| «‹ September 2026 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | |
|
2009 年 12 月 29 日 星期二  |
| 2009-12-29 |
分類: 未分類 |
沉醉緊係聖誕假期既人睇E篇更新既時候有以下兩個選擇:
1)直接飛去第2段
2)第1段照睇不誤(以下內容令人反感，嘔心，憤怒，同埋不安~)
1)
再提醒多次:以下內容令人反感，嘔心，憤怒，同埋不安，仲有勾起最唔想諗起既野........
如有以上徵狀者前跳去第2段既唔該，多謝合作~
如有任何意外本人概不負責!!
就係---------------仲有唔夠一個星期要返學啦!!!!!
點算阿!!!!!
仲有一大堆功課，一大堆返來之後既測驗，仲有報告.............
有冇人可以教下我點係一個星期都唔夠既時間入面KO晒E D 野- -
返去之後，新年假之前仲有個考試來緊......
點算點算!!!!
如有解決辦法者-------無酬....................
2)
跟住係時候入正題
首先當然係等左半個月既動漫節啦~~~~
當日滿懷期待咁12.15已經出左門口~
同奸仔同黃記一齊去
大概就12.45左右係台山小宣(CTM附近)落左車~
行去關閘附近坐發財車
1點就到左=.=
去到威尼斯人個金光會展展覽中心門口
見到得個幾丁友係到等開門入場
於是手癢癢的我同奸仔又開始玩GVGNP
越玩越唔對路..
抽機抽來抽去都係元祖高達D Friend=.=
唔知係邊部既請玩一次GVGNP=.=
越打輸越多
跟住玩得興起既時候向後一望
只能用神龍見首不見尾來形容-.-
條龍長到見唔到龍尾-.-
好彩早左成半粒鐘去排隊=.=
跟住又開始繼續作戰,
但打打下又覺得唔對路.
打左咁耐都未入得場?
睇睇個電話
原來已經兩點正=.=
喂喂!搞什麼飛機!
我係為左睇張飛寫住1.30有個下川美娜迷你演唱會我先來的!
E+都成2點了
咁姐係取消左啦=.=
跟住終於入得場
再一次見識到澳門COSPLAY既水平..
不過都有D係OK既,
如下↓
 
睇到我地三丁友都O晒咀
由於佢遲左開門所以1.30個演唱會順延左去5.00
於是我地又繼續週圍走
天啊!
我係其中一個攤位到見到竟然有好多「綾物」!!
首先第一眼見到既係一個超大SIZE月曆!!
不過180蚊同埋太大型驚買到返屋企會比老媽子等人以異樣眼光對待所以無買.......
跟住向下睇..
天啊!x2
竟然有小綾子既
「neophilia」↓
「MonStar」↓
同埋「Super Driver」↓單曲CD!!!
不過80蚊一隻而且前兩首我早就聽到識唱(唔好叫我唱，正係識唱個音....)所以無買=.=
入到去個陣我眼前一亮
天啊!x3
我見到小綾子暑假左右出既寫真集「Girlfriend」初回特典限定版(有張相係入面)!!!!
不過價錢都係最貴既一樣......
三舊水!!!!!!!
在下E個「半宅」實在買唔起....
前兩樣都係「買得起但唔買」
E一樣真係「買唔起但係想買」.........
於是我返去佢個「平野墊」論壇到問下D人
原來原本個價450蚊仲要係HKD........
傷心野唔講咁多..
越講越傷心.....
跟住就一直等到5點左右諗住等到佢個演唱會開波.
但係等到5.10都唔見有人上台.
跟住一個係後台做既FD過來話原來下川MM覺得會場個音響唔掂所以唔想唱......
於是敗興而歸....
原本我地諗住個晚去睇阿凡達~
所以我地走個陣去左大會堂買飛.
但由於太遲去買既關係無晒位...
真係一個位都無晒=.=
於是順延至第二日..
