今日hoho放假要去做物理治療~~本來諗住陪佢去~跟住行下街架嘛~
點知佢話唔洗陪...做完佢約左frd拎野喎.....
跟住我就畀媽咪差遣~去運蛋(混蛋)~haha
佢整左d茶葉蛋, 叫我拎出去旺角, 阿妹office畀佢~
1點幾同我講~我就攤屍到4點先出去~~haha
點解會咁晏?因為我諗緊出去旺角有咩做呢?
自已一個行街又太無聊~~蛋糕材料...又唔洗買丫~~
終於, karrie打畀我問野...知佢得閒~~再加上佢之前講過想去買短褲~就捉左佢陪我行下啦~haha
出旺角前, 我要落去街市幫嫲嫲買洋蔥同雞蛋~~
路過美心...畀我見到傳說中既魔鬼蛋糕呀!!!!!
即刻打畀karrie問佢今晚得唔得閒上黎食飯~跟住就2話不說買左一個返屋企啦~haha
用恆生卡仲有9折添呀~~>w<

 


睇下佢魔鬼既流線形身材, 幾咁誘惑~~


因為屋企人唔多愛朱古力蛋糕~~為免食唔晒放喺雪櫃吸味~~
所以我切左2件外賣畀阿妹~~haha



佢係由白雪雪既天使變為朱古力色既魔鬼~~~
朱古力特別採用70%法國Valrhona~~食落朱古力味比一般更濃更滑~
朱古力唔甜, 更有苦得黎甘既感覺~~食得出佢食用左上等朱古力~
蛋糕一如天使蛋糕般超鬆軟~~超正!!!
比起食黑森林更加好食!!! 喜愛朱古力既朋友仔, 不能不試!!!