距離我們的大日子, 還有1星期....
心情極度緊張+興奮...
有說, 新娘子會在婚禮前不自覺地瘦了~原來是真的~
最近忙著為婚禮的各樣小事作最後衝刺~完全忙了要食飯, 連餓的感覺都沒有~
我的體重由原本的108磅, 下跌至98磅...=0="

還有一星期, 我尚未完成的還有....
枱號卡, 坐位表未篇排, 上頭睡衣未買, 裙掛頭飾未confirm用鮮花還是什麼~玩新郎要用之用具~

已順利完成的有......
回禮小禮物之後期加工~~掛上小小感謝卡~^^
我發覺這感謝卡其實可以用作做書籤~~haha^^
萬分感謝查查表妹與我一起diy感謝卡, 謝謝karrie, karen前來幫我剪絲帶, 謝謝karrie, 查查表妹幫我將感謝卡綁上265個小禮物上~
如果沒有你們我幫忙, 我自己一個整, 一定會整到痴線叫救命~
再一次衷心感謝你們的幫忙~~^^



我的花球終於完成了~~^^
謝謝karrie陪我去深水埗尋找絲帶~
很喜歡這個絲帶的組合...選用了淺黃色闊身絲帶加閃紗帶~~
跟花球的顏色十分配合~~^^

先對各位姊妹說句對不起~
因為此花球不會用作拋花球用~~因為我還有一揖婚紗相未影~我要留下備用的~
sorry~~
不過放心, 當然會有拋花球環節啦~~而拋的花球就會用之前的婚紗相所用的那個粉紅色花球~

今日表妹過黎食飯~我又繼續做cooking mama~
我買左好多餸~~機乎係海鮮宴~~ha~
琴日未飲完既羅宋湯, 今日再加d材料落去再煲過~^^
攪到8點零先開得飯~~haha^^"


有我至愛既川味欖菜肉鬆四季豆~


扮酒樓既翡翠蝦仁帶子~加左魷魚~
maybe我落左黑胡椒粉, 個汁唔白~><


家常既乾椒炒白菜芯


蒜溶蒸聖子~粉絲底


鼓汁蒸蒼魚~

除左果碟疑似翡翠蝦仁帶子外, 其他碟碟清~~仲以為條魚會無人食~
仲畀嫲嫲欽點左我中秋節果晚下廚宴客~~

呢日嫲嫲去左屯門, 我又唔洗返學, 所以晚餐又由我負責啦~~hee~
得4條友食, 諗唔到食咩~所以求其整左~~

意式香草鮮茄肉丸


又係椒絲腐乳炒通菜
 

鼓汁帶子蒸玉子豆腐

仲買左牛尾, 紅蘿蔔, 青椒, 洋蔥, 西芹, 蕃茄黎煲左羅宋湯~
好味好味~~

一生人一次既過大禮日子今日來臨啦~^^
都幾期待呢日~覺得會好好玩~~
但事實原來都唔好玩既~~佢地來去衝衝咁~~
我鄧佢地辛苦呀~~陰公~~真係可以講話~"攞黎托"架~

根據傳統習俗...未來奶奶話佢同hoho都唔可以蒲頭~所以搵左另外3個人上黎~
有hoho阿姨, hoho細佬同隔離屋個師奶~
(我未來奶奶都幾傳統, 阿妹笑我話~如果你同佢住, 佢可能要你喺屋企著旗袍架)
好在我婚後唔係同佢住~~haha
佢地一行3個人, 每人拎住3-4袋野上黎~~辛苦晒!!!
有8盒嫁女餅, 2盒龍鳳餅, 2大袋海味, 2個果籃, 同埋一d上頭&結婚當日要用既野~
以下係分左一半既大合照~


點解我會話係"攞黎托"?? 因為佢地過黎坐左一陣就要拎返一半野返去~
其實應該仲有4隻雞, 2條魚, 豬, 酒.....不過依家買唔到新鮮雞, 所以用左利是黎代替~
仲有果對椰子~~聽聞入面係乾架, 都唔食得, 所以又無買, 用利是代替~
邊個古人諗埋呢d野黎玩架?? 佢唔覺得好辛苦架咩?
古代d人應該會成隻豬成隻牛咁拖埋去送畀人~



呢盒就係嫁女餅啦~~一盒已經畀家人消滅左啦~~我都未試...
一盒畀左表妹~仲有2盒未來奶奶話要留黎上頭果陣拎出黎拜神用喎~


仲有呢個龍鳳餅~都係上頭用既~~唔知係咪月餅味架呢~~

不過我發現左個好大既問題......
我睇過d餅, 有d 9月尾到期, 有d 10月頭到期, 連龍鳳餅都係, 無一樣係過10號架~
我15號先上頭, 咁即係過晒期啦~~咁點拜神呀??
之前叫左阿奶奶唔洗換餅過黎, 畀張餅卡我地就算~佢又唔聽人講~依家咁點收科呢~??
佢叫我放入雪櫃先, 唔怕喎~到時照拎出黎拜神, 我地唔食佢就得啦~~
下...........咁都得架咩?? 拜過神既野唔係應該要食左佢架咩?
同埋, 你拎d過期既野出黎品神, 好似唔係咁好喎............

