呢日我又好早起左身...因為又要化身整餅女郎~ha
今日aunite生日....上年生日無整cake畀佢...攪到佢話我嘥$買野畀佢, 唔整cake~
所以今年無論如何都要整返畀佢~~haha
由於每年佢都好大攪, 宴請好多朋友上黎食野~~o係屋企整西餐+叫pizza &買sushi, 魚生......
所以我決定整2個蛋糕畀佢~~怕唔夠食嘛~~
整左一個豆腐cheese cake, 同埋一個aunite至愛既栗子蛋糕~
由11點幾整到7點幾先過去~~
中途仲要發現無左甜忌廉~~無cream整唔到栗子蛋糕~~
我又唔想用淡忌廉...因為唔同味, 同埋無咁硬正, 好易溶~~
於是...就叫hoho車我出去旺角買~原本想去最近既apm...但人地無開門~
跟住由於我用果個頭盔成日跌落地...攪到面罩甩甩地....今日左邊仲成塊撓左出黎~
回程我要用隻手接住佢~~單手扶住hoho~~
去到九龍城...hoho突然駛入去~~我問佢做咩...佢話同我買返個新頭盔~
但...可能聖誕節...d人都唔開鋪做生意~~只有2-3間...不過d款式都唔ok~
同埋我既暴力一拍...竟然拍返個面罩入去~~但當然唔係整返好~~都需要買過個, 但都勉強用得~ha~^^
所以頭盔就無買到啦~~反而去左食野~~時間係5點幾~~原來我地2個成日都未過野~
因為我忙住整蛋糕~~hoho諗住等我整好再一齊落街食~~
黎到九龍城...我地去左最出名既清真牛肉館~~食牛肉餅~~
好好味呀~~入面好多汁~~食完一件好想食多件~~但又叫左其他野食~~
早知淨係食牛肉餅唔叫其他野啦~~
記得3-4年前我呢過食...果日又好出名....但果時覺得好普通~又唔係想像中咁好食~
今日又再食...發覺真係好好味~~好似小籠包咁有汁"bit"出黎~~
呢刻先發現...3-4年前去果間應該係假既~~!!!
因為我地行過都見到有好多叫自己做清真牛肉館....又什麼北京清真牛肉館.....
就係因為d冒牌貨令我誤會左正宗既牛肉餅, 咁多年都無再去食~~
依家好回味呀~~hoho, 我地幾時再去食呀??

之後6點幾返到屋企繼續整蛋糕~~
(出左去既2個幾鐘好似放假咁~又有好野食~~haha)
大致都整好架啦~~只係欠整d cream落個栗子蛋糕到~~
最後攪到7點半先起身過去~~我地怕要人等, 所以hoho話不如揸車~~
原本擔心2個蛋糕放唔入佢個尾箱~~點知都放到~
同埋...我真正需要擔心既應該係個蛋糕會唔會走樣~~
開左車先知到"奶"野.....好"dun"~~入到大老山隧道仲更加~!!!
點解路政處唔鋪返平d架???
到達目的地....拎個蛋糕出黎....果然係散晒~~唉~
攪到個蛋糕咁樣拎畀aunite好失禮呀~~
但佢一d都無介意~仲好自豪地同拎住佢d朋友講~
"靚唔靚呀個蛋糕~我個準新抱整架~係咪好靚呀?"
原本係好靚既...但佢地玩完過山車, 攪到毀左容呢.....

由於個凍餅有塊透明膠帶圍邊, 所以佢毀得唔係太嚴重~可以執得返~
但個栗子蛋糕就慘d~~d cream塌晒...士多啤梨都跌晒落黎得返2粒坐定定~~
我事後將佢地放返上個蛋糕架咋~~
 
呢個故事教訓我地, 拎住蛋糕呢d易碎既物品千萬唔好懶型坐電單車~~

呢日雖然唔洗返工…但我都好早起左身~~^^
4朵金花今晚又可以見面…我地去打邊爐~~^^
由於我已經糧尾…又唔知買咩聖誕禮物畀大家~~
所以決定親自整d cookies同香蕉蛋糕畀佢地~^^
ling ling同姑姐黎左~~ling ling仲幫我手一齊整~~thx ar~~^^
11點開始整cookies~~朱古力粒粒cookies~~好味~


跟住整到3點幾先開始整香蕉蛋糕~~karen特別要求想食~
個蛋糕焗好一出爐, 我同ling ling已經急不及待將佢切左黎食~
放左落口先醒起未同佢影相~~ha~~>w<

