由於嫲嫲畀人捉左去飲茶, 要晏d先返~所以今日又係我煮飯啦~~haha
今日hoho唔洗返工, 佢陪我去買餸~~餸菜亦係佢提議既~~
琴晚我既5餸1湯令到爺爺大跌眼鏡~~
佢無諗過我可以整到咁多菜式出黎~同埋好好味~~haha~~^^
仲有daddy...佢以為個湯係媽咪煲落架~~
咩喎...你地竟然咁睇我....我只係唔煮姐~~一煮我都可以整得好好食架~~


原本想整豉汁豆腐蒸帶子~~嘩~唔買都唔知貴, 原來媽咪買果d急凍帶子要成$180幾蚊盒架~
由於資金有限, 所以改左買平平地既新鮮扇貝~~


蒜蓉蒸扇貝-粉絲底
第一次整, 都ok啦~~個扇貝好得~~不過下面d粉絲就.......乾到乜咁~
低b既我以為d扇貝會有汁留落去~所以我將d粉絲浸完瀝乾晒d水先放上碟~
點知蒸完之後...扇貝係就係有汁, 但得好少...下面就變左乾蒸粉絲~~


咸蛋蒸肉餅
又係第一次整...放左2隻咸蛋, 仲驚會好咸....但出到黎岩岩好~~好好味呀~~d肉又蒸到岩岩好~唔鞋~~^^
可能我今日買既唔係平時果d黑媽媽既咸蛋~~所以無咁咸~
我買左鹽水咸蛋, 個阿姐推介我買~~係一個密封透明膠袋裝住d鹽水, 入面有隻白白淨既蛋~


叉燒炒蛋
呢個之前都有整...但次次都攪到d蛋老晒~~
今日原本可以整到滑蛋架~~點知我個低能婆先落蛋, 跟住先醒起d叉燒未炒返熱~
所以眼白白見住d滑蛋變成老蛋~~


涼拌豆腐粒
又係用雲南辣椒醬整既~~我諗karen一定都會愛上佢~~haha


日式洋蔥金菇肥牛
琴日仲有d肥牛同金菇未炒晒....今日加埋琴日用淨既洋蔥落去再炒~~^^
琴日唔記得落洋蔥炒~~因為原本諗住整香煎金菇肥牛卷嘛~但因時間關係轉左炒~


蠔油生菜
haha~~d菜好青綠呀~~^^

今日爺爺讚左我3,4次~~hee~~我會繼續努力再整d新菜式畀你地食~~
今日餐飯唔係整左好耐咋喎~~中間時間我仲有得去玩nds~~haha^^

是日甜品有杧果布丁~~hoho要求整既~

hoho...我煮既飯菜食咪好好食呢~~
不如我唔洗去搵野做啦~~我做你背後既女人, 日日煮飯畀你食啦~~

呢日原本約左karen同winnie出去食飯~
但點知嫲嫲要去屯門覆診~~我就要留在家煮飯畀爺爺同daddy食~
跟住就叫埋karen同winnie上黎一齊食~~^^仲有hoho同阿妹~
我第一次親自下廚整飯菜畀朋友食~~有d緊張~hee
我仲要佢地做左我既白老鼠~~haha~~因為有d餸我係未試過煮架~~
不過應該都食得人既~~唔會肚痛掛~~
最近o係綱上見到d食譜, 覺得d餸菜好吸引~好想整~但又無乜機會~
因為平時係嫲嫲負責買餸, 佢一早就落去, 我都未起身, 都叫唔到佢幫我買野~
再者...佢會覺得我唔識煮餸, 會一直企o係我隔離指指點點~我唔鍾意咁呀~所以就好少整中菜~
今日難得有機會...我終於都可以玩下美女廚房啦~~haha
11點半落去買餸~~之後就一直整到夜晚~~有5餸1湯仲有甜品~haha


粟米肉丸蒸玉子豆腐
我既新嘗試~~賣相好good呀~~^^不過d肉丸醃既時候紹酒落得多左d~


豉椒炒雞球
亦係我既新嘗試~~豆豉落得多左d~所以賣相唔多得~~好黑~~
同埋d野我切得太細件...雞我用左雞脾...但因為我唔夠力兼且揮刀亂斬, 攪到d雞好碎~


