~~一黎係要陪hoho去覆診, 二黎我想好好考慮下我既去向......

唉~~~點好呀???究竟我應該再試下做呢份工好丫~
定係去讀一個我想做既工作既crouse呢~~
繼續做既話..我又怕第時"奶"左野令到d單出事既時候會令老細對我好失望~
話晒佢對我咁有信心留我做野, 對我咁有期望~
如果唔做野...我就會無$$供保險~10月既婚禮就唔可以好似我想像中咁完美~

黎緊就係3日紅假~~希望我可以認真咁慢慢諗清楚啦~~

星期日...10點幾起身準北上~~去hoho舅父到食生日飯~
順便去埋綱上好多準婚人都去既筍崗文具玩具批發市場~
綱上好多人都話呢個地方好多結婚野賣~而且又平~
所以亦吸引左我去睇睇~~^^
佢有3層樓, 以賣玩具為主~
我一早list out左個結婚用品購物清單準備上去掃貨~~
1.利是封
2.回禮小禮物
3.絲花 - (整花球, 兄弟襟花, 姊妹手花, 家人襟花)
4.絲帶 (整花球, 襟花用)
5.註冊用簽名羽毛筆連筆座
6.來賓用簽名筆 (金色/銀色)
7.龍鳳花燭
8.迎娶對聯, 女家對聯
9.佈置喜字
10.龍鳳茶具
11.敬茶用咕臣
12.花邊紅遮
13.香檳杯
14.介指枕
15.婚紗晚裝鞋
16.上頭用品(男女)
17.上頭睡衣

點知去到有點失望...佢並唔係我想像中咁多野賣~~
不過都算有齊以上要買既野...(除左香檳杯, 介指枕, 婚紗晚裝鞋無之外)
但係我地今次係無買任何野架~~
因為今次大家上去係想睇睇, 格下價~同挑選小禮物~~
但呢次行程都唔太順利~~因為hoho好似個陪阿媽去街既細路仔咁~
都無耐性同興致一齊睇一齊揀既~~佢只係喺身邊不停黑面同叫"行快d"!!!
其實睇中左羽毛筆同龍鳳茶具架啦~~但奈我地何趕時間, 睇完無時間返轉頭去買~~><
今次我係想買左d絲花同絲帶先架~~我打算自己整花球同襟花~
諗住我依家開始試得黎, 整得黎, 10月應該差唔多架啦~~
點知hoho咁樣, 我都無好好咁細心入去絲花鋪頭揀花....
下次其實應該搵埋d姊妹一齊上去睇~~
仲可以去埋東門度身訂做姊妹裙~~
我最想訂做我件dream wedding dress~~haha~~
因為睇過金都, 都唔多覺有得租~~新天地呢條kitty既又唔做出租~
如果可以訂做, 價錢又平既就好啦~

休息左幾個月, hoho既狀態亦越來越好~~而我就終於搵返野做~
又係做merchandiser....其實好唔想再做呢行~~
但奈何我既工作經驗同學歷都係有限公司~都唔知可以做d咩~
不過做慣左office lady, 要我突然去做sales果d又唔多想~因為office工放紅假~
工作時間又比sales短(OT另計), 最好就係假期多~~
一個習慣左呢種生活既人, 突然間要改變都幾痛苦~~

琴日第一日返工, 就已經畀好多野我做~
想當年我第一日入sonic, 佢地只係畀d舊file我睇~一睇就睇成日~
5點半夠鐘放工, 個阿head仲好好人咁叫我放工先, 聽日再黎過~~
呢到~~哼~都無人問下我點~當我咩都識咁狂畀野我做~
一做就做到9點先走~~嗚....嗚.....
無陰公囉...第一日返工就要人OT~~
今日第2日, 放1點, 結果3點先走~~唉~~
呢間公司D人都唔講野既~~各顧各狂做野~~好似自閉咁~
但唯一既好處就係近屋企同有餐免費晏仔食~~
見呢個時勢咁差~~唯有硬著頭皮忍落去先啦~~
唔知我可以捱到幾耐呢~~返左1日半工就覺得好辛苦啦~~

究竟除左merchandiser, 我仲可以做D咩呢.......???

