今日放工去左唱k~~^^
有karen, ivy, teresa, tommy, ming & yen~~
3點幾唱到6點幾...但我唔係唱得好多首~~係唔知唱咩好~
新果d合唱歌又無人識唱~~舊歌我又唔多想唱~~haha
不過玩得好開心~~tommy同ming傻左~~又唱浮誇~
跟住yen唱my heart will go on時, 佢2個又o係隔離將d歌詞改做中文黎唱~
呢次唱k聚會係由上個月頭開始約架~~d人真係忙...=.=
下次約碌齡呀~~karen!!一齊黎玩丫~~^^

今日姑姐佢地黎左...所以我要返屋企食飯~陪唔到karen食~~
晚上...佢地買kfc黎食~~ 聽到都怕怕~~
琴日既lunch先畀阿肥捉左去食pizza hut~~
最後我只係食左一個雜菜沙律+一隻燒雞翼+一條粟米~

我有幾耐無見過gin呢...有冇一個月呀??
今日再見...你肥左喎~~攪咩黎呀?

上星期6, 同karen去bbq~加o係佢屋企度宿一宵~
放工2點先搭車入去元朗搵佢~~
原來由觀塘入去元朗要成個鐘架!!!
終於感受到karen平時出黎同我地玩完自己一個搭車返去既心情~~
原來好慢長的.....我仲恰眼訓...跟住由彩虹開始訓著左~~去到大欖subway醒一醒~
好在知醒打畀karen叫佢出門口~~haha^^"
3點...終於都到左元朗啦~~跟住同karen去食野~~再行街睇衫~~
買左條好鍾意既頸巾~~^^好靚架!!! 得閒帶住影相post上黎~^^
行到5點...返karen屋企...我要放底d行裝~~換返個輕便look, 再執下d眼耳口鼻...7點出發去bbq~
又係去小欖呀~~haha...乜唔係話去黃金
好似有10幾20人....karen話有好多佢都唔識架~~因為係幾代既舊同事~~
佢地咁好朋友既...可以keep住咁耐仲有聯絡~~^^
我地玩到12點先走呀~~不過佢d同事走晒, 得返2個年青人陪我地~~^^
好可惜...我地無影相...大合照都無呀~~嘥晒我地個妝呀!!! >"<

跟住搭小巴返karen屋企~~
唔知點解我個頭突然勁痛......仲有一刻想嘔既感覺~~
karen一路同我傾計, 但我就好敷衍咁畀d回應佢...=.="真係唔好意思呀~>w<
好彩落左車之後就無乜野啦~~^^
沖完涼, 我地2個都仲未肯去訓....一齊睇日劇~
唔知點解我諗返起以前你黎我屋企訓...我地又係夜晚晚唔訓覺, o係到玩msn...
點知畀我阿嫲發現左, 叫我地訓覺~跟住我地就熄晒燈扮訓左, 但就繼續玩~~haha
我地睇左2集...3點幾先訓~~haha~~^^
但套劇真係幾好睇~~叫<無罪的愛>, 花樣少年少女既女主角做既~~
karen~~你dl左第3,4,5,6........集未呀??好想睇落去呀~~

第2日..(星期日)訓到點幾先起身~~跟住同包包影相~~
 
一隻好大隻, 又好熱情既金毛尋回犬~~
佢同以前一樣, 又係一見人就飛撲過黎"lam"你~~haha^^
同佢影左好多相...放左上facebook^^
跟住3點幾去食野~~之後5點出返黎~~我地去旺角~~
原本想睇戲...點知去到朗豪坊UA無我地想睇果套...同埋無咩其他吸引~~
最後我地去左shopping~~買衫~~仲買左假眼睫毛~下個月影相要用~~^^
原來入面有埋膠水架啦~~我試過放上隻眼.....一大pack果隻ok, 幾自然~
但另外得一對果盒就長得滯~~好怪~~有d似埃及妖后~~
之後食完dinner就各自回家啦~~