日式金菇肥牛
呢個係我既拿手小菜~~佢成為左大家既搶手貨~~
所謂既日式, 其實只係炒既時候加左d日本冷麵汁落去炒~~但真係好好味~~佢地好match~^^


涼拌四季豆
用左雲南帶黎既辣椒醬同媽咪秘製既酸辣椒黎整既~~
有d辣, 但好好味~~越食越上癮~~karen愛上左佢~~haha
食淨既小小畀karen帶走做lunch~~
佢個傻妹又無出聲, 我又唔記得佢要帶飯~~食完先講, 點知已經無晒餸...佢只係裝左d飯同湯榨, 同埋呢d豆~
話炒d金菇肥牛畀佢佢又話唔洗~~要佢食湯榨真係有d唔好意思啦~~><

仲有個炒白菜芯無影佢相~~haha

是日靚湯係合掌瓜紅蘿蔔粟米豬骨湯~~唔記得同佢影相~~
阿妹落左2匙鹽, 我覺得咸左d~~無晒d清甜既感覺~~但karen話ok~阿妹仲話唔夠咸...=o="你個咸蟲丫~

是日甜品係木槺蛋糕, 由於唔記得落蛋糕圍邊帶落個模到...到起佢出黎既時候攪到佢有d毀容~所以無影相~
好耐無食啦~~~味道so good!!!^^ 阿妹打包左半個走~~haha~~

今日餐飯我用左半日完成~~=o="
真係覺得媽咪好勁~~大時大節親戚黎食飯起碼有10幾個餸, 但佢只係用3-4個鍾就可以攪掂~
時間控制方面~睇黎我要再努力啦~~



飯後唔知點解覺得手腳酸痛~~左手仲痛到郁唔到咁~~煮飯姐~~唔係嘛~~
可能琴日跳完舞, 連跳2個鍾, 再加上今日係咁做, 所以倦啦~

早排o係yahoo blog到見到有人整葱油餅~見到已經想食~
一直想試下整...但又懶死落街買葱~~同埋, 我唔知個麵團要點整, 整幾杰?
今日...媽咪搓麵整包子...我就向佢徵收左d麵團黎整啦~~
一早搓好d麵團等佢發下...我就同佢落去黃大仙拜神~~之後陪佢去街市, 順便買葱~~^^
今日我要整既唔係一塊塊既葱油餅~~而係一個個既車輪葱油餅~~


先將麵團搓左一條野, 壓扁佢...放d葱上去~~(我鍾意多葱~放多d好味d~^^)
跟住夾好d葱...整成一條圓筒~~再將佢卷成一個圓形既包包~~就可以放落鑊到煎架啦~


煎出黎幾靚~金黃色好吸引呀~~
好好味呀~~皮脆內軟~
初初仲擔心d涵會好咸~~因為我亂咁落, 落完鹽又落豉油~~
但好在個包包係淡既無落鹽~~所以食落就岩岩好啦~~^^


岩岩興致勃勃咁影底左我既製成品(圖三)send左個mms畀hoho話佢知我整左葱油餅~
跟住佢個死野, send返畀我既回復係...."入面係咪有C架"
...................=___________=" 死野丫

雖然同hoho既婚禮已經籌備得7788~~
不過我想講, 佢一直都未正式向我求婚架~!!!
我已經期待左接近一年~(由佢提議結婚開始)
每逢大時大節, 我都會幻想佢會唔會向我求婚呢~~但次次都獲空~
不過嚴格黎講, 佢又唔係真係未向我求詔婚既~~
都有大約5次掛~~有時無啦啦同我講~"嫁畀我啦", 又時就節日送禮物時講~
但次次都畀我拒絕左~因為我話~"又無花又無介指, 誠意未夠"
同埋佢次次都笑笑口咁~我都唔知佢講真定講假既~~