精選左一小部份既婚紗相upload左上綱做slide~~^^
久等既大家可以慢慢欣賞啦~~

點解咁多人睇我d相都會問...
"你d假髮黎架?"
而我就會repeat咁同佢地講....
"唔係呀~真架~係我架~!!"
佢地就會帶點懷疑再問....
"咁長架咩你d頭髮?"
.................=.="
我d頭髮的確係咁長架~~只不過你地平時無乜留意之嘛~~haha~~

一對美麗動人既痴男怨女~~^^

早排同karrie跳舞愛上左食bread papa既芭芙~
即使係跳完舞之後禁止進食既2個鐘都好, 我地都忍唔住走去食~~^^
karrie次次都想食果個朱古力脆皮芭芙, 但次次都賣晒~~
跟住我就話等我試下整, 成功的話就再整個朱古力脆皮既過佢食~~
早2日, 我就試整左~~比我想像中易整好多~~^^


先整左個吉士忌廉口味~~
hoho話想食bread papa果d黃色既cream~~
我記憶中佢就好似吉士醬咁既味~~
但整左出黎唔多似~~人地果d應該有獨家秘方, 先會咁貴都仲有咁多人排住隊去買~
原來吉士忌廉好難整...上面果個係第2次煮架~~
第一次煮既燶鬼左, 掉左之後再黎過...點知又唔多夠甜....>"<


之後打左d甜忌廉....其實甜忌廉口味仲好食~~^^

是次一口氣整左20幾個...分左畀gingin佢地, 姨媽佢地同阿妹~~^^
各位~~~覺得味道如何呢~??^^

跟住我手痕痕整左2隻天鵝芭芙~~haha~~勁攪笑~
佢個頭條頸粗到乜咁~~haha~~因為我懶無轉用個細唧咀, 所以佢地變左隻肥天鵝...肥燒鵝~~haha
 




由於第一次整, 唔知唧咩size先岩~~所以就大中細都唧齊~~
最後...大size就同bread papa果d咁大, 而細size就岩我, 2啖就食晒~~^^

karrie!!!搵日我會整個朱古力脆皮忌廉口味既芭芙過你食架啦~^^

呢日去左阿妹屋企玩貓貓~~^^
佢男友帶左佢隻貓貓返去養~都就黎3個月了~一直好想去探佢....隻貓~~haha~~^^
今日終於都有機會啦~~^^
佢係一隻好乖好得意既貓貓~~叫MiMi...
不過可能怕陌生人....我只係抱左佢一陣...乖乖咁坐左一陣咋~~
之後再抱佢, 唔夠一分鐘就開始掙扎落地~~=.="
而我同佢就只係影到一張合照咁大把!!!
唔得~~~下次要再黎過~~~
先黎睇睇呢隻得意貓咪啦...........

  
神秘的背影~
佢係咪用左日本果隻essential洗頭水呢~~d毛色咁亮澤既~~
佢petpet位仲有天使既光環添架~~


回眸一望~


成功畀我抱住佢影相...不過睇落佢個貓樣好似有d無奈咁~~

 
大頭寫真~


呢張好靚呀~~mimi好似同緊阿妹講野咁~~
睇下佢...心口有d白色毛毛架~~好似帶左條bow呔咁~~幾型仔~


大家再細心d睇下佢...佢除左有bow呔之外, 佢d手手腳腳仲好似著左鞋仔咁架~
仲有仲有~~~佢仲有套比堅尼添架~~幾sexy~
佢d白色毛真係生得好鬼攪野同得意~~^^
(不過我想講.....其實佢係男仔黎架~)

仲有更多貓相upload左上去相簿啦~~~^^

好~~show下琴日收到既相相先~~^^
佢地就係咁樣一箱箱放o係個大紙袋送黎架啦~~
相簿已經夠重架啦...仲要整個咁有份量既盒~~重上加重~~
 

呢到係其中4本相簿既真面目~~
盒入面都整到好鬼豪華~~haha~~有金色既絲絹墊底~


呢個係影kitty景區送既証書~~
入面有一張我地既合照~~反光果個位印有我地既大名同結婚日期~
咦~~~第時張結婚証書攝唔攝得入呢到呢~haha
 

呢張就係我地既60寸長既提名冊啦~~
擺酒果晚就會畀賓客門o係上面簽名留記念~~
(後面拎住張野果個係hoho呀~~佢隻手都好長下喎~~)

期待已久既婚紗相, 今日3點9終於都送到黎屋企啦~^^
開門一見到, 即刻........嘩~~~~~
洗唔洗咁多袋呀?仲要袋袋都咁大袋~~
由送貨既哥哥手上接過其中一袋, 都已經覺得好重~
真係難以想像佢一個人點樣拎呢5袋野黎架~~佩服佩服~

一直以為自己好似係有5本相簿~~~點知今日睇極都仲有~~
發現原來有7本咁多......覺得自己有d變態.....
total有7本相簿, 一幅大油畫, 一幅細kitty油畫, 2幅大坐枱相架, 2幅細坐枱相架, 一個提名冊, 一個kitty証書, 2隻CD-R~
點解當初會接受佢送咁多相架呢?都唔知擺o係邊~~
仲要家下間房7國咁亂(越執越亂既)...唯有將佢地原封不動收好先~~
之前諗住放晒d相簿入個kitty儲物箱到~測驗結果係...只係放到3本.....
其他果d因為面積太大根本放唔入~~(我唔記得本本相簿都會有個盒裝住~=.=)
唯有執執個衣櫃安置佢都啦~~~