| «‹ July 2025 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | 31 | |
|
2008 年 10 月 16 日 星期四  |
煮蟹記  |
分類: Sakuraの傑作 |
好~等我講解下生平第一次整蟹既經過畀大家聽啦~~
話說星期二果日, 有毛廠上左黎我地公司~~
佢拎左一大袋活生生既大閘蟹上黎做手信~~咁我地每人就分到2隻~~^^
由於星期二果晚媽咪整左好多餸~hoho又無上黎~~整左會無人食~~
咁就將佢地打左入冷宮(雪櫃)~~琴日先整黎食~~
原來諗住叫媽咪整架嘛~~因為我要去跳舞~~
但佢要返工, 無時間整, 而且佢唔食, 叫我返黎先整黎食啦~~
佢叫我買d紫蘇葉黎蒸佢~~就係咁....我就第一次嘗試整蟹啦~~
講下琴日跳舞先....karrie過左黎同我去跳~~佢都想跳舞減肥~~^^
shelly病左無返工, 佢之前一日畀左張卡我諗住叫我畀karrie試跳~
但諗諗下, 如果karrie要報名咁點算呀~~一陣畀人發現拎左人地張卡黎跳就唔好啦~~
咁跟住...teresa咁用左shelly張卡陪我一齊跳啦~~haha~~^^
今堂d熱身同舞步都好勁好激~~唔係難架~~但係好快囉...跳跳下又唔知跳左去邊~~=.="
落堂之後, 同karrie去攪報名~~佢都book左8堂呀~~^^
跟住導師經過同我地講..."係咪好難呀?見到你地跳得好迷茫咁...下堂教d淺d啦~"
好好人呀~~^^唔單止無話我地跳得差, 反而去就我地~~多謝你呀!!^^
之後我去左吉之島supermarket買紫蘇葉...
唔知點解, 我第一個諗到既就覺得佢係同迷迭香果d香草係同類~
所以, 我就只諗到去吉之島supermarket買~~
去到見到d牌寫有sweet basil (蘿勒/紫蘇), 咁就買左佢返去啦~~
hoho已經到左我屋企~~打畀佢叫佢同蟹蟹沖涼先~~
我返到去, 見佢d草都無拆, 就知佢應該洗唔乾淨~跟住我又拆開佢黎洗啦~~
拆果陣好驚呀~~唔知佢死左未嘛~~ 咁大個女都未掂過未熟既蟹架~~
 
聽講出面賣果d...放左佢入雪櫃幾日, 再拎佢出黎都仲生架嘛~~
咁我拆之前就check下佢死左未啦~~任憑我點拍佢, 插佢眼球都都反應, 咁應該死左啦~~
我就好放心咁拆左佢出黎, 再係咁洗佢啦~~唔識郁, 放心捉住佢黎刷啦~
洗洗下...hoho走入黎...我就話佢做乜唔拆左d草先洗~~
佢先同我講...頭先未死架~~仲係咁郁...咪唔夠膽放佢囉~~
當時我仲拎住隻蟹刷緊佢, 聽到佢未死, 即刻掉都掉唔切~~
跟住hoho好勇咁話等佢黎洗...我當然即刻交返畀佢啦~~haha
跟住我去煲水同洗紫蘇葉...一盒有4棵...初初諗住落晒黎煮...但諗諗下好似好多咁, 就放左2棵~
原隻清蒸大閘蟹...蒸左半個鐘就食得啦~~~^^
 
