期待已久既婚紗相, 今日3點9終於都送到黎屋企啦~^^
開門一見到, 即刻........嘩~~~~~
洗唔洗咁多袋呀?仲要袋袋都咁大袋~~
由送貨既哥哥手上接過其中一袋, 都已經覺得好重~
真係難以想像佢一個人點樣拎呢5袋野黎架~~佩服佩服~

一直以為自己好似係有5本相簿~~~點知今日睇極都仲有~~
發現原來有7本咁多......覺得自己有d變態.....
total有7本相簿, 一幅大油畫, 一幅細kitty油畫, 2幅大坐枱相架, 2幅細坐枱相架, 一個提名冊, 一個kitty証書, 2隻CD-R~
點解當初會接受佢送咁多相架呢?都唔知擺o係邊~~
仲要家下間房7國咁亂(越執越亂既)...唯有將佢地原封不動收好先~~
之前諗住放晒d相簿入個kitty儲物箱到~測驗結果係...只係放到3本.....
其他果d因為面積太大根本放唔入~~(我唔記得本本相簿都會有個盒裝住~=.=)
唯有執執個衣櫃安置佢都啦~~~