好~~~寫返我既迪士尼遊記之嚇人米奇~~~
5月10號果日同honey踏上奇妙之旅~~去左disneyland玩~~~^^
食過lunch就搭地鐵入去啦~~因為我想坐<迪士尼線>~
2點半就去到lu~~原本想去埋迪欣湖行~~但要行15分鐘先到~~
由於唔想錯過3點半既巡遊~~所以決定下次先去~~(我地講好下次由我揸車入去~hee~~)
一入到去係咁搵d卡通人物合照~~^^先係可愛既布魯圖~~^^
由於門口位既mickey & minnie太多人排隊等...
我地又見到火車就開...跟住就坐左火車入<明日世界>先~~
過到去~先見到winnie the pooh~又唔係太多人, 就走左去同佢影相~
由於我著左件pooh pooh衫去...阿pooh一見到我就好興奮咁同我攬攬~~^^
跟住同honey一齊影左一張合影之後又捉住我再擺個cuite post再影多張~~^^
又同分開既minnie同mickey影左相~~
仲有marie, 大鼻鋼牙, 白雪公主, 巴斯光年, 史迪仔, 高飛, donald duck同佢女友daisy......
搵唔到跳跳虎呀~~~>"<唔知佢走左去邊~~
之後玩晒佢d刺激既機動遊戲~~^^
果個<space mountian>簡直就等於西九龍中心果個<飛龍過山車>~~
唔同既地方只係, 佢係漆黑一片, 伸手不見五指, 跟住就有d閃閃既燈光, 好似去左外太空咁~
馳車天地都幾好玩~~同honey一人一架車~~如果可以快d, 同埋條路長d就好啦~~~^^
去埋海盜世界玩...時間都差唔多...我地要出返去小鎮大街同mickey, minnie影相~~
依然好多人排隊等佢2個...終於都到我地啦~~
就o係呢個時候, 我畀mickey嚇親~~~
我交左部相機畀工作人員就行埋佢地到...我下意識覺得我要企o係minnie隔離, honey企mickey隔離~
咁我就行埋minnie身邊, minnie亦好friendly咁同我握手~~
就o係呢個時候mickey突然行埋我到, 先係指住我, 我以為佢想同我握手, 就伸隻手埋去~~
點知佢兩隻巨手就包住左我塊面, 摸我塊面~~嚇到我大叫左一聲~~haha~~
我地4個合照完之後mickey又捉住我要影多張~~~
影完都仲未得...跟住佢又同我攬攬~~之後仲用佢個鼻鼻錫左我一啖~~
haha~~~咩事...佢係咪識我架??唔通係我d frd??定係, 佢係頭先扮pooh pooh果個呢~
((如果你係當日果個mickey而依家又睇緊我個blog既話請留個言畀我啦~~^^))
跟住本來想入返去明日世界搵下仲見唔見跳跳虎...仲放煙花時間又就到~~
而且已經有好多人搵定靚位準備睇煙花~~
我地怕去完門日世界返黎無晒靚位~~所以放棄左搵跳跳虎, 搵左個靚位~~
我地行左去最前既位...對正睡公主城堡中間坐地下...
雖然地下可能dirty, 但為左睇煙花就犧牲下啦~~
等左半個鐘...終於放煙花啦~~第3次近距離睇煙花~
今次既煙花係咁多次之中最靚既...亦真係覺得自己置身於童話世界~
原本諗住去photo shop晒返工作人員幫我地o係睡公主城堡前面既合照架~~
但係實在太多人啦~~而且我地仲趕住入機場搵gin佢地食sushi~
最後無晒到張相...有d遺憾...><下次一定要再黎影再晒~~
佢張相唔係普通相...而係加左電腦效果整左隻小仙女o係我地隻手上面~~
之後我地搭的士入去機場...我地低估左佢...仲諗住$50-60就入到去~~點知要$110...
gin同樹熊o係機場既<板前>做...佢地serve我地~~^^
gin仲乘機收左我幾隻碟~~又送左d野食畀我地, 而且d野食係重量級~~^^