**果晚bbq完12點幾同karen返去佢到...發覺原來由輕鐵站行入佢屋企果條路都幾長幾黑幾恐怖下架~~
我地平時約gathering, 好多時都玩到11,12點...由旺角散~~
karen返到去就會1,2點...夜晚晚一個女仔自己行入去, 都幾危險喎~~好擔心你呀!!!
但係你就一句怨言都無...一樣照常地出黎再自己返去~~
好!!!以後既gathering我地約返近你屋企既地方啦~如荃灣, 葵芳咁...
依家果邊有new development...應該會多返d野行啦~~^^
好耐都無咁樣陪過呢位好朋友啦~~要各自歸家果一刻真係有d唔捨得~~
聽埋你講 "下次再黎過玩丫", 我好想喊添~~haha^^"
諗返起以前一齊返工朝夕相對果時~
自從我地分開做野之後就少左聯絡...gathering又成日都約唔齊人~~
我地要keep返多d出黎聚下呀~~>v<
下次既目標係打邊爐!!!


點首<朋友仔>過你聽丫baby~~~haha~~

最多握握手 一起散散步
你大量 你寬容 你是未來濱崎步
無論是為什麼都好 首先最錯我的態度
懊悔昨日那麼嘈 然後在霎時之間想起我父母

我也不想記起 為當天襯衫似你 便心急妒忌
其實我 都很小器 對不起 只因常常在你附近 便拿著你出氣

◎原來朋友仔感情再天真 亦是我永遠也會愛惜的人
明日愛他人 也記住學會不要緊 原來朋友比戀人更高分
亦讓我開始懂得不記恨 若大家 都敏感
我更要永遠記得拒絕再因小事怪人 為何沒有這條校訓

再次握握手 只想你以後 有眼淚放心流 冷淡令人很難受
無論日後路怎麼走 彼此老友角色似舊
以後在動氣關頭 回望著這場爭吵想想 也很醜

REPEAT◎

像望著自己的至親 往往太奮勇鬥嘴
以後再不懂事過人 如何共我戀人熱吻

依家回望返我地那場爭吵再想想...的確很醜~~
無論日後路怎麼走 彼此老友角色似舊 !!!

天氣終於都轉涼啦~~冬天衣服終於都可以逃出衣櫃啦~~^^
今日仲帶埋星期6同karen一齊去買既頸巾返工添~~^^
星期6放工入左去元朗搵karen行街, 去bbq, 晚上到佢屋企渡宿一宵~星期日先出返黎~
下篇再詳細講下~~

星期一返學...上星期既功課星期一lunch先o係公司做~~ha^^"
好在公司有部腦可以login hotmail....可以send返份功課畀阿sir~
星期一果堂唔知點解我勁眼訓, 係咁釣魚~~
幾經辛苦先等到放學~~放學前又有份discussion畀我地做.....
由於無乜時間...阿sir話呢份就畀我地拎返去當係功課~~
9點半夠鐘放學~~佢原本派緊d notes畀我地, 但因為唔夠分, 佢要出去copy~
咁佢臨出去時就話啦~~有冇問題, 無問題就可以繼續做啦~
sakura: (同阿肥講) 咁有問題果d係咪可以走啦?
阿肥: 你有冇問題呀?我好有問題呀~~(佢執緊野想走)
sakura: 我都好有問題呀~(跟住一齊執野走~haha 因為我地已經拎左notes, 唔洗等佢^^)

