由於昨晚約了客人在又一城交收,所以順理成章約老公去又一城食飯.

我記得之前同朋友食過EXP,好似幾好味,於是同老公去試多次.上菜速度好快,點菜後5分鐘左右便有得食.

我們一共點了3款食品:

煙鴨胸蟹肉炒飯

呢個飯好好食,份量又足! 蟹肉另外有生菜包住,可以撈落飯到或單食都得.最特別是飯內有荔枝,甜甜地加上鴨胸好夠味,而且煙鴨胸都幾大塊,總之係足量加好味!

另外叫了錫紙焗雜菌,沒有太大驚喜,普普通通啦,.

不過呢個煙三文魚pizza又幾好味,而且擺放得好好睇,pizza底脆卜卜,好好食!

我地食完大約7點半,看一看四周都坐滿人,其實經濟都唔係太差呀~~~