昨晚約了客人在深水埗交收,之後原本要去找紙袋店印公司紙袋,不過交收後已七點幾,都係埋飽個肚先算啦!

去了維記食豬潤面,食完才覺得太大膽了,因現在 有“豬流感”,還去食豬潤面?!仲係碗面一到就馬上食左,忘了影相用大家分享添……

之後行過去松記食糖水,以前每次食都一定要等位,店內總是坐滿人,不過昨晚卻不太多人.松記糖水一向甜品種類多,又不時推出新產品,價錢亦合理.如果過到深水埗多數都會行過去一食的.

今次我們叫了芒果班戟和雜果冰燕.不要以為我去食燕窩,冰燕不是燕窩,是海澡.

不過不論賣相和口感都和燕窩有點相似架! 甜甜涼涼,再配有雜果,好味! 另外冰燕附有一壺小椰奶,可隨個人口味加添.

而芒果班戟是老公常點的甜品,松記的芒果班戟如果和滿記比較,松記份量較多,亦好味點. 十充的餡料,多芒果粒亦多cream,最重要是皮夠滑!

食完甜品後便很滿足地乘小巴回家……….沒有去訂紙袋添……不過其實都唔係好知邊度有紙袋訂製,如果大家知道的,煩請通知小妹,,感激感激!