今日返到公司好驚呀~~因為我有單野攪到一獲泡~~
話說有2款衫, 做完初辦時個客講話個色唔ok, 要轉~~咁ok啦同佢轉啦~~
畀lab dip佢批, 佢ok左但話only for sample, not production~~跟住做大辦啦~~之後佢落貨啦喎~~
我追佢批大辦既color畀我訂毛啦~~佢成個月都唔覆我~~
咁跟住因為怕貨期做唔到, 就迫佢畀comment啦~~
叫佢accept lab dip approve左既comment畀我去訂毛, 如果唔係個shipment就要delay~
佢noted左我~~咁我去訂啦~
跟住佢好耐都無畀大辦comment我...咁我追佢啦~~點知返黎既係...佢又要改color~(第3次改)
我同佢講d毛已經訂左, 叫佢唔好改, 同埋毛期要成個月, 貨期做唔到~新年前出唔到畀佢~
佢死唔制~~仲要話佢無叫過我地訂毛, 佢noted既只係noted個shipment會delay~
同佢拖拉左接近一個月, 佢都唔肯放手, 係琅迫我地盡趕新年前出貨~~
之前已經同老細單聲左~~佢話必要時就cancel佢張單唔做啦~~
但d毛訂左3千幾磅....成7萬幾蚊架~~要我地自己食左佢, 好貴架喎~~
今日我又入去搵老細傾啦~~入去前好驚呀~~好驚畀佢插~話我做咩唔問清楚先訂毛~~
不過...入到去, 佢又無乜野喎~~好心平氣和咁同我傾~~
佢話再諗諗係咪要cancel佢~~
老細真係幾好架~~好肯教我地野~~個樣係凶左d~~但其實佢唔係好惡架咋~~
有時仲會同我地講笑~~^^
好!!我要畀心機做好呢份工!!!

今日係halloween~~一向討厭迫既感覺既我絕對唔會出去玩~~
雖然好想扮鬼扮馬出去玩~~但又無一大班朋友一齊出去玩~~
同埋最重要係唔知去邊好~~老蘭係氣氛好~~但我都唔飲酒~去黎做咩~
哈佬喂呀~~黑色世界果d咪攪我~~拎幾百蚊出黎嚇自己好無聊&低能~~
不如拎黎去食野好過~~
每年既haloween, 我都係一如以往~~~o係屋企渡過~~ha

但我今日都好應節丫~~以一個女鬼look返工~~
再加上蒼白既面色, 唔夠訓以致既黑眼圈, 食完熱氣野生既粒粒~~
唔化妝個樣, 十足十成隻鬼咁~~~
畀大家睇下我個look啦~~
**以下照片可能引致不安~~膽小者需家長指引, 或請勿看!!!















畀返個正面大家睇啦~~

一條好普通既連身裙~~
我平時著果陣係會扎起個髻架~~
有日因為趕時間, 無扎髻就咁返左工~~
返到去, 嚇到阿肥~~話我長長既秀髮再加埋白雪雪既裙好似隻女鬼~~
自此, 每當我著呢件裙時, 阿肥都會話~~"依~你今日又扮女鬼呀?"
就係咁, 我就叫呢條裙做女鬼裙啦~~

我特登今日拎返條裙出黎著&特登唔扎髻黎應節架~~haha


聽日又去bbq啦~~^^karen d frd攪的~~
燒雞翼我鍾意食~~
食完又生粒粒喎~~~~~~食完先算啦~~!!! haha^^
暴食埋聽日, 我就要展開一個月既地獄式減肥啦!!!
要戎晒所有零食, m記, kfc之類..........

原來開住msn係打唔到blog架~~只係掛住玩msn...
所以今日我決定打好blog先開msn~~^^

星期一, 我同阿肥都有返學~~
仲諗住阿sir未認得d人, 應該唔會發現我地上堂逃學啦~~
點知, 佢竟然認得~~仲要串串供咁暗串我地無返學, 無交功課~~
今堂要group discussion架~~阿sir叫我同阿肥+前面2個情侶一group~~
畀左個topic我地plan下先...跟住plan左好耐, 阿sir都無叫開始~我同阿肥開始無奈對望~~
跟住聽到最遠果枱已經自己開始左~~
咁我地就等前面果2位人兄啦~~但等左好耐佢地都無另轉身黎同我地discuss~~
再過左一陣...我地竟然聽到佢2個自己discuss囉~~勁無奈~~
唉~~咩人黎架~??今堂都有功課要做呀~~做完要e-mail畀佢的~~我都未做~ha^^