7點…hoho揸左佢個frd架車過黎~~三菱, 勁型!!!
hoho話畀我揸出去~~我既興奮又緊張~~先去沙田市中心接karen & winnie~
一上車處理好晒d鏡, 較好張凳…可以行啦~~點知緊張的我唔記得拉手掣….
跟住發現…原來屋企個停車場出口係如此細架~~
我出唔到去囉…仲”look”到左邊既雪糕筒~~ 果刻我呆晒不知所操….仲由得架車行~
之後要停車, 由hoho幫我揸返出去~~
跟住再畀我揸返~~之後出押口要”do”八達通….我架車離得太開, 又唔夠手長, 跟住要個阿姐出黎幫我~
之後又行啦~~可能受到”look”到雪糕筒既打擊, 我好驚…唔敢踩油喎~~
跟住hoho係咁叫我踩油, 唔好咁慢, 唔係後面d車”do”我~~
去到燈位…hoho問我洗唔洗畀返佢揸…其實都驚驚地, 想畀返hoho揸~
但又想自己試下~想克服佢~一支燈既時間…我決定由我揸!!!
由於我係個路痴….好在有hoho不停提點我點行, 我轉唔切線佢又幫我扭軚~haha
過隧道畀$$, 我又太過離開…又要個阿姐伸出半個身出黎拎$$~~
之後hoho仲要同我講....
"你睇下你攪到d車都驚左你, 同你保持幾遠距離~~唔敢埋你身呀~"
得啦~~ 最驚果個係你丫嘛~~
最後都總算平安到達~~^^
之後因為karen同winnie上車….為佢地既安全著想, 我都係交返架車畀hoho~

跟住我地去左沙角既大排檔打邊爐~~野食都幾ok~^^
但d肥牛就真係好肥牛囉….1/3係瘦, 2/3係肥~~
跟住後黎攪到個湯底有成寸厚既油o係面~~我將佢”不”返出黎…用左4個碗先裝得晒~好誇呀~
原本諗住karrie出唔到黎同我地打邊爐…佢放9點, 仲要返赤柱~
原本打算之後搵佢食糖水…(所以先借左架車黎, 方便接送大家出去)
但後黎佢決定入黎同我地打邊爐~~haha~~太好啦~~
其實我地食到咁飽都食唔落糖水架啦~~^^
食到11點幾12點…就散啦~~
karen唔跟車….佢同李生一齊搭車~~我地好擔心佢呀~~
我地就車winnie同karrie返屋企~~
karrie問點解唔係我揸, 我話頭先揸左啦~仲攪到hoho好驚~
hoho即刻答咀話~更係驚啦~
karrie問咩事…hoho就一五一十咁講晒我揸車既經過畀karrie知…
跟住仲要扮我揸到架車左搖右擺……夠啦~

之後hoho同我講….叫我揸返幾堂金牌路路通練返手車~~
仲要話…最多佢畀$$$.....
問佢…乜真係好差咩我~~佢即答 ”係”…
唉~~灰爆

今晚, 大家對李生既感覺都唔係幾好~~
佢好古怪呀~~d行為同浩文一模一樣~~
叫佢幫我地4個影合照...佢就癲左咁係咁影~~我地都未ready佢就影~
事後karen話我知, 佢同karen講, 想影底我地最真既一面~
因為正面相幾時都影到~好普通~~所以同我地影d咁特別既相~~
但我想講呢....我地4個好難得先可以聚首一堂架~~
所以影相對我地黎講係好珍貴既機會黎架~~
好擔心karen會變成第2個karrie呀~~
亦希望karen既愛意真係可以改變佢啦~~
我知我地點講, 個傻妹都唔會聽得入耳~~愛情係盲目架嘛~~haha
只期望佢會好好對karen...唔好玩玩下!!!

聖誕當然唔少得聖誕卡啦~~我親手整左d卡畀姐妹們~~^^
卡面既4個公仔係我地4個既Q版樣~haha~~^^
仲埋入面每人有一個野獸蝴蝶結~~人人唔同~~
 

最後仲買左呢條咁sexy既底底畀大家~每人一條~
其實係一個袋~~
人地就4個人一條心...我地就一條底褲4分著~~haha
size唔岩無得換呀!!


karen亦帶黎佢遊完日本北海道返黎既手信畀我地~^^
好開心呀~~多謝你呀~baby!!!