今日係結婚前既最後一個以情侶身份過既情人節~
我既幻想當然又出現啦~~haha
今日hoho唔知點解唔洗返工...10點幾起身洗面換衫~
我問佢去邊佢答到口質質咁...一時又話去東, 轉過頭再問佢, 佢又話去西~
仲話唔帶我出去, 又話驚畀人換晒~
跟住又話肚餓係落去食早餐~我話食早餐做咩唔預埋我~最後先同我一齊出去~
我feel到佢實有d野...所以無問佢我地去邊, 只有乖乖咁坐上車由佢揸去邊~
先去到深水埗...佢買左d車既用品...之後就話落旺角食野......
落到去又話想食日本野, 又話想食韓燒....跟住又無啦啦行左去"好景"果邊~
見到2樓有韓燒, 以為佢已經決定左要食韓b~~諗住上電梯啦~
點知佢無啦啦停左o係地下既花店, 問佢做咩, 佢就拎左張單出黎畀人....
佢琴日又話d花貴左好多, 所以今年唔買花~~我仲話ok無所謂~~
點知佢扼左我~~都有d suprise~~

又係我至愛既粉紅色鬱金香~~^^

之後就上去食韓b啦~~
跟住行左陣街, 買左件牛牛造型夾衣畀珊珊(表哥個bb)~之後就返屋企啦~

返到屋企我要求hoho幫我同花花合照~~
佢就話要去toliet, 叫我化住妝先~
咁我化啦...化完行返埋去hoho到...佢突然跪地, 拎住扎花畀我叫我嫁畀佢~
果時我唔知點解又係咁笑~可能覺得佢求期啦~~又以為佢玩野~
佢係咁問我好無, 我只係笑唔理佢...突然佢從褲袋拎左個介指盒出黎~
佢打開...好耀眼的鑽石介指呀~~

我果刻畀佢嚇呆左~~好感動呀~眼有淚光~
想喊咁...但又心諗岩岩化好妝, 唔可以整甩佢架~所以忍住左~
佢又再問我我應唔應承~~雖然無d咩"畀我照顧你一世"呀之類既感人說話~
但我都係畀佢既超級誠意打動左啦~~應承左佢~



後記**
我都係覺得呢個求婚行動唔夠浪漫呀!!!
其實可以好好改善架~
例如, 佢可以同我上左去韓b到坐底先, 之後借去toliet名義落去拎花上黎~
跟住就乘機當場求婚~~雖然果到唔係d咩5星級餐廳~但我都覺得ok浪漫架~^^
或許hoho想保持佢一向低調既作風吧~~

**佢個傻瓜, 原本咪打算唔畀我跟佢出黎既~佢本來想自己拎左扎花再返黎屋企畀我....
又係咁呀...你上年已經係咁啦喎~~
我覺得幾百銀既花, 唔拎住佢遊街示眾一番會無左個價值~~
你拎到返屋企畀我or叫花店送黎屋企畀我既話, 咁不如唔好買~~haha

hoho點都唔肯話我知隻介指買左幾錢~~
問佢係咪同婚紗相既價錢差唔多~佢只係話買完有d肉痛~~
我見到, 佢係八心八箭黎架~~而且又咁閃耀~
相信一定價值不菲~~
hoho你咁錫我~~我一定會好好對待你~我會乖~盡量唔再多多要求啦~

金融海嘯既影響之下, 早在3-4個月前開始, 好多公司都面臨倒閉, 裁員.....
本以為我地公司一直好好地~~因為咁耐以黎都絛聽過話會有d咩變動~~
點知, 就o係過年前就開始裁員...仲要每日裁一個~
我就咁不幸地被裁了~~1月21日~唉~~仲要即日走~
知道果刻真係有d呆滯...而身邊既同事們都好唔開心~
我lunch都無食就走啦~~臨走時...大夫可能唔捨得我啦~~佢喊左~
見佢喊...我又忍唔住一齊眼濕濕......
而咁多個當中我見到最唔開心最down既人係阿肥.....
阿肥同tommy飯都唔食送我出去~~有2位美男送, 好感動~
跟住我地去左飲野...叫阿肥食d野, 但佢話無胃口食...而tommy亦只係食左件多士~
我同tommy見到阿肥眼有淚光...令我有點受寵若驚~
細問之下, 發現原來佢係因為呢排一時之間發生左好多唔開心既野,
屋企佢daddy身體有事, 又同女朋友嘈交, 依家再加上我既事~~所以就好down~
阿肥放工打畀我話我知...lunch之後我阿姐走左入魚魚房同佢講數, 問佢做咩炒我~
話仲有好多人差過我又唔炒~~佢仲話要發動簽名抗議......
雖然同事們做d咩都改變唔到個結果~
但果刻聽到佢地為我所做既, 我好感動~~原來有咁多人咁錫我~~^^