星期二果日...hoho同auntie上左黎屋企食飯~~媽咪煮
目的係黎提親~~  呢個詞語好正!!
夠鐘放工即閃~~  幫媽咪手~~
咁話說我好想試美心果個天使蛋糕架啦~~
3-4點果陣, 我有一刻衝動想打去美心預留一個~(teresa同美心姐姐熟, 應該有辦法)
諗諗下又想等下星期阿妹生日先買~~但又諗諗下今日多人d喎~~可以食得晒~~而且阿妹想食我整既木槺蛋糕~
不過結果最後都係無訂到~~因為媽咪會煮好多餸...食到飽晒會無人食cake~
放工會路過地鐵站~~有美心...竟然畀我發現佢仲有個天使蛋糕~~
平時呢個時間路過係無架嘛~~因為會一早賣晒~~
呢個仲唔係天使留畀我既~~??haha 而且, 唔知點解今日佢賣$128~平左$20~^^
結果我就二話不說咁脅持左佢返屋企~~(唔帶佢走會好唔畀面天使架~)
(唉~~見到蛋糕就倆眼發光~~我已中毒太深, 無得救啦~~)
其實我都係想試下蛋白蛋糕係點既, 下次自己整姐~~
未到8點...hoho同auntie就到左啦~~
其實同auntie都食過無數次飯啦~~但今日唔知點解覺得好緊張~~第一次同佢食飯果種感覺出返黎~~haha
終於食完飯啦~~我同媽咪都攪掂埋廚房d手尾~~(媽咪心諗: 平時又唔見你咁幫手, 衰女)
auntie問我攪掂未, 我話ok啦, 佢就叫我叫媽咪出黎傾計~~
果時佢個樣好嚴肅~~我腦海裡面突然諗到以下既野...................
auntie: 我呢就囉左佢地2個既八字去夾, 但得出黎既結果係, 佢2個唔夾呀~佢地唔可以結婚!!
haha~~痴線架我~~如果係咁...都唔知我會點lu.......

擇左吉日啦~~如無意外, 我地既Big Day會係09年既10月中!!^^
要開始度下擺酒請幾多人去啦~~要去book~~
應該會o係沙田既明星畫舫到擺酒~~應該會over 15圍啦~~
為左各位來賓食得好d~~我地要繼續努力蓄$$呀!!!
放心啦karrie~~如果個菜單係沙律海鮮卷, 我會記得將佢改返做炸蟹拑架啦~~haha
呢日之後, 我就成為左hoho既未婚妻啦~~

傾完之後, 我地食蛋糕啦~~(食cake慶祝~haha)
我入廚房切蛋糕, daddy走左入黎...話.....
daddy: 哦, 你整左蛋糕呀~
sakura: 唔係呀~~買架~
daddy: 下~點解咁核凸既~~
sakura: 死野丫~核凸就係我整既~~(呢句說話我係對住阿妹講既~~haha
但....佢d cream真係抺得唔靚架~~~真係同我既技術差不多~~
(咁其實係咪我既技術都好好架啦??)
大家睇睇個cake d相..........



唔記得影切開左既樣添~~~都幾好味啦~~同我整果d其實都差唔多味~~
佢仲有d拖肥糖粒畀你....但唔知放邊囉....個cake其實都夠甜啦~~~
好!!!搵日試下整佢~~

星期三, 又係跳舞日~~
karrie今個星期都跳到星期三~~^^
shelly上星期無返工, 相信佢係整親條腰骨~~
因為佢今堂d動作就住就住咁~~好似大夫上身咁~~
唔多郁動~~跟住跳跳下突然唔見左佢, 之後發現佢坐左o係後面d凳到~~
希望佢可以快d好返啦~~跟住再一齊勁舞一番~~^^

