今日真係值得慶祝
因為終於都齊晒九期小說啦XD  (E+只係出到第九期[)
第十期更加係遙遙無期.........
據說已經拖左兩年都未出到......
首先來張小說大合照XDDDD

跟住係小涼宮同涼宮~~

最後係全家大合照XDDDD

今日朝早先發覺原來毛毛球佢自己有個狗竇....
帶左佢來之後一直都收左係電腦枱下面所以唔覺...
由於佢次次一入佢個狗竇到都會發晒顛咁
係咁咬..
有時仲會咬到發顛係咁吠...
所以免得過都係唔係比佢入去收埋佢XDDD
E幾張相係用野食去利誘佢先肯乖乖地企係到比我影架炸- -

然後...
老媽子前日帶左佢去美容~~
唔知你地睇唔睇得出有咩唔同呢XD

係全身D毛都短左~XDDD

指甲都剪短晒~~XDDDDD

剪左之後D腳腳好似全部肥晒咁- -

E幾日攰到我死死下咁- -
每日行程大概係
6:45手機鬧鐘響
7:15賴床完畢係時候起床
7:35洗完頭洗完面than換衫+執書包
8:00出門口

早上行程大概這樣...
每日都係計到一分鐘不餘...
姐係means日日都趕到我死下死下咁- -

跟住8:12~13返到去學校
跟住都係有得訓既堂就訓
無得訓既堂就元神出竅,魂遊太虛
都過得算係幾寫意- -.....((((?????
每日到10:05打小息鐘就等佢個句
GOOD BYE STUDENTS~~
然後一支箭咁沖落去小食部(我個個課室係距離地下四層樓高= =)
YW小息競爭性極大
遲一分鐘(姐係10:06)落去基本上要排四份之三個小息先輪到你有得買野食.....

跟住重覆頭3堂既行動
就係訓+HEA
到左12.30打鐘就等埋loli控+魚生+某建+子隸有時仲有dada.....同埋有時仲有蕉皮同埋阿黃
一行人聲勢浩蕩咁經正門行中央門口右邊個到去到東京都個到個斜路到散band
散band之後蕉皮係到就同佢一齊行,其他人係繼續直行,我同佢係同路直上
佢唔係到我就自己一個行返去

12:45~1:00通常都返到屋企~
跟住準時開NB,ON MSN ,開81KEY掛機~~~
然後HEA到1:45先出門口~~
有時會咁o岩對面單位個女仔出門口
但係一般連句招呼都唔打- -
因為我唔識佢= =
正係知佢屋企都養左隻狗狗~~

跟住就尾行佢(事實上係同路經西墳去塔石,而我一般放鬆既行路速度又比佢慢少少,所以感覺上係一直尾行佢咁....)
然後每次去到塔石再行多少少
姐係愛都個十字路口佢會向右轉,估計係石坑尾方向
因為佢校服唔係嶺南
p.s.知道佢有可能係咩學校既人可以話我知XDDDD

返到去飯氣攻心,所以又係時候訓一訓,HEA一HEA~~~
4點放學
最遲4:15返到屋企
又係時候打開我既NB.....
繼續打機.....
一般都10:00左右先做功課,姐係E個時間~~
跟住開冷氣
12點關機.
又係時候開始我既夜生活了~~
就係拎張被將自己成個人包住,
再焗住自己拎P仔出來睇動漫(順帶一提E幾晚係睇地獄少女-二籠)
睇到2點訓........
跟住又6:45鬧鐘響....

跟住又重覆以上動作....
咁又完左一日..............

於是我又可恥地打左一篇咁無耐既QOOZA= =
有心機睇晒既比個叻你XDDDDDD
今次係咁先...
阿媽返來了
做功課先~
下次再講啦........
SA 喲啦啦

H1N1終於都來到俺既YW啦....
尋日丙班就有成差唔多10人中左招,
然後成班要隔離一個星期~
然後我地班開始有人密謀呃病假=3=
班上黃某人
尋日鼻水不止.
拎起盒藥個陣驚覺無晒藥,
於是諗住放學個陣去買(本人完全覺得佢100%健康...)
住知中午12.30放學個陣收到風丙班因為多人中招所以決定停課隔離
於是條衰仔索性藥都唔買.....
結果佢今日真係病Q左.
中晝索性學都唔返扮重病=3=
奸計成功既佢係屋企打機打得好快樂
我地就係SCHOOL到測英文測得「好快樂」.....
計埋佢我地班已經有4個人請左病假
只要再多2~3個估計就有機會停課XDDD
各位加油吧XDD
但不要感染到我...
而且我想中都無得中=3=

所以話,
免疫力強有時都係一種悲劇T^T

最近又係到玩DJ(當然唔係街機,俺很窮的)
又同人挑機
跟住又輸得好慘....
然後上網觀摩人地點玩...
以下係人地END OF THE MOONLIGTH(本人最LIKE玩既其中一首歌)既玩法,注意速度

都唔明D人點玩既- -
D速度快到完完全全睇唔到....
我玩開2倍速,佢個個估計起碼有3倍速...
快到咁點睇阿- -
D人既反應同動態視力真強....
我有好多有玩DJ既FD都話我玩得咁慢,D KEY密到咁玩唔到
好似係咁多人之中得我一個異類玩得咁慢咁- -
搞到有些許自卑........