轉返首歌應下節先~~haha~~
聖誕就到啦~~今年我無佈置屋企呀~~><"
忙結婚d野, 都唔得閒整...到星期日得閒, 但又諗2個星期後又要拆返佢換新年野啦~好似好無謂~
ha~~最後就無佈置啦~~^^"
期待25號4朵金花飯聚~~^^26號auntie生日會~~
24號唔想出街呀~~唔想出去同人迫啦~~年年都係咁, 好無聊呀~~

祝願所有"韻壤"緊既愛情, 都可以o係呢個咁浪漫既佳節裡面開花結果啦~~^^

放工大夫陪我去鑽石山買戲飛~佢有嘉禾vip卡平d~~^^
我同hoho去睇荒失失奇兵2~~~^^
睇7:50pm...勁好笑~~係1既續集~~未睇1既朋友門好睇完1再去睇2...咁會好笑d~~^^
我覺得好笑過1~~haha~~^^

我2點幾去買飛...跟住同大夫諗住去揀聖誕party既交換禮物~~
我地去左一間野...我睇中左一樣野...點知大夫話佢要買...咁我讓畀佢先啦~
因為我地o係公司講好出旺角買野再順便睇~~
點知....佢買完, 佢個frd打黎...跟住佢就掉低我走左~~佢個frd過左黎接佢...=.="無奈~
呢個frd好似係男仔~~大夫呢排成日同佢傾電話~o係公司, 仲要好大聲~~
但呢個人唔係大夫男朋友黎喎~~不過佢地傾到好似d男女朋友咁~~
每日都傾over3次電話~~每次行過佢身邊都總係聽到佢講電話~~
佢前排成個人好down咁, 好唔開心, 問佢咩事又唔講....
但最近開始同呢個男既講電話, 佢又好開心咁喎~~
我地班人估緊佢之前係咪同本來既男朋友散左, 所以果排唔開心~~
之前仲聽佢講話要結婚~~但當我開始籌備婚禮既時候, 佢就無晒聲氣, 我地就估佢係咪畀人飛左~
跟住佢地就話大夫係咪受到打擊, 所以見仔就上呀~~
唉~~唔知佢咩事呢~~問佢又成日話無事~~
希望佢真係無事啦~

今日去新天地揀相呀~~^^未出發先勁興奮~~^^
約左7點半....hoho揸車接埋我一齊去~^^
去到我去toliet....路過攝影區見到阿文同阿勤~~佢地竟然仲認得我~haha~~
跟住返去睇相啦~~先睇第一個清純白紗look~~d相好靚呀~~>w<
一路睇, 我地要一路拎走d唔靚既~~
原本諗住只係要package裡面包既野, 最多加多10零20張~
而kitty果到諗住要20張就算~唔做油畫, 相簿, 唔做UV, 等等.........
但...美色當前, 人真係會失去常理~~
就係咁.....我地要晒所有揀左靚既相~~連埋kitty果d, total有198張~
晒每張要2百幾蚊....就係咁....我地就掉左4字頭既五位數字畀新天地啦~~
夠晒我地2個人去日本10天豪華團!!!!
都幾肉痛架~~>"< 我地都考慮左好耐先決定要~~
同埋, 問過唔晒相只要電腦檔個價錢都差唔多~~
要少d, 個價都都唔平得去邊...平得幾千蚊~~
因為佢話一大批做既話個價會平d~~
而且一世人一次, 青春過左就無架啦~~
開心快樂既回憶無左就無左, 但錢可以再搵返架嘛~!!!
所以最後決定要晒佢~!!!!人生總要豪一次~~haha
佢都好好~~送左好多野畀我地~~
原本呢五位數字既價錢只係可以買返d相既電腦檔~~唔包曬相~
但佢就做晒相簿畀我地~~仲加晒UV~~油畫框又畀我地任揀(原本包好雞果d)
又將個擺酒用既提名冊加大畀我地~~又送一幅kitty油晝~~又有好多2R相~~
就係咁....我地就有3本婚紗相簿~3本kitty婚紗相簿~~(原本得1本)
仲要有d係upgrade左做大相簿~~^^

或者依家會覺得好傻, 好唔值得~~
但我相信過多10年, 20年, 到時睇返d相, 一定會慶幸自己當初要晒佢地~~
留一個美好既回憶畀將來既自己....係值得架~~^^