1月23日約左同事們lunch去飲茶~係之前一早約好既私人團年飯~
阿肥明顯地好down...呢幾日佢一直因為我離開既事耿耿於懷~更怪罪於自己~
佢覺得佢無好好睇住我, 幫唔到我, 保護唔到我~~
話如果當初堅持將我收歸佢有(即同佢一team), 今日局面就唔會咁~
又話當初係佢要求公司請人...覺得係佢一手帶我入黎又整走我~
唉....佢個傻瓜~~同佢講左好多次, 件事根本唔關佢事~~
其實入呢間公司做...我根本無諗過會做到咁耐~~因為我既目標根本唔係呢行~
當初之所以會入黎做, 都係因為我半年無做野覺得悶&無$$用~
果時只係諗住搵到我心水既工就會走~~
點知做下做下, 因為同班同事建立左友好關係, 唔捨得佢地, 所以先會keep住做~

不過o係呢個時勢先黎玩裁員...真係有d無奈.....
但亦要多謝呢間公司既呢個機會令我學識好多野~亦識左一班好朋友~
今次雖然無左份工, 但卻贏盡民心~~

今天聽到一篇有趣又浪漫的新聞.....
年紀分別為6歲和7歲的一對小情侶, 於除夕夜共謀從德國北部城市漢諾威私奔~~~
他們計畫前往非洲, 決定在這氣候溫暖的地方結為連理~~
他們雖然人仔細細, 但竟然想到帶著小女孩的5歲妹妹一同前行, 要妹妹擔任結婚見證人~~
2009年第一道曙光劃破天空後, 三人便開始執行計畫, 執拾旅行必需品~~
隨行物品包括太陽眼鏡, 泳衣泳褲, 一張充氣床, 夏季服裝和糧食.......haha~攪笑
三人的雙方家人一同慶祝除夕, 之後趁父母熟睡後, 從家中悄悄偷走......
步行約一公里抵達車站, 搭電車至中央車站~~
三人等待搭列車前往機場時, 引起警衛注意, 隨即通報警察~
兩名員警趕到後試圖說服小情侶, 說他們身上錢不夠, 也沒有機票, 很難飛往非洲~~
結果當然是去不成啦~~警方通知了家人前來接回他們~
但事後小男孩竟笑笑口對傳媒說..
"這次的計劃被識破了, 下一次我會計劃得更好, 我喜歡她, 一定會跟她結婚"
這對小情侶真的很可愛~~haha 人細鬼大~
比起大人們更懂浪漫~~
不過他們年紀還小, 不知長大了後還會心愛著對方嗎?

好姐妹~~你今天告知我的事....真的被你的行動嚇死了~~
想不到你會如此快就跟他渡過了一夜~幸而你還安全無缺~~^^
但你要答應我們, 必須要好好保護自己~我不想在未來的2個月內聽到另一個驚喜呀~^^
我知你好理智的~但畢竟你都是初嘗~~真令人擔心呀~~
無論日後事情發展如何, 我們都會一直在你身邊支持你的~~
加油呀~!!!

 
這是我今天的lunch~~手掌般大小~
突然間好想食蛋糕~~自己整怕來不及, 怕整完已不想食~
所以去了光顧聖安娜, 買了這個朱古力慕絲~
首先其賣相已不錯了…味都亦好好~~好rich的朱古力味~~
食完覺得好幸福~~haha^^
自從吃不到心太軟之後, 我好似迷上了朱古力~

今天是2008年的最後一日...
我心血來潮send了一個新年快樂的msg到他的msn…
跟他已沒聯絡2年了...每天都見到大家上msn…但就是不談話~
雖然對他已沒有了什麼感覺~但心裡總覺得有條剌...
大概是我不想我的人生裡出現一個仇人吧~
原以為他只會send回我一個祝福或不理會我~
但出乎意料地...跟他又變回從前友好般的關係...大家開始閒話家常~^^
謝謝你的出現, 令我更懂得去珍惜眼前人~~
亦祝福你也早日成家立室~幸福快樂!!

