很痛既一個星期T^T
星期六(大概4:30~5:00左右落場)去左踩冰
久違左三年既第二次阿~~
想當年第一次踩就踩左8粒鐘
個次踩到腳都斷結果就正係識得走直線同埋轉彎(←而且仲未熟..)
結果今次去踩PK左N多次
有次仲P到成個左半身都濕晒T^T
搞到超凍...
不過心口鑿個勇!!
立即繼續上場再踩過!!
差唔多到左6.30就要走人T^T
比某人迫住走
當時原本無諗住落去踩架...
但係原本四個人有兩個落左去,
一個又「淆底」
打死都唔肯落(明明佢識踩架...)
跟住佢又走左去睇人打機
得返我一個唔通唔落咩......
又洗多左35蚊啦T^T
跟住個晚去左千色食飯,
食左個汁燒牛肋骨拉面(地獄豬骨湯底)
姐係辣味既湯底
但係仲未配得上地獄既稱號@@
相比起偶的至愛咖哩文
簡直不值一提!!
要知道我可是自小比辣椒油浸大的-口-
跟住今日一起身隻手痛到老媽子都唔知係邊個....
仲要我12.30拎本《涼宮春日的憂鬱》(小說)出去借比人...
明明出門口之前睇過樓下無人拎遮...
但係落到去竟然落緊雨囉...
雖然唔係好大雨但係都濕晒身...
作為我的命根
我當然優先保護偶的春日了XD
成功地係雨勢之下保護了偶的春日大神了XD
隻手好鬼痛阿T^T
唔打字啦T^T