經濟差，大家當然都會比較節儉，但原來有很多商店食肆就打著經濟牌做特價，例如最近的電腦節和美食節等，而我和老公今日就去了享用一個超值特價自助午餐。
這個自助午餐在旺角新世紀帝京酒店二樓花月庭，時間由十二點至兩點半。我地今日去到已經一點幾，因我們只請了半日假。一去到嚇了一跳，全場爆滿，可能有好多學生哥放緊假媽咪帶佢地來。一坐低，我地就立即俾coupon侍應，因為有八折架，大家都可以去網上下載架，我會post條link上來的。折扣仲多過用大新Master Card (15% off)。
我貪靚妹一去到就睇下多唔多野食，擺野食的地方都好大。野飲就任飲。
當然一定要介紹下有乜食啦。頭盤o個D凍蝦、青口，沙律一定有，壽司、魚生都係必有，最好就係即叫即整的手卷，塊紫菜仲脆架。
主菜都有好多選擇，有烤羊扒、燴牛肉、烤鴨胸、烤肉眼扒、日式冷麵，仲有印度脆餅夾咖哩豬，最特別有炒辣蟹(不過肉質麻麻)、天婦羅呢D少見點的食物，我地都覺得佢D雲吞幾正，皮又薄又滑，連叉燒烏冬都好食。仲有健康的菠菜麵。
至於我最愛的甜品，款式唔少，睇下D相就知，而且我好鍾意的朱古力噴泉，居然有黑色，同罕有的白色朱古力。又有好好味的葡撻添呀。
我地食到兩點半度，侍應就叫我地埋單，原價$168，八折後$135，兩個人都係三百蚊，好超值，因為夜晚食的又係呢D，就要三百幾蚊一個人。雖然要節儉，但我貪靚妹有時都想食好D架，如果有D朋友而家有得請半日假，抖下氣見下朋友，可以試下wor，優惠期到四月三十日。
Coupon Link: http://www.openrice.com/coupon/detail.htm?CouponId=776
|
