今日本來打算帶瑜去買牛仔褲, 不過出去JOIN瑜個時經過見佢無開, 本來打算俾完野瑜就番屋企, 不過瑜又同佢媽咪講左唔番屋企食飯, 咁無理由要佢打番屋企又話食飯...所以就出左去同佢周圍行下,  周圍行來行去, 都係去左鋸扒, 我地去呢間扒房真係溝女一流, 不過睇你溝咩女, 不過瑜都只係要食飽, 我地行左咁多間, 以為呢個係名牌, 有保證啦....

我就要左個西冷, 瑜就要一個海陸空, 即係有蝦, 有牛, 有乳鴿, 瑜仲話食窮我, 個MENU最貴個個都係100元....佢個個貴我50%, 之後我個個黎先...真係覺得佢呃錢呃到同搶無分別, 西冷起碼都有1/4寸掛....佢個塊野厚過打邊爐個件少少....唉, 真係搵笨.....之後瑜個個都唔係好得過我個個好多....牛扒比我個個好...不過乳鴿就好像俾人生炸咁, 因為成身都係毛....未除毛....蝦我見到就覺得係死蝦.....呵呵...佢個個餐都無咩好食....呵呵,,,,,等佢貪心....

雖然俾人斬左一舊舊, 同好唔抵, 不過見到瑜個表情都值回票價....等佢話要食窮我....