唔記得講下呢個曼秀雷敦薄荷膏添~~
bbq果日, tommy帶去的, 佢先o係公司拎出黎~
話..."一陣試下用呢支曼秀雷敦薄荷膏黎搽麵包食"
佢拎出黎果陣, 遠望以為係真既曼秀雷敦~~
我地幾個同事都畀佢既說話嚇親~~"下~~食曼秀雷敦???"
望真d...原來係台灣玩野小食~~haha~~^^


anson帶埋隻狗狗黎~~呢隻小狗好鬼死得意架~~又乖喎~~個個都爭住要同佢影相~~^^
原本個個燒野食的燒野食, 玩的玩...但狗狗一黎...個個既注意力都去晒佢到~~
mo仔~你好有魅力喎~~~

不過...影大合照時...因為背景太黑...mo仔得返2隻眼睛~~

星期五果日一起身發現自己隻左眼多左個眼袋~~
眨眼果陣仲會覺得痛添~~都唔知咩事~~嚇到我唔敢帶con....
果日, 我迫住要帶眼鏡返工~~個look好鬼死斯文~~
個個都問我咩事攪到咁斯文~~haha班友仔係咁叫我做miss~~
lunch去左食m記...人地諗住試bbq味既板燒雞扒包架嘛~~點知已經無左~~
依家出左個芥辣魚柳包~~
家吓d高卡路里快餐店攪乜鬼呀~出埋晒d份量咁巨型嚇死人既包~~
先係m記既足三両, 雙層黑椒漢堡, 到依家連魚柳包都要整個雙層~
跟住KFC果個仲犀利~~唔記得8層定9層野~~薯餅都放埋入個包到~~好癲呀~~!!!
今日同hoho去左癲~~試左呢個痴線既包~~

個包, 一打開係咁架~~~打晒風咁~~包唔似包~畀人污辱完衣衫不整咁~
 

跟住砌返好佢~~都唔係佢幅圖咁靚既~~我隻手都唔係好搾得住~
咬就緊加咬都咬唔到~~只係咬到1/3既厚度~~

食食下hoho將個包掉入薯格個籃到...跟住我用匙黎食~~
好在只係叫左一個包一齊食咋~~唔係我都唔知點食佢好~不過味道都ok既~~




好啦~~講下琴日先~~琴日係公司一年一度既bbq大會~~ 


又係去小欖~~不過今次無左盼盼游水, 無左kelvin同佢d囡囡~佢地病左無得黎~><
我帶埋karen黎一齊玩~~^^
我同阿肥攪左個相睇會~~死肥攪到好明咁~~句句說話都有骨既~~
攪到咁明~~攪到2位主角好尷尬~~
唉~~阿肥你真係無鬼用架~~邊有人第一次見面就好同對方拍拖架~~
你係都畀人地做左朋友先, 認識多d先再考慮呢d野啦~~

玩完之後...要karen自己一個走~~真係有d擔心佢一個女仔自己走架~~
不過好在阿肥今日入天水圍訓...可以幫我護送karen~~^^
琴日d相已經upload左上相簿啦~~大家去睇啦~~

BBQ...下星期6再黎~~呢次係karen果邊攪~~^^




今日我無起身跑步呀~~>"< 一訓就12點幾~~
跟住2點幾同hoho食完KFC去買左羽毛球拍~

我地都講左幾個星期, 話買返塊拍黎打~~
今日終於都買左~~打左個幾鐘~~出晒汗~~都總算有做運動啦~~
好耐無打啦~~好似畢左業之後都無打過lu~~
我係咁出茅招~~個波跌左落地我都用拍"了"起佢掉畀hoho~~haha

星期三, 公司食既生日蛋糕~~teresa同simon生日~
又食我至愛既 italian tomato既蛋糕~~
食過無數次既士多啤梨蛋糕~~依然係好味!!!^^
第2次食既綠茶朱古力~~好似比上次同hoho去食果件好左d~
呢排公司既生日蛋糕都keep住訂呢間~~
好開心呀~~每個月都有2個蛋糕食~~^^唔洗hoho陪我去食啦~~
見到d蛋糕, 我又口水流啦~~~


最近美心出左個天使蛋糕~~好吸引咁呀~~
好想買黎食呀!!!
但好似要成個咁買.............