一打開個蓋就聞到好大陣香草味~~睇黎我應該落多左啦~~
食果陣...都好有香草味~~不過隻蟹真係好鮮味~~
都幾好味~~只係香草味濃左少少~~第一次煮蟹都算成功啦~~^^好有成就感呀~~haha~
呢2隻野, 就畀我, hoho同嘛嘛滅左口~~haha^^
媽咪返黎...我問佢...其實紫蘇葉係要新鮮既定係藥材鋪果d~~
媽咪: "更係係藥材鋪果d啦~"
我: "ha~~我買左新鮮果d...食完先覺得有d唔對路"
媽咪: "haha~~傻婆"
...............=o="
今日...我上綱再check下我買既紫蘇葉究竟係咪真係紫蘇葉~~
點知....Basil原來係九層塔......
畀吉之島呃左....
應該唔會有事掛~~~
大閘蟹只係唔可以同冧柿一齊食姐~~無事既無事既~~~~
|
| 2008 年 10 月 15 日 星期三 |
| 2008 年 10 月 11 日 星期六 |
| 2008 年 10 月 10 日 星期五 |
| 2008 年 10 月 8 日 星期三 |
| 2008 年 9 月 30 日 星期二 |
| de show reel 終於都出碟啦~~ |
分類: My Aaron Kwok |
等左足足7個月啦~~等到我頸都長埋, 等到我不耐煩, 等到我無心機再keep住留意佢, 等到我就黎忘記佢~
就o係今日...ak tak突然打畀我~~同我講, aaron隻concert出左啦喎今日~
我即刻成個人醒晒咁問佢~"係咩?真係出左呀?"
因為之前食過一次炸胡, 有人話唔知幾多號出, 咁我一直期待果日既來臨~~
點知到左果日...原來只係宣佈佢個360度旋轉舞台入左健力士大全~
跟住我即刻上久違了的teahut....的確有好多人討論緊出碟既野...原來出左cd, vcd同dvd
d人講緊買左咩, o係邊到買, 買幾錢, 係咪限量特別版, 有冇poster送.............
果時4點幾...我個心已經一早飛左出去~~期待放工既一刻即刻出去買~~
不過最後我都要7點半先走得...因為聽日day off...唔想d野hold到星期4先做...所以請得幾多就幾多~~
放工即刻去銀行打劫先...跟住就上觀塘廣場頂樓~~阿肥話最高果層d碟平d~~
行左幾間都唔見有show出黎...跟住我決定問下人, 點知個人同我講賣晒...叫我放完假先再黎過~~
要我放完假先買, 咪傻啦~~我呢d忠實fans更係要第一時間擁有佢架啦~~
估唔到會咁好賣, 咁快賣晒~~ha~~good呀!!!證明aaron係正架~~haha~~
正當我打算離開, 想返屋企樓下買既時候...畀我發現o係底層某間舖播緊隻碟......
我當然就係畀佢吸左過去啦~~好野, 佢果然有貨~~^^
原本佢show $189...跟住唔知點解話收我$185~~係咪我可愛呢~~haha~~
好野~~暫時知道我買得最平~~teahut d人講緊最平都要$188~~
haha~~~好開心呀~~ 聽日開始煲佢~~^^
total 4隻dvd....有齊2個part 1同part 2, 2個concert~~
仲連埋一本concert寫真集~~
如果我既記憶力無衰老既話...記得好似係成個concert無cut過搬晒落dvd~~
 
d碟好靚靚呀~~~ |
2008 年 9 月 25 日 星期四  |
| 2008 年 9 月 24 日 星期三 |
| 2008 年 9 月 13 日 星期六 |
hoho既二奶  |
分類: 生活中的點滴 |
結果...公司果幾隻兔兔, 我一隻都拎唔到~~>"<
d謎語太難啦....原全唔識....今次搵幾個人幫我o係上面上綱搵都搵唔到...
而且今次勁多人落黎玩....早幾日答燈謎係無人排隊架嘛~~
呢次竟然係排長龍等答....幾經辛苦終於搵到條...點知都未排到就畀人答左啦~~
唉~~d人點解可以咁勁架??
算啦~~我都有隻hoho買既白色兔兔啦~~
希望聽晚可以帶佢出去玩啦~~
太耐無update日記...連hoho出左部電單車個幾月我都未得閒上黎講下我既感受~~
我一直都反對, 唔畀佢揸電單車....佢個電單車牌都係襯我出trip時靜雞雞報黎學既~
電單車, 皮包鐵咁危險, 日晒雨淋咁有乜好丫~而且香港既空氣污染指數又咁高...咁樣o係條馬路到同食塵有咩分別呢~
佢考左個牌年半....呢年半裡頭, 佢就日日叫我畀佢買電單車~~我當然say no啦~
但上個月....我地之間既第三者終於都出現啦~~
佢師傅諗住換新車....就畀左佢部舊車hoho~~
佢依家日日返工都係由佢個二奶接載出入~~
不過佢揸左半個月我都未同呢個二奶正面交鋒過~~
今日, 大婆同二奶終於見面啦~~而且仲騎上了二奶~~
今日要過去青衣hoho爺爺果邊食飯做節~~hoho話揸二奶出去~~
今次係繼雲南之後, 我第二次坐hoho電單車尾~~
上次返雲南佢都有揸表哥架電單車載我, 不過只係o係屋企出面兜左幾個圈, 無揸出大馬路~
今日全場都好驚好緊張~~攬得hoho好實, 手汗係咁流, 攪到hoho件衫都濕埋~~haha~~
出到去高速公路真係好驚架~~~d大車o係身邊駛過, d聲好嚇人~
令我諗返起第一次坐hoho揸私家車果陣, 果陣都無依家咁驚~~
由於我係披頭散髮咁坐車....落車既時候d頭髮打晒結囉~~
同埋一路都畀d頭髮鞭打我隻手....好痛~~
下次如果要再坐既話...我諗我要將d頭髮辮起辮子~~(感覺似村姑~)
|
« | 10 | 11 | 12 | 13 | 14 | 15 | 16 | 17 | 18 | 19 | ... | 77 | »
|
啦~~haha
今個星期日一定要的起心肝起身跑呀!!!
2道門既size既紙皮石就係咁畀黑格比吹左落街~~