原來仲有28日就係我大婚既日子啦~~
由籌備到最後倒數一個月...一年既時間咁快就過左~~
心情開始緊張~~(希望唔會係婚前恐懼症啦~)
接住落黎既呢一個月, 相信將會好忙~~
要去final fitting, 訂紅酒, 拎小禮物, 兄弟姊妹團聚餐, 整埋個花球......
今日終於都打好晒d帖既名啦~~~
星期日過埋大禮之後, 我就可能開始發放炸彈啦~~hee
各位準備接招啦~~~

 


post個靚靚介指枕上黎先~~^^
因為有羽毛筆~唔想用hello kitty咁唔match~想搵 grand d既款~~
最後畀我喺金都搵到呢個水晶蝴蝶介指枕~~
第一眼已經好鍾意佢啦~~
 


再介紹下我地既婚介先~~
放喺介指枕覺得佢平平無奇~
不過...當佢地2個走埋一齊合體~就會變個心心出黎架啦~~

失蹤左成個月~畀winnie話我無野update上黎~haha
其實係因為8月10號已經開左學, 日日忙住返學, 同埋玩facebook~
所以無咩時間上黎寫野~haha^^"
今朝訓大左, 趕唔切返去~最後決定逃學~haha^^

岩岩完成左試驗~無溫書, 成績中上~攪到miss對我地跌眼鏡~
黎緊既考試~我一定會畀心機溫書~我要pass呢個crouse~我要拎到證書!!!

婚禮仲有一個多月就舉行啦~~
心情越來越興奮同緊張~>w<
考完試之後就要麻煩姊妹們黎我屋企幫我將小禮物掛卡整上禮物到~
今個月20號就係過大禮既日子~~
唔知會點既呢~~好興奮好期待呀~~haha^^
未來奶奶一直堅持要去奇華租個過大禮既禮盒黎裝住d野過黎~
(個盒係only一個吉盒~租金$800幾蚊, 用完要還返)
我地一路同佢講唔洗~但佢一直堅持~話咁先大體喎~~=.="
最後我出動媽咪同佢講...佢好似收左手喎~~
同埋, 星期日同佢去左新城市果間shop, 人地已經租晒, 要自己check其他分店有冇~
佢原本叫我打去check, 但經過媽咪同佢傾完之後, 佢好似無左件事~~

winnie叫我post張姊妹裙既相上黎畀佢睇~~
點呀??隻色ok嗎?winnie?

嘻嘻~~靚靚既花花簽名筆終於都研製成功!!!
整左2支金色, 2支銀色~~


筆蓋既閃石痴到我鬥雞眼~~@.@
用左2mm既閃石圍住蓋邊~~一粒一粒咁痴上去架~


到時會咁樣插喺個酒杯到~~好靚呀~~>w<

 
高處俯瞰落去~好似盤花既景品咁~~haha

4支夠唔夠呢...洗唔洗再整多2支呢??

婚期即將迫近~~
婚禮上既各項大事總算安排晒~~^^
結婚介指買左~
租衫confirmed!! 9月尾再去final fitting~
化妝, 星期4再去試~
租車同當日攝影都confirmed!! 成長片段既相搵好, 歌都搵好~下星期拎去整~

囍帖今日單拖出去拎~~早知等埋hoho先一齊去啦~~
我低估左d帖既重量....=.="
以為180張好少...可以放得落我個袋到~~亦帶定個環保袋~~
點知去到先知奶野.....佢勁大舊~又勁重~都放唔落我個袋~連環保袋都放唔落~~
千辛萬苦咁終於台左佢返黎屋企~~
又幾靚架喎~~酒樓送既都拍得住出去印果d~^^


餅卡ready~~西餅用美心~~唐餅用奇華~^^
亦"唱"左$2000鶴頂紅入落囍帖用~


依家要將呢d貼紙介好~~用作囍帖封口~~^^


missing既仲有....
敬茶用既茶壺未買~要再買d大利是封~派畀酒樓職員用~
佈置用既囍字要再買多幾個~
最重要既介指枕, 仲未搵到心水既款式呀!!!>o<

枱號卡已design好~~要買墨同卡紙print佢出黎~
小禮物9月頭去拎~~禮物掛卡未整~~
仲有自己個花球未整~~

下星期就開學啦~~可會無咩時間整~~
呢幾日我要加倍努力整得幾多得幾多~!!!

接住落黎, 我要開始做包裝女工~~入利是, 入餅卡, print囍帖封面既人名.....

終於都的起心肝去睇aaron既殺人犯~~
之前覺得好恐怖~~唔多想去睇~~但為左睇aaron~~~我決定學鄭中基~~
越驚既野就越要去克服!!!
一開場就已經係血淋淋場面~~一路睇就一路係咁出血淋淋恐怖野~~
驚到我要用爆谷遮住自己既視線~~好彩無飛d爆谷出去姐~~haha

睇完個結局真係令人O咀...=O=
個殺人犯竟然係佢個仔!!!
好有興趣知道呢個世界上係咪真係有<不老症>呢樣野.....