梁小姐, 你唔係減緊肥架咩??
食咁多蛋糕, 作死呀~!!!

佢就係我星期二整既香蕉蛋糕啦~~^^
原本係星期日整架~但因為每月一次痛, 攪到我整天躺在牀上~無整~
星期一逃學...食完飯諗住整啦~點知無晒低筋麵粉~
星期二放工去左百佳買左盒$4.9既自發粉~(因為懶唔想出旺角買低筋麵粉~ha)
第一次用自發粉黎整cake...仲要咁鬼平...都擔心整左出黎唔食得~~
唔理啦~~唯有試下啦~~好啦開始整啦~~
人地係要將牛油&糖攪勻, 篩入麵粉, 再加入香蕉及蛋拌勻~
我呢...就用左平昤整海棉蛋糕既方法~糖&蛋打起~再加麵粉, 牛油, 香蕉~
由於今次只係要用2隻蛋(平時海棉蛋糕我用4隻)...當我加麵粉既時候就越加越杰...
跟住勁難攪得郁~最後仲整斷左我支攪攪棒...
由於無法再攪落去, 但麵粉係未落晒架~~於是乎我就倒左d牛油落去再攪~
最後落埋d香蕉溶就拎去焗~~
我已經打定輸數架啦~~d step亂晒大龍~唔方會靚仔啦~~
點知出到黎...出奇地靚仔~~係個面有少少凹凸~~
食落仲好香好好味添呀~~


*點解香蕉蛋糕一定會有d一條條黑色野架呢~~
我整溶條蕉果時果pet糊仔都唔見有一條條野架~~焗完出黎先有~~
不過好得意~~


hoho呢個死佬...我次次整親蛋糕佢都唔過黎既~~
跟住留畀佢呢...又成日唔記得食~最後要請垃圾桶食~~
死野丫~~真唔畀面~~
每當我話想整蛋糕果陣, 佢都會話...都唔係整畀我食既~
依家我識駁佢啦~~"係你自己唔畀面我, 唔食咋!!"

又到左打週記既時間啦~~haha~~^^"
過去果個星期都唔知點解自己好似懶忙咁~~但又唔知忙咩喎~~
不過, 某幾日o係yahoo睇一個女仔既blog~~
佢22歲人仔就生左2個小朋友~~第一個係18歲時一次意外所生既~~
就係咁...讀緊書既佢就同同樣係讀緊書既bb既爸爸結婚啦~~
跟住學校踢左佢地出校~~果時佢地仲準備考AL~~
佢奶奶到依家都好似仲未接受到佢~~
不過依家佢好幸福呀~~老公做左警察...佢就係全識家庭主婦~~(真羨慕我講緊後者)
一家四口生活得好開心~~^^
(我就係畀佢既生仔經吸引住係咁睇啦~~什麼陣痛呀...幾分鐘幾次痛就係陣痛呀........
睇左佢個blog我先知原來有止痛氣呢樣野可以吸架~~一路睇就一路諗緊第時自己生既時候會點呢~~haha^^)