4月16號就有得拎啦~~
不過唔洗我地去拎餐死~~(一本相簿仲重過本字典)
可能我地多啦, 同埋個數都咁大...佢有免費送貨服務畀我地~~^^good呀!!
好期待4月既來臨呀~~^^

**下次去影, 我地可以搵返阿文同阿勤~~^^free左個指定攝影師$500畀我地~^^
同埋可以簽多套衫畀我地~~hoho話要著中式~~haha
原來果日同我化妝既joey係形象顧問黎架~~好多明星搵佢架~~
搵佢化一次妝要收成2千幾蚊~~~我果日真係執到囉~~~^^

今日o係sales姐姐面前, hoho話結婚果日佢會著唐裝~~!!!
佢之前死口都話唔著架嘛~~我著掛佢都係著禮服~~
今日竟然話, 人一世物一世, 橫掂都係囉~~就豪出去玩下囉~~~
啦~~~~~我記住架!!你話著架~~唔好到時又唔認數呀~~

今日最後一日返學~~~考試啦~~ORAL~~
之前諗緊返唔返去考好...但最後我都係選擇做一個負責任既人, 要好頭好尾~haha
即使唔識, 都總算參與過丫~fail左又唔會扣你分, 囉到張cert又代表d咩~
我地8點先返到學校~~等左一陣就到我地考啦~~
一直好擔心自己會抽中最唔識, 最驚既shipping arrangement & payment term呢條~~
一路求神拜佛希望唔好抽呢條畀我~~
但始終....是福不是禍 , 是禍擋不過~~我真係抽中呢條.........OMG!!!
之前有諗過, 如果抽中呢條既話, 不如同佢講, 我唔係呢個department既人, 唔係好清楚呢d野, 我再搵相關既同事幫你啦~~haha~~
但....唔知會唔會畀阿sir鬧死~~兼即刻fail我~
最後...我絞盡腦汁, 總算嘔到d野出黎講~~

下~~~~夜晚晚仲有茶飲??
但竟然真係有囉~~o係學校附近的~~真係食酒樓既蒸點心~~haha
不過間野既客人全部都係上左年紀既叔叔伯伯~~haha~~^^
但好得別囉~~第一次咁夜仲有點心食~~haha^^

今個晚上去了我們的婚宴場地 - 明星海鮮舫試菜~~^^
順道與hoho婆婆呢邊做節食飯~~冬至~

個場真係幾靚~又大~齋o係出面睇都已經好grand啦~~^^
好快地....aunite就落左訂book了~~^^
果日仲有另一對新人...佢地book左3樓~~我地就2樓~~
我上綱睇d人話3樓靚d~~但其實發現裡面都係一樣~只係3樓一出lip有個黃帝殿可以畀人影相而已~
我地over20圍~~包晒全場豪華椅套~~仲有西式禮堂佈置~~^^
佢送埋喜帖連印刷~~睇過d款好得架~~同出面果d款差唔多~~
好野~~少左一樣野煩~~haha~~^^good!!!
仲有好多野送~~~當中包括埋我最夢寐以求既新天地婚紗攝影套餐~~
wakakaka~~~我地可以再去影過啦~~~可以補影返上次未影既景區~~haha~~開心~^v^
hoho一見到婚紗攝影套餐就O晒咀~~佢怕辛苦~~haha~~>w<
但點都好~~你走唔甩架啦~~我地要再去影多次呀~~hahahaha~~~

上回講到影旋轉木馬呢個景啦~~
咁我見佢個web site既明星示範相有玩吹泡泡影, 覺得好靚~~
跟住唔知點解我又咁醒, 諗住佢唔會包泡泡畀我地玩~所以就去買左一支~~^^
先坐上木馬影左幾張先~~跟住就開始玩吹泡泡啦~~
咁我買果個泡泡有2支管喎~~為左營造更多泡泡既效果~阿文話畀支阿勤幫手吹~~
咁d管有一支係最普通果個樣啦, 另一支係喇叭樣~~咁畀左支喇叭阿勤用啦~~
好啦~~1,2,3準備一齊吹啦喎~~點知一吹, 支喇叭竟然真係吹得出聲~~
haha~~~笑死我地...跟住又吸引左其他攝影師過黎幫手舉反光板同圍觀~~haha
原本一個攝影師+一個助手跟我地, 點知影呢part野攪到有成4-5個工作人員過黎幫手~~
haha~~真係好服侍啦~~
大家o係到笑左好耐, 都玩左好耐先影完呢個景~~haha^^
由於阿勤要向上吹d泡泡出黎, 攪到d肥皂泡倒流入口~~真係唔好意思啦~~>w<
跟住阿文仲幫阿勤改左個花名, 叫佢做小喇叭~~haha~~
後黎傾傾下計發現, 原來阿勤真係識吹真正既小喇叭架~~勁呀!!

