今日一早做完我應該做既野之後, 之後去左配鎖匙, 周圍行下, 見到好多野都岩瑜, 下次可以帶佢去八下...
 

今日發左左一件好得意的事, 我同新識的同學仔一齊聊天吹水, 佢老婆打電話黎話佢開左架車出黎本來打算接我同學仔, 不過因為早左, 佢去附近行下街, 點知佢番去拎車的時候, 架車唔見左, 所以打黎...不過佢打黎既時候日光日白, 我覺得就算偷車都無理由日光日白呀....問下佢係咩車, 係一個本田, 更加無可能俾人偷啦...唔值錢....之後我地去到現場, 佢老婆喊到隻眼都紅哂.....
 

我有鎖好車的, 點解唔見左, 鎖左車就唔偷得咩, 我地係佢泊車的街行左幾次, 不過都無咩發現, 之後打算去警署報案, 因為你唔見左部車, 無理由叫警察去現場, 無意思...所以我地打算截的士去的時候....
 

行左一條街都無的士, 不過佢同我講過部車的車牌, 我見到好似咁熟口面的....原來佢的車係隔離街, 原來係佢放左係第二條街度....唉, 俾佢攪到心慌慌, 原來唔記得左左右街口...唉...呢D就係無腦女人的經典....