其實個地球係咪發生緊d咩呢...點解d時間會過得咁快架???
我呢就日日都咁忙, 做做下野唔經唔覺就會到左7點...=.="
返到屋企連電腦都唔開想...電視劇集我已經無追黎睇~
訓覺既時間...唔洗講, 係絕對唔夠架~!!!呢個星期唔知咩事我係keep住遲到囉~=_____="
唉~~唔得啦~~我已經有好多日既日記無update啦~~
再唔上黎寫返我怕我會唔記得晒~~我個腦既memory有限...就快full啦~

過去幾個星期...我d節目都幾豐富~~
去左歷史博物館睇development of bank, development of hong kong~
再去左行星光大道~aaron個手印終於返黎啦~~^^
去左科學館啦~~一d飯局啦~~................
haha~~都係聽karrie講佢去果d museum去得咁開心~我都忍唔住要去行下~~
讀書果陣去過之後都無踏足過果到~~科學館更加係小學去完就無去過~~
其實呢...我咁大個女都未去過太空館架~~haha~~~下次要去埋呀hoho~~知嘛~
有一個館我係去得最多既~~大家估唔估到呢~~一陣開估~~

最近o係公司計劃緊24號攪個聖誕聯歡會+12月生日會+阿ming farewell~~
仲會有聖誕交換禮物~~mandy都會返黎同我地慶祝~好開心呀~~^^
party會叫到會~~原本諗住叫舊公司食過果間cake1cake, 但唔知點解今年佢無左個set, 得散叫~
最後決定叫大家樂二千幾蚊果個set~~都幾吸引架佢d野食~^^
原本想屈余生埋單~~但都預左要自己畀~~平均每人百零蚊~~
但今日...風回路轉~~陳生, 石生都返晒黎~~跟住無啦啦話個party既費用由石生畀~
都話send出去既mail石生係會睇到架啦~~唔係佢點會知我地24號有party丫~~
個mail係我send出去畀全世界既~~都無send過畀石生~~亦都應該唔知有人同佢講啦~~
haha~~好野~~可以慳返一筆買聖誕禮物畀3朵金花你地~~haha~~^^

至於人人有份永不落空既小禮物我都預備好左啦~~
已經將一部份神不知鬼不覺地運左返公司收埋左啦~~haha~~^^
見到我既朋友們都有份~~haha~~^^


好啦~~開估~~
我去得最多既館就係..............
登登登登凳~~~~~紅館~