之後去影水池景啦~~除鞋玩踢水~~
未除鞋之前好興奮~一除左, 放隻腳落水就"奶"野啦~~
d水凍到呢~~~>﹏< 只係幾秒, 隻腳就已經無晒知覺~~haha
先影我solo...阿文係咁影....係咁叫佢快d~~haha
跟住等hoho過黎, 我隻腳就先上水等佢, 到阿文ready影, 我先再放返隻腳落水~~haha

玩完水又換衫啦~~開始向kitty景區進發~~
先換上白色婚紗~~我套dream wedding dress~~^^
hoho亦變身成為白馬王子~~好鍾意佢呢個look~~^^佢套禮服都有kitty架~~haha
好grand咁坐o係kitty鋼琴影相~~好鍾意呢張~~^^
我帶黎既kitty公仔亦出場同我影啦~~^^
有結婚公仔一對啦, 一隻charmmy kitty, 一隻扮熊貓kitty, 一隻和服kitty~
扮熊貓kitty同和服kitty果張我盡量都想要返~~因為熊貓等於hoho~~
而和服kitty就係hoho送畀我既第一隻公仔~~
影到咁上下又去轉髮型啦~~會展join, 送多個造型畀我~~^^
影完又換衫轉look啦~~^^跟住著黃色kitty晚裝~~
呢條裙個cutting好靚~~阿勤見到我都話我好靚~~haha~~

之後換埋最後一套衫啦~藍色晚裝~~hoho亦換左銀色禮服~~
呢個時候已經天黑啦~~我地就只可以影室內景~~
影左好耐~~個人都開始倦啦~~笑容亦無晒電, 開始敷衍地笑~~
終於...o係8點幾拍攝完畢~~!!! 11:00-20:xx~~*o*

唔開心呀~~無去影大榕樹果個景, 同埋我最想影既訓草地look~><
(依家希望book酒樓果到會送新天地攝影禮卷啦, 咁就可以再影多次, 補返呢d景~~haha~>w<)
不過都影得好開心~~要多謝新天地既各個工作人員~~化妝, 攝影, 助手.........
多謝你地既細心, 體貼服務~~^^
值得一讚既係...佢地好體貼, 成日問我怕唔怕凍, 要唔要披肩~又成日問我地食唔食野, 飲唔飲水~~
如果有人要影結婚相...我一定會推介新天地畀佢地~~haha^^

佢地d效率都幾快~~今個星期四(11號)就有相睇啦~~可以去揀相~~
原本book左時間6點半....但諗諗下怕hoho趕唔切過黎, 所以就改左下星期二(16號)7點半~~^^
好期待呀~~~好想快d睇呀~~^^

影完之後....卲ell我地買相, $198 1 set 2款, 4張, 2R連過膠~~但相由佢地揀~
心急既我地更係要啦~~haha~~^^
佢可以畀我揀一張係kitty景區影既相~~^^
kitty景區d相, 晒一張都要$138架~~
影kitty景區唔包相架~~即係到時要畀$$晒~~實會大出血啦~~
原本畀左張唔多靚既kitty相我地, 我唔鍾意, 就叫佢轉過另一張~~
佢地都好好人呀~~肯轉畀我~^^(之前話明無得揀架嘛)
最後...攪到9點幾先走~~~
我地成日都無食過野...影完既呢一刻, 我地先食帶去既三文治~~
之後hoho話想食kfc~~見影完相, 就陪佢癲一次啦~~haha

星期一返學...放學有hoho黎接我~~^^返左咁耐, 今日第一次黎接我~~haha^^好開心~
之後我地去左食煲仔飯~~haha~~^^
大家一影完影就放縱啦~~~10點幾我竟然仲去食飯~~