好...打返我既週記先~~唔知今日打唔打得晒呢~~


10月11日 星期六
今日同teresa去左卓悅既悅榕莊試做纖體療程~~
因為我係卓悅既member, 佢打黎話有個free既纖體療程畀我試做~
(但其實個會籍過左期架啦~做乜仲打畀我?)
我見我最近忙於減肥咪book左4號去做囉~~但果日我甩底, 點知過2日佢又打黎~~
見佢咁有誠意, 我咪去下囉~~ 同自己講左, 就算有幾好都好, 都一定唔可以join....因為一定係好貴~我仲蓄緊$$架!!!
畀teresa知道左我壽試做~~佢又話佢都想做~~(其實佢好fit架啦~我覺得佢係想陪我多d~=.=")
既然佢話想, 咁咪打去問可唔可以帶多個人黎啦~~佢話得, 但要畀$98~~teresa又ok, 咁就一齊去啦~~^^
上到去...teresa做唔記得咩機...全身....我就試做搣脂機, 手臂~~
嘩~~痛到呢~~~>﹏< 做到byebye肉果個部位又痕又痛~~唔知想點~
做完之後, 我2隻手臂係紅晒架囉~~
嘩~~做機搣脂原來係咁辛苦架~~又痛又成咁~~攞苦黎辛~~都係跳舞好過~~^^
結果...2隻紅紅既手臂陪左我4日!!!!

10月12日 星期日
今日我好知醒, 起身跑步~~^^
去左另一個場------>慈中既中央球場~~感覺上好似細過上次果到~
但落場跑過先知捉蟲...呢到係大過上次果到架~~
hoho又再之放棄唔跑~~佢話打波整親隻腳, 痛...咁放過佢啦~~佢坐埋一邊睇住我跑~~
跟住轉過頭...佢走去同d人打籃球~~唔係話腳痛架咩~~=.="
今日我好勁呀~~雖然個場大左, 但我跑左6.5個圈呀!!!勁!!

10月13日 星期一
今日放工...同阿肥一齊去左返學~~之前同佢一齊o係vtc報左個職業英語會話~
19:00~21:30....好耐好返過學啦~~返之前有d期待架~~
我地揀左中楷~~諗住應該深d啦~~點知....上左第一堂覺得好似好淺下~~
呢2個半鐘過得好痛苦~~成日望住個鐘, 望下幾時夠鐘放學~~
個心又去左遊魂...o係咁諗返起以前返學既日子~~haha^^

10月15日 星期三
又到左我好鍾意既星期三, 跳舞日啦~~^^
今堂shelly無上...但多左karrie陪我~~
呀......呢日既事...我已經記載左~~haha^^

10月20號  星期一
今日要返學架~~老細無啦啦請食下午茶~~ha~~諗住唔洗餓住返學~~
點知突然好忙...6點9先走得~~去到都7點9啦~~再加上我既每月一唔舒服~~
我同阿肥決定逃學~~haha~~^^
同埋我地未做功課~~所以最後決定唔返~~壞學生!!
阿肥話~~鬼咩, 星期一返學, 打後幾日都返工咁忙, 邊會記得做丫~~講得岩呀~~讚成^^
(o係到畀藉口自己)

琴日我整左個香蕉蛋糕呀~~^^
聽日再詳細講下個製作過程~~我係亂黎架~~
不過好彩出到黎都好好味~~

今日...學校果到打黎, 問我做咩唔返學~~我話公司多野做行唔開~~
佢就話, 唔緊要啦~~之後記得上返啦~~因為出席8成先會有張cert. 架......
我估唔到佢地會咁認真去處理d唔返學既壞學生姐~~
呢個course只係幾百元...唔返, 佢地同我都唔會有咩蝕底~~
果然認真呀~~好!!我會盡量乖乖地去完成呢個course架啦~~~

今日我又去跳舞啦~~今日得我自己一個去跳~~
shelly唔知咩事...突然請左成個星期假~
早知琴日同karrie去跳啦~~><
今堂...miss真係教左d容易既舞步~~
自己可以完全跟足晒黎跳呀~~好有成功感~~haha~~^^
(我過去既2堂都係跳下甩下跳下甩下咁架)

今日公司食蛋糕~~係10月既生日會~~
teresa同simon生日....又有我至愛既tomato既士多啤梨蛋糕~~^^
d相未過落部腦~~夜啦~~我要做豬啦~~聽日先post返上黎啦~~^^