第二日同上年學勸補習既人去,
原本影左好多相
但係佢地本人意願話唔可以放佢地D相上來所以過程全部略過=.=
當晚又諗住去睇阿凡達
因為尋日買唔到飛...
但係去到莫講話靚位.
連個一般位置都無晒=.=
得返第一排最左同最右..
由於唔想條頸一晚報廢所以又收左皮=.=
---------------------------------------------------------------跟住係唔知有咩用既分割線------------------------------------
第三日原本由於要出街食飯,
所以原本都諗住再收多日皮先出去睇movie
但係我諗住7點鐘開始,
咁8.30都食得7788啦
於是戲飛照買不誤~~
點知買左飛.
到左夜晚先知大失預算
8點先開始食=.=
其實還好
都仲有時間食埋隻燒乳豬先走
8.30去左坐車
條街橫風橫雨.
又凍到抽筋=.=
但係到趕到去大會堂仲有時間買杯comebuy =v=
9點開場
睇完出來都11.30
兩個半鐘剛剛好=.=
跟住去左個「可以坐得耐又唔唔怕凍既地方」坐低食宵夜~
至於個陣「可以坐得耐又唔唔怕凍既地方」係邊到...
自己估下.
1) 11.30都仲開緊
2) 唔怕凍
3) 坐得耐
4) 永遠都咁多人
5) 近大會堂
答案睇來都呼之欲出
所以我都係唔開估啦=.=
---------------------------------------------------------------跟住係唔知有咩用既分割線------------------------------------
聖誕假話咁快就過左一半又少少
又係時候要面對d功課同test
不過依照涼宮第二季，漫無止境的八月最後一集阿虛表達既:
功課一定要係假期最後一日趕出來先係王道!
依照E句金句,
我都係決定泰山崩於前而色不變
最後一日先做功課....
最後附送「粉蛋二人組」既相一張.....
XDDDDDDDDDDDD
以上!!!
|
| 2009 年 12 月 10 日 星期四 |
| 2009-12-10 |
分類: 未分類 |
好耐都無更新啦~~
不知不覺已經變左做月刊啦~
成個月都有唔少事既,
不過就只担點啦~
不過因為已經過左成個月,
所以據體日期已經唔記得晒囉~~~
見諒見諒~~
首先係11月中既全校旅行
目的地係廣州科技城
當初我地收到張通告個陣
由個地點名已經知道嗰到唔方會係好野.....
結果......NND,
由小學旅行到咁大個仔都未試有一次會旅行到想搵個地方訓一覺多過週圍行...
當日我地7.25已經去到關閘個到集隊
跟住接近8點左右上車出發
去到都成10點
開始肚餓於是搵飯食
個到得一個內設既飯堂.
附近方圓十里無一間飯店/餐廳
得5種餸
我地去到個陣得幾十個人係到
包括一D阿SIR
佢地5個人剛好叫晒5種飯來食.
我地一睇到就已經無晒與趣....
於是我地就索性去左展覽太空科技個一個區到,
搵左個地方幾個人坐係到食餅乾....(個到係某個時段好似係介紹太空人係太空倉個陣既生活既= =)
原本係得幾個人,
唔知點解D人來下又多個來下又多個,
跟住變左好似食堂咁.
成班人坐係到開餐,
跟住開餐既開餐,
有人訓覺既訓覺
好似就來死咁.
真係好羨慕D高三同學去馬來西亞旅行......
結果1點已經集隊搭車返澳門...
返到去先發覺.............................................
原來我包「萬里脆花生」仲未開封!!!!
-----------------------------------------------------我是無意義的分割線--------------------------------------------------
跟住就係旅行之後無幾耐既星期六既歌唱比賽
原本我只不過係一個小小既場務
負責守下樓梯口,
叫D觀眾係表演者表演個陣靜D之類
但係開始個陣我竟然變左做控制室負責轉歌個個人- -
件事係係正式開始前既星期四採排個陣
我地同班既場務係到傾緊崗位個陣,
MISS IP叫我地搵個SMART BOY(←的確係咁叫...無誤)出來,
幫佢去佢個位到拎部NOTEBOOK比佢
點知成班無良心竟然叫我去拎- -
於是不明就裏地點左出去拎野
拎到返來比佢之後
又開始傾崗位了
跟住MISS IP竟然又叫我地搵一個SMART BOY(←的確又係咁叫...無誤)出來去控制室
結果可想而知....