但下不為例啦~~我要keep住瘦呀~~唔可以因為瘦左少少就暴飲暴食~!!!
10個月後~我就要再次著起婚紗, 步入註冊處成為劉太, 走向人生另一個階段啦~~

7-12-08

呢日要去新天地影相啦~~^^
之前講好影相前一星期要早d訓...但點知都係攪到晚晚12點幾先訓~=.="
影相前一日勁忙呀~放工1點即走~有好多野要買~
新娘絲襪, 碎粉撲, hoho既背心底衫, 黑&白襪, 吹泡泡.........
夜晚仲要去hoho嘛嘛果邊食飯~
本來諗住下午整好d指甲, 夜晚可以早d訓啦~~
點知, 買野都買左我幾個鐘, 返去沖完涼就出去食飯啦~~
食完飯10點絕先返到屋企~~跟住執行裝, 敷mask, 整指甲....攪到1點幾先訓~
仲要訓唔著, 太興奮&緊張啦~~>w<
但都要迫自己快d訓, 因為好驚第2朝d皮膚殘晒難上妝, 怕對熊貓眼冚唔住~
但好好彩~~第2朝起身無事~~皮膚靚靚~~^^
約左11點化妝set頭.....但我地10點半先落去食早餐~~
hoho囉~~叫左佢拆對kitty結婚公仔出黎又唔拆, 話成盒拎佢~傻既咩~已經拎咁多野~
對kitty公仔係阿肥送畀我地既結婚禮物~~^^星期六先帶佢地返屋企~
咁我就執下呢樣執下果樣, 攪到10點半先行得~~
跟住我用左9秒9食左個大快活早餐~~食完硬住晒~~
之後我地要搭的士去呀~~~因為記得佢話遲到15分鐘就要再約過影~~
好在...11點2就已經到左~~^^
開始換衫化妝set頭~~
同我化妝既係joey, 攝影師阿文同助手阿勤~~^^
先著婚紗~~^^個妝都化左好耐~~跟住set頭, joey話我有把長長秀髮, 不如影一part長髮look啦~唔好嘥左佢~^^
set左個好清純既頭畀我~~自己都好鍾意~~hee~~^^
joey好nice, 問我想點化, 又好細心~~^^化完叫我放鬆d唔洗緊張, 一陣當玩就得架啦~
我攪掂出去搵hoho啦...見佢仲化緊妝, 就坐埋一邊等佢啦~~
跟住阿勤畀張list我睇, 話有咩景唔鍾意我地就唔去影~~
我一路睇, 一路得hoho過黎啦~~跟住見佢化好妝啦, 自己攪堅個頭, 我由鏡到見到佢好似有同我有眼神接觸~~
諗住佢見到我, 會走埋黎啦~~點知佢整完自己坐埋左o係另一邊~~
我用張list係咁fing佢, 但佢都睇唔到~~我又無理由大叫架嘛~~話晒著得咁靚靚, 點都要keep住斯文~~
我想行埋佢到, 但著住婚紗真係寸步難行~
正當我想起身既時候, 阿勤就入左黎幫我啦~~佢幫我叫返hoho過黎~~haha
點呀??係我化左妝著得靚左你認我唔到丫, 定係唔知我出左黎呀??

開始影相啦~~頭幾張真係好緊張~~d表情好硬~
阿文問我地叫咩名...方便溝通, 咁我話ho同sakura啦~
佢就好攪鬼咁話...櫻桃小丸子果個sakura~?
跟住叫叫下....佢話...不如我叫你做小丸子啦~~ 我: 無所謂啦~~
就係咁....佢就成日都叫左我做小丸子~
小丸子個頭底d, 小丸子笑啦, 小丸子望住老公啦, 小丸子個頭側向老公啦.........
從此...我又多左個花名啦~~~=.=
阿文同阿勤都好nice, 又細心...我d頭髮吹"咩"左佢又會幫我整返好~
hoho件衫"咩"左又會整好先影~就連個妝甩左少少都叫人黎同我地補返~~
又好細心教我地擺pose...做唔到, 佢又會過黎幫我地~~^^
d化妝姐姐都係呀~~個個都好nice~~
影到咁上下我要入去換衫轉造型~~joey行開左, 其他人又會幫我換衫~~
到joey返黎, 又好細心問我要唔要飲水, 餓唔餓, 洗唔洗食野~~
第2個造型係粉紅色晚裝+曲髮~~仲以為佢係夾d假髮落黎....
但原來係即刻同我電曲佢~~又整左好耐~~hoho喺出面發左毛~~haha~
跟住我地影旋轉木馬啦~~除左kitty景區, 呢個係我至愛~~^^
我帶黎既吹泡泡有得玩啦~~~
當中發生左d好攪笑既野~~haha~~

聽日再繼續~~依家好眼訓~~~