這個除夕, 我選擇了跟我的好友一同歡度~~去看舞台劇 - 萬千師奶賀台慶
詹瑞文扮起女人的確為肖為妙, 比女人更似女人~~
不過我覺得這次不太好笑~~可能是因為他多數扮演電視劇<珠光寶氣>內的角色吧~~
由於我少看這套劇(其實都沒怎看過), 所以都不清楚他在扮什麼~~
身邊的人都在笑, 但我卻不知笑什麼...真失禮~~
之後又扮倪震周慧敏...有點三級, 不過好好笑~~詹瑞文好抵死~
看到11點多就散場了....原以為他會跟我們一起倒數12點~~
但可能場地問題啦...他沒有等到12點...但卻在11點40左右跟我地倒數~
還認真地整了個倒數器出來~~還有煙花效果~~haha
他說~~雖然現在未到12點~但我們亦可以照樣倒數, 不需等別人千篇一律的做~~我們自己做吧!

我們喜歡什麼時候開始我們的新一頁就什麼時候倒數~~因這人生是自己的嘛~~不用理會他人~~
就是這樣~~我們大家就一起興奮地倒數起來~~氣氛的確好好~~^^

之後我要趕入大尾篤會合hoho~~他們去了bbq呀~~
本以為我能趕得切入去跟他們一起倒數.......結果當然不能啦~~
12點正, 我剛到大埔火車站~~但hoho的車還未到~

就是這樣...我的最後一個以少女身份過的除夕夜卻要自己一個在火車上渡過.....無奈的=.=
(ha~之前阿肥跟我說, 這年是你以少女身份過的最後一個聖誕, 要好好珍惜呀)

Ha~想不到我的除夕竟會如此特別~~
之後hoho都沒有再回去bbq~因為1點要散場~他有點怪責我令他不能跟朋友們倒數...
然後我們回到河畔...hoho陪我去了食甜品~~^^

 
這個拿破崙千層酥, 還以為會用上我至愛我士多啤梨~(正常做法嘛)
結果來了卻一粒士多啤梨都沒有, 變了是雜果~
火龍果, 密瓜, 西瓜, 木瓜….有點失望~
本來想食心太軟的…但已售罄~


hoho的火焰雪山味道也不錯呢~~

幸好有詹瑞文的一句說話......
"我們喜歡什麼時候開始我們的新一頁就什麼時候倒數~~不用理會他人~~"
我才沒有因為不能跟hoho倒數而緊緊於懷~~
而且真正屬於我們的新一頁將於10月16日開始~~^^現在我們就一起為這天倒數吧~~

這個晚上食過晚飯後...皇兄打黎提議出去影相~~
跟住一行4人(我, hoho, 皇兄, 阿傑)就揸車黎到西九龍海濱長廊~~
呢到近住圓坊...大家都未黎過呢到~~個個都唔識路~跟住要睇地圖先入到去~~
(搵日要黎圓坊呢個商場行下先~~睇下戲都好~但d野多數唔岩我買, 因為佢走高尚路線, 名店居多~)
我覺得果到既路牌指示唔夠清晰~~無路牌指示邊條路可以入去長廊~
我地轉左入去一條寫住收費隧道既路...都幾驚唔知去左邊, 仲要無其他車行~
後黎先發現有另一架車由後面上黎...跟住我地就搵到點入去啦~~

呢到d景色真係唔錯~~夜晚黎拍拖就最岩不過~~haha
應該會睇到煙花~~我地話新年不如黎呢到睇煙花~~唔洗出尖咀同人迫~~
好主義呀!!!


佢地似唔係o係個欄入面果d馬呢?? 我影完第一個感覺就覺得佢地好似o係馬欄~
伸個頭出黎, 等緊人黎餵佢地食野呀~~haha~~


我地既自拍合照~~用左部機咁岩都唔識用呢個10秒後拍攝既功能添~~低b~
左邊呢張好似影緊4代同堂合家歡咁~~大家都坐得好直~~好攪笑~
都係右邊呢張自然d, 靚d~~ha~~^^