以下係純觀賞版OST

然後係DJMAX TECHNIKA(姐係街機)既HARD版本,
NORMAL版太簡單就唔講了...玩過三次估計連5星都無
E首亦都係我玩DJ半年來輸得最多次既一首歌- -

好煩阿E幾日...
同人節個幾日同人嗌左交
理由唔多講
對象亦不詳
然後尋日,
有D事問佢..
已經好聲好氣架啦...
已經絕對一反我常態
過往我同人嗌左交都一定唔會做第一個同對方開聲既人
(詳請見黃永事件)
諗住佢都唔會係D咁小氣既人
點知一問佢頭一句答:「唔知」,
第二句又答:「唔知」
唔知我有冇FEEL錯囉...
好似佢仲係覺得我錯晒,
而佢係唯一有權擺高姿態既人咁
洗唔洗咁串阿
我都好聲好氣咁問你諗住當無事發生架啦
咁算,
既然你要咁小家子
係都要記住既
咁算囉
我都唔知以後要點對住你
係你冷靜完之前我地唔好見面囉
同我記住
「不承認不代表沒有錯,自以為的為人著想亦不一定是對的」
以上係我講既
我做第一個開聲既人唔代表係我心虛
係我原來一直都了解錯你既氣度有多大

唔講啦!講來都谷鬼氣!

開學左一個星期每日上堂都係hea下hea下咁
都仲係有得訓既堂就訓
FOR EXAMPLE....
修身(比下面個新來既MISS,訓半堂),
中史(E堂一定訓到盡)
ECON(不作解釋,全堂)
MATHS(睇情況,佢心情好可能當睇我唔到,新丁來的)

其他堂都唔係唔訓得既
不過其他科都係教左好多年
唔睇僧面都睇佛面

然後很好很強大地
每個星期四定為ENGLISH TEST DAY....
每個星期五定為中文默書日..........
一開學就咁大禮
睇來俺既前途不大光明......

今年終於得償所願~~
報左風紀
以後份早餐唔洗掌握係人地手中~~
(風紀一般可以早5分鐘落堂去食早餐先,一般我會叫人搭單.....)

然後呢然後呢......
姐係最後呢
毛毛球來左我地E到已經一個星期有多
想當日佢真係好「怕羞」
掂下佢都會縮開
E+每日我地屋企人出完街(留佢係屋企.因為佢個主人唔比我地帶佢出街),
距離門口仲有2M~3M遠
佢已經係到吠~~~
一入門口好似顛左咁
週圍跳週圍走~~~
有時仲會走埋我到撒嬌XDDDDDDDD
真係好辛苦呢頭幾日
一直尼係床下底唔肯出來,
驚我地驚到死咁
正係肯埋佢主人身

最後係毛毛球為食照一張XDDDDD
左上白色物體係一直芋頭味雪條XDDDDDDD

上星期連續兩日去左踩單車- -
攰到我....
第一日係同3@T既人去~
第二日係同小宣第六組既人去~
然後結果可想而知...
第三日肌肉酸痛= =
痛到都唔想出街- -

然後又屋企發左一個星期MO= =
直到尋日
準確地說係尋晚~~~
我係房到一如以往地打機個陣
突然走左隻啡色的不明物體入來~~~
之後睇真D
竟然係隻狗狗><
正係到奇怪點解屋企會有狗狗.....
睇真D個樣...
又好似前排我見到我阿哥MSN頭像隻狗狗....
原來真係阿><  XDDDDDDDDDD

原來呢~
之前係佢同佢GF一齊養既
但係E+拎左返來養XDDDDDD
超可愛XDDDD

以此判斷
佢同佢GF可能散左.
症狀有三

一.拎返來前兩日係佢張床到發現左一束懷疑係退貨既玫瑰...

二.拎返來前一日佢係到傾電話.傾左一陣貌似係到同人嗌交...

三.連隻愛情結晶品(狗)都拎返返來養..........

咁仲唔係散左????
不過算,
人地既感情生活無謂理咁多><
最重要既係..
今日開始又多左個成員啦><

一問之下...
原來佢叫做毛毛球~~(估計係佢GF改既...我叫起上來都毛管動.....)
係一隻貴婦狗來架~
無圖無真相~~
上圖~~