佢地點左我去....
於是我就變左做只係負責轉歌既控制室人員- -
不過感覺都唔錯
雖然到左正式開始前一個小時既最後採排
表演嘉賓先拎佢表演用既歌來
雖然因為唔知點轉首歌做卡啦OK模式
驚到時表演個陣把人聲出埋來而出左一身冷汗(最後都係係開SHOW前5分鐘搞掂左...)
雖然比個MC玩死....
雖然中途有一個表演者剛好唱完
但首歌仲有一小後音樂未完個陣我唔小心掂到個制停鬼左差D比人鬧.........
雖然比班衰人出賣左....
好多個雖然,
但係整體來講都好唔錯,
下一次既聯校歌唱比賽會係2月搞(學生會既人講既.......)
如果可以的話我都想做多次控制室既人員,
因為好好玩
係一次唔錯既經驗
不過希望如果仲有下次機會唔好再出錯(例如唔小心掂到暫停個制之類)就好啦囧
-----------------------------------------------------又係我尼條無意義的分割線--------------------------------------------------
另外11月18日小綾子既新專輯Speed Star終於都出左*v*
高興~~~
身為粉絲既我當然第一時間---------------DL左啦((((身為粉絲點解唔係買架!吼!
遺憾既係我最期待既「涼宮春日的消失篇」竟然要等到2月先出!!!!
主題曲仲要係茅原MM唱!!
雖然對茅原MM既歌大愛!
但係話晒涼宮都係團長既主場
有咩理由係長門醬唱架T^T
-----------------------------------------------------無意義的分割線再一次粉墨登場--------------------------------------------------
成個月無更新,
依照慣例一段長時間無更新都係會一大堆說話= =
原本每一次無論大更定小更都係無咩自信會打出一堆野
但到最後都係會長篇大論
以上 |
| 2009 年 10 月 26 日 星期一 |
| 2009-10-26 |
分類: 未分類 |
E兩日無無聊聊的
心情又不錯的說
於是又來UP第二次
最近日日都係到玩電腦
似乎已經將中測週E件事忘記晒*v* (((喂喂
咁樣呢
最近係到不斷咁DL D ONLINE GAME來玩
包括LUNA ,夢之航道,夢之歷險,etc...
差唔多10隻左右啦
但係都無一隻睇得上眼
但係終於比我搵到隻叫神諭之戰既ONLINE GAME
一睇佢個檔案大小..
俺O咀了囧
6G大小@@
抱住對垃圾ONLINE GAME失望既心情,
我DL左落來玩
結果我發現E隻GAME最大既樂趣不外乎係可以玩雙 職同埋....
可以開大團隊打王XDDDD
例如咁:
自己數下左邊個隊有幾多人係到打同一個王= =
真TMD壯觀*v*
PS,頭像下面個D紅色框框就係隊員XDDD |
| 2009 年 10 月 25 日 星期日 |
| 2009-10-25 |
分類: 未分類 |
兩個星期無更又打左一大堆野- -
請務必睇晒佢XDDDD
呃..
上兩個星期只能以測驗死亡週來形容.
點解呢?
因為上兩個星期,
如果計埋改左期個科中默,
一共有九科test要測- -
中文大測,中默,ORAL,Grammer(←好似串錯,已經神智不清了),解幾,代數(突擊測晒上次測驗個D範圍),地理,經濟,會計,
諗得出既科全部齊晒(P.E. 音樂除外)
溫得一科又溫唔到第二科
結果係中測,解幾,代數,經濟都炒晒- -
除左科中默改左上個星期先默,
會計同地理都係剛剛好合格
已經唔知點形容好
估計個個星期係為左提升我地心臟對「不合格」既承受力
不過我估計大半班人已經訓練到對「不合格」E樣野麻目晒
我就係其中一個
虎師父你都係,
唔好扮野,
仲有塔迪星人你都係,
不要裝B!
下個星期又中測週啦,
都唔知科代數,解幾點算
仲要數神出卷
數神D卷連芝娃娃都自歎不如
點算好!!!
好彩都仲有花生E個救生圈係到
所以我同師父都決定星期一重陽連祖先都唔拜,走去拜花生為師....
不過估計存活機會都係渺茫至極
時到10月尾,
又係一年一度既「萬勝(聖)」節,
提到M3節,
點可以少得漁頭既鬼屋
但係可借既係....
竟然無人去T^T
意者CM留名PLS T^T
然後尋日,姐係星期五23號
學校個歌場比賽我都有份~~~~~~~~~~~~~~~~~~~~~~~~~~~~~~~~~~~~做場務XDDDD
話就話做場務,
事實上係以場務之名,
佔領一個特等位去近距離觀賽XDDDD
由頭到尾正係出過去CONTROL ROOM叫佢地支燈唔好時光時暗- -
跟住連續41組參賽者入面
得5~6組真係唱得勁好
其中一個組係唱「過火」
我靠!!
佢把聲同原唱真係99%相似.......
已經不能用筆墨所能形容.
有一組真係超好笑
唱草蜢既「忘情森巴舞」
笑到我抽筋XDDDD
因為佢地真係背晒D舞蹈動作跳晒出來XDDD
真係配服佢地XDDDD
結果全場笑死,
估計分數都唔低
最後第41組唱「決戰二世組」
最正個組,唔係講笑
特別係黃嘉樂RAP個段超正XDDD
真係RAP得超勁XDDDDDDD
E+先知佢唔戴眼鏡個眼神超有殺氣- -
總結全場就係辛苦晒D評判:可琳姐,不知名男教師2人組,不知名女老師一名,同埋MC老師XDDDD
因為要係41組入面得5~6組唱得好既情況下選15組出來入決賽係很困難的>3333<
然後今日又去左剪發T^T
不過整體來睇算係唔錯就係啦= = |
| 2009 年 10 月 5 日 星期一 |
| 2009-10-05 |
分類: 未分類 |
每日不外乎係屋企打機
打機
同埋打機
除左返學之外
連一次街都無出過
感覺已經徹底變成一個頹廢既青年啦...
每日上堂唔係訓覺就係魂遊太虛
都唔知自己學左D咩
經濟由開學到E+都未聽過書
會計又唔知佢係到UP咩春
數學一開始都OK明既...
但係D測驗一次比一次難N多
每一次就算温熟晒公式
背到熟晒
又睇晒功課題型
都係唔合格
每一次出得咁難
派到巷返來大半班人唔合格
佢又話:「次次上堂又唔聽書!測驗又話我無講過!」
而事實上,你的確係無講過喎!
次次出親都話係功課基礎上轉下彎都做到.
老實講
我轉你個老MO !!!!
唔只轉唔到,
連個題型都未見過
點X轉阿你老MO !!!
又成日都係到懶有性格發「尸九」(直斥不雅,腦殘自重)我地老脾
想點JA!?
比個YW至有性格老師獎過你好冇?
尋晚7點到今朝都無食過早餐
諗住小息好好地食個早餐啦
點知我SB 3 (直斥不雅,腦殘自重)你個老MO又留「尸九」(直斥不雅,腦殘自重)我地堂,
胃又痛到死
十幾粒鐘咩都無落肚
做神仙吸風飲露飽咩E+!
唉..
越講越火..
都唔知搞咩
老人家偶爾發下牢騷
過路者見諒.... |
1 | 2 | 3 | 4 | 5 | 6 | 7 | »
|
